NAKATA 10

ELANGA 1

ENIKVIGHAOTAIT

10.1.1

Kanatap kavamait piyoghaoyot enigahinahoaklotik tahapkoniga pitkohilioktoghanik inuit kavamainot atoklogo Angikatigigotaoyok, talvalo maliklogo enikvighaotigiyait:

(a)

Nunap kaganetonot penagiakaohighanik ehomaghakhioktiolotik ehoaghaiyighamik piyoghat, tatkighiotit siksit naatkaaktilogit angigotaoyop eniktaojotaani, ovalonet hivoani eniktaotaakhimanikat;

(b)

talva hapkoa pitkohilioktighat atikaklotik

(i)

Nunavunmi kanogilivalianighakot elittoghaiyioyoghat katimayit (NIRB-KOT)

(ii)

Nunavunmi Opalonggaiyaknighakot Ehomaghakhioktit (NPC-KOT)

(iii)

Nunavunmi Emalikinikot Katimayit (NWB)

eniktoghaoyot tahapkoa okiok malgok naatkaaktilogik angikatigegotaoyop eni­ gotaani, ovaloni hivoani eniktaogomi.

10.1.2

Kanatap kavamait pihimayilogaloaktilogit omani angikatigegotaoyumi eniktigina­ hoaktilogit pitkohilioktighanik, takologo titikami nalani 10.1.1-mi okaghimayok taimaa, talva Nunatiap Kavamait maligalioginnagiakaktot tahafomoona enik­ tigotaoyoghanik.

ELANGA 2

KANOGINNIGHAIT ATOKTAOLIKNETA

10.2.1

Tamaita ayonggijotigiyait havaaghailo pinahoaktagiyailo tahapkoa titigakhimayomi nalaani 10. 1. 1-mi pitkohilioktioyot pihimaniaktok okaghimayot angikatigegotaoyo­ mi maliganggoklogit eniktaolonilo pitkohilioktioyonit. Ovalotaok aghoo­ gotaovalaagitot pitkohilioktinit maligoakhanggoklogit penagiakakmiyait. Talvalo­ taok maligoakhani, kavamat maligiakaktait titikagakhimayot nalaani 10. 6. 1-mi ovalo 10.7. 1-milo hiogoyaaktaghaogitot.

ELANGA 3

HAVAAGHAINOT ELALIOTIHIMA YOT

10.3.1

Maliganggokhimayot pihimakpata pitkohilioktinot imaa titikami nalaani 10.1.1.-mi elaliotihimaniaktot havaaghanot titigakhimaitoni okonani 11, 12, 13, ovalo 21-mi talva pivaaliotiniaktok ayongginnighainot, aolanighainotlo, pinahoaktainotlo tahapkonoga pitkohilioktinot.

ELANGA 4

HAVAKATIKAKLOTIK KAVAMAKAKVIOYONIK

10.4.1

Maligaliokhimayot pihimainaigiakaktot atologo angikatigegotaoyok imaa titigak­ himayomi nalaani 10.1.1-mi pivaaliotihimayaagani ayonggijohighainot, aolanighainotlo ajikotagiyainot alat katojikatigenot ovalo havaagiyainot nunavutmi nanminiktaagonahoaktomi.

ELANGA 5

TOHAGAKHANGOKLOGIT TOHAKTAGHAT

10.5.1

Pitkohilioktitit tahapkoa pihimayot titigakhimayoni nalaani 10. 1. I -mi okakhimayok naonaigotighanik hakyaighinahoaligaigomik ovalonet pihimaligaigomik inungnut kavamaoyogamik pitjagikhaktoghaoyot maligak maliklogo imaa anggiagiyaoyot tohagakhanggoktailinahoaklogit pihimayoghaoyot taimaa. maligat maliklogik kavamat ehomamingnik penagiakaktot naliat naonaigotighat tohagaghanggogomagon­ tikik tohagaghanggoinagiakaktait inungnut. Kihimi ehomagiyaoyoghaoyot Angikatigegotaohoaktomi piyaonahoat.

ELANGA 6

ATAOTIMOKLOGITLO OVALO NOOTAOFAAKLOTIKLO

10.6.1

Angikatigegotaoyomi okagekhimagaloaktilogo imaa, naliak Kanatap Kavamait ova­ lonet Nunatiap kavamait nalingmik penagiakaotikagomik imaa ataotimoktitena­ giakaktot ovalonet nutaagoklogit aolajohet pitkohilioktit titigakhimayok pilogo nalaani 10.1.1-mi. talvalo inungnik katimapkailotik tohaktitinahoaklotik kanogi­ livaliajotaoyonik, kihimi pilimaitot penagiakaohet hakoikpaaligahoaklogit ovalo havaaginahoaktait talvalo ayonggijohet hakogikhivaaligahoaklogit Kavamatkot hanggijohet okonani Pitkohilioktini. Talva naonaikpaliklogo ima inniaktot Pitko­ hilioktit pilimaitait

(a)

pihimalogit hapkoa alatket aolanighaita

(i)

piyageyaklogit maligoakhat aolanighainik,

(ii)

nunap atoktaonighaagot piyagiyaotaoyot aolanighainik,

(iii)

takoogijotighat aolanighainik,

(iv)

kanogilivalianighakot pivaliajotaoyoghat aolanighainik,

(v)

emmaplo atoktaonighaitigot namagiyaonighaitigot, kihimi hapkoa aolajotaoyoghat piyagetot alaoyonaitot kanogilivalianighakot pivaliajotaoyoghatigot aolanighainitigot,

(b)

alanggoklogit pitjotighat Angikatigegotaoyomi okaghimayot havaaghanot ok­ totaoyot imaa maligiakaktot nunap atoktaonighaagot opalonggaiyakhimayot ovalonet hogiyaogilotik ataningnit ehomaliogotaotinnagit NIRB-konnit ovalo­ net alanit kano gilivalianighakot takoogiyinit takooktaolotik piyomajotaoyot;

(c)

alanggoklogit pitjotighat Angikatigegotaoyomi okaghimayot havaaghanot ok­ tottaoyot takooktaoyaakaktot ovalonet ehivgioktaolotik ehomaliogotaotinnago pipkailotik laisighanik ovalonet angiktaotinnagit havaagokyoaktoghat;

(d)

naotiktoivaohet aolataililogit okagekhimayot Angikatigegotaoyomi;

(e)

ovalo aolataililogit pitjotigiyaghait pitkohilioktit imaa pinahoagaikpata naonaigotighanik okaghimayot angikatigegotaoyomi;

(f)

talvalo aolataililogo inuit pikataovaohet ovalonet ongnegotaotailoni nalaak­ titinahoaktilogit katimapkailotik tahapkoa pitkohilioktioyot;

(g)

aolataililogo inuit penagiakaohighaat tohakolotik pitkohilioktinit inukttitut, ovalonet aolataililogo tahapkoa pitkohilioktit havakpaohet imaa inuktitut, ovalo;

(h)

alanggoktaililogo elagegotaoyok pitkohilioktini.

10.6.2

Ataotimoktitiniklo noktiginikollo ayoghanggijotaoyot okaghimayot titikami nalaani-mi atolikniaktot okiok pinggahot naatkaaktilogit eniktaonigit tahapkoa pit­ kohilioktit naonaighimayumi 10.1.1-mi. Hivoani eniktinnagit hapkoa hanggijotighat atokliktinnagit pinahoakata, titigakhimayomik piyaakaktot namagiyaonighaagot DIO­ konnit.

ELANGA 7

ALATKET TITIGAKVIKMI HAVAGHAT

10.7.1

Angikatigegotaoyomi okagekhimagaloaktilogo imaa, naliak Kanatap Kavamait ovalonet Nunatiap kavamait nalingmik penagiakaotikagomik imaa alatkeginnagia­ kaktait piyagekhimayot naonaighimayot nalaani 10.1.1-mi omani angikatigego­ taoyomi hapkoa pihimaniaktot:

(a)

amigaitilaagit katimayiokatiget pihimaniaktot taiyaohimalotik atiktaohimalotik Inuit naliat katojikatigeginnit ehoagiyaokpat ovalo kivgaolotik nunalaanot;

(b)

katimayitlo katimayionighaita hivitonighainik, talvalo elaliotifaaknighait katimayinot piyaofaagomagomik;

(c)

tohagakhalo tohaktitaolotik tahapkonoga pitkohilioktinot malitoagomiko titigakhimayok oigoata nalani 10.6.1.(a)-mi ittok;

(d)

talvalo ayonggijotait tahapkoa pitkohilioktit ehomagilogit katimayit ovalo naloghagitot honiklika, ovalo

(e)

ehomagilogo pihimayot titikami nakataani 12

(i)

elavaaliklogit ovalonet naiklivaliotighait enikvioyoghat holinikot titigakhimayok Nakataani 12 -mi namagiyaoloni NIRB-konnit.

(ii)

katimayitlo katimanahoagaigomik namanighaitigot,

(iii)

piyaghallo atokoyaohimayot titikami nalaani 12.5.3-mi ovalo maligait NIRB-kot pihimayot nalaani 12.2.23-mi malitoagomiko maligakhat titigakhimayomi 10.6.l (e-mi) ovalo (f-mi) (g-milo) talvalo

(iv)

naonaighimanahoaklogitlo NIRB-kot piyaghait takoogiligaigomik havaaghatigot piyomajotaoyonik ayoghaliotigigitoagomiko NIRB-kot piyaghamingnot.

10.7.2

Okagekhimagaloaktilogo angikatigegotaoyomi, imaa kanataplo kavamait ovalonet nunatiap kavamaita penagiakaktait okaghimayot angikatigegotaoyomi pihimayot piyaghani naonaighimayot nalaani 10.7.1 pihimayot maligatigot.

10.7.3

Kanatap kavamai ovalonet nunatiap kavamaini, okaghimayok 10.1.1-mi ehomalio­ gotigikpatigik alatkektiklogit piyaghat okaghimayot titikami nalaani 10.7.1-mi 10.7.2- milo taimainiakat, ona enigonaitok okiok naatkaaktinnago eniktaohimaliktilogit pitkohilioktit.ona piniakat okiok natinnago enigahoaklogo, kanatap ovalo nunatiap kavamait apighiyaakaktot namagitkologo DIO-konnit.

ELANGA 8

OKAOTIVAKLOGIT

10.8.1

Kavamat okaojiyaakaktot inuit katojikatigeginnik kanok piyaghanik pigiaknatik okaghimayok maliklogo nalaani 10. 6.1, 10.7. 1-mi 10. 7.2-milo. Tahapkoa DIO-kot ovalonet Pitkohilioktit okakatikagomakpata Minisitagoyomik, Minisitagoyop katimakatiginiaktait.

ELANGA 9

TOTKIGHAIYOGHAP MANIGHAA

10.9.1

Angikatigegotaoyomi ehoigotilimaitok Inuit penagiakaohighainot piyaghatigot tot­ kighaiyighap maniktigot atoktaghaanit piyomayaoyagaigomi.

ELANGA 10

KIGOVAKTAONIGIT MALIGAKHATIGOT

10.10.1

Maligakhak Pitkohilioktighanik pitjotighak eninggitpat pilogo 10.1.1-mi aipaagoktilogo nalikat enikvighaotigaloaga, imainiakt

(a)

Minisitagoyok ehoaghaiyighanik taihiniaktok, ovalo

(b)

piyagekhimayot angigotaoyoghami pihimaniaktot imaa taiyaohimayot hap­ koa NIRB-kot, ovalo NPC-kot, NWB-kotlo piyagekhimaniaktot tahapkoa katimayighat, ovalo taiyaohimaligomik elaoyoghat kaoyimayaolikniaktot ayonggijotikaklotik, ovalo maligaghakaklotik havaaghatigot atoklogo Anggikatigegotaoyomi okaghimayok.

10.10.2

Nalaani 10.2.1-mi Pitkohilioktighat enighimalikata okaghimayok pilogo nalaani 10.10.1-mi Kavamat penagiakaktot atogaghanik ekayotaoyolotik tahapkonoga pit­ kohilioktinot, kihimi pigiaktitilotik pilimaitot atogaghanik maliktaolotik ayonggijo­ highainik katimayit.

10.10.3

Kavamat piyomatoagomik maligakhanik anighinahoaklotik atoktoghanik Pitko­ hilioktinot, taimaatot penagiakaktot ovani titikami okaghimayot 10.10.1-mi malighimatoagomikik.