ᓄᓇᒥᒃ ᐊᑐᓂᕐᒧᑦ ᐸᕐᓇᓐᓂᖅ
ᐃᓚᖓ 1
ᐊᑑᑎᕕᖓ
11.1.1
ᓄᓇᕗᒻᒥ ᐸᕐᓇᐃᔩᑦ ᑎᒥᓐᖓᑦ ᓴᖅᑭᖅᑕᐅᓚᐅᓐᖏᓐᓂᖓᓂ, ᓄᓇᒥᒃ ᐊᑐᕐᓂᕐᒧᑦ ᐸᕐᓇᓐᓂᖅ ᓄᓇᕗᒻᒥ ᐊᐅᓚᑕᐅᓂᐊᖅᑐᖅ ᒪᓕᓪᓗᑎᒃ ᔪᓚᐃ 28, 1993 ᑐᓐᖓᕕᐅᔪᑦ ᐊᖏᕈᑎᒧᑦ ᓄᓇᒥᒃ ᐊᑐᕐᓂᕐᒧᑦ ᓄᓇᑦᓯᐊᕐᒥ, ᐊᓯᔾᔨᖅᑕᐅᔪᖃᕐᓂᖏᑐᐊᖅᐸᑦ ᐊᑯᓐᓂᖅᓯᐅᑎᓄᑦ ᐊᖏᕈᑕᐅᓯᒪᒍᓐᓇᖅᑐᓄᑦ ᑐᓐᖓᕕᒃᑯᓐᓄᑦ, ᑭᖑᕝᕕᖅᑎᖏᓐᓄᓘᓐᓃᑦ ᒐᕙᒪᒃᑯᓄᓪᓗ.
11.1.2
ᐅᕙᓂ ᐃᓛᒃᑰᖅᑐᒥ:
“ᓄᓇ” ᐱᖃᓯᐅᔾᔨᔪᖅ ᐃᒪᕐᓂᒃ ᓄᓇᒥᐅᑕᓂᓪᓗ ᐱᖃᓯᐅᑎᑦᓱᑎᒃ ᐆᒪᔪᐃᑦ.
11.1.3
ᑖᒃᑯᐊᓪᓗᐊᑦ ᒐᕙᒪᒃᑯᑦ ᒥᓂᔅᑕᐅᕕᖏᑦ ᑎᒥᐅᔪᓪᓗ ᑎᒍᒥᐊᕐᓂᐊᖅᑐᑦ ᐊᑐᓕᖅᑎᑦᓯᓂᕐᒥᒃ ᓄᓇᒥᒃ ᐊᑐᓂᕐᒧᑦ ᐸᕐᓇᐅᑎᓂᒃ ᐊᖏᖅᑕᐅᓯᒪᔪᓂᒃ ᑐᓐᖓᕕᖃᕐᓗᑎᒃ 11.5.9-ᒥᒃ.
11.1.4
ᐅᓇ ᐃᓛᒃᑰᖅᑐᖅ ᐊᑑᑎᔪᖅ ᑕᒪᒃᑮᓐᓄᑦ ᓄᓇᒧᑦ ᑕᕆᐅᕐᒧᓪᓗ ᐃᓗᐊᓂ ᓄᓇᕗᑦ ᐊᒻᒪᓗ ᓯᓚᑖᓂ ᐊᐅᓚᓂᐅᔪᓄᑦ ᓯᑯᓄᑦ ᑭᓪᓕᒋᔭᐅᔪᓂᒃ.
ᐃᓚᖓ 2
ᐸᕐᓇᓐᓂᖅ ᑐᓐᖓᕕᐅᔪᓂᒃ, ᐊᑐᐊᒐᕐᓂᒃ, ᓯᕗᓪᓕᐅᔾᔭᐅᔪᓂᒃ ᑐᕌᒐᕆᔭᐅᔪᓂᓪᓗ
11.2.1
ᐅᑯᐊ ᑐᓐᖓᕕᐅᔪᑦ ᖃᐅᔨᒪᓕᑕᐅᓂᐊᖅᑐᑦ ᐱᕙᓪᓕᐊᓂᖏᓐᓂᒃ ᐸᕐᓇᑕᐅᓂᖏᑦᑕ ᐊᑐᐊᒐᐃᑦ, ᓯᕗᓪᓕᐅᔾᔭᐅᔪᑦ ᑐᕌᒐᐃᓪᓗ:
(a)
ᐃᓄᐃᑦ ᐃᓚᒋᔭᐅᒻᒪᑕ ᐊᐅᓚᓂᖓᓐᓄᑦ ᐊᕙᑎᐅᑉ, ᓄᓇᒥᓪᓗ ᐊᑐᕐᓂᒃ ᐸᕐᓇᑕᐅᒍᓐᓇᖏᑦᑐᖅ ᐊᐅᓚᑕᐅᒍᓐᓇᕋᓂᓗ ᑐᑭᓯᒋᐊᕐᕕᐅᓚᐅᕋᑎᒃ ᐃᓄᐃᑦ ᓄᓇᓖᑦ; ᑕᐃᒪᐃᓐᓂᖓᓄᑦ ᐃᓅᓯᕐᒨᖓᔪᑦ, ᐱᖅᑯᓯᕐᒧᑦ ᖃᑭᒪᓇᓱᐊᕐᓂᖏᓐᓄᓪᓗ ᐃᓄᐃᑦ ᓄᓇᓕᓐᓂ ᑐᓐᖓᕕᓪᓗᐊᑕᐅᒋᐊᓖᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᓐᓂᕐᒧᑦ ᐊᑐᓕᖅᑎᑦᓯᓂᕐᒧᓪᓗ;
(b)
ᐱᔾᔪᑎᓪᓗᐊᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᓐᓂᕐᓄᑦ ᓄᓇᕗᒻᒥ ᓴᐳᔾᔨᓂᐅᓪᓗᓂ ᖃᐅᔨᒪᔭᐅᑎᑦᓯᓂᐅᓪᓗᓂᓗ ᑕᕝᕙᐅᔪᓂᒃ ᓯᕗᓂᑦᑎᓐᓂᓗ ᖃᓄᐃᓐᖏᑦᓯᐊᕐᓂᖏᓐᓂᒃ ᐃᓄᐃᑦ ᓄᓇᖃᕋᔪᑦᑐᑦ ᓄᓇᓕᖏᓐᓂ ᓄᓇᕗᑦ ᐃᓱᒪᒋᖃᓯᐅᑎᓗᒋᑦ ᐱᔪᒪᔭᕆᔭᖏᑦ ᑲᓇᑕᒥᐅᓕᒫᑦ; ᐅᔾᔨᕆᔭᐅᓗᐊᓐᖑᐊᕐᓂᐊᖅᑐᑦ ᓴᐳᔾᔭᐅᓂᖏᑦ ᖃᐅᔨᒪᔭᐅᓂᖏᓪᓗ ᑕᕝᕙᐅᔪᑦ ᓯᕗᓂᑦᑎᓐᓂᓗ ᖃᓄᓐᐃᖏᑦᓯᐊᕐᓂᖏᓐᓄᑦ ᐃᓄᐃᑦ ᐊᒻᒪᓗ ᐃᓄᐃᑦ ᓄᓇᖁᑎᖏᑦᑕ;
(c)
ᐸᕐᓇᓂᕐᒧᑦ ᐊᐅᓚᓂᐅᔪᖅ ᖃᐅᔨᓴᑦᓯᐊᕐᓂᐅᓂᐊᖅᑐᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ ᐊᑦᑐᐊᓂᖃᑦᓯᐊᕋᓗᐊᕐᒪᖔᑕ ᓯᕗᓪᓕᐅᑎᔭᐅᔪᓄᑦ ᐊᑐᕐᓇᖅᑐᖁᑎᖏᓐᓂᓪᓗ ᓄᓇᖃᖅᑐᑦ ᐸᕐᓇᑕᐅᔪᓂ ᓄᓇᓂ;
(d)
ᑭᓇᒃᑯᑐᐃᓐᓇᕐᓄᑦ ᐸᕐᓇᓐᓂᕐᒧᑦ ᐊᐅᓚᓂᐅᔪᑦ ᐱᕕᑦᓴᖃᖅᑎᑦᓯᒍᑕᐅᓂᐊᖅᑐᑦ ᐃᓚᐅᑎᑦᓯᓗᑎᒃ ᑐᓴᐅᒪᑎᑦᓯᓗᑎᓪᓗ ᐃᑲᔪᖅᓯᔭᐅᓗᑎᓪᓗ ᐃᓄᓕᒫᓄᑦ ᓄᓇᖃᖃᑕᐅᔪᓄᓪᓗ ᐊᑦᑐᖅᑕᐅᔪᓄᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓄᑦ; ᐃᓚᐅᑎᓐᓂᖃᖅᑎᑦᓯᓂᖅ ᖃᐅᔨᒪᑎᑦᓯᒍᑕᐅᓂᐊᖅᑐᖅ ᓇᐅᒃᑯᑐᐃᓐᓇᖅ ᐊᔾᔨᒌᓐᖏᑦᑐᑎᒍᑦ, ᐱᖃᓯᐅᑎᑦᓱᓂ ᐊᑐᐃᓐᓇᖃᑦᓯᐊᕐᓂᖅ ᐊᑐᕆᐊᓕᓕᒫᓂᒃ, ᓈᒻᒪᓈᖅᓯᒪᔪᓂᒃ ᐊᑲᐅᓈᖅᓯᒪᔪᓂᓪᓗ ᐊᐅᓚᓂᑦᓴᓂᒃ, ᐃᖅᑲᓇᐃᔭᖅᑎᑖᕐᓂᕐᒥᒃ ᓄᓇᓕᓐᓂᒃ ᐃᓚᐅᑎᓐᓂᐊᕐᓗᒋᑦ ᐃᓗᓕᖅᑐᔪᒧᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᓂᕐᒧᑦ;
(e)
ᐸᕐᓇᐅᑏᑦ ᓴᐳᔾᔨᒍᑕᐅᓂᐊᖅᑐᑦ, ᐱᕙᓪᓕᐊᑎᑦᓯᒍᑕᐅᓗᑎᒃ ᐊᑐᕈᑕᐅᓗᑎᓪᓗ ᓄᓇᒥᒃ;
(f)
ᐸᕐᓇᓂᕐᒧᑦ ᐊᐅᓚᓂᐅᔪᖅ ᐋᖅᑭᑦᓯᒪᓂᐊᖅᑐᑦ ᑲᑐᓯᐅᑎᓯᒪᓗᑎᓪᓗ ᐊᓯᓕᒫᖏᓐᓄᑦ ᐸᕐᓇᓂᕐᒧᑦ ᐊᐅᓚᓂᐅᔪᓄᑦ, ᐱᖃᓯᐅᑎᑦᓱᓂ ᐊᑦᑐᖅᑕᐅᓂᕐᒧᑦ ᕿᒥᕐᕈᓂᕐᒧᑦ ᐊᐅᓚᓂᖅ ᐊᖏᕈᑎᐅᑉ ᐃᓗᐊᓃᑦᑐᖅ; ᐊᒻᒪᓗ
(g)
ᑲᔪᓯᓂᖃᑦᓯᐊᖅᑐᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ ᐱᔭᕆᐊᖃᖅᐳᑦ ᐃᓚᐅᑎᑦᓯᐊᕐᓂᖏᓐᓂᒃ ᑕᒪᕐᒥᒃ ᒐᕙᒪᒃᑯᑦ ᐃᓄᓐᓂᓪᓗ;
11.2.2
ᑐᕌᒐᕆᔭᐅᔪᖅ ᐸᕐᓇᓂᕐᒧᑦ ᐊᐅᓚᓂᕐᒧᑦ ᐃᒪᐃᑦᑑᓂᐊᖅᑐᖅ:
(a)
ᓴᖅᑮᓂᐅᓗᓂ ᐸᕐᓇᓂᕐᒧᑦ ᐊᑐᐊᒐᕐᓂᒃ, ᓯᕗᓪᓕᐅᔾᔭᐅᔪᓂᒃ ᑐᕌᒐᕐᓂᓪᓗ ᐱᔾᔪᑎᖃᖅᑐᓂᒃ ᓴᐳᔾᔨᓂᕐᒧᑦ, ᐱᕙᓪᓕᐊᑎᑦᓯᓂᕐᒧᑦ, ᐊᐅᓚᑦᓯᓂᕐᒧᑦ ᐊᒻᒪᓗ ᐊᑐᕐᓂᕐᒧᑦ ᓄᓇᒥᒃ ᓄᓇᕗᒻᒥ;
(b)
ᑐᓐᖓᕕᖃᕐᓗᑎᒃ ᑎᑎᕋᖅᓯᒪᔪᒥᒃ (a)-ᒥᒃ, ᐸᕐᓇᐃᔭᕐᓗᑎᒃ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓂᒃ ᖃᐅᔨᒪᓕᑕᐅᓂᐊᖅᑐᓂᒃ ᑐᑭᒧᐊᑦᑎᑦᓯᒍᑕᐅᓗᑎᓪᓗ ᓄᓇᒥᐅᑕᕐᓅᖓᔪᓄᑦ ᐊᒻᒪᓗ ᐱᕙᓪᓕᐊᑎᑕᐅᓂᖓᓄᑦ ᓄᓇᕗᑦ; ᐊᒻᒪᓗ
(c)
ᐊᑐᓕᖅᑎᑕᐅᓂᖏᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ.
11.2.3
ᓴᖅᑮᕙᓪᓕᐊᓗᑎᒃ ᐸᕐᓇᓂᕐᒧᑦ ᐊᑐᐊᒐᕐᓂᒃ, ᓯᕗᓪᓕᐅᔾᔭᐅᔪᓂᒃ ᑐᕌᒐᕐᓂᓪᓗ, ᐃᓗᓕᖏᑦ ᐅᑯᐊ ᐃᓱᒪᒋᔭᐅᖃᓯᐅᑎᓂᐊᖅᑐᑦ:
(a)
ᖃᑭᒪᓇᓱᐊᕐᓂᕐᒧᑦ ᐱᕕᑦᓴᖃᕐᓂᐅᔪᑦ ᑭᓐᖒᒪᒋᔭᐅᔪᓪᓗ;
(b)
ᓄᓇᓕᓐᓂ ᐋᖅᑭᐅᒪᔾᔪᑕᐅᒋᐊᓖᑦ, ᐱᖃᓯᐅᑎᑦᓱᑎᒃ ᐃᓪᓗᐃᑦ, ᐋᓐᓂᐊᑦᑕᐃᓕᒪᓂᖅ, ᐃᓕᓐᓂᐊᕐᓂᖅ ᐊᒻᒪᓗ ᐊᓯᖏᑦ ᐃᓄᓕᕆᓂᕐᒨᖓᔪᑦ, ᐃᖏᕐᕋᔾᔪᑎᓄᑦ, ᑐᓴᐅᒪᖃᑦᑕᐅᑎᓂᕐᒧᓪᓗ ᐱᔨᑦᓯᕋᐅᑏᑦ ᐊᖅᑯᑏᓪᓗ;
(c)
ᐱᖅᑯᓯᕐᒨᖓᔪᑦ ᓯᕗᓪᓕᐅᔾᔭᐅᔪᓪᓗ;
(d)
ᐊᕙᑎᒥᒃ ᓴᐳᔾᔨᓂᕐᒥᒃ ᐊᐅᓚᑦᓯᓂᕐᒧᓪᓗ ᑭᓐᖒᒪᒋᔭᐅᔪᓂᒃ, ᐱᖃᓯᐅᑎᑦᓱᑎᒃ ᐆᒪᔪᓂᒃ ᓄᖑᑎᕆᓗᐊᑦᑕᐃᓕᓂᖅ, ᓴᐳᔾᔨᓂᖅ ᐊᐅᓚᑦᓯᓂᕐᓗ; ᐊᒻᒪᓗ
(e)
ᐆᒻᒪᖅᑯᑎᓅᖓᒋᐊᓕᓐᓂᒃ, ᐆᒻᒪᖅᑯᑎᓕᓐᓂᒃ ᐊᑐᐃᓐᓇᐅᓂᖏᓐᓂᓪᓗ.
ᐃᓚᖓ 3
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ
11.3.1
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ ᑎᑎᕋᖅᓯᒪᓂᐊᖅᑐᖅ ᑎᑎᖅᑲᖃᕐᓗᓂ, ᐊᐅᓚᓂᑦᓴᓂᒃ, ᓈᓴᐅᑎᓂᒃ ᓄᓇᓐᖑᐊᓂᓪᓗ ᓴᖅᑭᖅᑕᐅᓂᖏᓐᓄᑦ ᑐᕌᒐᐃᑦ ᖃᐅᔨᒪᓕᑕᐃᓪᓗ ᑮᑕᑲᐃᓐᓈᖅᑐᓄᑦ ᐊᑯᓃᖅᑐᓄᓪᓗ ᐱᕙᓪᓕᐊᓂᐅᔪᓄᑦ, ᐅᑯᐊ ᐃᓱᒪᒋᖃᓯᐅᑎᓗᒋᑦ:
(a)
ᓄᓇᐃᑦ ᖃᓄᐃᓕᖓᓂᖏᑦ;
(b)
ᓄᓇᒥᐅᑕᐃᑦ ᐊᒻᒪᓗ ᐊᐅᓚᓂᕆᔭᐅᕙᑦᑐᑦ ᓄᓇᒥᐅᑕᐃᑦ ᐊᑐᖅᑕᐅᓂᖏᓐᓄᑦ;
(c)
ᖃᑭᒪᓇᓱᐊᕈᑎᑦᓴᐅᔪᑦ ᑭᓐᖒᒪᒋᔭᐅᔪᓪᓗ;
(d)
ᐃᖏᕐᕋᔾᔪᑏᑦ, ᑐᓴᐅᒪᔾᔪᑏᓪᓗ, ᐊᖅᑯᑏᓪᓗ;
(e)
ᐆᒻᒪᖅᑯᑎᓅᖓᒋᐊᓕᓐᓂᒃ, ᐆᒻᒪᖅᑯᑎᓕᓐᓂᒃ, ᐊᑐᐃᓐᓇᐅᓂᖏᓐᓂᓪᓗ;
(f)
ᓄᓇᓕᓐᓂᒃ ᐋᖅᑭᐅᒪᔾᔪᑕᒋᐊᓖᑦ, ᐱᖃᓯᐅᑎᑦᓱᓂ ᐋᓐᓂᐊᑦᑕᐃᓕᒪᓂᖅ, ᐃᓪᓗᖃᕐᓂᖅ, ᐃᓕᓐᓂᐊᕐᓂᖅ ᐊᓯᖏᓪᓗ ᐃᓄᓕᕆᔾᔪᑏᑦ;
(g)
ᐊᕙᑎᒨᖓᔪᑦ, ᐱᖃᓯᐅᑦᓱᑎᒃ ᒥᓐᖑᐃᓯᕐᕖᑦ ᓴᐳᑎᔭᐅᓯᒪᔪᓪᓗ ᓄᓇᐃᑦ, ᐊᒻᒪᓗ ᐆᒪᔪᖃᕐᕖᑦ;
(h)
ᐱᖅᑯᓯᕐᒨᖓᔪᑦ ᓯᕗᓪᓕᐅᑎᔭᐅᔪᓪᓗ, ᐱᖃᓯᐅᑎᑦᓱᓂ ᓴᐳᑎᔭᐅᓂᖏᑦ ᓱᕋᑦᑕᐅᑦᑕᐃᓕᓂᖏᓪᓗ ᐃᑦᓴᕐᓂᑕᐃᑦ ᓄᓇᓕᕋᓛᓪᓗ; ᐊᒻᒪᓗ
(i)
ᐊᔾᔨᐅᖏᑦᑐᒥᒃ ᓄᓇᓕᓐᓂ ᐊᕕᑦᑐᖅᓯᒪᔪᓂᓗ ᐃᓱᒪᑦᓴᖅᓯᐅᕈᑎᖃᕐᓂᖅ.
11.3.2
ᐱᔾᔪᑕᐅᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒧᑦ ᓴᐳᔾᔨᒍᑕᐅᓗᓂ ᖃᐅᔨᒪᑎᑦᓯᒍᑕᐅᓗᓂᓗ ᑕᕝᕙᐅᔪᓂᒃ ᓯᕗᓂᑦᑎᓐᓂᓗ ᖃᓄᐃᓐᖏᑦᓯᐊᕐᓂᖏᓐᓂᒃ ᓄᓇᓕᖃᖅᑐᑦ ᓄᓇᓕᓪᓗ ᓄᓇᕗᒻᒥ, ᐃᓱᒪᒋᖃᓯᐅᑎᓗᒋᑦ ᐱᔪᒪᔭᕆᔭᖏᑦ ᑲᓇᑕᒥᐅᓕᒫᑦ, ᓴᐳᔾᔨᓗᑎᓪᓗ ᐊᒻᒪᓗ ᐱᔭᕆᐊᖃᕋᐃᑉᐸᑦ, ᐅᑎᖅᑎᑦᓯᕙᓪᓗᑎᑦ ᐊᕙᑎᒥᒃᓄᓇᕗᒻᒥ.
11.3.3
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ ᐃᓗᓕᖃᕐᓂᐊᖅᑐᖅ ᐊᑐᓕᖅᑎᑦᓯᓂᕐᒧᑦ ᐅᐸᓗᖓᐃᔭᐅᑎᓂᒃ.
ᐃᓚᖓ 4
ᓄᓇᕗᒻᒥ ᐸᕐᓇᐃᔨᑦ
11.4.1 - ᓴᖅᑭᖅᑕᐅᓂᖓ
ᓄᓇᕗᒻᒥ ᐸᕐᓇᐃᔩᑦ ᓴᖅᑭᖅᑕᐅᓂᐊᖅᑐᑦ ᐅᑯᓇᓐᖓᑦ ᑎᒍᒥᐊᖅᑕᓪᓗᐊᑕᖃᕐᓗᑎᒃ:
(a)
ᓴᖅᑮᓗᑎᒃ ᐃᓗᓕᖅᑐᔪᓂᒃ ᐸᕐᓇᓂᕐᒧᑦ ᐊᑐᐊᒐᕐᓂᒃ, ᑎᑭᑦᓱᒪᔭᐅᔪᓂᒃ ᑐᕌᒐᕐᓂᓪᓗ ᓄᓇᕗᒻᒧᑦ ᐊᑦᑐᐊᔪᓄᑦ ᒐᕙᒪᓄᑦ;
(b)
ᓴᖅᑮᓂᕐᒥᒃ, ᑐᓐᖓᕕᖃᑦᓯᖃᑦᓯᐊᕐᓗᑎᒃ ᐊᓯᖏᓐᓂᒃ ᐱᕕᖃᖅᑎᑦᓯᒍᑕᐅᔪᓂᒃ ᐅᕙᓂ ᐃᓛᒃᑰᖅᑐᒥ, ᓄᓇᒥᒃ ᐊᑐᓂᕐᒧᑦ ᐸᕐᓇᐅᑏᑦ ᑐᑭᒧᐊᑦᑎᑦᓯᒍᑕᐅᔪᑦ ᓄᓇᓂᒃ ᐊᑐᕐᓂᕐᒧᑦ ᐱᕙᓪᓕᐊᑎᑦᓯᓂᕐᒥᓪᓗ ᓄᓇᕗᒻᒥ; ᐊᒻᒪᓗ
(c)
ᐃᓘᓐᓈᒍᑦ, ᑲᔪᓯᑎᑦᓯᓗᑎᒃ ᑐᕌᒐᖏᓐᓂᒃ ᐊᖏᕈᑎᐅᑉ ᓇᓗᓇᐃᔭᖅᑕᐅᓯᒪᔪᑎᒍᑦ, ᑐᓐᖓᕕᖃᕐᓗᑎᓪᓗ ᐃᓘᓐᓈᒍᑦ ᑐᓐᖓᕕᐅᔪᓂᒃ ᐅᖃᐅᓯᐅᔪᓂᒃ 11.2.1-ᒥ, ᐊᒻᒪᓗ ᕐᑳᖓᒍᑦ ᐊᐅᓚᔾᔭᐸᓪᓕᐊᔪᑦ ᐊᖏᖃᑎᒌᒍᑕᐅᓕᐅᒥᔮᖅᐸᓐᓂᐊᖅᑐᑦ ᒐᕙᒪᒃᑯᓐᓄᑦ ᓇᓗᓇᐃᖅᑕᐅᓯᒪᔪᓄᓪᓗ ᐃᓄᓐᓄᑦ ᑎᒥᖁᑕᐅᔪᓄᑦ.
11.4.2
ᐊᓪᓚᕕᒻᒪᕆᖓᑦ ᓄᓇᕗᒻᒥ ᐸᕐᓇᐃᔩᑦ ᓄᓇᕗᒻᒦᓐᓂᐊᖅᑐᖅ.
11.4.3
ᐊᑭᒋᔭᖏᑦ ᓄᓇᕗᒻᒥ ᐸᕐᓇᐃᔩᑦ ᑎᒍᒥᐊᖅᑕᐅᓂᐊᖅᑐᑦ ᒐᕙᒪᒃᑯᓐᓄᑦ. ᓄᓇᕗᒻᒥ ᐸᕐᓇᐃᔨᑦ ᐸᕐᓇᐃᕙᓐᓂᐊᖅᑐᑦ ᐊᕐᕌᒍᒧᑦ ᑮᓇᐅᔭᖅᑑᑎᑦᓴᓂᒃ, ᕿᒥᕐᕈᔭᐅᒋᐊᖃᖅᓱᑎᒃ ᐊᖏᖅᑕᐅᓗᑎᓪᓗ ᒐᕙᒪᒃᑯᓐᓄᑦ.
11.4.4 - ᑲᒪᒋᒋᐊᓖᑦ ᑎᒍᒥᐊᖅᑕᐅᔪᓪᓗ
ᑐᓐᖓᕕᖃᕐᓗᑎᒃ ᐊᖏᕈᑎᒥᒃ ᓄᓇᕗᒻᒥ ᐸᕐᓇᐃᔩᑦ ᐃᒪᐃᓐᓂᐊᖅᑐᑦ:
(a)
ᓇᓗᓇᐃᖅᓯᕙᓪᓗᑎᒃ ᐸᕐᓇᒋᐊᓕᓐᓂᒃ ᐊᕕᑦᑐᖅᓯᒪᔪᓂᒃ;
(b)
ᓇᓗᓇᐃᖅᓯᕙᓪᓗᑎᒃ ᐸᕐᓇᓐᓂᕐᒧᑦ ᑎᑭᑦᓱᒪᔭᐅᔪᓂᒃ, ᑐᕌᒐᕐᓂᒃ ᓱᓇᑐᐃᓐᓇᕐᓂᓪᓗ ᐊᑦᑐᐊᔪᓂᒃ ᐸᕐᓇᓂᕐᒧᑦ ᐊᕕᑦᑐᖅᓯᒪᔪᓄᑦ ᑐᓐᖓᕕᖃᑦᓯᐊᕐᓗᑎᓪᓗ ᐃᓗᓕᖅᑐᓂᖅᓴᓂᒃ ᑎᑭᑦᓱᒪᔭᐅᔪᓂᒃ ᑐᕌᒐᕐᓂᓪᓗ;
(c)
ᐃᑲᔪᖅᓯᓗᑎᒃ ᐱᕙᓪᓕᐊᑎᑕᐅᓂᖓᓄᑦ ᕿᒥᕐᕈᓗᑎᓪᓗ ᐅᑭᐅᖅᑕᖅᑐᒥ ᑕᕆᐅᕐᒧᑦ ᐊᑐᐊᒐᕐᒥᒃ;
(d)
ᓯᐊᒻᒪᖅᑎᕆᓗᑎᒃ ᑐᓴᕋᑦᓴᓂᒃ ᑲᑎᖅᓱᖅᓯᒪᔪᓂᓪᓗ;
(e)
ᑐᓴᕋᓱᐊᖅᐸᓪᓗᑎᒃ ᓄᓇᓕᓐᓂ ᒐᕙᒪᒋᔭᐅᔪᓂᒃ, ᓄᓇᓕᖃᖅᑐᓂᒃ ᐊᓯᖏᓐᓂᓪᓗ ᐸᕐᓇᓂᕐᒧᑦ ᑎᑭᑦᓱᒪᔭᐅᔪᓂᒃ ᑐᕌᒐᕐᓂᓪᓗ ᓇᓖᕌᕋᑦᓴᓂᓪᓗ ᐊᕕᑦᑐᖅᓯᒪᔪᓂ;
(f)
ᐸᕐᓇᐃᕐᓗᑎᒃ ᑐᓂᐅᖅᑲᐃᓗᑎᓪᓗ ᑎᑎᕋᕆᐊᓐᖓᖅᓯᒪᔪᓂᒃ ᓄᓇᒥᒃ ᐊᑐᕐᓂᒧᑦ ᐸᕐᓇᐅᑎᓂᒃ;
(g)
ᖃᐅᔨᔭᐅᑎᑦᓯᕙᓪᓗᑎᒃ ᑭᓇᒃᑯᑐᐃᓐᓇᕐᓂᒃ ᐅᖃᖃᑎᒌᓐᓂᖅᑕᖃᕐᓗᓂ ᐊᐅᓚᑦᓯᕙᓪᓗᑎᒃ ᑭᓇᒃᑯᑐᐃᓐᓇᕐᓄᑦ ᓈᓚᓐᓂᐅᔪᓂᒃ ᐊᐃᕙᓂᖃᖅᐸᓪᓗᑎᒃ ᐸᕐᓇᓐᓂᐅᑉ ᐊᐅᓚᓂᖓᓂ;
(h)
ᐃᓱᒪᓕᐅᕆᕙᓪᓗᑎᒃ ᐸᕐᓇᐅᑎᓂᒃ ᒥᓂᔅᑕᓄᑦ;
(i)
ᐃᓱᒪᑦᓴᖅᓯᐅᕈᑎᖃᖅᐸᓪᓗᑎᒃ ᐋᖅᑭᒋᐊᕈᑕᐅᖁᔭᐅᔪᓂᒃ ᒥᓂᔅᑕᓄᑦ ᑎᑎᕋᕆᐊᓐᖓᖅᓯᒪᔪᑦ ᕿᐱᓗᑦᑕᐅᑦᑕᓂᖅᐸᑕ ᐸᕐᓇᐅᑏᑦ;
(j)
ᐃᓱᒪᑦᓴᖅᓯᐅᕈᑎᖃᖅᐸᓪᓗᑎᒃ ᐋᖅᑭᒋᐊᕈᑕᐅᔪᓂᒃ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᒃ ᑐᓐᖓᕕᖃᕐᓗᑎᒃ ᐃᓚᖓ 6-ᒥᒃ;
(k)
ᓇᓗᓇᐃᖅᓯᓗᑎᒃ ᐊᐅᓚᓂᕐᒧᑦ ᑐᑦᓯᕋᐅᑎ ᒪᓕᑦᓯᐊᕋᓗᐊᕐᒪᖔᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᒃ;
(l)
ᖃᐅᔨᓴᖅᐸᓪᓗᒋᑦ ᐊᐅᓚᓂᐅᔪᑦ ᒪᓕᑦᓯᐊᕋᓗᐊᕐᒪᖔᑕ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓂᒃ; ᐊᒻᒪᓗ
(m) ᐅᓂᒃᑳᐸᓪᓗᑎᒃ ᐊᕐᕌᒍᑕᒫᑦ ᒥᓂᔅᑕᓄᑦ ᐊᒻᒪᓗ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᐊᑐᓕᖅᑎᑕᐅᓂᖏᓐᓄᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ.
11.4.5 - ᖃᑦᓯᐅᓂᖏᑦ ᑎᓕᔭᐅᔾᔪᑎᓗ
ᐊᖏᓂᖓ ᐋᖅᑭᑦᓯᒪᓂᖏᓪᓗ ᑲᑎᒪᔨᑦ ᖃᓄᐃᑦᑐᑐᐃᓐᓇᐅᒍᓐᓇᖅᑐᑦ ᓄᓇᕗᒻᒥ ᐸᕐᓇᐃᔨᒃᑯᓐᓂ, ᑭᓯᐊᓂ ᒐᕙᒪᒃᑯᖏᑦ ᑲᓇᑕᐅᑉ ᐊᕕᑦᑐᖅᓯᒪᔪᓂᓗ ᒐᕙᒪᐃᑦ ᐃᓱᒪᓕᕆᓂᐊᖅᑐᑦ ᐊᑐᓂᑦ ᐊᑕᐅᓯᕐᒥᒃ ᑲᑎᒪᔨᑦᓴᒥᒃ ᐊᒻᒪᓗ ᐃᓄᓐᓄᑦ ᑎᒥᖁᑕᐅᔪᑦ ᓇᓗᓇᐃᖅᑕᐅᓯᒪᔪᑦ ᑎᓕᓯᓂᐊᖅᑐᖅ ᑲᑎᒪᔨᓂᒃ ᓈᒻᒪᓪᓗᐊᖏᓐᓂᒃ ᑲᑎᑦᓱᑎᒃ ᐃᓱᒪᓕᐅᕈᑕᐅᔪᑦ ᒐᕙᒪᒃᑯᓐᓄᑦ, ᓄᓇᕗᒻᒥ ᐸᕐᓇᐃᔨᓄᑦ ᑲᑎᒪᔩᑦ ᑎᓕᔭᐅᓂᐊᖅᑐᑦ ᒥᓂᔅᑕᖓᓐᓄᑦ ᐃᓄᓕᕆᔨᑐᖃᒃᑯᑦ ᑕᑉᐱᒃᑯᓇᓐᖓᑦ ᐃᓱᒪᓕᐅᕈᑕᐅᔪᓂᒃ ᓂᕈᐊᕋᑦᓴᓕᐊᖑᔪᓂᓪᓗ.
11.4.6
ᒐᕙᒪᑐᖃᒃᑯᓐᓂ ᐊᕕᑦᑐᖅᓯᒪᔪᓂᓗ ᒐᕙᒪᓂ ᐃᖅᑲᓇᐃᔭᖅᑏᑦ ᑎᓕᔭᐅᒋᐊᖃᓐᖏᖅᑐᑦ ᓄᓇᕗᒻᒥ ᐸᕐᓇᐃᔩᑦ ᑲᑎᒪᔨᖏᓐᓄᑦ.
11.4.7
ᐊᕝᕙᖏᑦ ᑲᑎᒪᔩᑦ ᓄᓇᕗᒻᒥ ᐸᕐᓇᐃᔨᒃᑯᓐᓂᒃ ᓄᓇᓕᖃᕐᓂᐊᖅᑐᑦ ᓄᓇᕗᒻᒥ.
11.4.8
ᓇᓗᓇᐃᖅᑕᐅᓯᒪᔪᖅ ᐃᓄᓐᓄᑦ ᑎᒥᖁᑕᐅᔪᖅ ᐱᔪᓐᓇᕐᓂᖃᕐᓂᐊᖅᑐᑦ ᐃᓇᖏᖅᑕᐅᑎᑦᓯᑲᐃᓐᓇᖃᑦᑕᕈᓐᓇᕐᓂᕐᒥᒃ ᑭᖑᕝᕕᐅᑎᔪᑦᓴᓄᑦ ᓂᕈᐊᕋᑦᓴᓕᐊᖑᓯᒪᔪᓄᑦ ᑲᑎᒪᔨᓄᑦ ᖃᐅᔨᓴᑦᓯᐊᕈᑕᐅᓗᓂ ᓇᒻᒪᑦᑐᓂᒃ ᑭᒡᒐᖅᑐᐃᔨᖃᑦᓯᐊᓕᕋᓗᐊᕐᒪᖔᑕ ᐊᕕᑦᑐᖅᓯᒪᓂᕐᒧᑦ ᐸᕐᓇᒍᑕᐅᔪᒧᑦ ᖃᖓᑐᐃᓐᓇᑦᓯᐊᖅ. ᐃᓇᖐᓂᐊᖅᑐᑦ ᑎᓕᔭᐅᕙᓪᓂᐊᖅᑐᑦ ᒪᓕᓪᓗᑎᒃ ᑎᑎᕋᖅᓯᒪᔪᒥᒃ 11.4.5.
11.4.9
ᑐᓐᖓᕕᒋᑦᓱᒍ 11.4.11, ᑲᑎᒪᔩᑦ ᑎᓕᔭᐅᓯᒪᕙᓐᓂᐊᖅᑐᑦ ᐊᕐᕌᒍᓄᑦ ᐱᖓᓱᓄᑦ.
11.4.10
ᓂᕈᐊᕋᑦᓴᐅᑎᑕᐅᔪᓄᑦ ᓄᓇᕗᒻᒥ ᐸᕐᓇᐃᔨᒃᑯᓐᓂᒃ, ᒥᓂᒡᑕᖓᑦ ᐃᓄᓕᕆᔨᑐᖃᒃᑯᑦ, ᐅᖃᖃᑎᖃᕐᓗᓂ ᐊᕕᑦᑐᖅᓯᒪᔪᓂ ᒐᕙᒪᐃᑦ ᒥᓂᔅᑕᖓᓐᓂᒃ ᓄᓇᒥᐅᑕᓕᕆᓂᕐᒧᑦ, ᑎᓕᓯᓂᐊᖅᑐᑦ ᑲᑎᒪᔨᒃᑲᓐᓂᑦᓴᒥᒃ ᐃᑦᓯᕙᐅᑕᓕᐅᓂᐊᖅᑎᓪᓗᒍ. ᑲᑎᒪᔨᐅᖃᑕᐅᔪᖅ ᓄᓇᕗᒻᒥ ᐸᕐᓇᐃᔩᑦ ᑲᑎᒪᔨᖏᓐᓄᑦ ᓂᕈᐊᕋᑦᓴᓕᐊᖑᒍᓐᓇᖅᑐᖅ ᐃᑦᓯᕙᐅᑕᓕᐅᓂᐊᖅᑎᓪᓗᒍ ᐊᓯᐊᓂᓪᓗ ᑲᑎᒪᔨᒥᒃ ᑎᓕᔭᐅᔪᖃᕐᓗᓂ ᐊᑖᓂ 11.4.5.
11.4.11
ᐃᑦᓯᕙᐅᑕᓕᒃ ᑲᑎᒪᔨᐅᖃᑕᐅᔪᕐᓘᓐᓃᑦ ᓄᓇᕗᒻᒥ ᐸᕐᓇᐃᔨᑦ ᑲᑎᒪᔨᖏᓐᓄᑦ ᐲᖅᑕᐅᒍᓐᓇᖅᑐᖅ ᐱᔾᔪᑎᑕᖃᕐᓗᓂ.
11.4.12
ᑲᑎᒪᔨᒥᒃ ᐊᓂᔪᖃᖅᐸᑦ, ᐃᓇᖐᔪᑦᓴᒥᒃ ᓂᕈᐊᕋᑦᓴᓕᐅᖅᑐᖃᕈᓐᓇᖅᑐᖅ ᐅᕝᕙᓗ ᐃᓱᒪᓕᐅᕈᑕᐅᓗᓂ ᐊᒥᐊᒃᑯᖓᓄᑦ ᑲᑎᒪᔨᖃᕆᐊᖃᕐᓂᐅᑉ ᐃᓐᓄᒋᐊᓕᒻᒧᑦ ᑎᒥᐅᔪᒧᑦ ᓂᕈᐊᕋᑦᓴᓕᐅᖅᑐᒧᑦ ᐃᓱᒪᓕᐅᕆᔪᒧᓪᓘᓐᓃᑦ ᑲᑎᒪᔨᒥᒃ ᐊᑖᓂ 11.4.5 ᐅᕝᕙᓗ 11.4.10. ᐱᓚᐅᕐᓗᑎᒃ ᐃᓱᒪᓕᐅᕈᑕᐅᔪᓂᒃ ᓂᕈᐊᕋᑦᓴᓂᓪᓘᓐᓃᑦ ᒥᓂᔅᑕ ᑎᓕᓯᓂᐊᖅᑐᖅ ᐃᓇᖐᔪᒥᒃ.
11.4.13
ᑲᑎᒪᔩᑦ ᑎᓕᔭᐅᒃᑲᓐᓂᕈᓐᓇᖅᑐᑦ.
11.4.14 - ᐊᐅᓚᓂᐅᔪᑦ ᐊᑦᓱᖐᔪᑦ ᓄᓇᕗᒻᒥ ᐸᕐᓇᐃᔨᒃᑯᓐᓄᑦ
ᐃᑦᓯᕙᐅᑕᓕᒃ ᐊᓯᖏᓪᓗ ᑲᑎᒪᔩᑦ ᑲᒪᒋᔭᕆᐊᓕᒻᒥᓂᒃ ᑲᒪᓂᐊᖅᑐᖅ ᑐᓐᖓᕕᖃᕐᓗᑎᒃ ᐅᑯᓇᓐᖓᑦ:
(b)
(a) ᐊᖏᕈᑎᒥᒃ ᐊᑐᕐᓗᒍ ᐊᑐᖅᑕᐅᒋᐊᓕᒃ ᓇᓗᓇᐃᔭᖅᓯᒪᔪᖅ ᐃᓚᒍᑕᖅ 5-4-ᒥ, ᐊᑑᑎᒋᐊᓕᒃ ᑲᑎᒪᔨᕈᓚᐅᓐᖏᓐᓂᖓᓂ ᐊᖏᖅᑎᑦᓯᔨᐅᑉ ᓵᖓᓂ ᐱᔪᓐᓇᕐᓂᖃᖅᑎᑕᐅᔫᑉ ᐊᖏᖅᑎᑦᓯᓂᕐᒥᒃ;
(b) ᒪᓕᒐᐃᑦ ᐊᑦᑐᐊᔪᑦ ᐊᐳᖅᓯᒪᓂᕐᒧᑦ ᓇᓗᓇᐃᔭᖅᑕᐅᔪᑦ ᐊᑑᑎᔪᓂ ᒐᕙᒪᑐᖃᒃᑯᓐᓄᑦ ᐊᕕᑦᑐᖅᓯᒪᔪᓄᓪᓗ ᒪᓕᒐᕐᓄᑦ, ᐃᒪᐃᑉᐸᑦ, ᐊᐅᓚᓂᐅᔪᖅᓄᓇᕗᒻᒥ ᐸᕐᓇᐃᔩᑦ ᓵᖓᓃᑦᑐᖅ ᐊᑦᑐᐃᓂᖃᖅᐸᑦ ᐃᓄᓐᓂᒃ ᐃᓘᓐᓈᒍᑦ, ᑲᑎᒪᔨ ᐊᐳᖅᓯᒪᔪᖅᑎᑐᑦ ᑕᑯᓐᓇᖅᑕᐅᔾᔮᓐᖏᑦᑐᖅ ᑖᓐᓇᑐᐊᖅ ᑐᓐᖓᕕᐅᓗᓂ ᐃᓅᓂᖓ; ᐊᒻᒪᓗ
(c)
ᐃᒪᐃᓕᖓᓂᖏᑦ ᐊᖏᕈᑎᐅᑉ.
11.4.15
ᓄᓇᕗᒻᒥ ᐸᕐᓇᐃᔩᑦ ᐊᐅᓚᓂᖃᖅᐸᓐᓂᐊᖅᑐᑦ ᐊᑐᕐᓗᑎᒃ ᑲᓇᑕᒥ ᐃᓕᑕᕆᔭᐅᓯᒪᔪᓂᒃ ᐅᖃᐅᓯᕐᓂᒃ ᐱᔭᕆᐊᖃᖅᑎᑕᐅᑉᐸᑕ ᒪᓕᒐᖅᑎᒍᑦ ᐊᑐᐊᒐᖅᑎᒍᓪᓗ, ᑐᑦᓯᕋᖅᑐᖃᑐᐊᖅᐸᑦ ᓇᓪᓕᖏᓐᓂᒃ ᑲᑎᒪᔩᑦ. ᐱᖃᓯᐅᑎᑦᓱᓂ ᐃᓄᑦᑎᑐᑦ.
11.4.16 - ᒪᓕᒐᕋᓛᑦ ᓴᓐᖏᓂᕆᔭᐅᔪᓪᓗ
ᓄᓇᕗᒻᒥ ᐸᕐᓇᐃᔩᑦ ᒪᓕᒐᕋᓛᓕᐅᕈᓐᓇᖅᑐᑦ ᒪᓕᒐᓕᐅᕈᓐᓇᖅᓱᑎᒃ ᐊᑦᑐᐊᔪᓄᑦ:
(a)
ᑲᑎᒪᓂᖏᓅᖓᔪᓂᒃ ᓄᓇᕗᒻᒥ ᐸᕐᓇᐃᔩᑦ ᑲᑎᒪᔨᖏᑦᑕ;
(b)
ᐊᐅᓚᓂᖓᓄᑦ ᑲᑎᒪᓂᖓᑦᑕ ᓄᓇᕗᒻᒥ ᐸᕐᓇᐃᔨᒃᑯᑦ ᐊᒻᒪᓗ ᓴᖅᑭᑕᐅᓂᖏᓐᓄᑦ ᖃᐅᔨᒪᓂᖃᕆᐊᓖᑦ ᓈᓚᑦᑏᑦ ᓄᓇᕗᒻᒥ ᐸᕐᓇᐃᔨᒃᑯᓐᓂ;
(c)
ᐊᐅᓚᓂᖏᑦ ᑐᓂᓯᓂᕐᒧᑦ, ᑭᒡᒐᖅᑐᐃᓂᕐᒧᑦ ᐅᓐᓂᕐᓘᑎᓄᓪᓗ ᓄᓇᕗᒻᒥ ᐸᕐᓇᐃᔨᒃᑯᓐᓄᑦ;
(d)
ᐊᐅᓚᓂᐅᔪᓄᑦ ᓄᐊᑦᓯᓂᕐᒧᑦ ᑐᓴᕋᑦᓴᓂᒃ ᐃᓱᒪᒋᔭᐅᔪᓂᓪᓗ, ᐱᖃᓯᐅᑎᑦᓱᑎᒃ ᐊᐅᓚᓂᖏᓐᓄᑦ ᑭᓇᒃᑯᑐᐃᓐᓇᐃᑦ ᓈᓚᓐᓂᖃᕐᓂᖏᓐᓄᑦ;
(e)
ᐃᓘᓐᓈᒍᑦ ᐊᐅᓚᑕᐅᓂᖓᓄᑦ ᐱᓇᓱᐊᕐᓂᖏᑦᑕ ᓄᓇᕗᑦ ᐸᕐᓇᐃᔩᑦ ᓯᕗᕐᖓᓂᓘᓐᓃᑦ; ᐊᒻᒪᓗ
(f)
ᑐᓂᔭᐅᒍᓐᓇᕐᓂᖏᓐᓄᑦ ᓇᓗᓇᐃᕈᑎᑦᓴᐃᑦ.
11.4.17
ᐊᐅᓚᓂᖃᖅᑎᓪᓗᒋᑦ ᓈᓚᓐᓂᖃᖅᑎᑦᓯᓂᖏᑦ, ᓄᓇᕗᒻᒥ ᐸᕐᓇᐃᔩᑦ ᐃᒪᐃᓐᓂᐊᖅᑐᑦ:
(a)
ᖃᖓᓕᒫᑦᓯᐊᖅ, ᐃᓱᒪᒋᔭᖃᑦᓴᐃᓐᓇᕆᐊᓖᑦ ᐱᖅᑯᓯᖏᓐᓂᒃ ᐃᓄᐃᑦ ᑐᓴᐅᒪᖃᑦᑕᐅᑎᓂᕐᒥᒃ ᐅᖃᐅᓯᒃᑯᑦ ᖃᓄᖅᑑᕐᓂᖏᓐᓂᓪᓗ; ᐊᒻᒪᓗ
(b)
ᐃᓚᒋᔭᐅᒍᓐᓇᖅᑎᑕᐅᓗᑎᒃ ᓈᓚᓐᓂᓕᒫᑦᓯᐊᓂ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ.
11.4.18
ᓄᓇᕗᒻᒥ ᐸᕐᓇᐃᔩᑦ ᐃᒪᐃᑦᓱᓐᓇᖅᑐᑦ, ᑮᓇᐅᔭᖅᑑᑎᑦᓴᖏᑦᑕ ᐊᖏᖅᑕᐅᓯᒪᔪᑦ ᐃᓗᐊᓂ, ᐊᑑᑎᓗᑎᒃ ᐋᖅᑮᓗᑎᓪᓗ ᑮᓇᐅᔭᓕᐊᖑᓂᐊᖅᑐᓂᒃ ᖃᐅᔨᒪᔪᒻᒪᕆᓐᓄᑦ ᐃᓄᓐᓄᓘᓐᓃᑦ ᖃᐅᔨᒪᓂᖃᑦᓯᐊᖅᑐᓄᑦ ᐃᑲᔪᕐᓂᖃᑉᓗᑎᒃ ᓄᓇᕗᒻᒥ ᐸᕐᓇᐃᔨᒃᑯᓐᓂᒃ.
ᐃᓚᖓ 5
ᐱᕙᓪᓕᐊᓂᖏᑦ ᕿᒥᕐᕈᔭᐅᓂᖏᓪᓗ ᓄᓇᒥᒃ ᐊᑐᓂᕐᒧᑦ ᐸᕐᓇᐅᑏᑦ
11.5.1
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ ᐋᖅᑭᓱᖅᑕᐅᓂᐊᖅᑐᖅ ᓄᓇᕗᒻᒥ ᐸᕐᓇᐃᔨᒃᑯᓐᓄᑦ ᑐᓐᖓᕕᖃᕐᓗᑎᒃ 11.5.4 ᖃᐅᔨᒪᓕᑕᕆᔭᐅᓗᑎᒃ ᑐᑭᒧᐊᑦᑎᑦᓯᒍᑕᐅᓗᑎᓪᓗ ᑮᑕᑲᐃᓐᓈᖅᑐᓄᒃ ᐊᑯᓃᖅᑐᓄᓪᓗ ᐱᕙᓪᓕᐊᓂᐅᔪᓄᑦ ᓄᓇᕗᒻᒥ. ᐊᕕᑦᑐᖅᓯᒪᔪᓂ ᐊᕕᑦᑐᖅᓯᒪᔪᕋᓛᓂᓘᓐᓃᑦ ᐃᓗᖏᑦ ᓄᓇᐃᑦ ᐊᑐᖅᑕᐅᓂᖏᑦᑕ ᐸᕐᓇᐅᑏᑦ ᐊᑐᓕᖅᑎᑕᐅᓂᐊᖅᑐᑦ ᐊᖏᖅᑕᐅᓯᒪᑐᐊᖅᐸᑕ ᑐᓐᖓᕕᖃᕐᓗᑎᒃ 11.5.9.
11.5.2
ᓯᕗᓪᓕᖅᐹᖅ ᐊᐅᓚᓂᖅ ᐋᖅᑭᓱᖅᑕᐅᓂᖓᓄᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᐅᑉ, ᐃᓱᒪᓯᐅᕆᔪᖃᓚᐅᖅᑎᓪᓗᒍ ᓈᒻᒪᒋᔭᒥᓂᒃ ᓄᓇᕗᒻᒥ ᐸᕐᓇᐃᔩᑦ ᐸᕐᓇᑕᐅᕙᓪᓕᐊᓂᐊᖅᑐᖅ ᑎᑎᕋᕆᐊᓐᖓᖅᓯᒪᔪᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ ᓄᓇᕗᒻᒥ ᐸᕐᓇᐃᔨᒃᑯᓐᓄᑦ.
11.5.3
ᓄᓇᕗᒻᒥ ᐸᕐᓇᐃᔩᑦ ᐸᕐᓇᐃᐸᓪᓕᐊᓂᐊᖅᑐᑦ ᑎᑎᕋᕆᐊᓐᖓᖅᓯᒪᔪᒥᒃ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᒃ ᑐᓐᖓᕕᖃᕐᓗᑎᒃ 11.5.4 ᐊᒻᒪᓗ, ᐱᔭᕇᖅᐸᑦ, ᑎᑎᕋᕆᐊᓐᖓᖅᓯᒪᔪᓂᒃ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓂᒃ ᑭᓇᒃᑯᑐᐃᓐᓇᕐᓄᑦ ᑐᓴᖅᑕᐅᑎᑦᓯᒋᐊᓖᑦ ᑐᓴᕋᓱᐊᕐᓗᑎᓪᓗ ᑎᑎᕋᖅᓯᒪᔪᓂᒃ ᐅᖃᐅᓯᒃᑯᓪᓗ ᐅᖃᐅᓯᑦᓴᓂᒃ ᐃᓘᓐᓇᖏᓐᓂᒃ ᑖᒃᑯᓇᓐᖓᓪᓗᐊᖅ ᒐᕙᒪᑐᖃᒃᑯᓐᓂᒃ ᐊᕕᑦᑐᖅᓯᒪᔪᓂᓗ ᒐᕙᒪᓂ ᑎᒥᐅᔪᓂᒃ, ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ, ᓄᓇᓕᓐᓂᒃ ᑭᓇᒃᑯᑐᐃᓐᓇᕐᓂᓪᓗ.
11.5.4
ᓄᓇᕗᒻᒥ ᐸᕐᓇᐃᔩᑦ ᐃᒪᐃᓐᓂᐊᖅᑐᑦ:
(a)
ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖅᑎᑦᓯᓗᑎᒃ ᑎᑎᕋᕆᐊᓐᖓᖅᓯᒪᔪᓄᑦ ᐸᕐᓇᐅᑎᓄᑦ;
(b)
ᕿᒥᕐᕈᓗᑎᒃ ᑎᑎᕋᕆᐊᓐᖓᖅᓯᒪᔪᓂᒃ ᐸᕐᓇᐅᑎᓂᒃ ᑭᒡᒐᖅᑐᐃᓂᐅᔪᑦ ᑕᑯᓚᐅᕐᓗᒋᑦ ᓈᓚᓐᓂᐅᔪᓂ ᑭᓇᒃᑯᑐᐃᓐᓇᕐᓄᑦ; ᐊᒻᒪᓗ
(c)
ᐊᑲᐅᓈᕋᐃᑉᐸᑦ, ᐋᖅᑭᒋᐊᕐᓗᒋᑦ ᑎᑎᕋᕆᐊᓐᖓᖅᓯᒪᔪᑦ ᐸᕐᓇᐅᑏᑦ.
11.5.5
ᐱᔭᕇᖅᑕᐅᓚᐅᖅᑎᓪᓗᒍ ᐊᐅᓚᓂᐅᔪᖅ 11.5.4, ᓄᓇᕗᒻᒥ ᐸᕐᓇᐃᔩᑦ ᑐᓂᓯᓂᐊᖅᑐᑦ ᑎᑎᕋᕆᐊᓐᖓᖅᓯᒪᔪᓂᒃ ᐸᕐᓇᐅᑎᓂᒃ ᐋᖅᑭᒋᐊᖅᓯᒪᑎᓪᓗᒋᑦ ᑎᑎᕋᖅᓯᒪᔪᓂᓪᓗ ᐅᓂᒃᑳᖅᑕᖃᕐᓗᓂ ᑭᓇᒃᑯᑐᐃᓐᓇᕐᓄᑦ ᓈᓚᓐᓂᕐᓅᖓᔪᓂᒃ ᒥᓂᔅᑕᖓᓐᓄᑦ ᐃᓄᓕᕆᔨᑐᖃᒃᑯᑦ ᐊᒻᒪᓗ ᐊᕕᑦᑐᖅᓯᒪᔪᓂ ᒐᕙᒪᒃᑯᑦ ᒥᓂᔅᑕᖓᓐᓄᑦ ᑎᒍᒥᐊᖅᑐᒧᑦ ᓄᓇᒥᐅᑕᓕᕆᓂᕐᒥᒃ. ᓄᓇᕗᒻᒥ ᐸᕐᓇᐃᔩᑦ ᐋᖅᑭᒋᐊᖅᓯᒪᔪᓂᒃ ᑎᑎᕋᕆᐊᓐᖓᖅᓯᒪᔪᓂᒃ ᑐᓴᖅᑕᐅᒃᑲᐃᓂᐊᖅᑐᑦ ᑭᓇᒃᑯᑐᐃᓐᓇᕐᓄᑦ.
11.5.6
ᐱᔭᐅᓚᐅᖅᑎᓪᓗᒋᑦ ᐋᖅᑭᒋᐊᖅᓯᒪᔪᑦ ᑎᑎᕋᕆᐊᓐᖓᖅᓯᒪᔪᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ, ᒥᓂᔅᑕᐃᑦ ᑲᑐᔾᔨᓗᑎᒃ ᐃᒪᐃᓐᓂᐊᖅᑐᑦ, ᐱᔪᓐᓇᖅᓯᑐᐊᕈᑎᒃ:
(a)
ᐊᖏᕐᓗᑎᒃ ᐸᕐᓇᐅᑎᓂᒃ; ᐅᕝᕙᓗ
(b)
ᐅᑎᖅᑎᓪᓗᒋᑦ ᓄᓇᕗᒻᒥ ᐸᕐᓇᐃᔨᒃᑯᓐᓄᑦ ᐃᓱᒪᑦᓴᖅᓯᐅᕈᑕᐅᒋᐊᒃᑲᓐᓂᕐᓂᐊᖅᑎᓪᓗᒋᑦ ᑎᑎᕋᖅᓯᒪᓗᑎᒃ ᐱᔾᔪᑕᐅᔪᑦ; ᓄᓇᕗᒻᒥ ᐸᕐᓇᐃᔩᑦ ᑭᓇᒃᑯᑐᐃᓐᓇᕐᓄᑦ ᑐᓴᖅᑕᐅᒃᑲᐃᒍᓐᓇᖅᑐᑦ ᒥᓂᔅᑕᓄᑦ ᐱᔾᔪᑕᐅᔪᓂᒃ.
11.5.7
ᓄᓇᕗᒻᒥ ᐸᕐᓇᐃᔩᑦ ᐃᓱᒪᑦᓴᖅᓯᐅᕈᑎᖃᒃᑲᓂᕐᓂᐊᖅᑐᖅ ᐸᕐᓇᐅᑎᓂᒃ ᑐᓐᖓᕕᖃᕐᓗᑎᒃ ᑎᑎᕋᖅᓯᒪᔪᓂᒃ ᐱᔾᔪᑕᐅᔪᓂ ᑐᓂᓯᒃᑲᓐᓂᕐᓂᐊᕐᓱᑎᓪᓗ ᐸᕐᓇᐅᑎᓂ ᒥᓂᔅᑕᓄᑦ ᑭᖑᓪᓕᖅᐹᒥ ᐃᓱᒪᓯᐅᕆᒍᑕᐅᓂᐊᖅᑎᓪᓗᒋᑦ.
11.5.8
ᐊᖏᖅᑕᐅᓚᐅᖅᑎᓪᓗᒋᑦ ᐸᕐᓇᐅᑏᑦ, ᒥᓂᔅᑕᖓᑦ ᐃᓄᓕᕆᔨᑐᖃᒃᑯᑦ ᑲᑎᒪᔩᑦ ᓯᕗᓕᖅᑎᖏᓐᓄᑦ ᐊᖏᖅᑕᐅᑎᑦᓯᒋᐊᕐᓂᐊᖅᑐᖅ ᑐᓂᒪᓂᖃᖁᔨᓗᓂᓗ, ᐊᒻᒪᓗ ᐊᕕᑦᑐᖅᓯᒪᔪᓂ ᒐᕙᒪᒃᑯᑦ ᒥᓂᔅᑕᖓᑦ ᑎᒍᒥᐊᖅᑐᖅ ᓄᓇᒥᐅᑕᓕᕆᓂᕐᒥᒃ ᐊᖏᖅᑕᐅᑎᑦᓯᒋᐊᕐᓂᐊᕐᒥᔪᖅ ᑐᓂᒪᓂᖃᖅᑎᑦᓯᓗᓂᓗ ᐊᐅᓚᑦᓯᔩᑦ ᑲᑎᒪᔨᖏᓐᓄᑦ.
11.5.9
ᐊᖏᖅᑕᐅᓚᐅᖅᑎᓪᓗᒋᑦ ᓯᕗᓕᖅᑏᑦ ᑲᑎᒪᔨᖏᓐᓄᑦ ᐊᐅᓚᑦᓯᔩᓪᓗ, ᐸᕐᓇᐅᑏᑦ ᐊᑐᓕᖅᑎᑕᐅᓂᐊᖅᑐᑦ ᑐᓐᖓᕕᖃᕐᓗᑎᒃ ᐊᕕᑦᑐᖅᓯᒪᔪᑦ ᑎᒍᒥᐊᕐᓂᖏᓐᓂ. ᒐᕙᒪᑐᖃᒃᑯᓐᓂ ᒐᕙᒪᓂᓗ ᒥᓂᔅᑕᐅᕕᐅᔪᓕᒫᑦ ᑎᒥᐅᔪᓪᓗ ᐊᐅᓚᓂᖃᕐᓂᐊᖅᑐᑦ ᐊᐅᓚᓂᕆᒋᐊᓕᒥᓐᓂᒃ ᑐᓐᖓᕕᖃᕐᓗᑎᒃ ᐸᕐᓇᐅᑎᒥᒃ ᐊᖏᖅᑕᐅᓯᒪᔪᒥᒃ.
11.5.10
ᓄᓇᕗᒻᒥ ᐸᕐᓇᐃᔩᑦ ᕿᒥᕐᕈᓂᐊᖅᑐᑦ ᐃᓘᓐᓇᖏᓐᓂᒃ ᑐᑦᓯᕋᐅᑎᓕᒫᓂᒃ ᐊᐅᓚᓂᐅᔪᓄᑦ. ᑎᑎᕋᖅᓯᒪᔪᓂᒃ ᐱᓚᐅᕐᓗᑎᒃ ᐊᒻᒪᓗ ᕿᒥᕐᕈᓯᒪᓕᕈᑎᒃ ᐊᐅᓚᓂᐅᔪᒧᑦ ᑐᑦᓯᕋᐅᑎᓂᒃ, ᓄᓇᕗᒻᒥ ᐸᕐᓇᐃᔩᑦ ᑲᑎᒪᔨᖏᓪᓘᓐᓃᑦ ᐊᐅᓚᑦᓯᔨᖏᓪᓘᓐᓃᑦ ᐅᓂᒃᑳᖅᑐᑦ ᓄᓇᕗᑦ ᐸᕐᓇᐃᔨᒃᑯᓐᓄᑦ ᐃᒪᐃᓐᓂᐊᖅᑐᑦ:
(a)
ᓇᓗᓇᐃᖅᓯᓗᑎᒃ ᐊᐅᓚᓂᐅᔪᒧᑦ ᑐᑦᓯᕋᐅᑏᑦ ᒪᓕᒐᓗᐊᕐᒪᖔᑕ ᐸᕐᓇᐅᑎᓂᒃ; ᐊᒻᒪᓗ
(b)
ᓯᕗᒧᑦᑎᑦᓯᓗᑎᒃ ᐊᐅᓚᓂᐅᔪᓄᑦ ᑐᑦᓯᕋᐅᑎᓂᒃ ᑲᒪᒋᓂᐊᖅᑕᖏᓐᓅᖓᔪᑦ ᐊᒻᒪᓗ ᐃᓱᒪᓕᐅᕈᑕᐅᓯᒪᔪᑦ ᑖᒃᑯᓄᖓᓪᓗᐊᖅ ᒐᕙᒪᑐᖃᒃᑯᓐᓄᑦ ᐊᕕᑦᑐᖅᓯᒪᔪᓂᓗ ᑎᒥᐅᔪᓄᑦ.
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎ ᐱᕕᖃᖅᑎᑦᓯᒍᓐᓇᖅᑐᑦ ᓄᓇᕗᑦ ᐸᕐᓇᐃᔨᒃᑯᓐᓂᒃ ᐊᖏᕈᓐᓇᖁᓪᓗᒋᑦ ᐊᓯᔾᔨᕆᐊᒐᓛᑐᐃᓐᓇᖅᑐᓂᒃ.
11.5.11
ᓄᓇᕗᒻᒥ ᐸᕐᓇᐃᔩᑦ ᓇᓗᓇᐃᖅᓯᑉᐸᑕ ᐊᐅᓚᓂᕐᒧᑦ ᑐᑦᓯᕋᐅᑎ ᒪᓕᓐᖏᒋᐊᖓ ᐸᕐᓇᐅᑎᓂᒃ, ᑐᑦᓯᕋᖅᑐᖅ ᑐᑦᓯᕋᕈᓐᓇᖅᑐᖅ ᒥᓂᔅᑕᒧᑦ ᐊᑐᕆᐊᑐᓐᖏᑎᑕᐅᒍᒪᓗᓂ. ᒥᓂᔅᑕ ᐊᑐᕆᐊᑐᓐᖏᑎᑦᓯᒍᓐᓇᖅᑐᖅ ᐊᐅᓚᓂᕐᒧᑦ ᑐᑦᓯᕋᐅᑎᒥᒃ ᒪᓕᒋᐊᓕᓐᓂᒃ ᐸᕐᓇᐅᑎᒧᑦ, ᐊᒻᒪᓗ, ᑐᓐᖓᕕᖃᕐᓗᓂ 12.3.2 ᐊᒻᒪᓗ 12.3.3, ᑐᓂᕐᕈᑎᒋᓗᒍ ᓄᓇᕗᒻᒥ ᐊᑦᑐᖅᑕᐅᓂᕐᒧᑦ ᕿᒥᕐᕈᔨᓄᑦ ᕿᒥᕐᕈᔭᐅᓂᐊᖅᑎᓪᓗᒍ. ᒪᓕᓐᖏᑦᑐᑦ ᐊᐅᓚᓂᕐᒧᑦ ᑐᑦᓯᕋᐅᑏᑦ ᐊᐅᓪᓚᖅᑎᑕᐅᔾᔮᓐᖏᑦᑐᑦ ᓄᓇᕗᒻᒥ ᐊᑦᑐᖅᑕᐅᓂᕐᒧᑦ ᕿᒥᕐᖁᔨᓄᑦ ᐊᑑᑎᒋᐊᑐᓐᖏᑎᑕᐅᓚᐅᓐᖏᓐᓂᖏᓐᓂ ᐊᓯᔾᔨᖅᑕᐅᓂᖃᕐᓗᓂᓘᓐᓃᑦ ᐊᖏᖅᑕᐅᑉᐸᑦ.
11.5.12
ᒥᓂᔅᑕᒥᒃ ᐊᑑᑎᓐᖏᑎᑦᓯᔪᖃᖅᐸᑦ ᐊᐅᓚᓂᕐᒧᑦ ᑐᑦᓯᕋᐅᑎᒥᒃ, ᒥᓂᔅᑕ ᓇᓗᓇᐃᖅᓯᓂᐊᖅᑐᖅ ᐱᔾᔪᑎᒥᓂᒃ ᓄᓇᕗᒻᒥ ᐸᕐᓇᐃᔨᒃᑯᓐᓄᑦ ᑎᑎᕋᖅᓯᒪᑎᓪᓗᒋᑦ ᑐᓴᖅᑕᐅᓗᑎᓪᓗ ᑕᖅᑲᐅᖓ.
11.5.13
ᐃᓚᖓ 6
ᐋᖅᑭᒋᐊᕐᓂᖅ ᕿᒥᕐᕈᓕᐅᒥᔮᕐᓂᕐᓗ ᓄᓇᒥᒃ ᐊᑐᓂᕐᒧᑦ ᐸᕐᓇᐅᑎᓂᒃ
11.6.1
ᒐᕙᒪᒃᑯᑦ, ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑎᒋᔭᐅᔪᑦ ᐅᕝᕙᓘᓐᓃᑦ ᓇᐅᑐᐃᓐᓇᖅ ᐃᓄᒃ ᐊᑦᑐᖅᑕᐅᔪᖅ ᐸᕐᓇᐅᑎᒧᑦ, ᐋᖅᑭᒋᐊᖅᑕᐅᖁᔨᒍᓐᓇᖅᑐᖅ ᐸᕐᓇᐅᑎᓂᒃ ᓄᓇᕗᒻᒥ ᐸᕐᓇᐃᔨᓄᑦ.
11.6.2
ᓄᓇᕗᒻᒥ ᐸᕐᓇᐃᔩᑦ ᐃᓱᒪᑦᓴᖅᓯᐅᕈᑎᖃᕐᓂᐊᖅᑐᑦ ᐋᖅᑭᒋᐊᖅᑕᐅᖁᔭᐅᓯᒪᔪᒥᒃ ᐊᒻᒪᓗ, ᕿᒥᕐᕈᔭᐅᒋᐊᖃᖅᑐᕆᑦᓯᒍᑎᒃ, ᕿᒥᕐᕈᓗᑎᒃ ᑐᑦᓯᕋᐅᑎᒥᒃ ᑭᓇᒃᑯᑐᐃᓐᓇᕐᓄᑦ ᓈᓚᑦᑕᐅᓗᑎᒃ.
11.6.3
ᐱᔭᕇᖅᑕᐅᖅᐸᑦ ᐊᐅᓚᓂᖓ 11.6.2, ᓄᓇᕗᒻᒥ ᐸᕐᓇᐃᔩᑦ ᐃᓱᒪᓕᐅᕆᒋᐊᓖᑦ ᒥᓂᔅᑕᖓᓐᓄᑦ ᐃᓄᓕᕆᔨᑐᖃᒃᑯᑦ ᐊᕕᑦᑐᖅᑦᓯᒪᔪᓂᓗ ᒐᕙᒪᒃᑯᓐᓂ ᒥᓂᔅᑕᒧᑦ ᑎᒍᒥᐊᖅᑐᒧᑦ ᓄᓇᒥᐅᑕᕐᓂᒃ ᐃᒪᐃᑦᑐᓂᒃ:
(a)
ᐋᖅᑭᒋᐊᖅᑕᐅᖁᔭᐅᔪᖅ ᕿᐱᓗᑦᑕᐅᓗᓂ ᐊᑕᖏᕐᓗᓂ ᐃᓚᐃᓐᓇᖓᓘᓐᓃᑦ; ᐅᕝᕙᓗ
(b)
ᐋᖅᑭᒋᐊᖅᑕᐅᖁᔭᐅᔪᖅ ᓈᒻᒪᒋᔭᐅᓗᓂ, ᐊᑕᖏᕐᓗᓂ ᐃᓚᐃᓐᓇᖓᓘᓐᓃᑦ.
11.6.4
11.6.5
ᐋᖅᑭᒋᐊᕈᑕᐅᔪᖅ ᐸᕐᓇᐅᑎᒧᑦ ᐊᑑᑎᓂᐊᖅᑐᖅ ᐊᖏᖅᑕᐅᓯᒪᓕᖅᐸᑦ ᒥᓂᔅᑕᓄᑦ.
ᐃᓚᖓ 7
ᓄᓇᓕᓐᓂ ᒐᕙᒪᐃᑦ
11.7.1
11.7.2 ᑎᑭᓪᓗᒍ 1.7.5 ᖃᐅᔨᒪᓕᑕᐅᓂᐊᖅᑐᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᓐᓂᖏᓐᓄᑦ ᓄᓇᓕᓐᓂ ᒐᕙᒪᐃᑦ ᐊᒻᒪᓗ ᐃᓚᐅᓂᖏᓐᓄᑦ ᓄᓇᓕᓐᓂ ᒐᕙᒪᐃᑦ ᐊᕕᑦᑐᖅᓯᒪᔪᓂ ᓄᓇᒥᒃ ᐊᑐᕐᓂᕐᒧᑦ ᐸᕐᓇᓂᕐᒥ.
11.7.2
ᑐᓐᖓᕕᐅᔪᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓄᑦ ᓇᓗᓇᐃᔭᖅᑕᐅᓯᒪᔪᑦ ᐅᕙᓂ ᐃᓛᒃᑰᖅᑐᒥ ᐊᑐᖅᑕᐅᓂᐊᖅᑐᑦ ᐱᕙᓪᓕᐊᑎᑕᐅᑎᓪᓗᒍ ᓄᓇᓕᓐᓂ ᒐᕙᒪᓄᑦ ᐸᕐᓇᐅᑎ. ᐱᕙᓪᓕᐊᑎᑕᐅᓂᖏᑦ ᓄᓇᓕᓐᓂ ᒐᕙᒪᐃᑦ ᐸᕐᓇᐅᑎᖏᑦᑕ ᑖᒃᑯᓄᖓ ᑎᒍᒥᐊᖅᑕᐅᓂᐊᖅᑐᑦ ᐱᕕᖃᖅᑎᑕᐅᓂᖏᑦ ᒪᓕᓪᓗᒋᑦ ᐊᕕᑦᑐᖅᓯᒪᔪᓂ ᒐᕙᒪᐃᑦ ᒪᓕᒐᕐᔪᐊᖏᑦ.
11.7.3
ᐱᕙᓪᓕᐊᑎᑕᐅᑎᓪᓗᒋᑦ ᐊᕕᑦᑐᖅᓯᒪᔪᓂ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ, ᓄᓇᕗᒻᒥ ᐸᕐᓇᐃᔩᑦ ᐃᓱᒪᖃᖃᓯᐅᑎᓪᓚᕆᓐᓂᐊᖅᑐᑦ ᐃᓱᒪᒋᔭᖏᓐᓂᒃ ᓄᓇᓕᓐᓂ ᒐᕙᒪᐃᑦ ᐸᕐᓇᐅᑕᐅᒋᐊᓕᓐᓄᑦ.
11.7.4
ᓄᓇᕗᒻᒥ ᐸᕐᓇᐃᔩᑦ ᓄᓇᓕᓐᓂᓗ ᒐᕙᒪᐃᑦ ᐸᕐᓇᑦᑎᖏᑦ ᑲᑐᔾᔨᖃᑎᒌᓐᓂᐊᖅᑐᑦ ᖃᐅᔨᓴᖃᑎᒌᑦᓯᐊᕐᓗᑎᒃ ᐊᕕᑦᑐᖅᓯᒪᔪᓄᑦ ᓄᓇᓕᓐᓂᓗ ᒐᕙᒪᓄᑦ ᓄᓇᓕᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ ᐱᔭᕇᕋᓗᐊᕐᒪᖔᑕ.
ᐃᓚᖓ 8
ᑐᑭᖏᑦ
11.8.1
ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ ᐱᕙᓪᓕᐊᑎᑕᐅᓂᐊᖅᑐᑦ ᐊᑐᓕᖅᑎᑕᐅᓗᑎᓪᓗ ᑕᐃᒪᐃᓕᖓᓂᖏᑦ ᒪᓕᓪᓗᒋᑦ ᐃᓛᒃᑰᖅᑐᓂ 5 ᐊᒻᒪᓗ 7.
11.8.2
ᓄᓇᒥᒃ ᐊᑐᕐᓂᕐᒧᑦ ᐸᕐᓇᓂᕐᒧᑦ ᐊᐅᓚᓂᖅ ᐊᑑᑎᓂᐊᖅᑐᖅ ᐃᓄᐃᑦ ᓄᓇᖁᑎᖏᓐᓄᑦ. ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ ᐃᓱᒪᒋᔭᖃᖃᓯᐅᑎᓂᐊᖅᑐᑦ ᐃᓄᐃᑦ ᑐᕌᒐᖏᓐᓂᒃ ᑎᑭᑦᓱᒪᔭᖏᓐᓂᓪᓗ ᐃᓄᐃᑦ ᓄᓇᖁᑎᖏᓐᓄᑦ.
ᐃᓚᖓ 9
ᓴᓂᓐᓂᒃ ᓴᓗᒻᒪᖅᓴᐃᓂᖅ
11.9.1
ᓄᓇᕗᒻᒥ ᐸᕐᓇᐃᔩᑦ ᓇᓗᓇᐃᖅᓯᖃᖅᑕᕐᓂᐊᖅᑐᑦ ᓯᕗᓪᓕᐅᔾᔨᓗᑎᓪᓗ ᓴᓗᒻᒪᖅᓴᕆᐊᓕᓐᓂᒃ ᓄᓇᕗᒻᒥ, ᐱᖃᓯᐅᑎᑦᓱᑎᒃ ᓱᕈᓐᓇᖅᑐᑕᓖᑦ, ᐅᔭᕋᓐᓂᐊᕐᕕᒥᓃᑦ, ᓈᓚᕝᕕᖃᕐᕕᒥᓃᑦ ᓱᕈᓐᓇᖅᑐᖃᓐᖏᑦᑐᓪᓗ ᓄᓇᓖᑦ ᓴᓂᐊᓐᓃᑦᑐᑦ. ᓄᓇᕗᒻᒥ ᐸᕐᓇᐃᔩᑦ ᐃᓱᒪᑦᓴᖅᓯᐅᕈᑎᖃᕐᓂᐊᕐᒥᔪᑦ ᓴᓂᑦᑕᓕᓐᓂᒃ ᕿᑎᕐᒥᐅᓂ ᓯᕗᓪᓕᐅᔾᔨᓗᑎᒃ. ᐱᕕᓕᒫᖓᒍᑦ, ᑕᒪᓐᓇ ᐊᐅᓚᔾᔭᒋᐊᕐᓂᐅᔪᖅ ᑐᑭᒧᐊᑦᑎᑕᐅᓂᐊᖅᑐᖅ ᐱᕙᓪᓕᐊᑎᑕᐅᓂᖏᓐᓄᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ.
