ᐃᓛᒃᑯᑦ 13

ᐃᒪᕐᒥᒃ ᐊᐅᓚᑦᓯᓂᖅ

ᐃᓚᖓ 1
ᑐᑭᖏᑦ
13.1.1
ᐅᕙᓂ ᐃᓛᒃᑰᖅᑐᒥ:
“ᑰᕝᕕᒃ” ᑐᑭᓕᒃ ᓄᓇᒥ ᓇᓗᓇᐃᖅᑕᐅᓯᒪᔪᖅ ᑰᕝᕕᐅᒋᐊᖓ ᐃᒪᕐᒧᑦ, ᐱᖃᒥᐅᑎᑦᓱᓂ ᕐᑳᖓᓂᒃ ᐃᑭᐊᖓᓂᓗ ᐃᒪᖅ, ᑰᑦᑐᖅ ᑰᕝᕕᐅᒐᔪᑦᑐᒧᑦ;
“ᐊᑐᕐᓂᖅ ᐃᒪᕐᒥᒃ” ᐱᖃᓯᐅᔾᔨᖏᑦᑐᖅ ᐅᒥᐊᕐᔪᐊᓄᑦ ᐃᖏᕐᕋᕕᓐᓂᒃ.
ᐃᓚᖓ 2
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᓴᖅᑭᖅᑕᐅᔪᑦ
13.2.1
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᓴᖅᑭᖅᑕᐅᓂᐊᖅᑐᑦ ᑎᒥᐅᒋᔭᐅᔪᓕᑎᒃ ᑭᓇᒃᑯᑐᐃᓐᓇᕐᓄᑦ ᒐᕙᒪᓄᑦ. ᑎᒍᒥᐊᕐᓂᐊᖅᑐᑦ ᓴᓐᖏᓂᖃᕐᓗᑎᓪᓗ ᒪᓕᒐᐃᑦ ᕐᑳᖓᒍᑦ, ᐊᑐᕐᓗᑎᒃ ᐊᐅᓚᑦᓯᓗᑎᓪᓗ ᐃᒪᕐᒥᓯᒃ ᓄᓇᕗᒻᒥ, ᑕᐃᒫᓪᓗᐊᖅ ᑎᒍᒥᐊᕐᓗᑎᑦ ᓴᓐᖏᓂᖃᕐᓗᑎᓪᓗ ᓄᓇᑦᓯᐊᕐᒥ ᐃᒪᓕᕆᓂᕐᒧᑦ ᑲᑎᒪᔨᑎᑐᑦ ᐊᑖᓂ ᐅᑭᐅᖅᑕᖅᑐᒥ ᐃᓗᐃᓚᕐᒥ ᐃᒪᕐᓄᑦ ᒪᓕᒐᕐᒧᐊᑉ RSC 1985,c.N-25, ᐊᓯᓕᒫᖏᓪᓗ ᑎᒍᒥᐊᖅᑕᐅᔪᑦ ᐊᑖᓂ ᐆᒪ ᐃᓛᒃᑰᖅᑑᑉ.
ᐃᓚᖓ 3
ᐸᕐᓇᑕᐅᓂᖓ ᐊᐅᓚᓂᖓᓗ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ
13.3.1 - ᑲᑎᒪᔨᐅᖃᑕᐅᓂᖅ, ᑎᓕᔭᐅᓂᖅ ᕿᒥᕐᕈᔨᓪᓗ
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ 9-ᖑᓂᐊᖅᑐᑦ. ᑲᑎᒪᔨᖏᑦ ᑎᓕᔭᐅᓂᐊᖅᑐᑦ ᐃᒫᒃ:
(a)
ᓯᑕᒪᑦ ᑎᓕᔭᐅᓂᐊᖅᑐᑦ ᒥᓂᔅᑕᖓᓐᓄᑦ ᐃᓄᓕᕆᔨᑐᖃᒃᑯᑦ ᐅᑭᐅᖅᑕᖅᑐᒥᐅᓕᕆᔩᓪᓗ ᓂᕈᐊᕋᑦᓴᐅᓕᐊᖑᓚᐅᖅᑎᓪᓗᒋᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ;
(b)
ᒪᕐᕉᒃ ᑲᑎᒪᔩᒃ ᑎᓕᔭᐅᓂᐊᖅᑑᒃ ᒥᓂᒡᑕᖓᓐᓄᑦ ᐃᓄᓕᕆᔨᑐᖃᒃᑯᑦ ᐅᑭᐅᖅᑕᖅᑐᒥᐅᓕᕆᓂᕐᒧᓪᓗ.
(c)
ᒪᕐᕉᒃ ᑲᑎᒪᔩᑦ ᑎᓕᔭᐅᓂᐊᖅᑑᒃ ᒥᓂᔅᑕᖓᓐᓄᑦ ᐃᓄᓕᕆᔨᑐᖃᒃᑯᑦ ᐅᑭᐅᖅᑕᖅᑐᓕᕙᕿᓂᕐᒧᓪᓗ ᓂᕈᐊᕋᑦᓴᓕᐊᖑᓚᐅᖅᑎᓪᓗᒋᑦ ᓇᓗᓇᐃᖅᑕᐅᓯᒪᔪᓄᑦ ᒥᓂᔅᑕᓄᑦ ᐊᕕᑦᑐᖅᓯᒪᒧᓂ ᒐᕙᒪᓂ, ᐃᓚᖓᑦ ᒥᓂᔅᑕ ᑎᖑᒥᐊᖅᑑᓂᐊᖅᑐᑦ ᓄᓇᒥᐅᑕᓕᕆᓂᕐᒥᒃ; ᐊᒻᒪᓗ
(d)
ᐃᑦᓯᕙᐅᑕᓕᒃ ᑎᓕᔭᐅᓂᐊᖅᑐᖅ ᒥᓂᔅᑕᖓᓐᓄᑦ ᐃᓄᓕᕆᔨᑐᖃᒃᑯᑦ ᐅᑭᐅᖅᑕᖅᑐᒥᐅᓕᕆᓂᕐᒧᓪᓗ ᑭᖑᕐᖓᒍᑦ ᐅᖃᖃᑎᖃᓚᐅᕐᓂᖓᑕ ᐊᓯᖏᓐᓂᒃ ᑲᑎᒪᔨᓂᒃ.
13.3.2
ᑐᓐᖓᕕᒋᑦᓱᒋᑦ 13.3.3 ᐊᒻᒪᓗ 13.3.4, ᐊᑐᓂᑦ ᑲᑎᒪᔩᑦ ᑎᓕᔭᐅᓂᐊᖅᑐᑦ ᐊᕐᕌᒍᓄᑦ ᐱᖓᓱᓄᑦ. ᑲᑎᒪᔩᑦ ᑎᓕᔭᐅᒃᑲᓐᓂᕐᓂᖃᕈᓐᓇᖅᑐᑦ.
13.3.3
ᑲᑎᒪᔨᒃᑲᓐᓂᕐᓂᒃ ᑎᓕᔭᐅᒃᑲᓐᓂᐅᓕᒥᔮᕈᓐᓇᖅᑐᖅ ᑕᐃᒫᑦᓴᐃᓐᓇᖅ ᖃᑦᓯᐅᓂᖏᑦ ᓇᓗᓴᐃᖅᑕᐅᓯᒪᒻᒪᑕ 13.3.1-ᒥ. ᑕᐃᒪᐃᑦᑐᑦ ᑲᑎᒪᔩᑦ ᑎᓕᔭᐅᑲᐃᓐᓇᕈᓐᓇᖅᑐᖅ ᓇᓗᓇᐃᖅᑕᐅᓯᒪᔪᒥᒃ ᐱᔾᔪᑎᖃᕐᓗᓂ ᐊᑕᓗᓂ ᐊᕐᕌᒍᐃᑦ ᐱᖓᓱᑦ ᐊᑖᓂ.
13.3.4
ᓇᓪᓕᓂᑐᐃᓐᓇᖏᑦ ᑲᑎᒪᔩᑦ ᐲᖅᑕᐅᒍᓐᓇᖅᑐᑦ ᐱᔾᔪᑎᑕᖃᕐᓗᓂ.
13.3.5
ᑲᑎᒪᔨᒥᒃ ᐲᖅᑐᖃᖅᐸᑦ, ᐃᓇᖐᔪᒥᒃ ᑲᑎᒪᔨᒥᒃ ᓂᕈᐊᕋᑦᓴᓕᐅᖅᑐᖃᕈᓐᓇᖅᑐᖅ ᑎᓕᔭᐅᔪᖃᕐᓗᓂᓘᓐᓃᑦ ᐊᒥᐊᒃᑯᖓᓄᑦ ᑲᑎᒪᔨᐅᓂᕆᒐᔭᖅᑕᖓᑕ ᓄᖅᑲᖅᓯᒪᔫᑉ ᓇᓗᓴᐃᖅᑕᐅᓯᒪᒧᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᓂᕈᐊᕋᑦᓴᓕᐅᖅᑐᓄᑦ ᑲᑎᒪᔨᒥᒃ ᐊᑖᓂ 13.3.1(a) ᐅᕝᕙᓗ ᒥᓂᔅᑕᒧᑦ ᑎᓕᓯᔪᒧᑦ ᑲᑎᒪᔨᒥᒃ ᐊᑖᓂ 13.3.1(b) ᐅᕝᕙᓗ (c). ᓂᕈᐊᕋᑦᓴᒥᒃ ᐱᓚᐅᕐᓗᓂ, ᒥᓂᔅᑕ ᑎᓕᓯᓂᐊᖅᑐᖅᑦ ᐃᓇᖐᓇᒥᒃ ᑲᑎᒪᔨᒥᒃ ᑐᓐᖓᕕᒋᑦᓱᒋᑦ 13.3.1
13.3.6 - ᑐᑭᓯᓇᓱᐊᖅᑏᑦ
ᐱᖁᔭᖅ ᐱᔪᓐᓇᕐᓂᖃᖅᑎᑦᓯᒍᓐᓇᖅᑐᖅ ᓄᓇᕗᒻᒥ ᐃᒪᓕᕆᔨᒃᑯᑦ ᑲᑎᒪᔨᖏᓐᓂᒃ ᑐᑭᓯᓇᓱᐊᖅᑎᕈᕐᓗᑎᒃ ᐱᓯᒪᓗᑎᒃ ᒪᕐᕉᓐᓂᒃ ᐅᖓᑖᓂᓘᓐᓪᓃᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓄᑦ. ᑐᑭᓯᓇᓱᐊᖅᑏᑦ ᑕᐃᒫᓪᓗᐊᖅ ᐊᒥᓲᓂᖃᕈᓐᓇᖅᑐᑦ ᒐᕙᒪᒃᑯᓐᓂᒃ ᐊᒻᒪᓗ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ ᓂᕈᐊᕋᑦᓴᓂᒃ. ᐱᖁᔭᖅ ᐱᔪᓐᓇᕐᓂᖃᖅᑎᑦᓯᖑᓐᓇᖅᑐᖅ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᓴᔨᓂᒃ ᑎᓕᓯᓗᑎᒃ ᑐᑭᓯᓇᓱᐊᖅᑎᓂᒃ ᐃᓘᓐᓴᖏᓐᓂᒃ ᐅᕝᕙᓗ ᓇᐅᑐᐃᓐᓇᕐᓂᒃ ᓴᓐᖏᓂᖏᓐᓂᒃ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐱᖃᓯᐅᑎᑦᓱᓂ ᐱᔪᓐᓇᕐᓂᖅ ᓈᓚᓐᓂᖃᖅᑎᑦᓯᓂᕐᒧᑦ ᐊᖏᖃᑦᑕᕐᓂᕐᒧᓪᓗ.
13.3.7 - ᐊᑦᓱᖏᐅᑎᓯᒪᔪᑦ ᑲᑎᒪᔨᓄᑦ
ᑲᑎᒪᔨᖏᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑲᒪᒋᔭᕆᐊᓕᒻᒥᓂᒃ ᑲᒪᓂᐊᖅᑐᑦ ᐅᑯᓇᓐᖓᑦ ᑐᓐᖓᕕᖃᕐᓗᑎᒃ:
(a)
ᐸᑎᒻᒥᓗᑎᒃ ᒪᓕᓪᓗᑎᒃ ᓇᓗᓇᐃᔭᖅᑕᐅᓯᒪᔪᓂᒃ ᐃᓚᒍᑕᖅ 5-4-ᒥ ᐊᑑᑎᒋᐊᖃᖅᓱᓐᓂᓗ ᑲᑎᒪᔨᐅᓂᕐᒧᑦ ᐃᖏᓚᐅᓐᖏᓐᓂᕐᒥᓂ ᓯᕗᓕᖅᑎᒧᑦ ᐱᔪᓐᓇᕐᓂᖃᖅᑎᑕᐅᔪᒧᑦ ᒪᓕᒐᖅᑎᒍᑦ ᐊᐅᓚᑦᓯᓂᕐᒧᑦ ᐊᖏᕈᑎᓂᒃ; ᐊᒻᒪᓗ
(b)
ᒪᓕᒐᐃᑦ ᐊᑦᑐᐊᔪᑦ ᐊᐳᖅᓯᒪᓂᕐᒧᑦ, ᑲᑎᒪᔨ ᑕᑯᓐᓇᖅᑕᐅᓐᖏᑐᐊᖅᐸᑦ ᐃᓚᐃᓐᓈᕐᓂᖃᕆᐊᖓ ᓇᐅᑐᐃᓐᓇᕐᒧᑦ ᑐᑦᓯᕋᐅᑎᒧᑦ ᓵᖓᓐᓃᑦᑐᒧᑦ ᓄᓇᕗᒻᒥ ᐃᒪᓕᕆᔨᒃᑯᑦ ᑲᑎᒪᔨᖏᑦᑕ ᐃᓅᓂᖓ ᐱᔾᔪᑎᑑᓗᓂ.
13.3.8 - ᐊᐅᓚᑦᓯᓂᖅ
ᑲᑎᒪᔨᖏᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑲᒪᒋᔭᕆᐊᓕᒻᒥᓂᒃ ᑲᒪᕙᓐᓂᐊᖅᐳᑦ ᑕᐃᒪᓐᖓᐅᖏᑦᑐᖅ ᐅᕝᕙᓗ ᑕᐃᒪᓐᖓᓕᒫᖅ, ᐃᖅᑲᓇᐃᔮᑦᓴᐃᑦ ᑐᓐᖓᕕᒋᓗᒋᑦ, ᐊᑭᓕᖅᑕᐅᕙᓐᓂᐊᖅᓱᑎᓪᓗ ᓈᒻᒪᑦᑐᓂᒃ ᓇᓗᓇᐃᖅᑕᐅᓯᒪᔪᓂᒃ ᒐᕙᒪᒃᑯᓐᓄᑦ ᐃᖅᑲᓇᐃᔮᖑᔪᓄᑦ ᑲᒪᒋᔭᕆᐊᓕᓐᓄᑦ. ᐊᑐᓂᑦ ᑲᑎᒪᔨᑦ ᐊᑭᓕᖅᑕᐅᕙᓐᓂᐊᖅᑐᑦ ᓈᒻᒪᑦᑐᓂᒃ ᐊᕐᕕᖅᑕᕐᓂᕐᒧᑦ ᐃᓅᓇᓱᐊᕐᓂᕐᒧᓪᓗ ᑐᓐᖓᕕᒋᑦᓱᒋᑦ ᑮᓇᐅᔭᓕᕆᓂᕐᒧᑦ ᑲᑎᒪᔩᑦ ᒪᓕᒐᖏᑦ ᐊᕐᕕᖅᑕᕐᓂᖏᓐᓄᑦ ᐃᓅᓇᓱᐊᕐᓂᖏᓐᓄᓪᓗ ᑭᓇᒃᑯᑐᐃᓐᓇᕐᓄᑦ ᐱᔨᑦᓯᕋᖅᑏᑦ.
13.3.9
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐊᓪᓚᕕᒻᒪᕆᖃᕐᓂᐊᖅᑐᑦ ᓄᓇᕗᒻᒥ.
13.3.10
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑲᑎᒪᕙᓐᓂᐊᖅᑐᑦ ᓄᓇᕗᒻᒥ.
13.3.11
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐱᓇᓱᐊᕐᓂᖃᕐᓂᐊᖅᑐᑦ ᑲᓇᑕᒥ ᐃᓕᑕᕆᔭᐅᓯᒪᔪᓂᒃ ᐅᖃᐅᓯᕐᓂᒃ ᐊᑐᕐᓗᑎᒃ ᑕᐃᒪᐃᑦᓴᕆᐊᖃᕐᓂᓂ ᐱᖁᔭᖅᑎᒍᑦ ᐊᑐᐊᒐᖅᑎᒍᓪᓘᓐᓃᑦ ᒪᓕᓪᓗᒍ, ᑐᑦᓯᕋᖅᑐᖃᖅᐸᓪᓗ ᑲᑎᒪᔨᒥᒃ, ᐃᓄᑦᑎᑐᑦ.
13.3.12 - ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖅᑎᑦᓯᓂᖅ
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᓈᓚᓐᓂᖃᖅᐸᓐᓂᐊᖅᑐᑦ ᐊᑐᕐᓗᑎᒃ ᑲᓇᑕᒥ ᐅᖃᐅᓯᕐᓂᒃ ᐃᓕᑕᕆᔭᐅᓯᒪᓂᒃ ᑕᐃᒪᐃᑦᓴᕆᐊᖃᕐᓂᓂ ᒪᓕᓪᓗᒍ ᒪᓕᒐᖅᑎᒍᑦ ᐊᑐᐊᒐᖅᑎᒍᓪᓘᓐᓃᑦ ᐊᒻᒪᓗ, ᑐᑦᓯᕋᖅᑐᖃᖅᐸᑦ ᑲᑎᒪᔨᒥᒃ, ᑐᑦᓯᕋᖅᑐᒥᒃ ᐅᕝᕙᓗ ᐅᓚᕕᑦᑐᒥᒃ, ᐃᓄᑦᑎᑐᑦ.
13.3.13
ᐋᖅᑭᑦᓱᐃᓕᕈᑎᒃ ᒪᓕᒐᕋᓛᕐᒥᓂᒃ ᒪᓕᒐᕐᓂᓪᓗ ᐊᐅᓚᓂᐅᔪᓄᑦ ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖅᑎᑦᓯᓂᕐᒧᑦ, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐃᒪᐃᓐᓂᐊᖅᑐᑦ:
(a)
ᐱᕕᖃᖅᑎᑦᓯᓗᑎᒃ ᓈᒻᒪᑦᑐᓂᒃ ᓇᓗᓇᐃᕈᑎᑦᓴᔪᓄᑦ ᑕᑯᑦᓴᐅᑎᑕᐅᓂᐊᖅᑐᓄᑦ ᑭᓇᒃᑯᑐᐃᓐᓇᐃᑦ ᓈᓚᓐᓂᖃᖅᑎᓪᓗᒋᑦ ᑕᑯᑦᓴᐅᑎᑕᐅᒐᔭᖅᑐᓂᒃ ᐊᑖᓃ ᒪᓕᒐᖏᑦᑕ ᓇᓗᓇᐃᕈᑎᑦᓴᐃᑦ; ᐊᒻᒪᓗ
(b)
ᑕᑯᓐᓇᖃᓯᐅᑎᒻᒥᓗᒋᑦᑕᐅᖅ ᐃᓄᐃᑦ ᐱᖅᑯᓯᖏᑦ, ᐱᐅᓯᖏᑦ, ᖃᐅᔨᒪᓂᖏᓪᓗ.
13.3.14
ᓯᕗᕐᖓᓂ ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖅᑎᑦᓯᓃᑦ ᓇᐅᑐᐃᓐᓇᕐᓄᑦ ᐃᒪᕐᒥᒃ ᑐᑦᓯᕋᕈᑕᐅᔪᓄᑦ, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐊᐅᓚᓂᐅᒋᐊᓕᓕᒫᓂᒃ ᐊᑑᑎᓂᐊᖅᑐᑦ ᖃᐅᔨᒃᑲᐃᓂᒃᑯᑦ, ᓯᐊᒻᒪᖅᑎᕿᓂᒃᑯᑦ ᑐᓴᕋᑦᓴᓂᒃ ᐋᖅᑭᓱᖅᑕᐅᓯᒪᔪᓂᓪᓗ ᐃᓂᒋᔭᐅᔪᓂᓪᓗ ᓈᓚᓐᓂᐅᔪᓄᑦ ᖃᐅᔨᒪᑎᑦᓯᑲᓐᓂᕈᑕᐅᓂᐊᖅᑎᓪᓗᒋᑦ ᑕᖅᑲᐅᖓ ᐃᓄᓐᓄᑦ ᑭᓇᒃᑯᑐᐃᓐᓇᐃᑦ ᓈᓚᓐᓂᖃᖅᑎᓪᓗᒋᑦ.
13.3.15
ᐱᕕᑦᓴᖃᑦᓯᐊᒪᐅᕐᓗᑎᒃ ᓯᕗᕐᖓᓂ ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖅᑎᑦᓯᓂᐅᔪᑦ, ᑐᓴᕋᑦᓴᐃᑦ ᐊᑐᐃᓐᓇᐅᑎᑕᐅᔪᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓄᑦ ᐊᑦᑐᐊᔪᑦ ᓇᐅᑐᐃᓐᓇᕐᓄᑦ ᐃᒪᕐᒥᒃ ᑐᑦᓯᕋᐅᑕᐅᔪᓄᑦ ᐊᑐᐃᓐᓇᐅᑎᑕᐅᒋᐊᓖᑦ ᑕᖅᑲᐅᖓ ᐃᓄᓐᓄᑦ.
13.3.16
ᑭᓇᒃᑯᑐᐃᓐᓇᐃᑦ ᕿᒥᕐᕈᓂᖃᖅᑎᓪᓗᒋᑦ, ᓄᓇᕗᒻᒥ ᐃᒪᓕᕆᓂᒧᑦ ᑲᑎᒪᔩᑦ ᓈᓚᓐᓂᖃᖅᑎᑦᓯᕙᓐᓂᐊᖅᑐᑦ ᓄᓇᓕᓐᓂ ᐊᑦᑐᖅᑕᐅᓯᒪᓂᖅᐹᓂ ᐃᒪᕐᒧᑦ ᑐᑦᓯᕋᐅᑎᓂ.
13.3.17 - ᐊᑭᓕᖅᑐᕆᐊᓕᖏᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ
ᐊᑭᓕᖅᑐᕆᐊᓕᖏᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑎᒍᒥᐊᖅᑕᐅᓂᐊᖅᑐᑦ ᒐᕙᒪᒃᑯᓐᓄᑦ. ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐸᕐᓇᐃᐸᓐᓂᐊᖅᑐᑦ ᐊᕐᕌᒍᒧᑦ ᑮᓇᐅᔭᖅᑑᑎᑦᓴᓂᒃ, ᕿᒥᕐᕈᔭᐅᓂᐊᖅᑎᓪᓗᒋᑦ ᐊᖏᖅᑕᐅᓂᐊᖅᑎᓪᓗᒋᓪᓗ ᒐᕙᒪᒃᑯᓐᓄᑦ.
ᐃᓚᖓ 4
ᐊᑦᑐᐊᓂᖅ ᓄᓇᒥᒃ ᐊᑐᕐᓂᒧᕐᑦ ᐸᕐᓇᓂᕐᒧᑦ
13.4.1 - ᐱᕙᐊᓂᖏᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐃᑲᔪᖅᓯᓂᐊᖅᑐᑦ ᐊᑕᖏᖅᑐᒥᒃ ᐱᕙᓪᓕᐊᓂᖏᓐᓄᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ ᐊᑦᑐᐊᓂᖏᑦ ᒪᓕᓪᓗᒋᑦ ᐃᒪᕐᓄᑦ ᓄᓇᕗᒻᒥ ᐊᑐᐃᓐᓇᐅᑎᑦᓯᓂᒃᑯᑦ ᐃᓱᒪᓕᐅᕈᑕᐅᔪᓂᒃ ᓄᓇᕗᒻᒥ ᐸᕐᓇᐃᔨᓄᑦ.
13.4.2 - ᒪᓕᑦᓯᐊᖏᓐᓂᖅᑕᖃᖅᐸᑦ ᓄᓇᒥᒃ ᐊᑕᕐᓂᕐᒧᑦ ᐸᕐᓇᐅᑎᓂᒃ
ᑐᓐᖓᕕᒋᑦᓱᒋᑦ 11.5.10, ᓄᓇᕗᒻᒥ ᐸᕐᓇᐃᔨᑦ ᑐᓴᖅᑎᑦᓯᓲᑦ ᑖᒃᑯᓇᓐᖓᓪᓗᐊᖅ ᑎᒥᐅᔪᓂᒃ ᐃᒪᕐᒧᑦ ᑐᑦᓯᕋᐅᑎ ᒪᓕᓐᖏᒋᐊᖓ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓂᒃ ᐊᓯᔾᔨᕐᓂᐅᓯᒪᔪᕐᓘᓐᓃᑦ ᐊᖏᖅᑕᐅᓯᒪᓐᖏᑉᐸᑦ, ᑐᑦᓯᕋᐅᑎ ᕿᐱᓗᑦᑕᐅᓂᐊᖅᑐᖅ. ᑐᓐᖓᕕᒋᑦᓱᒍ 11.5.11, ᑐᑦᓯᕋᖅᑐᖅ ᑐᑦᓯᕋᖅᐳᑦ ᐱᑉᐸᓪᓗ ᐸᕐᓇᓂᕐᒧᑦ ᒪᓕᒋᐊᑐᓐᖏᓐᓂᕐᒥᒃ, ᑐᑦᓯᕋᐅᑎ ᑲᔪᓯᑎᑕᐅᓂᐊᖅᑐᖅ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓄᑦ ᐅᕝᕙᓗ ᓄᓇᕗᒻᒥ ᐊᕙᑎᓕᕆᓂᕐᒧᑦ ᑲᑎᒪᔨᓄᑦ ᑕᐃᒪᐃᑦᓴᕆᐊᖃᕐᓂᖅ ᒪᓕᓪᓗᒍ.
13.4.3 - ᒪᓕᓐᓂᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓂᒃ
ᓄᓇᕗᒻᒥ ᐸᕐᓇᐃᔩᑦ ᓇᓗᓇᐃᖅᓯᑉᐸᑕ, ᑐᓐᖓᕕᒋᑦᓱᒍ 11.5.10, ᐃᒪᕐᒥᒃ ᑐᑦᓯᕋᐅᑎ ᒪᓕᒋᐊᖓ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓄᑦ ᐊᓯᔾᔨᕐᓂᐅᔪᒧᓪᓘᓐᓃᑦ ᐊᖏᖅᑕᐅᓯᒪᔪᒧᑦ, ᑐᑦᓯᕋᐅᑎᓗ ᐊᑖᓃᑉᐸᑦ ᐃᓚᒍᑕᖅ 12-1, ᓄᓇᕗᒻᒥ ᐸᕐᓇᐃᔩᑦ ᓯᕗᒧᑦᑎᑦᓯᓂᐊᖅᑐᑦ ᑐᑦᓯᕋᐅᑎᒥᒃ ᓇᓗᓇᐃᖅᓯᓯᒪᔪᓂᒃ ᐃᓱᒪᓕᐅᕆᓯᒪᔪᓂᓪᓗ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓄᑦ ᓴᒃᑯᐃᓂᐊᖅᑎᓪᓗᒋᑦ, ᐋᒡᒐᐅᒐᓗᐊᖅ ᓄᓇᕗᒻᒥ ᐸᕐᓇᐃᔩᑦ ᐊᑑᑎᑉᐸᑕ ᐱᔪᓐᓇᕐᓂᒥᓂᒃ ᐊᑖᓂ 13.4.4.
13.4.4
ᓄᓇᕗᒻᒥ ᐸᕐᓇᐃᔩᑦ ᐃᓱᒫᓘᑎᖃᖅᐸᑕ ᐊᑦᑐᐊᔪᓂᒃ ᓄᐊᑉᐸᓪᓕᐊᓂᖏᓐᓄᑦ ᐊᑦᑐᖅᑕᐅᓂᐅᔪᑦ ᐱᕙᓪᓕᐊᓂᕐᒧᑦ ᐊᐅᓚᓂᐅᔪᓂ ᐸᕐᓇᑕᐅᔪᒥ ᐊᕕᑦᑐᖅᓯᒪᓂᕐᒥ, ᑐᓂᓯᑐᐃᓐᓇᕆᐊᓖᑦ ᐃᒪᕐᒥᒃ ᑐᑦᓯᕋᐅᑎᖏᓂᒃ ᓄᓇᕗᒻᒥ ᐊᕙᑎᓕᕆᓂᕐᒧᑦ ᐸᕐᓇᐃᔨᓄᑦ ᕿᒥᕐᕈᓂᐊᖅᑎᓪᓗᒋᑦ ᑐᑦᓯᕋᐅᑏᑦ ᐊᑖᓃᒐᓗᐊᕐᒪᖔᑕ ᐃᓚᒍᑕᖅ 12-1.
13.4.5
ᓄᓴᕗᒻᒥ ᐸᕐᓇᐃᔩᑦ ᓇᓗᓴᐃᖅᓯᑉᐸᑕ, ᑐᓐᖓᕕᖃᕐᓗᑎᒃ 11.5.10, ᐃᒪᕐᒥᒃ ᑐᑦᓯᕋᐅᑎ ᒪᓕᒋᐊᖓ ᓄᓇᒥᒃ ᐊᑐᓂᕐᒧᑦ ᐊᕐᓇᐅᑎᓄᑦ ᐅᕝᕙᓗ ᐊᓯᔾᔨᕐᓂᐅᔪᖅ ᐊᖏᖅᑕᐅᓯᒪᑉᐸᑦ, ᐊᒻᒪᓗ ᑐᑦᓯᕋᐅᑎ ᐊᑖᓃᓐᖏᑉᐸᑦ 12-1, ᓄᓇᕗᒻᒥ ᐸᕐᓇᐃᔩᑦ ᓯᕗᒧᑦᑎᑦᓯᓂᐊᖅᑐᑦ ᑐᑦᓯᕋᐅᑎᓂᒃ ᓇᓗᓇᐃᖅᓯᓂᕐᒥᓂᓪᓗ ᐃᓱᒪᓕᐅᕈᑎᒥᓐᓗ ᓄᓴᕗᒻᒥ ᐊᕙᑎᓕᕆᓂᕐᒧᑦ ᑲᑎᒪᔨᓄᑦ ᕿᒥᕐᕈᓂᐊᖅᑎᓪᓗᒋᑦ.
13.4.6 - ᐱᑕᖃᓐᖏᑉᐸᑕ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ
13.4.3, 13.4.4, ᐊᒻᒪᓗ 13.4.5 ᐊᑑᑎᓂᐊᖅᑐᖅ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑏᑦ ᐊᖏᖅᑕᐅᑉᐸᑕ ᑐᓐᖓᕕᖃᕐᓗᑎᒃ 11.5.9-ᒥᒃ. ᐱᑕᖃᓐᖏᑉᐸᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᒃ, ᐃᒪᕐᒧᑦ ᑐᑦᓯᕋᐅᑏᑦ ᕿᒥᕈᕐᔭᐅᒋᐊᓖᑦ ᓄᓇᕗᒻᒥ ᐊᕙᑎᓕᕆᓂᕐᒧᑦ ᑲᑎᒪᔨᓄᑦ ᓯᕗᒧᑦᑎᑕᐅᓂᐊᖅᑐᑦ ᑐᕋᐃᓐᓇᕐᓗᑎᒃ ᑖᒃᑯᓄᖓ.
ᐃᓚᖓ 5
ᐊᑦᑐᐊᔪᑦ ᐱᕙᓪᓕᐊᑎᑕᐅᔪᓄᑦ ᐊᑦᑐᖅᑕᐅᓂᕐᒧᑦ ᕿᒥᕐᕈᓂᕐᒧᑦ
13.5.1
ᓇᓕᖅᑲᖅᑖᖅᑐᖃᓚᐅᖅᑎᓪᓗᒍ ᐃᒪᕐᒥᒃ ᑐᑦᓯᕋᐅᑎᒧᑦ ᖃᐅᔨᓴᖅᑕᐅᓂᕐᒥᒃ, ᓄᓴᕗᒻᒥ ᐊᕙᑎᓕᕆᓂᕐᒧᑦ ᑲᑎᒪᔩᑦ ᓇᓗᓇᐃᖅᓯᓂᐊᖅᑐᑦ ᕿᒥᕐᕈᓂᖅᑕᖃᕆᐊᖃᕐᒪᖔᖅ ᐊᑖᓂ ᐃᓛᒃᑯᑦ 12 ᖃᐅᔨᒃᑲᐃᓐᓂᐊᖅᓱᑎᓪᓗ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓂᒃ.
13.5.2
ᐃᒪᕐᒥᒃ ᑐᑦᓯᕋᐅᑎ ᐅᖃᐅᓯᐅᑉᐸᑦ ᕿᒥᕐᕈᔭᐅᖁᔭᐅᓗᓂ ᐊᑖᓂ ᐃᓛᒃᑯᑦ 12, ᓄᓇᕗᒻᒥ ᐃᒪᓕᕆᓂᕐᒧᑦ *-+ᑲᑎᒪᔩᑦ ᐊᒻᒪᓗ ᕿᒥᕐᕈᔩᑦ ᑎᒥᐅᔪᑦ ᑐᑭᒧᐊᑦᑎᑦᓯᓂᐊᖅᑐᑦ ᐱᓇᓱᐊᖅᑕᒥᓐᓂᒃ ᐊᑑᑎᑦᑕᐃᓕᓗᑎᒃ ᑕᐃᒫᑦᓴᐃᓐᓇᖅ ᑲᒪᓂᕐᒥᒃ ᕿᒥᕐᕈᓂᕐᒥ ᐊᒻᒪᓗ ᑲᒪᒋᔭᐅᓂᖏᓐᓂ ᑐᑦᓯᕋᐅᑏᑦ. ᐱᖁᔭᖅ ᐱᕕᖃᖅᑎᑦᓯᒍᑕᐅᑐᐃᓐᓇᕆᐊᓕᒃ ᑲᑐᔾᔨᓗᑎᒃ ᓈᓚᓐᓂᐅᔪᓂᒃ ᐅᕝᕙᓗ ᐱᔪᓐᓇᕐᓂᖃᖅᑎᑦᓯᓗᑎᒃ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓂᒃ ᑲᔪᓯᑎᑦᓯᓗᑎᒃ ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖅᑎᑦᓯᓂᐅᔪᓂᒃ ᓇᐅᑐᐃᓐᓴᕐᓄᑦ ᐃᒪᕐᒥᒃ ᐊᑐᕈᒪᒍᑕᐅᔪᓄᑦ ᐃᓚᐅᔪᒥᓂᐅᑉᐊᑕ ᑭᓇᒃᑯᑐᐃᓐᓇᐃᑦ ᕿᒥᕐᕈᓂᖃᖅᑎᓪᓗᒋᑦ ᐊᑦᑐᐊᔪᓂᒃ ᐃᒪᕐᒥᒃ ᑐᑦᓯᕋᐅᑎᓂᒃ ᐊᑦᑐᐊᔪᓂᒃ ᐃᓛᒃᑯᑦ 12-ᒧᑦ.
13.5.3
ᐃᒪᕐᒥᒃ ᑐᑦᓯᕋᐅᑎ ᕿᒥᕐᕈᔭᐅᒋᐊᑐᓐᖏᑉᐸᑦ ᐊᑖᓂ ᐃᓛᒃᑯᑦ 12, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑲᒪᒍᓐᓇᖅᑐᑦ ᑐᑦᓯᕋᐅᑎᒥᒃ.
13.5.4
ᑐᓐᖓᕕᒋᑦᓱᒋᑦ 12.10.2 ᐊᒻᒪᓗ 13.5.5, ᕿᒥᕐᕈᓂᖅᑕᖃᕆᐊᖃᖅᐸᑦ ᑐᓐᖓᕕᒋᓗᒍ ᐃᓛᒃᑯᑦ 12, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐊᖏᕆᐊᖃᓐᖏᑦᑐᑦ ᓇᐅᑐᐃᓐᓇᕐᒥᒃ ᐃᒪᕐᒧᑦ ᑐᑦᓯᕋᐅᑎᒥᒃ ᐃᓚᒋᔭᐅᔪᒥᒃ ᕿᒥᕐᕈᓂᕐᒧᑦ ᐃᓛᒃᑯᑦ 12 ᒪᓕᑦᑕᐅᓯᒪᓐᖏᑐᐊᖅᐸᑦ.
13.5.5
ᑕᐃᒪᐃᓕᖓᒐᓗᐊᖅᑎᓪᓗᒋᑦ 12.10.1, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᓄᖅᑲᖅᑎᑕᐅᓯᒪᒍᓐᓇᖏᑦᑐᑦ ᑐᓂᓯᓂᖏᑦ ᐊᑯᓐᓂᖅᓯᐅᑎᓂᒃ, ᑮᑕᑲᐃᓐᓈᖅᑐᓂᒃ ᐊᖏᕈᑕᐅᔪᓂᒃ ᐃᒪᐅᑉ ᐊᑐᖅᑕᐅᓂᖏᓐᓄᑦ ᐊᑦᑐᐊᔪᑦ ᕿᓂᕐᓂᕐᒧᑦ ᐱᕙᓪᓕᐊᓂᕐᒧᓪᓘᓐᓃᑦ ᐃᖅᑲᓴᐃᔮᒧᑦ ᑐᑦᓯᕌᖑᔪᑦ ᐊᑖᓂ ᐱᕙᓪᓕᐊᑎᑦᓯᓂᕐᒧᑦ ᐊᑦᑐᐃᓂᕐᒥᒃ ᕿᒥᕐᕈᓂᖅ.
ᐃᓚᖓ 6
ᑐᑭᒧᐊᑦᑎᑦᓯᓂᖅ ᓄᓇᒥᐅᑕᕐᓂᒃ ᐊᐅᓚᑦᓯᓂᕐᒧᑦ ᐊᐅᓚᓂᐅᔪᓂᒃ
13.6.1
ᓄᓇᕗᒻᒥ ᐸᕐᓇᐃᔩᑦ, ᓄᓇᕗᒻᒥ ᐊᕙᑎᓕᕆᓂᕐᒧᑦ ᑲᑎᒪᔩᑦ ᐊᒻᒪᓗ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑲᑐᔾᔨᖃᑎᒌᓐᓂᐊᖅᑐᑦ ᑐᑭᒧᐊᑦᑎᑦᓯᓗᑎᓪᓗ ᐱᓇᓯᐊᕐᓂᕆᔭᒥᓂᒃ ᕿᒥᕐᕈᓂᕐᒥ, ᑲᔪᓯᑎᑦᓯᓂᕐᒥᓗ ᐃᒪᕐᒧᑦ ᑐᑦᓯᕋᐅᑎᓂᒃ ᖃᐅᔨᓴᑦᓯᐊᕈᑕᐅᓪᓗᓂ ᑭᖑᕙᐅᖅᑲᖏᒃᑲᓗᐊᕐᒪᖔᑕ.
ᐃᓚᖓ 7
ᐃᒪᕐᒥᒃ ᑐᑦᓯᕋᐅᑎᒥᒃ ᐊᖏᕐᓂᖅ
13.7.1
ᐱᖃᓯᐅᑎᑎᓐᓇᒋᑦ ᐃᓅᓇᓱᐊᕐᓂᕐᒧᑦ ᑐᐊᕕᕐᓇᖅᑐᒧᓪᓘᓐᓃᑦ ᐊᑐᖅᑕᐅᓂᖏᑦ ᐃᒪᐃᑦ ᓇᓗᓇᐃᔭᖅᑕᐅᓯᒪᔪᑦ 5-ᒥ ᐅᑭᐅᖅᑕᖅᑐᒥ ᐃᓗᐃᓚᕐᒥ ᐃᒪᕐᓄᑦ ᒪᓕᒐᕐᔪᐊᖅ RSC 1985, c. N-25, ᓇᐅᑐᐃᓐᓇᖅ ᐃᓄᒃ ᐊᑐᕆᐊᖃᓐᖏᑦᑐᖅ ᐃᒪᕐᒥᒃ ᐊᓂᑦᓯᓗᓂᓘᓐᓃᑦ ᓱᕈᓐᓂᒃ ᐃᒪᕐᒧᑦ ᐊᖏᖅᑕᐅᓚᐅᓐᖏᓪᓗᓂ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓄᑦ.
13.7.2
ᑐᓐᖓᕕᒋᑦᓱᒋᑦ 13.7.4, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖅᑎᑦᓯᓂᐊᖅᑐᑦ ᐊᖏᓚᐅᓐᖏᓐᓂᕐᒥᓂ ᓇᐅᑐᐃᓐᓇᕐᒥᒃ ᑐᑦᓯᕋᐅᑎᒥᒃ. ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑕᖅᑳᓐᖓᖏᑦ ᐃᓄᓐᓂᒃ ᐃᓱᒫᓘᑎᑕᖃᓐᖏᑉᐸᑦ, ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖅᑎᑦᓯᒋᐊᑐᓐᖏᑦᑐᑦ.
13.7.3
ᒥᓂᔅᑕᐅᖃᑎᒌᑦ ᑲᑎᒪᔨᖏᑦ, ᐅᖃᖃᑎᖃᓚᐅᕐᓗᑎᒃ ᐅᖃᐅᔾᔭᐅᒋᐊᓚᐅᕐᓗᑎᓪᓘᓐᓃᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓄᑦ, ᒪᓕᖓᖃᖅᑎᑦᓯᓗᑎᒃ ᖃᓄᐃᑦᑑᖁᔭᒥᓂᒃ ᐃᒪᕐᒥᒃ ᑐᑦᓯᕋᐅᑎᓂᒃ ᑭᓇᒃᑯᑐᐃᓐᓇᕐᓄᑦ ᓈᓚᓐᓂᖃᓚᖓᑎᓐᓇᒍ.
13.7.4
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑲᒪᒋᔭᖃᓪᓗᐊᑕᕐᓂᐊᖅᑐᑦ ᑐᑦᓯᕋᐅᑎᓂᒃ ᓇᓗᓇᔭᖅᑕᐅᔪᓂᒃ ᒪᓕᒐᖅᑎᒍᑦ ᐊᑖᓂ 13.7.3, ᐋᒡᒐᐅᒐᓗᐊᖅ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐃᓱᒪᑦᓴᖅᓯᐅᕐᓗᑎᒃ ᑭᓇᒃᑯᑐᐃᓐᓇᕐᓂᒃ ᓈᓚᓐᓂᖃᖁᔨᑉᐸᑕ, ᓈᓚᓐᓂᖃᖅᑎᑦᓯᒍᓐᓇᖅᓱᑎᓪᓗ ᑭᓇᒃᑯᑐᐃᓐᓇᕐᓂᒃ, ᓈᒻᒪᓈᕐᓗᒍ ᑕᐃᒫᑦᓴᐃᓐᓇᖅ ᐊᐅᓚᓂᕐᒥᒃ ᑐᑦᓯᕋᐅᑎᒧᑦ ᓈᓚᓐᓂᖃᕆᐊᑐᑎᑕᐅᓐᖏᑦᑐᒧᑦ.
13.7.5
ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐱᔪᓐᓇᕐᓂᓖᑦ ᑐᓂᓯᓂᕐᒧᑦ ᐱᔪᓐᓇᕐᓂᕐᒥᒃ ᐊᖏᕐᓂᕐᒥᒃ ᑐᑦᓯᕋᐅᑎᓂᒃ ᑭᓇᒃᑯᑐᐃᓐᓇᕐᓄᑦ ᓈᓚᓐᓂᖃᕆᐊᑐᓐᖏᑦᑐᓂᒃ ᐊᐅᓚᑦᓯᔨᒻᒪᕆᖓᓐᓄᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ.
ᐃᓚᖓ 8
ᑐᓴᕋᑦᓴᖃᖅᑎᑦᓯᓂᖅ
13.8.1
ᑐᓐᖓᕕᖃᕐᓗᑎᒃ 13(2) ᐅᑭᐅᖅᑕᖅᑐᒥ ᐃᓗᐃᓚᕐᒥ ᐃᒪᕐᓄᑦ ᒪᓕᒐᕐᔪᐊᖅ, RSC 1985 c. N-25, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ, ᐃᓱᒪᑦᓴᖅᓯᐅᕈᑎᖃᓕᕈᑎᒃ ᐃᒪᕐᒥᒃ ᑐᑦᓯᕋᐅᑎᒥᒃ, ᑐᓂᓯᒍᓐᓇᖅᑐᑦ ᒪᓕᒐᑦᓴᓂᒃ ᑐᑦᓯᕋᖅᑐᒧᑦ ᐊᑐᐃᓐᓇᐅᑎᑦᓯᓂᕐᒧᑦ ᑐᓴᕋᑦᓴᓂᒃ ᐊᑦᑐᐊᔪᓂᒃ ᐅᑯᓄᖓ:
(a)
ᐊᐅᓚᓂᕐᒥᒃ ᓇᓗᓇᐃᔭᐃᔪᖅ;
(b)
ᓇᐅᑐᐃᓐᓇᐃᑦ ᐱᐅᔪᓂᒃ ᐊᒥᓱᓂᓪᓗ ᐊᑦᑐᐃᓂᐅᔪᑦ ᑐᑦᓯᕌᖑᓯᒪᔪᒥᒃ ᐃᒪᕐᒥᒃ ᐊᑐᕐᓂᒥᒃ ᐃᒪᐃᑦ ᐊᐅᓚᑕᐅᓂᖓᓂ ᐱᖃᓯᐅᑎᑦᓱᓂ ᓂᕆᐅᒋᔭᐅᔪᑦ ᐊᑦᑐᐃᓂᐅᒐᔭᕆᐊᖏᑦ ᐊᓯᖏᓐᓂᒃ ᐃᒪᕐᒥᒃ ᐊᑐᖅᑎᐅᔪᓂᒃ ᑖᕙᓂ;
(c)
ᐊᐅᓚᓂᕆᒍᒪᓯᒪᔭᖏᑦ ᑐᑦᓯᕋᖅᑑᑉ ᐊᑦᑐᐃᓂᖃᑦᑕᐃᓕᒍᑎᒋᓗᒋᑦ ᒥᑭᓪᓕᑎᕆᒍᑎᒋᓗᒋᓪᓘᓐᓃᑦ ᐊᑦᑐᐃᓂᕐᒥᒃ;
(d)
ᐊᐅᓚᓂᕆᒍᒪᔭᖏᑦ ᑐᑦᓯᕋᖅᑑᑉ ᓴᖅᑮᒍᑎᒋᓗᒋᑦ ᖃᐅᔨᓴᓂᕐᒧᑦ ᐊᑦᑐᐃᓂᐅᔪᓂᒃ ᐃᒪᐅᑉ ᐊᑐᖅᑕᓂᖓᓂᒃ;
(e)
ᐊᐅᓚᓂᕆᒍᒪᔭᖓ ᑐᑦᓯᕋᖅᑑᑉ ᓴᖅᑮᓂᕐᒧᑦ ᖃᐅᔨᓴᕐᓂᕐᒧᑦ ᐊᑦᑐᐃᓂᐅᔪᓂᒃ ᐃᒪᐅᑉ ᐊᑐᖅᑕᐅᓂᖓᓂᒃ;
(f)
ᐊᑐᕈᒪᓂᐅᔪᑦ ᓄᓇᓂᒃ ᐃᒪᕐᓂᓪᓗ ᑐᑦᓯᕋᖅᑑᑉ ᐊᑦᓱᖏᖅᓯᒪᔭᖏᑦ ᐊᑦᓱᖏᕈᒪᓯᒪᔭᖏᓪᓘᓐᓃᑦ;
(g)
ᓇᓖᕌᕋᑦᓴᐃᑦ ᐊᑐᓕᖅᑎᑦᓯᓂᕐᒧᑦ ᐊᐅᓚᓂᕐᒥᒃ; ᐊᒻᒪᓗ
(h)
ᐊᓯᓕᒫᖏᑦ ᐊᐅᓚᓂᐅᔪᑦ ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᐊᑦᑐᐊᔪᖁᑎᖏᑦ.
ᐃᓚᖓ 9
ᑲᔪᓯᑎᑦᓯᓂᖅ
13.9.1
ᐊᖏᖅᑕᐅᔪᖃᕆᐊᖃᖅᐸᑦ ᓄᓇᕗᒻᒥ ᐃᒪᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᒪᕐᒥᒃ ᑐᑦᓯᕋᐅᑎᒧᑦ, ᑐᑦᓯᕋᖅᑐᖅ ᑲᔪᓯᒋᐊᖃᓐᖏᑦᑐᖅ ᐊᖏᖅᑕᐅᓚᐅᓐᖏᓂᕐᒥᓂ.
ᐃᓚᖓ 10
ᐊᑐᖃᑎᒌᓐᓂᖅ
13.10.1 - ᐊᕕᑦᑐᖅᓯᒪᔪᓂ ᐃᒪᕐᒥᒃ ᐊᐅᓚᑦᓯᓂᖅ
ᑭᓈᕕᖃᖃᑎᒌᑦᑐᖃᖅᐸᑦ ᓄᓇᕗᒻᒥ ᐊᓯᐊᓂᓪᓗ ᐊᕕᑦᑐᖅᓯᒪᓂᐅᔪᓂ, ᒐᕙᒪᒃᑯᖏᑦ ᑲᓇᑕᐅᑉ ᓄᓇᕗᓪᓗ ᒐᕙᒪᖓ, ᐃᑲᔪᖅᑕᐅᓗᑎᒃ ᓄᓇᕗᒻᒥ ᐃᒪᓕᕆᔨᒃᑯᑦ ᑲᑎᒪᔨᖏᓐᓄᑦ, ᐱᕕᓕᒫᒃᑯᑦ ᐊᖏᖃᑎᖃᕆᐊᓖᑦ ᐊᓯᖏᓐᓂ ᐊᕕᑦᑐᖅᓯᓂᕐᒦᑦᑐᓂ ᐃᓱᒫᓘᑎᓕᓐᓂᒃ ᐊᑐᖅᑕᐅᓂᖓᓂᒃ ᐊᐅᓚᑕᐅᓂᖓᓂᓪᓗ ᑭᓈᕖᑦ.
13.10.2
ᓇᓗᓇᐃᖅᑕᐅᑉᐸᑦ ᐊᖏᖅᑕᐅᑉᐸᑦ ᐃᒪᕐᒧᑦ ᑐᑦᓯᕋᐅᑎ ᓄᓇᕗᒻᒥ ᐊᑦᑐᐃᓂᖃᓪᓚᕆᓐᓂᐊᖅᐸᑦ ᐃᒪᐅᑉ ᐊᑐᖅᑕᐅᓂᖓᓂᒃ ᓄᓇᕗᑦ ᓯᓚᑖᓂ, ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔩᑦ ᑲᑐᔾᔨᖃᑎᖃᖁᓐᓇᖅᑐᑦ ᓴᓂᓪᓕᒥᓂᒃ ᐃᒪᕐᒧᑦ ᐱᔪᓐᓇᕐᓂᖃᕐᓂᕐᒧᑦ ᕿᒥᕐᕈᓂᕐᒥᒃ, ᐊᑲᐅᓈᖅᐸᑦ, ᑕᐃᑲᓂ ᐃᒪᕐᒥᒃ ᑐᑦᓯᕋᐅᑎᒥ.
ᐃᓄᐃᑦ ᐱᕙᓪᓕᐊᔪᓕᕆᓂᕐᒧᑦ, ᐃᓅᓯᓕᕆᓂᕐᒧᑦ ᐊᒻᒪᓗ ᐱᖅᑯᓯᓕᕆᓂᕐᒧᑦ ᐃᓅᑦᑎᐊᕆᐊᖃᕐᓂᕐᒧᑦ ᒪᑯᐊ ᐃᓂᓪᓚᒃᑕᐅᕙᓪᓕᐊᔪᑦ ᐊᑐᓕᖅᑎᑕᐅᓇᓱᒃᑐᓄᑦ ᐃᓗᐊᓂ ᐅᑯᐊ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓂ.

ᕿᓂᕐᓗᒍ

ᕿᓂᕐᕕᑦ

ᓯᕗᓪᓕᑦ ᐸᐃᑉᐹᑦ

Plain Language Guide

For citations, please refer to the official document.