ᐃᓄᐃᑦ ᓄᓇᖁᑎᖏᑦᑕ ᐊᑑᑎᖏᑦ
ᐃᓚᖓ 1
ᑐᑭᖏᑦ
19.1.1
ᐅᕙᓂ ᐃᓛᒃᑰᖅᑐᒥ
“ᓄᓇᖁᑎᒋᔭᓄᑦ ᓇᓗᓇᐃᖅᑕᐅᓯᒪᕕᒃ ᐊᓪᓚᕝᕕᒃ” ᑐᑭᓕᒃ ᐊᓪᓚᕝᕕᒃ ᑎᑎᕋᖅᑕᐅᕕᒃ;
“ᑭᓪᓕᒋᔭᐅᔪᑦ ᓄᓇᓄᑦ ᓱᕐᕋᑦᓯᒪᓐᖏᑦᑐᓄᑦ: ᑐᑭᓕᒃ ᑭᓪᓕᒋᔭᐅᔪᖅ ᓇᓗᓴᐃᖅᑕᐅᔪᖅ ᐊᑦᑐᐊᔪᖅ ᖃᓄᐃᓕᖓᓂᖓᓄᑦ ᓄᓇᐅᑉ;
“ᓄᓇᖁᑎᔭᐅᔪᒥᒃ ᓇᓗᓇᐃᔭᐃᓂᖅ” ᑐᑭᓕᒃ
(a)
ᓄᓇᐃᑦ ᓇᒻᒥᓂᖅᑖᕆᔭᐅᔪᑦ ᑐᓐᖓᕕᒋᑦᓱᒋᑦ 19.3.1, ᓇᓪᓕᑐᐃᓐᓇᖏᑦ ᓄᓇᓐᖑᐊᑦ ᑕᐃᔭᐅᔪᑦ ᐃᓄᐃᑦ ᓄᓇᖁᑎᖏᑦ, ᓇᒻᒥᓂᖃᕐᓂᕐᒧᑦ ᓄᓇᓐᖑᐊᑦ, ᓈᓴᐅᑎᓕᓐᓂ 1-ᒥᒃ 237-ᒧᑦ ᐅᕝᕙᓗ ᓇᐅᑐᐃᓐᓇ ᐸᕐᓇᐅᑎ ᐃᓇᖐᔪ ᓇᓪᓕᑐᐃᓐᓇᖏᓐᓂᓄᓇᓐᖑᐊᑦ ᑐᓐᖓᕕᒋᑦᓱᒋᑦ 19.8.4 ᐅᕝᕙᓗ 19.8.12, ᐊᒻᒪᓗ
(b)
ᑕᐃᒃᑯᐊ ᓄᓇᐃᑦ ᑎᒍᔭᐅᔪᑦ ᐊᑖᓂ ᐊᓯᐊᑕ ᑎᑎᕋᖅᓯᒪᔫᑉ ᐊᖏᕈᑎᒥ, ᓄᓇᓐᖑᐊᖅ ᐸᕐᓇᐅᑎᓘᓐᓃᑦ ᐊᓯᐊᓘᓐᓃᑦ ᓇᓗᓇᐃᔭᐃᔾᔪᑦ ᑕᐃᒃᑯᓇᓐᖓᑦ ᓄᓇᓂᒃ;
“ᐊᓚᒡᒐᐃᑦᑐᓂᒃ ᐱᑕᓕᒃ” ᑐᑭᓕᒃ ᐱᑕᓕᒃ ᓴᓇᓐᖑᐊᒐᑦᓴᒥᒃ ᓇᓗᓇᐃᖅᑕᐅᔪᒥᒃ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᓈᒻᒪᑦᑑᒋᐊᖏᑦ ᐊᑑᑎᑉᐸᑕ ᐃᓄᐃᑉᑦ ᐱᔪᓐᓇᐅᑎᖏᓐᓄᑦ ᐊᑖᓂ 19.9.2 ᐊᒻᒪᓗ 19.9.7;
“ᓄᓇᓐᖑᐊᓕᕆᓂᕐᒧᑦ ᐊᖓᔪᖅᑳᖅ” ᑐᑭᓕᒃ ᓄᓇᓐᖑᐊᓕᕆᓂᕐᒧᑦ ᐊᖓᔪᖅᑳᖅ ᑲᓇᑕᐅᑉ ᓄᓇᓕᕆᓂᕐᒧᑦ ᑎᓕᔭᐅᔪᖅ ᐱᔪᓐᓇᕐᓂᖃᖅᑎᑕᐅᑦᓱᓂ ᒪᓕᒐᖅᑎᒍᑦ ᐅᕝᕙᓗ ᐃᓄᒃ ᐱᔪᓐᓇᕐᓂᖃᖅᑎᑕᐅᔪᖅ ᒐᕙᒪᑐᖃᒃᑯᑦ ᒥᓂᔅᑕᖓᓐᓄᑦ ᐆᒻᒪᖅᑯᑎᓕᕆᓂᕐᒧᑦ, ᐅᔭᕋᓐᓂᐊᕐᓂᕐᒧᑦ ᓄᓇᓯᐅᑕᓕᔨᕆᓂᕐᒧᓪᓗ ᑲᔪᓯᑎᑦᓯᓂᐊᕐᓗᑎᒃ ᐃᓘᓐᓇᖏᓐᓂᒃ ᐃᓚᖏᓐᓂᓘᓐᓃᑦ ᑲᒪᒋᔭᖏᓐᓂᒃ ᕿᓐᖑᒻᒥᒐᖅᑎᒻᒪᕆᐅᑉ.
ᐃᓚᖓ 2
ᒪᓕᒐᖅᑎᒍᑦ ᓇᒻᒥᓂᖃᕐᓂᖅ
19.2.1
ᐃᓄᐃᑦ ᓇᒻᒥᓂᖅ ᓄᓇᖁᑎᖏᑦ ᑎᒍᒥᐊᖅᑕᐅᓂᐊᖅᑐᑦ ᓇᓪᓕᑐᐃᓐᓇᖏᑦᑎᒍᑦ ᐃᒫᒃ:
(a)
ᓄᓇᒥᒃ ᐃᓱᒪᖅᓲᑎᖃᕈᓐᓇᕐᓂᖅ ᐱᖃᓯᐅᑎᑦᓱᑎᒃ ᐅᔭᕋᓐᓂᐊᕐᕖᑦ ᐅᔭᕋᑦᓯᐊᕙᐃᓪᓗ ᓇᐃᐱᑕᐅᑐᐃᓐᓇᕆᐊᓖᑦ ᐱᑕᖃᖅᑎᓪᓗᒋᑦ ᐃᓗᐊᓂ, ᕐᑳᖓᓂ ᐅᕝᕙᓗ ᐃᑭᐊᖏᓐᓂ ᓄᓇᐃᑦ; ᐅᕝᕙᓗ
(b)
ᓄᓇᒥᒃ ᐃᓱᒪᖅᓲᑎᖃᕈᓐᓇᕐᓂᕐᒥᒃ ᓴᐳᔾᔨᓂᖅ ᐱᖃᓯᐅᑎᓇᒋᑦ ᐅᔭᕋᓐᓂᐊᕐᕖᑦ ᐅᔭᕋᑦᓯᐊᕙᖃᕐᕖᓪᓗ ᓇᐃᐱᑕᐅᑐᐃᓐᓇᕆᐊᓖᑦ ᐃᓗᐊᓂ, ᕐᑳᖓᓂ ᐃᑭᐊᖓᓂᓘᓐᓃᑦ ᓄᓇᐃᑦ, ᐱᖃᓯᐅᑎᑦᓱᑎᒃ ᐱᔪᓐᓇᕐᓂᖅ ᐃᖅᑲᓇᐃᔮᖃᕐᓂᕐᒧᑦ ᑖᒃᑯᓇᓐᖓᓴᐃᓐᓇᖅ, ᑭᓯᐊᓂ ᐱᖃᓯᐅᑎᑦᓱᓂ ᐱᔪᓐᓇᕐᓂᖅ ᐃᓘᓐᓇᖏᓐᓄᑦ ᓇᓗᓇᐃᖅᑕᐅᓯᒪᔪᓄᑦ.
19.2.2
ᐱᔪᓐᓇᕐᓂ ᐃᖅᑲᓇᐃᔮᖃᕐᓂᕐᒧᑦ ᐅᔭᕋᑦᓯᐊᕙᓐᓂᒃ ᐅᖃᐅᓯᐅᔪᖅ 19.2.1(b)-ᒥ ᐱᔪᓐᓇᕐᓂᖃ3ᑎᑦᓯᒍᑕᐅᖏᑦᑐ ᐃᓄᒻᒥᒃ ᓴᓐᖏᓂᖅᑖᓂᕐᒥᒃ ᕿᓂᕐᓂᕐᒧᑦ, ᐱᕙᓪᓕᐊᑎᑦᓯᓂᕐᒧᑦ, ᓴᓇᓂᕐᒧᑦ ᐊᐅᓪᓛᑎᑦᓯᓂᕐᒧᓘᓐᓃᑦ ᐅᔭᕋᑦᓯᐊᕙᓐᓂᒃ ᐃᓗᐊᓂ, ᕐᑳᖓᓂ ᐃᑭᐊᖓᓂᓘᓐᓃᑦ ᐃᓄᐃᑦ ᓄᓇᖁᑎᖏᑦᑕ ᐋᒡᒐᐅᒐᓗᐊᖅ ᑐᓐᖓᕕᒋᓗᒍ ᐃᓛᒃᑯᑦ. 21
19.2.3
ᑕᖅᑳᓐᖓᑦ ᐅᔭᕋᑦᓯᐊᕙᓐᓂᒃ ᐱᔪᒪᓂᖅᑕᖃᖅᐸᑦ ᒐᕙᒪᑐᐊᒃᑯᓐᓂᒃ ᐊᑦᑐᐊᔪᓂᒃ ᓄᓇᓄᑦ, ᓇᒻᒥᓂᕆᔭᐅᓪᓗᓂ ᐃᓄᓐᓄᑦ ᐅᖃᐅᓯᐅᔪᖅᓯᒍᑦ 19.2.1(a)-ᒥ ᐅᕝᕙᓗ (b), ᑕᖅᑳᓐᖔᖅᑐᖅ ᐱᔪᓐᓇᕐᓂᓕᒃ ᐲᖅᓯᓂᕐᒥᒃ, ᐃᖅᑲᓇᐃᔮᖃᕐᓂᕐᒥᓪᓗ ᐃᓘᓐᓇᖏᓐᓂᒃ ᐅᕝᕙᓗ ᓇᐅᑐᐃᓐᓇᕐᓂᒃ ᓇᓗᓇᐃᖅᑕᐅᓯᒪᔪᓂᒃ ᓄᓇᓂ ᐊᑦᑐᐊᔪᓂᒃ ᐅᔭᕋᑦᓯᐊᕙᓐᓂᐊᕈᒪᓂᖃᕐᓂᕐᒧᑦ ᐊᑐᕐᓗᑎᒃ ᐱᔪᓐᓇᐅᑎᐅᑎᑕᐅᔪᓂᒃ ᐱᔪᒪᔭᖃᕐᓂᒃᑯᑦ, ᐲᖅᓯᓂᖅ, ᐃᖅᑲᓇᐃᔮᖃᕐᓂᖅ ᐊᑐᕐᓂᕐᓘᓐᓃᑦ ᐊᐳᖅᒥᒪᓂᖃᓐᖏᑐᐊᖅᐸᑦ ᑲᔪᓯᓂᖓᓄᑦ ᐱᔪᒪᔭᕆᔭᐅᔫᑉ. ᐊᑭᓕᖅᑕᐅᔾᔮᖏᑦᑐᑦ ᑕᖅᑳᖔᖅᑐᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᓇᓗᓇᐃᖅᑕᐅᓯᒪᔪᓄᑦ ᐋᒡᒐᐅᒐᓗᐊᖅ:
(a)
ᐱᕕᖃᖅᑎᑕᐅᑐᐃᓐᓇᕆᐊᖃᕐᓂᒃᑯᑦ ᐃᓚᖓ 7 ᐊᑖᓂ ᐃᓛᒃᑯᑦ 21-ᒥ; ᐊᒻᒪᓗ9
(b)
ᓇᓗᓇᐃᖅᑕᐅᓯᒪᔪᑦ ᐊᑐᖅᑕᐅᑉᐸᑕ ᐱᔾᔪᑕᐅᔪᒧᑦ ᑐᕋᐃᓐᓇᑦᑐᒧᑦ ᐊᑦᑐᐊᔪᓄᑦ ᐊᐅᓚᓂᖓᓄᑦ ᑕᐃᑦᓱᒪ ᐅᔭᕋᑦᓯᐊᕙᓐᓂᐊᕈᒪᓂᐅᑉ.
19.2.4
ᐊᖏᖃᑎᒌᓐᖏᓐᓂᖅᑕᖃᖅᐸᑦ ᖃᑦᓯᐊᓂᖏᓐᓄᑦ ᐊᑭᓕᐅᑕᐅᔪᑦ ᐅᕝᕙᓗ ᐊᑭᓕᕋᑦᓴᕈᖅᐸᑦ ᐊᑖᓂ 19.2.3 ᐅᖃᐅᓯᐅᒍᓐᓇᖅᑐᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᐅᐞᕙᓗ ᑕᖅᑳᓐᖔᖅᑐᓄᑦ ᐋᖅᑭᒋᐊᒃᑲᐃᔨᓄᑦ ᖃᓄᖅᑑᕈᑕᐅᓂᐊᖅᑎᓪᓗᒋᑦ.
19.2.5
ᐊᓯᐊᒍᑦ ᐱᕕᖃᖅᑎᑦᓯᒍᑕᐅᓐᖏᑐᐊᕈᑎᒃ ᐱᖁᑎᒋᔭᐅᔫᑉ ᓇᓗᓇᐃᔭᖅᑕᐅᓂᖓ, ᓇᒻᒥᓂᖃᕐᓂᖅ ᐃᓄᑦ ᓄᓇᖁᑎᖏᓐᓂᒃ ᐱᖃᓯᐅᔾᔨᓂᐊᖅᑐᖅ ᓇᒻᒥᓂᖃᕐᓂᕐᒥᒃ ᑕᐃᒃᑯᓇᓐᖓᑦ ᓄᓇᓂᒃ ᐃᒪᓕᓐᓂᒃ ᐋᒡᒐᐅᒐᓗᐊᖅ:
(a)
ᓯᓈᖓᓂ ᑰᑉ, ᑰᒐᓛᑉ, ᑕᓯᐅᑉ ᐃᒪᐅᓪᓘᓐᓃᑦ ᑭᓪᓕᖏᓐᓂᒃ ᐃᓄᐃᑦ ᓄᓇᖁᑎᖏᑦᑕ.
(b)
ᑕᓯᐅᑉᐸᑦ ᐊᓯᐊᓘᓐᓃᑦ ᐃᒪᖅ, ᐃᓄᐃᑦ ᓄᓇᖁᑎᖏᑦ ᐃᓚᖃᓐᖏᑉᐸᑦ ᑕᓯᕐᒥᒃ ᐃᒪᕐᒥᓘᓐᓃᑦ.
19.2.5
ᐋᖅᑭᒋᐊᖅᑕᐅᔪᖅ P.C. 2009-132 ᔭᓐᓄᐊᓕ 29, 2009
ᐊᓯᐊᓃᑎᑕᐅᓐᖏᑉᐸᑦ ᓇᖕᒥᓂᖁᑎᖃᕐᓂᕐᒧᑦ ᓇᓗᓇᐃᖅᑕᐅᓯᒪᔪᓂ,
(a)
ᑰᒃ, ᑰᒐᓛᖅ, ᑕᓯᖅ ᐅᕝᕙᓘᓐᓃᑦ ᐊᓯᐊ ᐃᒪᖅ ᐃᓘᓐᓈᒍᑦ ᑭᒡᓕᓕᐊᖑᓯᒪᓂᖓ ᐃᓗᐊᓃᑉᐸᑦ ᓄᓇᖁᑎᒋᔭᐅᔪᒥ ᐃᓄᐃᑦ ᓄᓇᖁᑎᖏᓐᓂ, ᓇᓗᓇᐃᖅᑕᐅᓯᒪᔪᒥ ᓄᓇᖁᑎᒋᔭᐅᓂᖓᓂᒃ ᐃᓄᐃᑦ ᓄᓇᖁᑎᖏᓐᓂ ᐃᓚᒋᔭᐅᔭᕆᐊᖃᖅᐳᖅ ᐃᖅᑳ ᐃᒪᐅᑉ;
(b)
ᑭᒡᓕᓕᐊᖑᓯᒪᔪᒃᑯᑦ ᓄᓇᖁᑎᒋᔭᐅᔪᖅ ᐃᓄᐃᑦ ᓄᓇᖁᑎᖏᓐᓂ ᐃᑳᕐᓗᐊᖅᓯᒪᑉᐸᑦ ᑰᖕᒥᒃ, ᑰᒐᓛᖅ ᐅᕝᕙᓗᓐᓃᑦ ᐊᓯᖏᓐᓂ ᐃᒪᕐᓂ, ᓇᓗᓇᐃᖅᑕᐅᓯᒪᔪᖅ ᓄᓇᖁᑎᒋᔭᐅᓂᖓᓂᒃ ᐃᓄᐃᑦ ᓄᓇᖁᑎᖏᓐᓂ ᐃᓚᒋᔭᐅᓂᐊᖅᐳᖅ ᐃᖅᑳ ᐃᓚᖓ ᑕᕝᕙᓂ ᐃᒫᓂ ᑭᒡᓕᓕᐊᖑᓯᒪᔪᒥ ᑕᕝᕙᓂ ᓄᓇᖁᑎᒋᔭᐅᔪᒥ; ᐊᒻᒪᓗ
(c)
ᑰᒃ, ᑰᒐᓛᖅ, ᑕᓯᖅ ᐅᕝᕙᓘᓐᓃᑦ ᐊᓯᐊ ᐃᒪᖅ ᐃᓘᓐᓈᒍᑦ ᑭᒡᓕᓕᐊᖑᓯᒪᓂᖓ ᐃᓗᐊᓃᑉᐸᑦ ᓄᓇᖁᑎᒋᔭᐅᔪᒥ ᐃᓄᐃᑦ ᓄᓇᖁᑎᖏᓐᓂ, ᓇᓗᓇᐃᖅᑕᐅᓯᒪᔪᒥ ᓄᓇᖁᑎᒋᔭᐅᓂᖓᓂᒃ ᐃᓄᐃᑦ ᓄᓇᖁᑎᖏᓐᓂ ᐃᓚᒋᔭᐅᔭᕆᐊᖃᖅᐳᖅ ᐃᖅᑳ ᐃᒪᐅᑉ;
19.2.6
ᐃᓄᐃᑦ ᓄᓇᖁᑎᖏᑦ ᐱᖃᓯᐅᔾᔨᔾᔮᖏᑦᑐᑦ ᓄᓇᓂᒃ ᓇᓗᓇᐃᔭᖅᑕᐅᓯᒪᔪᓂᒃ ᐅᐃᒍ 19-1-ᒥ ᑕᑯᑦᓴᐅᑎᑕᐅᔪᓂᓗ ᓄᓇᓐᖑᐊᒥ ᑐᓴᕋᑦᓴᑐᐃᓐᓇᐅᑎᓪᓗᒋᑦ, ᑕᕆᐅᕐᒥᓘᓐᓃᑦ.
19.2.7
ᑕᐃᒪᐃᓕᖓᒐᓗᐊᖅᑎᓪᓗᒋᑦ 19.2.5, ᒐᕙᒪᒃᑯᑦ ᐱᔪᓐᓇᕐᓂᓖᑦ, ᑐᓐᖓᕕᒋᓪᓗᒍ ᐊᖏᕈᑎ, ᓴᐳᔾᔨᓂᕐᒧᑦ ᐊᐅᓚᑦᓯᓂᕐᒧᓪᓗ ᐃᒪᕐᒥᒃ, ᐊᒻᒪᓗ ᐊᑐᕐᓂᕐᒥᒃ ᐃᒪᕐᒥᒃ ᐊᑦᑐᐊᔪᓄᑦ ᐱᔪᓐᓇᐅᑎᒧᑦ, ᓄᓇᕗᒻᒥ ᑭᓇᒃᑯᑐᐃᓐᓇᐃᑦ ᐱᔾᔪᑎᒋᓪᓗᒋᑦ, ᐱᖃᓯᐅᑎᑦᓱᑎᒃ:
(a)
ᐊᐅᓚᑦᓯᓂᖅ ᖃᐅᔨᓴᕐᓂᕐᓗ ᐊᑦᑐᐊᔪᓄᑦ ᐆᒪᔪᕐᓄᑦ, ᐃᒪᕐᒥᐅᑕᓄᓪᓗ;
(b)
ᓴᐳᔾᔨᓂᖅ ᐊᐅᓚᑦᓯᓂᕐᓗ ᐃᖏᕐᕋᕕᐅᕙᑦᑐᓂᒃ ᐃᖏᕐᕋᔾᔪᑎᓂᓪᓗ, ᓴᖅᑮᓂᖅ ᐃᖏᕐᕋᔫᓄᑦ ᐃᑲᔫᑎᓂᒃ, ᐊᖅᑯᓯᐅᕐᓂᕐᓗ ᐃᖏᕐᖃᕕᑦᓴᐅᔪᓂᒃ ᐃᒪᕐᓂᒃ;
(c)
ᓴᐳᔾᔨᓂᖅ ᐃᒪᕐᒥᐅᑕᕐᓂᒃ ᓱᕈᒥᑎᑦᑕᐃᓕᑎᓪᓗᒋᑦ ᓱᕋᑦᑕᐅᑎᑦᑕᐃᓕᓗᒋᓪᓗ; ᐊᒻᒪᓗ
(d)
ᐅᓕᕕᔾᔪᐊᕐᓂᓕᕆᓂᖅ ᐊᒻᒪᓗ ᖃᑦᑎᕆᓂᖅ.
ᐃᓚᖓ 3
ᑎᒍᔭᐅᓂᖏᑦ ᐃᓄᐃᑦ ᓄᓇᖁᑎᖏᑦᑕ ᓂᕈᐊᖅᑐᖃᓚᐅᖅᑎᓪᓗᒍ
19.3.1
ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ, ᐃᓄᐃᑦ ᓄᓇᖁᑎᖏᑦ ᑲᑎᑦᓱᑎᒃ ᐊᔾᔨᓪᓗᐊᕆᓗᓂᒋᑦ ᓇᓗᓇᐃᖅᑕᐅᓯᒪᔪᑦ ᐃᓚᒍᑕᖅ 19-2 – 19-7-ᒧᑦ ᐊᒻᒪᓗ ᑕᑯᑦᓴᐅᔪᑦ ᓄᓇᓐᖑᐊᓂ ᑕᐃᔭᐅᔪᓂ ᐃᓄᐃᑦ ᓄᓇᖁᑎᖏᑦ, ᓇᒻᒥᓂᖃᕐᓂᕐᒧᑦ ᓄᓇᓐᖑᐊᖅ, ᓄᓇᓐᖑᐊᓂ 1-ᒥᒃ 237-ᒧᑦ ᑎᒍᔭᐅᓂᐊᖅᑐᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᓇᓗᓇᐃᖅᓯᒪᔪᑦ ᑕᐃᒃᑯᓇᓂ ᓄᓇᓐᖑᐊᓂ ᑐᓐᖓᕕᖃᕐᓗᑎᓪᓗ ᓇᓗᓇᐃᖅᔭᖅᓯᒪᔪᓂᒃ ᓄᓇᓐᖑᐊᓂ.
19.3.2
ᓄᓇᓐᖑᐊᖅ ᐅᖃᐅᓯᐅᔪᑦ 19.3.1-ᒥ ᑕᐃᒃᑯᐊ ᓄᓇᓐᖑᐊᑦ ᑲᑐᔾᔨᑦᓱᑎᒃ ᐊᖏᖃᑎᒌᑦᑑᒃ ᑐᓂᓯᒪᔭᖏᑦ ᑎᑎᕋᕐᕕᒻᒧᑦ ᐄᑉᐳᕉᓪ 15, 1993-ᖑᑎᓪᓗᒍ.
19.3.3
ᐊᔾᔨᖏᑦ ᓄᓇᓐᖑᐊᑦ ᐅᖃᐅᓯᐅᔪᑦ 19.3.1-ᒥ, ᓇᓗᓇᐃᒃᑯᓯᖅᑕᐅᓯᒪᔪᑦ ᑕᒪᒃᑮᓐᓄᑦ ᐊᖏᖃᑎᒌᑦᑑᓐᓄᑦ ᓱᓕᓂᕋᖅᑕᐅᑦᓱᑎᒃ ᑕᒻᒪᓐᖏᓐᓂᕋᖅᑕᐅᑦᓱᑎᓪᓗ, ᐊᑐᐃᓐᓇᐅᑎᑕᐅᓂᐊᑦᑐᑦ ᐊᑐᓂᑦ ᐊᖏᖃᑎᒌᑦᑑᓐᓄᑦ ᓯᕗᕐᖓᓂ ᑲᔪᓯᑎᑕᐅᓂᖏᑦᑕ ᓄᓇᓐᖑᐊᑦ ᑐᓐᖓᕕᒋᑦᓱᒍ 19.3.2.
19.3.4
ᑎᑎᕋᖅᑎ ᑎᑎᕋᕐᓂᐊᖅᑐᖅ ᑎᒍᓯᓂᖓᓐᓂᒃ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᐃᓄᓐᐃᑦ ᓄᓇᖁᑎᖏᓐᓄᑦ ᐅᖃᐅᓯᐅᔪᓄᑦ 19.3.1-ᒥ ᐱᔪᓐᓇᖅᓯᑐᐊᖅᐸᑕ ᑭᖑᕐᖓᓂ ᐅᓪᓗᖓᑕ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ.
ᐃᓚᖓ 4
ᓯᕗᓂᑦᑎᓐᓂ ᐃᓄᐃᑦ ᓄᓇᖁᑎᖏᑦ
19.4.1
ᒐᕙᒪᒃᑯᑦ ᑐᓂᓯᓂᐊᖅᑐᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ, ᐃᓄᓐᓄᑦ ᓄᓇᖁᑕᐅᑎᓪᓗᒋᑦ ᐅᖃᐅᓯᐅᔪᒃᑯᑦ 19.2.1(b)-ᒥ, ᓄᓇᐃᑦ ᓇᓗᓇᐃᔭᖅᑕᐅᔪᑦ ᐃᓚᖓ I ᐊᒻᒪᓗ II-ᒥ ᐅᐃᒍ 19-8-ᒥ:
(a)
ᐃᓚᖓ I-ᒥ ᐃᓚᒍᑕᕐᒥ, ᑕᖅᑮᑦ 6 ᕿᖑᕐᖓᓂ
(i)
ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᐊᐅᓐᓴᐅᑎᑦᓯᓗᑎᒃ ᒐᕙᒪᒃᑯᓐᓄᑦ ᑎᑎᖅᑲᓂᒃ ᐃᓗᓕᓕᓐᓂᒃ ᐊᑐᖅᑐᐊᖅᑐᒥᒃ ᐅᖃᐅᓯᐅᔪᒥᒃ ᐅᖃᖅᓯᒪᔪᒥᒃ ᐊᑐᖅᑐᐊᖅᑐᖅ ᐊᖏᕆᐊᖓ ᐊᑐᖅᑐᐊᕐᓂᕐᒥᓄᑦ ᐃᓄᐃᑦ ᓄᓇᖁᖏᓐᓂᒃ, ᐅᕝᕙᓗ
(ii)
ᐊᑐᖅᑐᐊᖅᑐᖅ ᐅᖃᐅᓯᔪᖅ ᑕᐃᑲᓂ ᓄᖅᑲᖅᐸᑦ,
ᓇᓪᓕᑐᐃᓐᓇᖓ ᐊᑑᖅᑳᖅᐸᑦ, ᐊᖏᕐᓂᖅᑕᖃᖅᐸᑦ ᐅᕝᕙᓗ ᐊᑐᖅᑐᐊᖅᑐᖅ ᓄᖅᑲᑎᑦᓯᑉᐸᑦ ᐊᕐᕌᒎᒃ
ᒪᕐᕉᒃ ᐃᓗᐊᓂ ᐅᓪᓗᖓᑕ ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ; ᐊᒻᒪᓗ
(b)
ᐃᓚᖓ II-ᒦᑉᐸᑦ ᐅᐃᒍᒥ ᒐᕙᒪᒃᑯᑦ ᓇᓗᓇᐃᖅᓯᑉᐸᑕ ᓄᓇᓂᒃ ᐊᒥᐊᒃᑰᒋᐊᖏᑦ ᐊᒻᒪᓗ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᐊᑭᓖᑉᐸᑕ ᐊᑭᓪᓕᐊᖏᓐᓂᒃ.
19.4.2
ᓄᓇᐃᑦ ᓇᓗᓇᐃᔭᖅᑕᐅᓯᒪᔪᑦ ᐃᓚᖓ III-ᒥ ᐅᐃᒍ 19-8-ᒥ ᑎᒍᓯᓂᐅᓂᐊᖅᑐᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᐃᓄᐃᑦ ᓄᓇᖁᑎᖏᓐᓂᒃ ᐅᖃᐅᓯᐅᔪᖅᑎᒍᑦ 19.2.1(b)-ᒥ ᐅᓪᓗᖓᓂ ᐅᕝᕙᓗ ᐊᐅᓚᓂᐅᔪᒥ ᓇᓗᓇᐃᖅᑕᐅᓯᒪᔪᒥ ᑕᐃᑲᓂ.
ᐃᓚᖓ 5
ᓯᕗᓂᑦᑎᓐᓂ ᐃᓄᐃᑦ ᓄᓇᖁᑎᖏᑦᑕ ᖃᓄᐃᓕᖓᓂᖓᑦ
19.5.1
ᓇᐅᑐᐃᓐᓇᐃᑦ ᐸᓐᓂᖅᑑᒥ ᓄᓇᐃᑦ ᓇᓗᓇᐃᔭᖅᑕᐅᓯᒪᔪᑦ ᐅᐃᒍ 19-9-ᒥ ᐃᓄᓐᓄᑦ ᓄᓇᖁᑕᐅᓕᕐᓂᐊᖅᑐᑦ ᐅᖃᐅᓯᐅᔪᖅᑎᒍᑦ 19.2.1(b)-ᒥ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᑦ ᑎᒍᓯᑉᐸᑕ ᓄᓇᒥᒃ ᐊᑭᖃᖅᑎᓐᓇᒍ ᒐᕙᒪᒃᑯᓐᓂᒃ.
ᐃᓚᖓ 6
ᓯᕗᓂᑦᑎᓐᓂ ᒐᕙᒪᒃᑯᓐᓅᖅᑐᑦᓴᐃᑦ
19.6.1 - ᐅᑭᐅᖅᑕᖅᑐᒥ ᑕᕐᕋᖅᑑᑕᐅᔭᖃᕐᕕᑦᓴᐃᑦ
ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᑐᓂᓯᓂᐊᖅᑐᑦ ᒐᕙᒪᒃᑯᓐᓄᑦ, ᐊᑭᖃᖅᑎᓐᓇᒋᑦ ᒐᕙᒪᒃᑯᓐᓄᑦ, ᑕᕐᕋᖅᑑᑕᐅᔭᖃᕐᕕᓐᓂᒃ ᓴᖅᑭᖅᑕᐅᓂᐊᖅᑐᓂᒃ ᓈᓚᕝᕕᖃᕐᕕᓐᓄᑦ ᐃᓚᒋᔭᐅᓗᑎᒃ,
(a)
ᐊᑐᕈᒪᔭᖏᓐᓂᒃ ᐃᓄᐃᑦ ᓄᓇᖁᑎᖏᓐᓂᒃ ᓇᓗᓇᐃᖅᑕᐅᓯᒪᔪᓂᒃ ᐃᓚᖓ I-ᒥ ᐅᐃᒍ 19-10-ᒥ, ᐊᒻᒪᓗ
(b)
ᐃᓱᒪᖅᓲᑕᐅᓂᐊᕐᓗᑎᒃ ᒪᕐᕉᒃ ᓄᓈᒃ ᐃᓄᐃᑦ ᓄᓇᖁᑎᖏᓐᓂᒃ ᓇᓗᓇᐃᖅᑕᐅᓯᒪᔪᑦ ᐃᓚᖓ II-ᒥ ᐅᐃᒍ 19-10-ᒥ,
ᐱᓚᐅᓗᕐᑎᒃ ᓇᓕᖅᑲᓂᒃ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᑦ ᒐᕙᒪᒃᑯᓐᓂᒃ ᓇᓗᓇᐃᔭᐃᔪᓂᑎᒃ
ᑐᑭᓯᓇᕆᐊᒃᑲᓐᓂᕐᓗᑎᒃ ᐃᓂᒋᔭᖏᑦ ᓄᓇᐃᑦ ᑕᐃᓐᓇᓗ ᐃᓱᒪᖅᓲᑕᐅᔪᖅ. ᒐᕙᒪᒃᑯᑦ ᕿᓐᖑᒻᒥᒐᕐᓂᐊᖅᑐᑦ
ᓄᓇᓂᒃ ᑐᓂᔭᐅᔪᓂᒃ ᐊᑖᓂ ᑎᑎᕋᖅᓯᒪ,ᔪᖅ (a).
19.6.2 - ᓈᓚᕝᕕᖃᕐᕖᑦ ᓱᓇᒃᑯᑖᓕᖅᑕᐅᒃᑲᓐᓂᕆᐊᖃᕐᓂᖏᑦ
ᐃᓄᐃᑦ ᓄᓇᖁᑎᖏᑦ ᓇᓗᓇᐃᔭᖅᑕᐅᔪᑦ ᐃᓚᖓ III-ᒥ. ᐅᐃᒍ 19-10-ᒥ ᑐᓐᖓᕕᖃᓕᕐᓂᐊᖅᑐᑦ ᓄᓇᒧᑦ ᐃᑎᕈᓐᓇᐅᑎᒥᒃ, ᐊᑭᖃᖅᑎᓐᓇᒍ ᒐᕙᒪᒃᑯᓐᓄᑦ, ᐊᖅᑯᑕᐅᓗᓂ ᐅᑭᐅᒃᑯᑦ ᓈᓚᕝᕕᖃᕐᕕᒻᒨᖓᔪᒧᑦ ᐊᑐᕐᖓᓐᓂ ᓄᓇᐃᑦ ᐅᖃᐅᓯᐅᔪᑦ ᑕᐃᑲᓂ:
(a)
ᐊᖏᖃᑎᒌᓐᓂᖅ ᒐᕙᒪᒃᑯᓐᓄᑦ ᓇᓗᓇᐃᖅᑕᐅᓯᒪᔪᓄᓪᓗ ᐃᓄᓐᓄᑦ ᑎᒥᖁᑕᐅᔪᓄᑦ ᑐᓂᓯᓂᖃᕐᓗᑎᒃ ᒐᕙᒪᒃᑯᓐᓄᑦ ᐃᑎᕈᓐᓇᐅᑎ ᐊᒻᒪᓗ ᑐᑭᖏᑦ ᐃᒪᐃᓕᖓᓂᖏᓪᓗ ᓇᓗᓇᐃᖅᑕᐅᒍᓐᓇᖅᑐᑦ ᐅᑯᓄᖓ:
(b)
ᓇᓗᓇᐃᖅᑕᐅᓂᖓᑦ ᐋᔩᖅᑎᑦᓯᔨᓄᑦ ᑐᓐᖓᕕᒋᓗᒍ ᐃᓛᒃᑯᑦ 38, ᑐᑦᓯᕋᕐᓂᖓᑦᑎᒍᑦ ᒐᕙᒪᒃᑯᑦ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ.
19.6.3 - ᐱᔪᓐᓇᐅᑎᒋᔭᐅᔪᑦ ᑭᒃᑯᑐᐃᓐᓇᕐᓄᑦ
ᐃᓄᐃᑦ ᓄᓇᖁᑎᖏᑦ ᓇᓗᓇᐃᖅᑕᐅᓯᒪᔪᑦ ᐅᐃᒍᖓᓃᑦᑐᓂ 19-11 ᒪᓕᒋᐊᓖᑦ ᐱᔪᓐᓇᐅᑎᒋᔭᐅᔪᑦ ᑭᒃᑯᑐᐃᓐᓇᕐᓄᑦ ᓇᓗᓇᐃᖅᑕᐅᓯᒪᔪᑦ ᑎᑎᕋᖅᓯᒪᓂᖏᓐᓂ ᑭᓯᐊᓂ ᑕᕝᕙᓂᓪᓗᐊᖅ ᐱᔪᓐᓇᐅᑎᖃᕐᕕᐅᔪᒥ ᐊᒻᒪᓗ ᐱᓕᕆᐊᓴᓄᑦ ᓇᓗᓇᐃᔭᐃᔾᔪᑕᐅᓯᒪᔪᓂ ᐊᒻᒪᓗ ᒪᓕᒐᒃᓴᖃᖅᑎᑕᐅᔪᓂ ᐱᓕᕆᕕᐅᔪᒪᓂᖓ ᓇᓗᓇᐃᖅᑕᐅᓂᐊᖅᐳᖅ ᐅᑯᓇᓐᖓᑦ:
(a)
ᐊᖏᖃᑎᒌᒍᑕᐅᓯᒪᔪᒃᑯᑦ ᒐᕙᒪᒃᑯᓐᓄᑦ ᐊᒻᒪᓗ ᓇᓗᓇᐃᖅᑕᐅᓯᒪᔪᒧᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ
(b)
ᐊᖏᖃᑎᒌᒐᓱᐊᕈᑕᐅᔪᒧᑦ ᐋᖅᑭᒋᐊᒃᑲᐃᔩᑦ, ᒪᓕᓪᓗᒋᑦ ᐃᓛᒃᑯᑦ 38, ᑐᒃᓯᕋᕈᑕᐅᑎᓪᓗᒍ ᒐᕙᒪᒃᑯᓐᓄᑦ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ.
ᐃᓚᖓ 7
ᐃᓱᒪᖅᓲᑕᐅᓂᖏᓐᓂᖏᑦ ᐃᓄᐃᑦ ᓄᓇᖁᑎᖏᑦᑕ
19.7.1
ᑐᓐᖓᕕᒋᑦᓱᒍ 19.7.2, ᐃᓄᐃᑦ ᓄᓇᖁᑎᖏᑦ ᓄᑦᑎᖅᑕᐅᓂᐊᓐᖏᑦᑐᑦ, ᐊᐅᓪᓛᖅᑎᑕᐅᓗᑎᒃ ᐅᕝᕙᓗ ᓴᒃᑯᑕᐅᓗᑎᒃ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᐋᒡᒐᐅᖓᓗᐊᖅ ᓇᓗᓇᐃᖅᑕᐅᓯᒪᔪᓄᑦᑕᐅᖅ ᐃᓄᓐᓄᑦ ᑎᒥᖁᑕᐅᔪᓄᑦ ᐅᕝᕙᓗ ᒐᕙᒪᒃᑯᖏᓐᓄᑦ ᑲᓇᑕᐅᑉ ᐅᕝᕙᓗ ᐊᓯᐊᒍᑦ ᐱᕕᖃᖅᑎᑕᐅᓂᖏᒃᑯᑦ ᐊᖏᕈᑎᒃᑯᑦ.
19.7.2
ᐃᓗᐊᓂ ᓄᓇᓖᑦ, ᓇᒻᒥᓂᕆᔭᐅᓂᖏᒃ ᐃᓄᐃᑦ ᓄᓇᖁᑎᖏᑦᑕ ᓄᑦᑎᖅᑕᐅᒍᓐᓇᖅᑐᑦ, ᐊᐅᓪᓛᖅᑎᑕᐅᒍᓐᓇᖅᑐᑦ, ᐊᓯᐊᒍᓪᓘᓐᓃᑦ ᓴᒃᑯᐃᔭᐅᓗᑎᒃ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᒐᕙᒪᒃᑯᖏᓐᓄᑦ ᑲᓇᑕᐅᑉ, ᐊᕕᑦᑐᖅᓯᒪᔪᓂ ᒐᕙᒪᐃᑦ ᐅᕝᕙᓗ ᓄᓇᓕᓐᓂ ᑎᒥᐅᔪᓄᑦ ᐊᑲᐅᓈᕐᓂᖏᑦ ᒪᓕᓪᓗᒋᑦ.
19.7.3
19.7.1 ᐊᒻᒪᓗ 19.7.2 ᑕᑯᓐᓇᖅᑕᐅᓂᐊᓐᖏᑦᑐᑦ ᓴᐳᔾᔨᒍᑕᐅᓗᑎᒃ ᑐᓂᔭᐅᓂᖏᓐᓂᒃ ᐊᑐᖅᑐᐊᕈᑏᑦ, ᓚᐃᓴᓐᓰᑦ ᐅᕝᕙᓗ ᐊᓯᖏᑦ ᐱᔪᒪᔭᐅᔪᑦ ᐊᑦᓯᓂᖅᓴᐃᑦ ᑎᒍᔭᐅᓂᖏᓐᓂᒃ ᐃᓄᐃᑦ ᓄᓇᖁᑎᖏᑦᑕ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ.
ᐃᓚᖓ 8
ᓇᒻᒥᓂᕆᔭᐅᔪᓂᒃ ᓇᓗᓇᐃᔭᐃᓂᖅ, ᕿᓐᖑᒻᒥᒐᕐᓂᖅ, ᑭᓪᓕᒋᔭᐅᔪᓪᓗ
19.8.1 - ᓇᓗᓇᐃᔭᐃᔪᑦ ᓄᓇᓐᖑᐊᓄᑦ ᐸᕐᓇᐅᑏᑦ
ᒐᕙᒪᒃᑯᑦ ᐸᕐᓇᐃᓂᐊᖅᑐᑦ, ᐊᒻᒪᓗ, ᐃᓗᐊᓂ ᒪᕐᕉᒃ ᐊᕐᕌᒎᒃ ᐅᓪᓗᖓᓂᒃ ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ, ᐱᔭᕇᕐᓗᑎ ᐊᑭᖃᖅᑎᓐᓇᒋᑦ ᓇᓗᓇᐃᕐᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ, ᓇᓗᓇᐃᔭᐃᔪᓂ ᐸᕐᓇᐅᑎᓂ ᓄᓇᓐᖑᐊᓄᑦ ᐃᓘᓐᓇᖏᓐᓄᑦ ᐃᓄᐃᑦ ᓄᓇᖁᑎᖏᓐᓄᑦ ᑎᒍᒥᐊᖅᑕᐅᔪᓄᑦ ᑐᓐᖓᕕᒋᑦᓱᒋᑦ 19.3.1 ᐅᕝᕙ 19.4.1(a) ᕿᓐᖑᒻᒥᒐᖅᑕᐅᓯᒪᓐᖏᑦᑐᑦ ᕿᓐᖑᒻᒥᒐᖅᑕᐅᒋᐊᑐᒐᑎᓪᓗ ᑐᓐᖓᕕᒋᑦᓱᒍ 19.8.8(d).
19.8.2
ᑐᓐᖓᕕᒋᑦᓱᒍ 19.3.3, ᓇᓗᓇᐃᔭᐃᔪᑦ ᓄᓇᓐᖑᐊᓄᑦ ᐸᕐᓇᐅᑏᑦ ᐊᑐᐃᓐᓇᕈᖅᑎᖅᑕᐅᔪᑦ ᑐᓐᖓᕕᒋᑦᓱᒍ 19.8.1 ᐃᓗᓕᖃᕐᓂᐊᑦᑐᑦ ᑎᑎᖅᑲᓂᒃ ᐃᓚᒍᑦᓯᐅᑎᓯᒪᔪᓂᒃ ᑐᕋᐃᓐᓇᖅᑐᓂᒃ ᐸᕐᓇᐅᑎᓄᑦ ᐱᓯᒪᔪᓄᑦ ᑲᓇᑕᒥ ᓄᓐᖑᐊᓂᒃ ᐱᑕᖃᕐᓗᑎᒃ ᐃᓗᓕᕆᒋᐊᓕᖏᑦ ᓈᓴᐅᑎᖏᑦ ᒥᑭᓂᖅᓴᐅᖏᓪᓗᑎᒃ 1:250,000ᓂᒃ, ᓇᓗᓴᐃᔭᐃᓗᑎᒃ ᐃᓗᓕᖏᓐᓂᒃ ᑭᓪᓕᖏᑦᑕ ᐃᓄᐃᑦ ᓄᓇᖁᑎᖏᑦᑕ.
19.8.3
ᐱᔾᔪᑕᐅᓗᑎᒃ ᓇᓗᓇᐃᔭᐃᔪᑦ ᓄᓇᓐᖑᐊᓄᑦ ᐸᕐᓇᐅᑏᑦ ᐊᑐᐃᓐᓇᕈᖅᑎᑕᐅᔪᑦ ᑐᓐᖓᕕᐅᓪᓗᑎᒃ 19.8.1, ᑭᓪᓕᖏᑦ ᐃᓄᐃᑦ ᓄᓇᖁᑎᖏᑦᑕ ᓄᓇᓖᑦ ᐃᓗᐊᓐᓂ ᓇᓗᓇᐃᔭᖅᓯᒪᓂᐊᖅᑐᑦ ᓈᓴᐅᑎᖏᑦ 1:2,000-ᖑᓗᑎᒃ ᓄᓇᓕᓐᓂ ᓄᓇᓐᖑᐊᑦ ᐅᕝᕙᓗ ᐸᕐᓇᐅᑎᓂ ᐱᓯᒪᔪᓂᒃ ᑲᓇᑕᒥ ᓄᓐᖑᐊᓕᕆᔨᒃᑯᓐᓂᒃ ᐱᑕᖃᕐᓗᑎᒃ ᓇᓗᓇᐃᔭᖅᓯᒪᔪᑦ ᒥᑭᓂᖅᓴᐅᖏᓪᓗᓂ 1:50,000-ᓂᒃ.
19.8.4
ᐊᖏᖅᑕᐅᓚᐅᖅᑎᓪᓗᒋᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᒐᕙᒪᒃᑯᓐᓄᓪᓗ, ᓇᓗᓇᐃᔭᐃᔪᑦ ᓄᓇᓐᖑᐊᓄᑦ ᐸᕐᓇᐅᑏᑦ ᐊᑐᐃᓐᓇᕈᖅᑎᖅᑕᐅᓯᒪᔪᑦ ᑐᓐᖓᕕᒋᑦᓱᒋᑦ 19.8.1 ᑲᑐᔾᔨᓗᑎᒃ ᑲᔪᓯᑎᑦᓯᓂᐊᖅᑑᒃ ᐊᖏᖃᑎᒌᑦᓯᒪᔫᒃ ᑎᑎᕋᖅᑕᐅᓯᒪᕕᒻᒧᑦ ᐊᑭᖃᖅᑎᓐᓇᒍ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᐊᒻᒪᓗ, ᑕᕝᕙᓴᐃᓐᓇᖅ ᑲᔪᓯᑎᑕᐅᑎᓪᓗᒍ, ᐱᖁᑎᑖᕆᔭᐅᓗᑎᒃ ᓇᓗᓇᐃᔭᐃᔪᑦ ᐃᓄᐃᑦ ᓄᓇᖁᑎᖏᓐᓂᒃ, ᐃᓇᖐᓗᑎᒃ ᓇᒻᒥᓂᕆᔭᐅᔪᓂᕐᒧᑦ ᓇᓗᓇᐃᔭᐃᔾᔪᑎᒥᓂᕐᓂᒃ, ᐊᑐᓕᕐᓗᓂ ᐅᓪᓗᖓᓂ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ.
19.8.5
ᑲᔪᓯᑎᑕᐅᓚᐅᖅᑎᓪᓗᒍ ᑐᓐᖓᕕᒋᑦᓱᒍ 19.8.4 ᓇᐅᑐᐃᓐᓴᕐᓄᑦ ᓇᓗᓇᐃᔭᐃᓂᕐᒧᑦ ᓄᓇᓐᖑᐊᓂᒃ ᐸᕐᓇᐅᑎᒧᑦ ᓇᐅᑐᐃᓐᓇᕐᒧᑦ ᐃᓄᐃᑦ ᓄᓇᖁᑎᖓᓐᓄᑦ ᐊᑖᓂ 19.3.1 ᐅᕝᕙᓗ 19.4.1(a), ᒥᓂᔅᑕ ᑐᓂᓯᓂᐊᖅᑐᖅ ᑎᑎᕋᖅᑕᐅᓯᒪᕕᒻᒧᑦ ᖃᐅᔨᒃᑲᐃᔾᔪᑎᓂᒃ ᐃᓄᐃᑦ ᓄᓇᖁᑎᖓᑦ ᑎᒍᔭᐅᓯᒪᒋᐊᖓ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᑖᓐᓇᓗ ᖃᐅᔨᒃᑲᐃᔾᔪᑎ ᐊᖏᖅᑕᐅᓗᓂ ᑎᑎᕋᖅᑎᒧᑦ ᑲᒪᒋᔭᐅᓗᓂᓗ ᐃᓘᓐᓈᒍᑦ, ᐱᖃᓯᐅᑎᑦᓱᓂ ᑐᓂᓯᓂᖅ ᓇᓗᓇᐃᒃᑯᑕᕐᓂᒃ ᓇᒻᒥᓂᖃᕐᓂᕐᒧᑦ, ᓲᕐᓗ ᑎᑎᖅᑲᐃᑦ ᐃᑲᔪᖅᑐᖅᑐᑦ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ, ᐸᕐᓇᐅᑎᑕᖃᓐᖏᒃᑲᓗᐊᖅᐸᑦ ᕿᓐᖑᒻᒥᒐᕐᓂᕐᒧᑦ ᖃᓄᑐᐃᓐᓇᕐᓗ ᐊᖏᓂᖃᕋᓗᐊᖅᐸᑦ ᓄᓇ.
19.8.6
ᖃᐅᔨᒃᑲᐃᓂᖅ ᐅᖃᐅᓯᐅᔪᖅ 19.8.5-ᒥ ᓇᓗᓇᐃᖅᓯᓂᐊᖅᑐᖅ ᓇᒻᒥᓂᖃᕐᓂᐅᔪᖅ ᑐᓐᖓᕕᖃᕆᐊᖓ ᐱᔪᓐᓇᕐᓂᐅᑎᑕᐅᔪᓂᒃ ᐅᕘᓇ ᐊᖏᕈᑎᒃᑯᑦ.
19.8.7
ᑐᓂᔭᐅᓚᐅᖅᑎᓪᓗᖑ ᖃᐅᔨᒃᑲᐃᔾᔪᑎ ᐊᑖᓂ 19.8.5, ᖃᐅᔨᒃᑲᐃᔾᔪᑎ ᑎᑎᕋᖅᑎᒧᑦ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ ᓇᒻᒥᓂᖃᖅᑐᓂᒃ ᐃᓄᐃᑦ ᓄᓇᖁᑎᖏᓐᓂᒃ ᑎᒍᔭᐅᒋᐊᖏᑦ ᐊᓯᖏᓐᓄᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᐱᔪᓐᓇᕐᓂᖃᕐᕕᐅᑦᓱᑎᒃ ᑕᐃᒃᑯᐊ ᓄᓇᐃᑦ ᑲᒪᒋᔭᐅᓂᐊᕐᓗᑎᒃ ᐃᓘᓐᓇᒍᑦ ᓲᕐᓗ ᑐᓂᔭᐅᔪᑎᑐᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᓇᓗᓇᐃᖅᑕᐅᓯᒪᔪᓄᑦᑕᐅᖅ ᐃᓄᓐᓄᑦ ᑎᒥᖁᑕᐅᔪᓄᑦ.
19.8.8 - ᕿᓐᖑᒻᒥᒐᕐᓃᑦ
ᐊᖏᓂᖅᓴᐃᑦ ᐃᓄᐃᑦ ᓄᓇᖁᑎᖏᑦ ᕿᓐᖑᒻᒥᒐᖅᑕᐅᒋᐊᑐᔾᔮᖏᑦᑐᑦ ᓇᓗᓇᐃᖅᑕᐅᓗᑎᒃ ᑭᓪᓕᖏᑦ ᑭᓯᓂᐊᓕ:
(a)
ᑭᓪᓕᖏᑦ ᐅᕝᕙᓗ ᐃᓚᖏᑦ ᑭᓪᓕᖏᑦᑕ ᐃᓄᐃᑦ ᓄᓇᖁᑎᖏᑦᑕ ᕿᓐᖑᒥᖓᖅᑕᐅᓂᐊᖅᑐᑦ ᒐᕙᒪᒃᑯᓐᓄᑦ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᒐᕙᒪᒃᑯᓪᓗ ᐊᖏᖃᑎᒌᑉᐸᑕ ᕿᓐᖑᒻᒥᒐᕐᓂᖅᑕᖃᕆᐊᖃᕆᐊᖓ ᐊᑑᑎᑦᑕᐃᓕᒍᑎᒋᓗᒍ ᐊᐳᖅᓯᒪᓂᕐᒥᒃ ᐊᓯᖏᓐᓄᑦ ᓇᒻᒥᓂᓕᓐᓄᑦ ᐱᔪᒪᔪᓄᓪᓘᓐᓃᑦ
(b)
ᑭᓪᓕᖏᑦ ᐃᓚᖏᓪᓘᓐᓃᑦ ᑭᓪᓕᖏᑦᑕ ᐃᓄᐃᑦ ᓄᓇᖁᑎᖏᑦᑕ ᓱᓇᑐᐃᓐᓇᕐᒥᒃ ᐱᔾᔪᑎᖃᕈᓐᓇᖅᑐᖅ ᕿᓐᖑᒻᒥᒐᖅᑕᐅᓂᖅ ᐃᓱᒪᖅᓲᑕᐅᓗᑎᒃ ᒐᕙᒪᒃᑯᓐᓄᑦ;
(c)
ᑭᓪᓕᖏᑦ ᓄᓇᐃᑦ ᐃᓚᒍᑦᓯᐅᑎᓯᒪᓐᖏᑦᑐᑦ ᐃᓄᐃᑦ ᓄᓇᖁᑎᖏᓐᓄᑦ ᓇᓗᓇᐃᔭᖅᑕᐅᓯᒪᔪᑦ ᐅᐃᒍ 19-12-ᒥ ᕿᓐᖑᒻᒥᒐᖅᑕᐅᓂᐊᖅᑐᑦ ᒐᕙᒪᒃᑯᓐᓄᑦ ᐊᕐᕌᒍ ᐊᑕᐅᓯᐅᑉ ᐃᓗᐊᓂ ᐅᓪᓗᖓᓂᒃ ᓂᕈᐊᕈᑕᐅᓚᐅᕐᓂᖓᑕ ᐊᖏᕈᑎᐅᑉ; ᐊᒻᒪᓗ
(d)
ᑭᓪᓕᖏᑦ ᐃᓄᐃᑦ ᓄᓇᖁᑎᖏᑦᑕ ᓄᓇᓖᑦ ᑭᓪᓕᖏᑦᑕ ᐃᓗᐊᓐᓂ ᓇᓗᓇᔭᐃᖅᑕᐅᓯᒪᔪᑦ ᐅᐃᒍ 19-13-ᒥ ᕿᓐᖑᒻᒥᒐᖅᑕᐅᓂᐊᖅᑐᑦ ᒐᕙᒪᒃᑯᓐᓄᑦ ᐊᕐᕌᒍᐃᑦ ᐱᖓᓱᑦ ᐃᓗᐊᓂ ᐅᓪᓗᖓᑕ ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ.
19.8.9
ᒐᕙᒪᒃᑯᑦ ᑲᓇᑕᒥ ᑎᒍᒥᐊᕐᓂᐊᖅᑐᑦ ᐊᑭᖏᓐᓂᒃ ᐊᑐᓂᑦ ᒪᓕᒐᖅᑎᒍᑦ ᕿᓐᖑᒻᒥᒐᖅᑕᐅᔪᑦ ᑐᓐᖓᕕᒋᑦᓱᒍ 19.8.8 ᑕᓐᓇ ᐱᕕᖃᖅᑎᑦᓯᒍᑕᐅᔪᖅ ᓄᖅᑲᖓᒍᑕᐅᓂᐊᓐᖏᑐᐊᖅᐸᑦ ᒐᕙᒪᒃᑯᓐᓄᑦ ᐊᑭᓕᖅᑐᐃᑎᑦᓯᓂᕐᒧᑦ ᐊᑦᑐᐊᔪᓄᑦ ᕿᓐᖑᒻᒥᒐᖅᑕᐅᔪᓄᑦ ᓇᐅᑐᐃᓐᓇᕐᓄᑦ ᐃᓄᒻᒧᑦ ᓄᓇᖏᑦ ᐃᓄᐃᑦ ᓄᓇᖏᓐᓅᖓᑐᐊᖅᐸᑕ.
19.8.10
ᒐᕙᒪᒃᑯᑦ ᑎᒍᒥᐊᔾᔮᖏᑦᑐᑦ ᐊᑭᖏᓐᓂᒃ ᕿᓐᖑᒻᒥᒐᖅᑕᐅᔪᑦ ᐊᑦᑐᐊᒧᑦ ᐊᑐᖅᑐᐊᖅᑕᐅᓂᖏᓐᓄᑦ ᐃᒻᒥᒃᑯᐊᖅᑎᑕᐅᓂᖏᓐᓄᓘᓐᓃᑦ ᐃᓄᐃᑦ ᓄᓇᖁᑎᖏᑦᑕ.
19.8.11
ᐊᑐᓂᑦ ᑭᓪᓕᒋᔭᐅᔪᓂᒃ ᕿᓐᖑᒻᒥᒐᕐᓂᐅᔪᑦ ᑐᓐᖓᕕᒋᑦᓱᒍ 19.8.8 ᐊᑑᑎᔭᐅᓂᐊᖅᑐᑦ ᐊᒻᒪᓗ ᓇᑉᐸᐃᔪᖃᖃᑦᑕᕐᓂᐊᖅᑐᖅ ᒪᓕᓪᓗᒋᑦ ᐃᒪᐃᓕᖓᖁᔭᖏᑦ ᓄᓇᓐᖑᐊᓕᕆᔨᒻᒪᕆᐅᑉ ᑲᓇᑕᒥ ᐊᒻᒪᓗ ᑲᓇᑕᒥ ᓄᓇᒥᒃ ᕿᓐᖑᒻᒥᒐᕐᓂᕐᒧᑦ ᒪᓕᒐᕐᔪᐊᖅ, ᓲᕐᓗ ᓄᓇᐃᑦ ᓱᓕ ᒐᕙᒪᒃᑯᓐᓄᑦ ᓄᓇᖁᑎᒋᔭᐅᑎᓪᓗᒋᑦ.
19.8.12
ᒪᓕᒐᖅᑎᒍᑦ ᕿᓐᖑᒻᒥᒐᕐᓂᐅᔪᖅ ᐱᔭᕇᖅᑕᐅᑉᐸᑦ ᓇᐅᑐᐃᓐᓇᕐᒧᑦ ᑭᓪᓕᒋᔭᐅᔪᒧᑦ ᐅᕝᕙᓗ ᐃᓚᖓᓄᑦ ᑭᓪᓕᖏᑦᑕ ᐃᓄᐃᑦ ᓄᓇᖁᑎᖏᑦᑕ, ᐸᕐᓇᐅᑎ ᕿᓐᖑᒻᒥᒐᕐᓂᕐᒧᑦ, ᐊᑎᓕᐅᖅᑕᐅᑉᐸᑦ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᐊᒻᒪᓗ ᒐᕙᒪᒃᑯᓐᓄᑦ ᑐᓂᔭᐅᓗᑎᓪᓗ ᑎᑎᕋᖅᑕᐅᓯᒪᕕᒻᒧᑦ, ᓇᒻᒥᓂᖅᑕᕐᓂᐊᖅᑐᑦ ᓇᓗᓇᐃᔭᐃᓂᕐᒥᒃ ᑕᐃᑯᖓ ᑭᓪᓕᖓᓄᑦ ᐃᓚᖓᓄᓪᓘᓐᓃᑦ, ᐃᓇᖐᓗᑎᒃ ᓯᕗᕐᖓᓂ ᓇᒻᒥᓂᖃᕐᓂᕐᒥᒃ ᓇᓗᓇᐃᔭᐃᔾᔪᑎᓂ ᑭᓪᓕᖓᓂ ᐅᓚᖓᓂᓪᓘᓐᓃᑦ, ᐊᑐᓕᕐᓗᓂ ᐅᓪᓗᖓᓂ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ.
19.8.13 - ᑭᓪᓕᒋᔭᐅᑦᓴᐅᑎᒋᔪᑦ
ᑭᓪᓕᒋᔭᐅᑦᓴᐅᑎᒋᔪᑦ ᐃᓄᐃᑦ ᓄᓇᖁᑎᖏᓐᓄᑦ ᓯᓈᖏᓐᓂ ᐃᒪᐃᑦ ᐱᒋᐊᕐᕕᖃᕐᓂᐊᖅᑐᑦ ᐅᓕᓐᓂᐅᒐᔪᑦᑐᒥᒃ, ᐋᒡᒐᓗᐊᒐᓗᐊᖅ ᐊᓯᐊᒍᑦ ᓇᓗᓇᐃᖅᑕᐅᓯᒪᑉᐸᑦ ᓇᓗᓇᐃᔭᐃᔾᔪᑎᓂ.
19.8.14
ᑕᐃᒪᐃᓕᖓᒐᓗᐊᖅᑎᓪᓗᒋᑦ 19.3.1, 19.8.4 ᐊᒻᒪᓗ 19.8.12 ᑐᑭᓯᓇᖅᑎᒋᐊᒃᑲᓐᓂᕐᓗᒍ, ᓄᓇᐅᑉ ᐃᓕᖅᑯᓯᖅᓱᕐᓂᖓ ᒪᓕᓪᓗᒍ ᓄᓇᐅᑉ ᑕᐃᒪᐃᓕᖓᑦᓴᐅᑎᒋᓂᖏᑦ ᐱᖃᓯᐅᑎᓗᒋᑦ ᓄᓇᐅᑉ ᑭᓪᓕᖏᑦ ᐊᑕᔪᑦ ᓯᔾᔭᒧᑦ, ᐃᓄᐃᑦ ᓄᓇᖁᑎᖏᑦ ᒪᓖᓐᓇᕐᓂᐊᖅᑐᑦ ᓄᓇᐅᑉ ᐃᓕᖅᑯᓯᖅᓱᕐᓂᖓᑕ ᐊᓯᔾᔨᐸᓪᓕᐊᓂᖓᓂᒃ ᓱᕋᑉᐸᓪᓕᐊᓂᒃᑯᑦ ᐋᖅᑭᐸᓪᓕᐊᓂᒃᑯᓘᓐᓃᑦ ᐱᖃᓯᐅᑎᓗᒋᑦ ᓯᔾᔭᒥ ᐊᓯᔾᔨᐸᓪᓕᐊᔪᑦ
ᓄᓇᐅᑉ ᖃᓄᐃᑉᐸᓪᓕᐊᓂᖓ ᒪᓕᓪᓗᒍ ᐊᒻᒪᓗ ᐊᓯᓕᒫᖏᑦ ᓯᓚᒧᑦ ᐊᐅᓚᑕᐅᔪᑦ ᐃᓕᖓᔪᑦ ᑭᓪᓕᖃᕐᕕᐅᓂᐊᖅᑐᑦ ᓇᓗᓇᐃᖅᑕᐅᓯᒪᔪᑎᒍᑦ.
19.8.15
ᑐᓐᖓᕕᒋᑦᓱᒋᑦ 19.8.12, ᕿᓐᖑᒻᒥᒐᖅᑕᐅᑉᐸᑕ ᐃᓄᐃᑦ ᓄᓇᖁᑎᖏᑦ ᑭᓪᓕᖏᓪᓗ ᐃᓄᐃᑦ ᓄᓇᖁᑎᖏᑦᑕ ᓇᓗᒋᔭᐅᒐᓚᑉᐸᑕ, ᓄᓇᓐᖑᐊᓕᕆᔨᒻᒪᕆᒃ ᐱᔪᓐᓇᕐᓂᖃᕐᓂᐊᖅᑐᖅ ᓇᑉᐸᐃᒍᓐᓇᕐᓂᕐᒥᒃ ᓇᓗᓇᐃᔭᐃᔪᓂᒃ ᖃᓄᐃᓕᖓᓂᖓᓂᒃ ᑭᓪᓕᒋᔭᐅᓂᐊᖅᑑᑉ.
19.8.16
ᓄᓇᐃᑦ ᐃᓗᐊᓃᑦᑐᑦ 100 ᐃᑎᒐᓪᓗᐊᑦ ᑭᓪᓕᖏᑦᑕ ᓄᓇᕗᒻᒥ ᐃᓄᓐᓄᑦ ᓄᓇᖁᑎᒋᔭᐅᓂᐊᓐᖏᑦᑐᑦ, ᐋᒡᒐᐅᒐᓗᐊᖅ ᓯᓈᖓ ᑰᑉ ᑕᓯᐅᓪᓘᓐᓃᑦ ᐃᓚᒋᔭᐅᑉᐸᑦ ᑭᓪᓕᖓᓄᑦ ᓄᓇᕗᑦ ᐊᑐᖅᑕᐅᒍᓐᓇᕐᓗᓂᓗ ᑐᑭᓯᓇᑦᓯᐊᕐᓗᓂ ᓇᐃᐱᒐᑦᓴᐅᓗᓂ ᐃᓄᐃᑦ ᓄᓇᖁᑎᖓᑦ ᐃᓗᐊᓃᒋᐊᖓ ᓄᓇᕗᑦ.
19.8.17 - ᓄᓇᐅᑉ ᐃᑭᐊᖓᓂ ᑭᓪᓕᒋᔭᐅᔪᑦ ᐊᑭᕋᖅᑑᑎᒍᑕᐅᓂᖏᑦ
ᐊᑭᕋᖅᑐᕐᓂᐅᔪᑦ ᑭᓪᓕᒋᔭᐅᔪᓄᑦ ᐊᑯᕐᖓᓐᓂ ᑎᒍᒥᐊᖅᑐᑦ ᑎᑎᕋᖅᑕᐅᓯᒪᔪᓂ ᐅᔭᕆᐊᑦᓯᐊᕙᓐᓂᒃ ᓇᐃᐱᑦᓯᓂᕋᖅᑐᓄᑦ, ᐊᑕᐅᓯᖅ ᐊᑕᐅᓯᐅᓐᖏᑦᑐᕐᓘᓐᓃᑦ ᐃᒪᐃᑉᐸᑦ,
(a)
ᑕᕝᕙᐅᒌᕐᓗᓂ ᐅᓪᓗᖓᓂ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ; ᐅᕝᕙᓗ
(b)
ᑎᑎᕋᖅᑕᐅᔪᖅ ᑭᖑᕐᖓᓂ ᐅᓪᓗᖅ ᓂᕈᐊᕈᑐᐅᓂᖓᑕ ᐊᖏᕈᑎᐅᑉ ᑭᓯᐊᓂ ᐊᑖᓃᑦᑐᖅ ᑐᑭᖏᑦᑕ ᐅᔭᕋᓐᓂᐊᓂᕐᒧᑦ ᐱᔪᓐᓇᐅᑎᐅᑉ ᐊᑑᑎᔫᑉ ᐅᓪᓗᖓᓂ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ,
ᐊᒻᒪᓗ ᐃᓂᖃᕐᓗᓂ ᐊᑕᖏᕐᓗᓂ ᐃᓚᖓᓘᓐᓃᑦ ᐃᓄᐃᑦ ᓄᓇᖁᑎᖏᓐᓂ ᑎᒍᒥᐊᖅᑕᐅᔪᑦ ᐅᖃᐅᓯᐅᔪᑦ 19.2.1(a)-ᒥ ᐋᖅᑭᑦᑕᐅᓂᐊᖅᑐᑦ ᑐᓐᖓᕕᖃᕐᓗᑎᒃ ᐱᕕᖃᖅᑎᑦᓯᒍᑕᐅᔪᓂᒃ ᑲᓇᑕᒥ ᐅᔭᕋᓐᓂᐊᕐᓂᕐᒧᑦ ᒪᓕᒐᐃᑦ ᑕᕝᕙᐅᔪᑦ ᐅᓪᓗᖓᓂ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ.
19.8.18
ᐊᑭᕋᖅᑐᕐᓂᐅᔪᑦ ᑭᓪᓕᖏᓐᓅᖓᔪᑦ ᐊᑯᕐᖓᓐᓐᓂ ᑎᒍᒥᐊᖅᑐᑦ ᑎᑎᕋᖅᑕᐅᓯᒪᔪᓂᒃ ᐅᔭᕆᐊᑦᓯᐊᕙᓐᓂᒃ ᐱᖃᕐᓂᕐᕋᕐᓂᕐᒧᑦ ᓇᓗᓇᐃᔭᖅᑕᐅᓯᒪᔪᑦ 19.8.17(a)-ᒥ ᐅᕝᕙᓗ (b) ᐊᒻᒪᓗ ᑎᖑᒥᐊᖅᑐᖅ ᐱᔭᐅᔪᒪᔪᒥᒃ ᓴᖅᑭᖅᑕᐅᔪᒥᒃ ᓇᓗᓇᐃᖅᑕᐅᓯᒪᔪᓄᑦ ᐃᓄᓐᓄᑦ ᑎᒥᖁᑕᐅᔪᓄᑦ ᐃᓄᐃᑦ ᓄᓇᖁᑎᖏᓐᓂ ᑎᒍᒥᐊᖅᑕᐅᔪᓂ ᐅᖃᐅᓯᐅᔪᒃᑯᑦ 19.2.1(a) ᐋᖅᑎᖅᑕᐅᓂᐊᖅᑐᑦ ᑐᓐᖓᕕᖃᕐᓗᑎᒃ ᐱᕕᖃᖅᑎᑦᓯᒍᑕᐅᔪᓂᒃ ᐊᑖᓂ ᑲᓇᑕᒥ ᐅᔭᕋᓐᓂᐊᓂᕐᒧᑦ ᒪᓕᒐᐃᑦ ᐊᑑᑎᔪᑦ ᐅᓪᓗᖓᓂ ᓂᕈᐊᕈᑕᐅᑎᓪᓗᒍ ᐊᖏᕈᑎ.
19.8.19
ᑎᑎᕋᖅᑎ, ᑐᓂᓯᔪᖃᑎᐊᖅᐸᑦ ᐋᖅᑭᑦᑕᐅᔪᒥᒃ ᑐᓐᖓᕕᐅᓗᓂ 19.8.17 ᐅᕝᕙᓗ 19.8.18 ᓄᓇᓕᕆᔨᐅᑉ ᐊᓪᓚᕝᕕᖓᓂ, ᑕᑯᑦᓴᐅᑎᑦᓯᓗᑎᒃ ᐋᖅᑭᑦᑕᐅᔪᒥᒃ ᓇᐅᑐᐃᓐᓇᕐᓂᒃ ᐸᐃᑉᐹᓂ ᑎᑎᕋᖅᑕᐅᓯᒪᔪᓂ ᐊᓪᓚᕕᒻᒥ.
ᐃᓚᖓ 9
ᐱᔪᓐᓇᐅᑏᑦ ᓴᓇᓐᖑᐊᒐᑦᓴᓂᒃ
19.9.1
ᑭᖑᕐᖓᓂ ᐅᓪᓗᖓᑕ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ, ᒐᕙᒪᒃᑯᑦ ᖃᐅᔨᒃᑲᐃᓂᐊᖅᑐᑦ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ ᖃᐅᔨᔭᐅᔪᖃᖅᐸᑦ ᓴᓇᓐᖑᐊᒐᑦᓴᓂᒃ ᑯᐃᓐ ᓄᓇᖁᑎᖏᓐᓂ.
19.9.2
ᑭᖑᕐᖓᓂ ᐅᓪᓗᖅ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ, ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ, ᑐᓐᖓᕕᖃᕐᓗᑎᒃ ᒐᕙᒪᒃᑯᑦ ᑐᓂᒪᓂᖏᓐᓂᒃ ᐊᑦᑐᐊᔪᓂᒃ ᑕᖅᑳᓐᖓᑦ ᐱᔪᓐᓇᐅᑎᓄᑦ, ᐱᔪᓐᓇᕐᓂᓖᑦ ᐃᒫᒃ:
(a)
ᐱᓗᑎᒃ ᐅᔭᕋᓐᓂᐊᓂᕐᒧᑦ ᐊᑐᖅᑐᐊᕈᑎᒥᒃ ᓴᓇᓐᖑᐊᒐᑦᓴᓄᑦ; ᐅᕝᕙᓗ
(b)
ᓇᒻᒥᓂᖅᑖᕐᓗᑎᒃ ᓄᓇᒥᒃ ᓴᓇᓐᖑᐊᒐᑦᓴᖅᑕᓕᒻᒥᒃ ᑕᐅᖅᓰᒍᑕᐅᓗᓂ ᐊᓯᖏᓐᓄᑦ ᐃᓄᐃᑦ ᓄᓇᖁᑎᖏᓐᓄᑦ.
ᓄᓇᐃᑦ ᐱᔭᐅᔪᑦ ᐊᑖᓂ (b) ᐃᓄᓐᓄᑦ ᓄᓇᖁᑎᒋᔭᐅᓂᐊᖅᑐᑦ.
19.9.3
ᒐᕙᒪᒃᑯᑦ ᓇᓗᓇᐃᖅᑕᐅᓯᒪᔪᓪᓗ ᐃᓄᓐᓄᑦ ᑎᒥᖁᑕᐅᔪᑦ ᐊᖏᖃᑎᒌᒍᓐᓇᖏᑉᐸᑕ ᓄᓇᓄᑦ ᑕᐅᖅᓰᒍᑕᐅᓂᐊᖅᑐᓄᑦ ᑐᓐᖓᕕᒋᓗᒍ 19.9.2(b), ᐊᐅᓚᓂᐅᔪᖅ ᑐᓂᔭᐅᓂᐊᖅᑐᖅ ᐋᔩᕋᖅᑎᑦᓯᔨᓄᑦ ᑐᓐᖓᕕᒋᓗᒍ ᐃᓛᒃᑰᖅᑐᖅ 38.
19.9.4
ᐃᓄᒃ ᐱᔪᓐᕐᓇᕐᓂᖃᕐᓂᐊᖅᑐᖅ ᐲᖅᓯᒍᓐᓇᕐᓂᕐᒥᒃ 50-ᓂᒃ ᐆᑦᑐᖅᓯᒪᔪᓂᒃ ᑭᑉᐹᕆᑦᑐᓂᒃ ᐆᑦᑑᑎᓂᒃ ᐊᕐᕌᒍᒥ ᓴᓇᓐᖑᐊᒐᑦᓴᓂᒃ ᑯᐃᓐ ᓄᓇᖁᑎᖏᓐᓂᒃ ᐱᔪᓐᓴᐅᑎᖃᓐᖏᓪᓗᓂ ᐊᒻᒪᓗ ᐱᔪᓐᓇᕐᓂᖅ ᐊᑎᖅᑕᐅᒍᓐᓴᖅᑐᖅ ᑯᐃᓐ ᓄᓇᖁᑎᖏᓐᓂᒃ ᐊᑦᑐᐊᔪᓂ ᐱᒧᒪᔭᕆᔭᐅᔪᓄᑦ ᐃᒪᐃᓕᖓᓗᓂ:
(a)
ᐊᓚᒡᒐᐃᑦᑐᒥᒃ ᐊᓯᔾᔨᕐᓂᖅᑕᖃᕐᓂᐊᖏᑉᐸᑦ; ᐊᒻᒪᓗ
(b)
ᐊᓚᒡᒐᐃᑦᑐᒥᒃ ᐅᓚᕕᓐᓂᖅᑕᕐᓂᐊᖏᑉᐸᑦ ᐊᑐᖅᑕᐅᓂᖓᓄᑦ ᐊᒻᒪᓗ ᓂᖃᑐᓕᓂᕐᒥᒃ ᑲᔾᔮᕐᓂᖓᓂᒃ ᓄᓇᒥᒃ ᐊᑐᕈᒪᔫᑉ.
19.9.5
ᐊᐳᖅᓯᒪᓂᖅᑕᖃᖅᐸᑦ ᐊᑯᕐᖓᓐᓂ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᑎᒍᒥᐊᖅᑐᑦ ᐱᔪᓐᓇᐅᑎᒥᒃ ᐊᑐᖅᑐᐊᕈᑎᒥᓪᓘᓐᓃᑦ ᐅᔭᕋᓐᓂᐊᕐᓂᕐᒧᑦ ᓴᓇᓐᖑᐊᒐᑦᓴᒥᒃ ᐊᒻᒪᓗ ᐃᓄᒃ ᑎᒍᒥᐊᖅᑐᖅ ᐱᔪᓐᓇᐅᑎᒥᒃ ᕿᓂᕐᓂᕐᒧᑦ, ᐱᕙᓪᓕᐊᑎᑦᓯᓂᕐᒧᑦ ᓴᖅᑮᓂᕐᒧᓪᓘᓐᓃᑦ ᐅᔭᕋᑦᓯᐊᕙᓐᓂᒃ ᓇᓗᓇᐃᖅᑕᐅᓯᒪᔪᑦ ᐊᓯᖏᓐᓂᒃ, ᐊᐳᖅᓯᒪᓂᐅᔪᖅ ᐊᑦᑐᐊᔪᖅ ᐱᔪᓐᓇᕐᓂᐅᔪᓄᑦ ᐋᖅᑭᑦᑕᐅᓂᐊᖅᑐᖅ ᐋᖅᑭᒋᐊᒃᑲᐃᔨᒃᑯᓐᓄᑦ.
19.9.6
ᓇᐅᑐᐃᓐᓇᖅ ᐃᓄᒃ ᐊᓯᐊ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᑐᓂᔭᐅᔾᔮᖏᑦᑐᖅ ᐱᔪᓐᓇᐅᑎᒥᒃ ᐊᑦᑐᐊᕈᑎᒥᓪᓘᓐᓃᑦ ᐅᔭᕋᓐᓂᐊᓂᕐᒧᑦ ᓴᓇᓐᖑᐊᒐᑦᓴᓂᒃ ᑯᐃᓐ ᓄᓇᖁᑎᖓᓐᓂ ᓴᓇᓐᖑᐊᕐᓂᖅ ᐱᔾᔪᑕᐅᓗᓂ, ᓴᒃᑯᐃᓂᕐᓘᓐᓃᑦ ᓴᓇᓐᖑᐊᒐᑦᓴᒥᒃ ᓴᓇᓐᖑᐊᕐᓂᖅ ᐱᔾᔪᑕᐅᓗᓂ.
19.9.7
ᓯᕗᕐᖓᓂ ᓴᖅᑭᖅᑕᐅᓂᖓᑕ ᑲᓇᑕᒥ ᒥᓐᖑᐃᕐᓯᕐᕕᐅᑉ ᓄᓇᕗᒻᒥ, ᑎᒥᐅᔪᖅ ᑎᒍᒥᐊᖅᑐᖅ ᓴᖅᑮᓂᕐᒥᒃ ᒥᓐᖑᐃᕐᓯᕐᕕᒻᒥᒃ ᑲᔪᓯᓂᐊᖅᑐᖅ ᑐᑦᓯᕋᖅᐸᑕ ᐃᓄᐃᑦ ᐊᑦᑐᖅᑕᐅᓯᒪᔪᓂᒃ ᓄᓇᓖᑦ, ᓴᓇᓐᖑᐊᒐᑦᓴᖅᑕᖃᑐᐃᓐᓇᕆᐊᖃᖅᑎᓪᓗᒍ, ᓇᓗᓇᐃᔭᖅᓯᒪᒧᒥᒃ ᖃᐅᔨᓴᕐᓂᖅᑕᕐᓗᓂ ᓇᓗᓇᐃᕐᓗᒍ ᐃᓂᖓ, ᖃᓄᐃᑦᓪᓗᐊᕐᓂᖓ ᐱᐅᔫᓂᖓᓗ ᓇᐅᑐᐃᓐᓇᐃᑦ ᓴᓇᓐᖑᐊᒐᑦᓴᐃᑦ ᐃᓗᐊᓂ ᑭᓪᓕᒋᔭᐅᔪᖁᔭᐅᔪᑦ ᒥᓐᖑᐃᕐᓯᕐᕕᒻᒧᑦ. ᐃᓄᐃᑦ ᑐᑦᓯᕋᖅᐸᑕ, ᓴᓇᓐᖑᐸᖓᐃᑦ ᐊᖅᑯᑕᐅᔪᓪᓗ ᓴᓇᓐᖑᐊᒐᑦᓴᓕᐊᕐᓂᕐᒧᑦ ᐃᓚᒍᑦᓯᐅᔾᔭᐅᔾᔮᖏᑦᑐᑦ ᑭᓪᓕᖏᓐᓄᑦ ᒥᓐᖑᐃᕐᓯᕐᕕᐅᑉ, ᐃᓚᒍᑦᓯᐅᔾᔨᖏᓐᓂᖅ ᐃᓚᓐᖓᕈᑕᐅᓂᐊᓐᖏᑉᐸᑦ ᐱᔾᔪᑕᐅᔪᒧᑦ ᒥᓐᖑᐃᕐᓯᕐᕕᒻᒧᑦ ᑐᕌᒐᖏᓐᓄᓘᓐᓃᑦ.
19.9.8
19.9.1-ᒥᒃ 19.9.ᖅ-ᒧᑦ ᐊᑑᑎᓐᖏᑦᑐᑦ ᐃᓗᐊᓂ ᑲᓇᑕᒥ ᒥᓐᖑᐃᓯᕐᕖᑦ. ᐃᓗᐊᓂ ᑲᓇᑕᒥ ᒥᓐᖑᐃᓯᕐᕖᑦ, ᐃᓄᐃᑦ ᐱᔪᓐᓇᕐᓂᓖᑦ ᐲᔭᐃᓂᕐᒥᒃ ᓴᓇᓐᖑᐊᒐᑦᓴᒥᒃ ᑐᓐᖓᕕᒋᓗᒋᑦ ᑐᑭᖏᑦ ᐃᒪᐃᓕᖓᓂᖏᓪᓗ ᐃᓄᐃᑦ ᐊᑦᑐᖅᑕᐅᓂᕐᒧᑦ ᐱᕙᓪᓕᕈᑎᑦᓴᖏᑦ ᑐᓐᖓᕕᒋᓗᒍ ᐃᓛᒃᑰᖅᑐᖅ 8 ᐱᔾᔪᑎᖃᖅᑐᖅ ᖃᐅᔨᒪᔭᕆᐊᓕᓐᓂᒃ, ᖃᓄᐃᓪᓕᐊᕐᓂᖓᓂᒃ, ᐅᐸᓪᓗᒍ ᐊᑐᐃᓐᓇᐅᓂᖓᓂᒃ, ᓴᐳᑎᔭᐅᓯᒪᓂᖓᓂᒃ ᐊᕙᑎᐅᑉ ᒥᓐᖑᐃᕐᓯᕐᕕᐅᓪᓗ, ᐊᒻᒪᓗ ᐊᓯᖏᑦ ᑐᑭᖏᑦ ᐃᒪᐃᓕᖓᓂᖏᓪᓗ ᐊᑦᑐᐊᔪᑦ. ᐱᔪᓐᓇᕐᓂᖃᖅᑎᑕᐅᓐᖏᑐᐊᕈᑎᒃ ᑎᒥᐅᔪᒧᑦ ᑎᒍᒥᐊᖅᑐᒧᑦ, ᐃᓄᐃᑦ ᓴᓇᓐᖑᐊᒐᑦᓴᓂᒃ ᐲᔭᐃᒋᐊᖃᓐᖏᑦᑐᑦ ᑲᓇᑕᒥ ᒥᓐᖑᐃᓯᕐᕕᓐᓂᒃ ᐊᑐᕐᓗᑎᒃ ᐅᐊᔭᒨᖅᑐᓂᒃ ᓴᓇᕐᕈᑎᓂᒃ.
19.9.9
ᐃᓗᐊᓂ ᐊᕕᑦᑐᖅᓯᒪᔪᓂ ᒥᓐᖑᐃᓯᕐᕖᑦ ᓴᐳᑎᔭᐅᓯᒪᔪᓪᓗ ᓄᓇᐃᑦ, ᐃᓄᐃᑦ ᐱᔪᓐᓇᐅᑎᖏᑦ ᐊᑖᓂ 19.9.2 ᐊᒻᒪᓗ 19.9.4 ᐊᑐᖅᑕᐅᓂᐊᖅᑐᑦ ᑭᓯᐊᓂ ᐱᕕᖃᖅᑎᑕᐅᓂᖏᑦᑎᒍᑦ ᐃᓄᐃᑦ ᐊᑦᑐᖅᑕᐅᓂᕐᒧᑦ ᐱᕙᓪᓕᕈᑎᑦᓴᓄᓪᓗ ᐊᖏᖃᑎᒌᖏᑦᑎᒍᑦ ᑐᓐᖓᕕᒋᓗᒍ ᐃᓛᒃᑯᖅᑐᖅ 8 ᐅᕝᕙᓗ 9.
ᐃᓚᖓ 10
ᓄᓇᓕᓐᓂ ᓄᓇᐃᑦ ᐱᕙᓪᓕᐊᑎᑕᐅᓂᖏᓐᓄᑦ ᐊᑭᒋᔭᐅᔪᑦ
19.10.1
ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᐅᑎᖅᑎᑦᓯᒋᐊᓖᑦ ᐊᑭᖏᓐᓂᒃ ᐊᕕᑦᑐᖅᓯᒪᔪᓂ ᒐᕙᒪᓄᑦ ᑎᑎᕋᖅᓯᒪᔪᓄᑦ ᐅᐃᒍ 19-14-ᒥ, ᐊᑭᒋᔭᐅᔪᑦ ᐊᑭᓕᕆᐊᖃᓕᖅᓯᒪᔪᑦ ᓯᕗᕐᖓᓂ ᐅᓪᓗᖅ ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ ᐱᕙᓪᓕᐊᑎᑕᐅᓂᖏᓐᓄᑦ ᐊᑐᓂᑦ ᓄᓇᐃᑦ ᐃᓄᐃᑦ ᓄᓇᖁᑎᖏᓐᓂ ᓇᓗᓇᐃᔭᖅᑕᐅᓯᒪᔪᑦ ᐅᐃᒍᒥ, ᐊᑭᓕᖅᑕᐅᒋᐊᓖᑦ ᑕᐃᑲᓂ ᐱᕙᓪᓕᐊᑎᑦᓯᕐᓂᒧᑦ ᐱᔪᓐᓇᐅᑎ ᑐᓂᔭᐅᑎᓪᓗᒍ ᐊᑦᑐᐊᔪᓄᑦ ᑕᐃᑯᖓ ᓄᓇᒧᑦ.
ᐃᓚᖓ 11
ᐃᒪᐃᓕᖓᓂᖏᑦ ᑐᓂᔭᐅᔪᑦ
19.11.1
ᑐᓂᔭᐅᔪᑦ ᓇᒻᒥᓂᖃᕐᓂᕐᒧᑦ ᐊᑖᓂ 19.3.1 ᐊᑦᑐᐊᔪᑦ
(a)
ᓄᓇ RE-28/460,P ᐅᖅᓱᕆᐊ ᐃᑭᕋᓴᖓᓂ ᒪᓕᒐᑦᓴᖃᖅᑎᑕᐅᕗᑦ ᓄᓇᐅᑉ ᕐᑳᖓᓃᑦᑐᓂᒃ ᐸᕝᕕᓴᒋᐊᖃᓐᖏᓂᕐᒧᑦ ᐅᕝᕙᓘᓐᓃᑦ ᐋᖅᑭᒋᐊᕆᒋᐊᖃᓐᖏᓂᕐᒧᑦ, ᓯᕗᕐᖓᓂ ᐅᓪᓗᖅ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ, Borealis Limited-ᑯᓐᓄᑦ, ᐊᒻᒪᓗ
(b)
ᐃᓂᖓ 52, ᐸᕐᓇᐅᑎ 737 (ᐸᓖᓯᖃᕐᕕᒥᓂᖅ), ᑭᒻᒥᕈᑦ ᒪᓕᒐᑦᓴᖃᖅᑎᑕᐅᕗᖅ ᐱᕙᓪᓕᕈᑎᓄᑦ ᓴᖅᑭᖅᑕᐅᔪᓄᑦ ᓯᕗᕐᖓᓂ ᐅᓪᓗᖅ ᓂᕈᐊᕈᑕᐅᓂᖓᑕ ᐊᖏᕈᑎᐅᑉ, ᐸᓖᓯᒃᑯᓐᓄᑦ,
ᒐᕙᒪᒃᑯᓪᓗ ᐸᓯᔭᑦᓴᐅᖏᑦᑐᑦ ᐃᓄᓐᓄᑦ ᓇᓗᓇᐃᖅᑕᐅᓯᒪᔪᓄᓪᓗ ᐃᓄᓐᓄᑦ ᑎᒥᖁᑕᐅᔪᓄᑦ ᔭᒐᐃᔪᖃᖅᐸᑦ ᓱᕋᑦᑐᖃᖅᐸᓪᓘᓐᓃᑦ ᐊᑦᑐᐊᔪᓂᒃ ᐊᑭᒋᔭᐅᔪᓄᑦ ᐸᕝᕕᓴᑦᑕᐅᓂᒃᑯᑦ ᐱᕙᓪᓕᕈᑎᑎᒍᓪᓘᓐᓃᑦ.
ᐅᐃᒍᖓ 19-
ᖁᑦᓯᑦᑐᒥ ᓄᓇᐃᑦ ᐃᓕᔭᐅᖃᓯᐅᑎᔾᔮᖏᑦᑐᑦ ᓄᓇᓄᑦ ᐊᑐᐃᓐᓇᐅᔪᓄᑦ ᐃᓄᐃᑦ ᓄᓇᖁᑎᖏᓐᓄᑦ
(ᑎᑎᕋᖅᓯᒪᔪᖅ 19.2.6)
ᐅᖅᓯᕆᐊᖅ
ᐱᒋᐊᕐᓗᓂ ᑲᓱᕐᕕᖓᓂ 75˚00’N ᓴᓂᒧᑦ ᐊᒻᒪᓗ 110˚00’W ᓴᓂᒧᑦ, ᑲᓇᓐᓇᖓᓂ ᓄᓇᐅᑉ ᑭᓪᓕᖓᑕ ᐃᓄᕕᐊᓗᐃᑦ ᓄᓇᖁᑎᖓᑕ;
ᐱᒋᐊᕐᓗᒍ ᐅᐊᓐᓇᖅᐸᓯᐊᓂ ᑲᓇᓐᓇᖅᐸᓯᒻᒥ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 75˚10’N ᓴᓂᒧᑦ ᐊᒻᒪᓗ 109˚00’W ᑐᑭᒧᑦ;
ᐱᒋᐊᕐᓗᒍ ᐅᐊᓐᓇᖅᐸᓯᐊᓂ ᑲᓇᓐᓇᖅᐸᓯᒻᒥ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 75˚18’N ᓴᓂᒧᑦ ᐊᒻᒪᓗ 107˚00’W ᑐᑭᒧᑦ;
ᐱᒋᐊᕐᓗᒍ ᐅᐊᓐᓇᖅᐸᓯᐊᓂ ᑲᓇᓐᓇᖅᐸᓯᒻᒥ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 76˚00’N ᓴᓂᒧᑦ ᐊᒻᒪᓗ 106˚00’W ᑐᑭᒧᑦ;
Byram Martin Channel
ᐱᒋᐊᕐᓗᓂ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 76˚00’N ᓴᓂᒧᑦ ᐊᒻᒪᓗ 105˚00’W ᑐᑭᒧᑦ, Byram Martin Channel-ᒥ.
ᐱᒋᐊᕐᓗᓂ ᓂᒋᖅᐸᓯᒻᒥᒃ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 75˚51’N ᓴᓂᒧᑦ ᐊᒻᒪᓗ ᐱᖓᓐᓇᖓᑕ ᓯᓈᖓᓂ lle Marc ᒥᑦᓵᓂ 103˚49’W ᓴᓂᒧᑦ;
ᐱᒋᐊᕐᓗᓂ ᓂᒋᖅᐸᓯᒻᒥᒃ ᑲᓇᓐᓇᖅᐸᓯᒻᒧᑦ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 75˚45’N ᓴᓂᒧᑦ ᐊᒻᒪᓗ ᐱᖓᓐᓇᖓᓂ ᓯᓈᖓᑕ Alexander Island 103˚21’W;
ᐱᒋᐊᕐᓗᓂ ᑲᓇᓐᓇᖅᐸᓯᒻᒥᒃ ᓂᒋᐊᑕ ᓯᓈᖓᒍᑦ Alexander Island ᑲᓱᕐᕕᖓᓄᑦ 75˚47’N ᓴᓂᒧᑦ ᐊᒻᒪᓗ 102˚32’W ᑐᑭᒧᑦ;
ᑐᑦᑐᓯᐅᕐᕕᐅᑉ ᐱᖓᓐᓇᖓᓂ
ᐱᒋᐊᕐᓗᓂ ᑲᓇᓐᓇᖓᓂ ᑕᐃᔭᐅᔫᑉ ᓴᓂᒧᑦ ᑲᓱᕐᕕᖓᓄᑦ 101˚00’W ᑐᑭᒧᑦ, ᑐᑦᑐᓯᐅᕐᕕᐅᑉ ᐱᖓᓐᓇᖓᓂ;
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ ᐅᐊᓐᓇᖓᑕ ᓯᓈᖓᓂ Dundee Bight ᐊᒻᒪᓗ 76˚00’N ᓴᓂᒧᑦ ᒥᑦᓵᓂ 99˚57’W ᑐᑭᒧᑦ;
ᐱᒋᐊᕐᓗᓂ ᐅᐊᓐᓇᖅᐸᓯᖓᓂᒃ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᐹᖓᓄᑦ Stuart River ᑲᓇᓐᓇᖓᑕ ᓯᓈᖓᓂ Stuart Bay 76˚10’N ᓴᓂᒧᑦ ᐊᒻᒪᓗ 99˚24’W ᑐᑭᒧᑦ;
ᐱᒋᐊᕐᓗᓂ ᐅᐊᓐᓇᖅᐸᓯᖓᓂᒃ ᐱᖓᓐᓇᖅᐸᓯᒻᒥᒃ ᑐᕋᐃᓐᓇᖅᑐᒥᒃ Cape Mary-ᒧᑦ ᑲᓱᕐᕕᓂ 76˚38’N ᓴᓂᒧᑦ ᐊᒻᒪᓗ 99˚40’W ᑐᑭᒧᑦ;
Allard and Richards Islands
ᐱᒋᐊᕐᓗᓂ ᑲᓇᓐᓇᖓᓂᒃ ᑕᐃᔭᐅᔪᒃᑯᑦ ᓴᓂᒧᑦ ᐱᖓᓐᓇᖓᑕ ᓯᓈᖓᓄᑦ Allard Island ᒥᑦᓵᓂ 99˚23’W ᓴᓂᒧᑦ, ᐊᒻᒪᓗ ᑲᓐᓇᓐᓇᖅᐸᓯᒻᒧᑦ ᑐᕋᐃᓐᓇᕐᓗᓂ ᐅᐊᓐᓇᖓᑕ ᓯᓈᖓᒍᑦ ᐅᐊᓐᓇᖅᐸᓯᓐᓂᖅᐹᒧᑦ ᓄᕗᐊᓄᑦ ᑕᐃᔭᐅᔫᑉ ᕿᑭᖅᑕᐅᑉ;
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑲᓇᓐᓇᖅᐸᓯᒻᒧᑦ ᑐᕋᐃᓐᓇᕐᓗᓂ ᐱᖓᓐᓇᖓ ᓯᓈᖓᓄᑦ Richards Island ᒥᑦᓵᓂ 76˚40’N ᓴᓂᒧᑦ ᐊᒻᒪᓗ 99˚09’W ᑐᑭᒧᑦ ᐊᒻᒪᓗ ᑲᓇᓐᓇᖅᐸᓯᒻᒧᑦ ᐅᐊᓐᓇᖓᑕ ᓯᓈᖓᒍᑦ ᐅᐊᓐᓇᖅᐸᓯᓐᓂᖅᐹᒧᑦ ᑲᓇᓐᓇᖅᐸᓯᒻᒧᑦ ᓄᕗᐊᓄᑦ ᑕᐃᔭᐅᔫᑉ ᕿᑭᖅᑕᐅᑉ;
ᑐᑦᑐᓯᐅᕐᕕᐅᑉ ᐅᐊᓐᓇᖓ
ᐱᒋᐊᕐᓗᓂ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᓯᓈᖓᓄᑦ ᑐᑦᑐᓯᐅᕐᕕᐅᑉ ᒥᑦᓵᓂ 76˚41’N ᓴᓂᒧᑦ ᐊᒻᒪᓗ 98˚46’W ᑐᑭᒧᑦ ᐅᐊᓐᓇᖓᓂ Cracroft Sound;
ᐱᒋᐊᕐᓗᓂ ᑲᓇᓐᓇᖅᐸᓯᒻᒥᒃ ᐅᐊᓐᓴᖓᑕ ᓯᓈᖓᓂ ᑐᑦᑐᓯᐅᕐᕕᐅᑉ Cape Lady Franklin-ᒧᑦ 76˚40’N ᓴᓂᒧᑦ ᐊᒻᒪᓗ 98˚27’W ᑐᑭᒧᑦ;
Pioneer Island
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᐅᐊᓐᓇᖓᑕᓗ ᓯᓈᖓᒍᑦ Pioneer
Island ᓄᕗᐊᓄᑦ ᑲᓱᕐᕕᖓᑕ 96˚55’W ᑐᑭᒧᑦ ᐊᒻᒪᓗ ᒥᑦᓵᓂ 76˚59’N ᓴᓂᒧᑦ.
ᑕᓪᓗᕈᑦ
ᐱᒋᐊᕐᓗᓂ ᑐᕋᐃᓐᓇᕐᓗᓂ ᐊᒻᒪᓗ ᐅᐊᓐᓇᖓᑕ ᓯᓈᖓᒍᑦ Grinnell Peninsula ᑕᓪᓗᕈᒻᒦᑦᑐᖅ Cape Briggs-ᒧᑦ 77˚12’N ᓴᓂᒧᑦ ᐊᒻᒪᓗ 95˚43’W ᑐᑭᒧᑦ;
ᐱᒋᐊᕐᓗᓂ ᐅᐊᓐᓇᖅᐸᓯᖓᓂᒃ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 77˚26’N ᓴᓂᒧᑦ ᐊᒻᒪᓗ 93˚30’W ᑐᑭᒧᑦ Norwegian Bay-ᒥ, ᓂᒋᖅᐸᓯᐊᓂ ᐱᖓᓐᓇᖅᐸᓯᖓᓂ Cornwall Island;
ᐅᒥᖕᒪᑦ ᓄᓈᑕ ᕿᑭᖅᑕᖓ
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ Cape Southwest-ᒧᑦ ᐅᒥᖕᒪᑦ ᓄᓈᑕ ᕿᑭᖅᑕᖓᓂ 78˚09’N ᓴᓂᒧᑦ ᐊᒻᒪᓗ 88˚51’W ᑐᑭᒧᑦ.
ᐱᒋᐊᕐᓗᓂ ᑲᓇᓐᓇᖅᐸᓯᒻᒥᒃ ᓯᓈᖓᒍᑦ ᐅᒥᖕᒪᑦ ᓄᓈᑕ ᕿᑭᖅᑕᖓᑕ ᑎᑭᓪᓗᒍ Hyperite Point 78˚09’N ᓴᓂᒧᑦ ᐊᒻᒪᓗ 88˚51’W ᑐᑭᒧᑦ.
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᐱᖓᓐᓇᖓᑕ ᓯᓈᖓᓄᑦ Wolf Fiord ᑲᓱᕐᕕᖓᓄᑦ 78E38’N ᓴᓂᒧᑦ ᐊᒻᒪᓗ 88E45’W ᓴᓂᒧᑦ;
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᓄᕗᐊᓄᑦ ᐱᖓᓐᓇᖓᑕ Skaare Fiord 79E00’N ᓴᓂᒧᑦ ᐊᒻᒪᓗ 88E20’W ᑐᑭᒧᑦ;
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 79E43’N ᑐᑭᒧᑦ ᐊᒻᒪᓗ 88E00’W ᓴᓂᒧᑦ;
Eureka Sound
ᐱᒋᐊᕐᓗᒍ ᑲᓇᓐᓇᖅᐸᓯᖓᓂᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 80E00’N ᓴᓂᒧᑦ ᐊᒻᒪᓗ 87E00’W ᑐᑭᒧᑦ Eureka Sound-ᒥ;
ᐊᐅᓱᐃᑦᑑᑉ ᕿᑭᖅᑕᖓ
ᑲᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᑭᓈᖓᓄᑦ Slidre Fiord 79E58’N ᓴᓂᒧᑦ ᐊᒻᒪᓗ 86E25’W ᓴᓂᐊᓂ Cape Hare.
Fosheim Peninsula
ᐱᒋᐊᕐᓗᓂ ᑲᓇᓐᓇᖅᐸᓯᖓᓂᒃ ᓂᒋᐊᑕ ᓯᓈᒍᑦ ᑲᓱᕐᕕᖓᓄᑦ 79E55’N ᓴᓂᒧᑦ ᐊᒻᒪᓗ 85E00’W ᑐᑭᒧᑦ;
ᐱᒋᐊᕐᓗᓂ ᓂᒋᖅᐸᓯᒻᒥᒃ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 79E38’N ᓴᓂᒧᑦ ᐊᒻᒪᓗ 83E45’W ᓴᓂᒧᑦ Sawtooth Mountains-ᖏᓐᓂ;
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 79E41’N ᓴᓂᒧᑦ ᐊᒻᒪᓗ 83E40’W ᑐᑭᒧᑦ;
ᐱᒋᐊᕐᓗᓂ ᓂᒋᖅᐸᓯᒻᒥᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 79E37’N ᓴᓂᒧᑦ ᐊᒻᒪᓗ 83E35’W ᑐᑭᒧᑦ;
Canon Fiord
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑲᓇᓐᓇᖅᐸᓯᖓᓂᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 79E43’N ᓴᓂᒧᑦ ᐊᒻᒪᓗ ᐅᐊᓐᓇᖓᑕ ᓯᓈᖓᓄᑦ Canon Fiord 81E58’W ᑐᑭᒧᑦ;
ᑲᓇᓐᓇᖅᐸᓯᒃᑯᑦ ᓂᒋᐊᑕ ᓯᓈᖓᒍᑦ Canon Fiord ᑲᓱᕐᕕᖓᓄᑦ 79E39’N ᓴᓂᒧᑦ ᐊᒻᒪᓗ 79E50’W ᑐᑭᒧᑦ;
ᑲᓇᓐᓇᖅᐸᓯᒻᒧᑦ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 79E42’N ᓴᓂᒧᑦ ᐊᒻᒪᓗ 79E05’W ᑐᑭᒧᑦ; ᓴᓂᐊᓂ ᓂᒋᐊᑕ ᓯᓈᕐᔪᖓᑕ Aggassiz Ice Cap;
ᐱᒋᐊᕐᓗᓂ ᓂᒋᖅᐸᓯᒻᒥᒃ ᐅᐊᓐᓇᖅᐸᓯᖓᓂᒃ ᑐᕋᐃᓐᓇᖅᑐᒥ ᑲᓱᕐᓗᓂ 79E38’N ᓴᓂᒧᑦ ᐊᒻᒪᓗ 79E43’W ᑐᑭᒧᑦ;
ᐱᒋᐊᕐᓗᓂ ᓂᒋᖅᐸᓯᐊᓂᒃ ᑐᕋᐃᓐᓇᕐᓗᓂ ᑲᓱᕐᕕᖓᓄᑦ 79E12’N ᓴᓂᒧᑦ ᐊᒻᒪᓗ 80E00’W ᑐᑭᒧᑦ;
Sawyer Bay
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑲᓇᓐᓇᐸᖅᓯᖓᓂᒃ ᑐᕋᐃᓐᓇᕐᓗᓂ ᐱᖓᓐᓇᖓᑕ ᓯᓈᖓᓄᑦ Sawyer Bay 79E21’N ᓴᓂᒧᑦ ᐊᒻᒪᓗ 78E05’W ᑐᑭᒧᑦ;
Copes Bay
ᐱᒋᐊᕐᓗᓂ ᐅᐊᓐᓇᖅᐸᓯᒻᒥᒃ ᑲᓇᓐᓇᖅᐸᓯᖓᓂᒃ ᑐᕋᐃᓐᓇᕐᓗᓂ ᐱᖓᓐᓇᖓᑕ ᓯᓈᖓᓄᑦ Copes Bay 79E30’N ᓴᓂᒧᑦ ᐊᒻᒪᓗ 77E10’W ᑐᑭᒧᑦ;
Dobbin Bay
ᐱᒋᐊᕐᓗᓂ ᐅᐊᓐᓇᖅᐸᓯᖓᓂᒃ ᑲᓇᓐᓇᖅᐸᓯᒻᒥᒃ ᑐᕋᐃᓐᓇᕐᓗᓂ ᓂᒋᖅᐸᓯᒻᒧᑦ ᐅᐊᓐᓇᖅᐸᓯᖓᑕ ᓯᓈᖓᓄᑦ Dobbin Bay 79E47’N ᓴᓂᒧᑦ ᐊᒻᒪᓗ 74E45’W ᑐᑭᒧᑦ;
ᐱᒋᐊᕐᓗᓂ ᑲᓇᓐᓇᖅᐸᓯᖓᓂᒃ ᓂᒋᖅᐸᓯᐊᓂᓪᓗ ᓂᒋᐊᑕ ᓯᓈᖓᒍᑦ Dobbin Bay 79E32N ᓴᓂᒧᑦ ᐊᒻᒪᓗ 73E06’W ᑐᑭᒧᑦ, ᓴᓂᐊᓂ Cape Hawks;
ᑕᐃᒪᐃᑎᓪᓗᒍ ᑲᓇᓐᓈᓃᑦᑐᖅ ᑕᕆᐅᕐᒨᖓᔪᖅ ᑎᑭᐅᑎᓯᒪᔪᖅ ᓄᓇᕗᒻᒥ ᑕᕆᐅᖓᓄᑦ ᑭᒡᓕᓕᐊᖑᓯᒪᔪᒧᑦ
ᐅᑭᐅᖅᑕᖅᑐᒥ ᑕᕆᐅᑉ ᑭᓪᓕᖓ
ᐅᐊᓐᓇᖅᐸᓯᖓᓂᒃ ᐱᖓᓐᓇᖅᐸᓯᒻᒧᑦ ᐊᕕᑦᑐᖅᓯᒪᔪᓂ ᑕᕆᐅᑉ ᑭᓪᓕᖓᒍᑦ ᑲᓇᓐᖓᑕ
ᐅᐊᓐᓇᖓᑕᓗ ᓯᓈᖏᓐᓂᒃ ᐊᐅᔪᐃᑦᑑᑉ ᕿᑭᖅᑕᖓᑕ ᑲᓱᕐᕕᖓᓄᑦ ᑲᓇᓐᓇᕐᒥ ᑭᓪᓕᖓᓄᑦ
ᐃᓄᕕᐊᓗᐃᑦ ᓄᓇᑖᕆᓯᒪᔭᖏᑦᑕ 110E00’W ᑐᑭᒧᑦ; ᐊᒻᒪᓗ ᑭᖑᓪᓕᖅᐹᒥ
ᐃᓄᕕᐊᓗᐃᑦ ᓄᓇᖁᑎᖏᑦ
ᐱᒋᐊᕐᓗᓂ ᓂᒋᐊᓂᒃ ᑐᑭᒧᑦ ᑲᓱᕐᕕᖓᓄᑦ 75E00’N ᓴᓂᒧᑦ ᓄᕗᐊᓂ ᐱᒋᐊᕐᕕᖓᑕ.
ᐅᐃᒍᖓ 19-1
ᐃᓚᒍᑕᖅ:
ᓄᓇᓐᖑᐊᖅ ᓇᓗᓇᐃᖅᓯᓯᒪᔪᖅ ᐃᓚᒍᑦᓯᐅᑎᔾᔮᖏᑦᑐᓂᒃ ᓄᓇᓂᒃ
(ᑐᓴᐅᒪᔾᔪᑎᑐᐃᓐᓇᖅ)
ᐅᐃᒍᖓ 19-2
ᓄᓇᐅᑉ ᐊᖏᓂᖓ: ᐅᐊᓐᓇᖓᓂ ᕿᑭᖅᑖᓘᑉ ᓄᓇᐅᑉ ᐊᑐᖅᑕᐅᓂᖏᑦ
(ᑎᑎᕋᖅᓯᒪᔪᖅ19.3.1)
1
ᐅᐊᓐᓇᖓᓂ ᕿᑭᖅᑖᓘᑉ ᓄᓇᐃᑦ ᐊᑐᖅᑕᐅᓂᖏᑦ ᐱᖃᓯᐅᔾᔨᔪᑦ ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᐊᐅᓱᐃᑦᑐᖅ, ᓴᓂᕋᔭᒃ, ᐃᒡᓗᓕᒃ, ᒥᑦᑎᒪᑕᓕᒃ ᐊᒻᒪᓗ ᖃᐅᓱᐃᑦᑐᖅ ᐊᒻᒪᓗ ᐃᓘᓐᓇᑎᒃ ᐃᓄᐃᑦ ᓄᓇᖁᑎᖏᑦ ᐅᑯᓇᓐᖓᑦ ᑎᑎᖅᑲᓖᑦ: AB, CR, GF, HB, IG, PI ᐅᕝᕙᓗ RB.
2
ᐊᖏᕈᑕᐅᓚᐅᖅᑎᓪᓗᒍ ᐊᖏᕈᑎ, ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᑐᓂᔭᐅᓂᐊᖅᑐᑦ 86,060-ᓂᒃ ᑭᑉᐹᕆᑦᑐᓂᒃ ᑭᓗᒦᑕᓂᒃ (33,230 ᑭᑉᐹᕆᑦᑐᑦ ᒪᐃᓖᑦ) ᐃᓄᐃᑦ ᓄᓇᖁᑎᖏᓐᓂᒃ ᐅᐊᓐᓇᖓᓂ ᕿᑭᖅᑖᓘᒻᒥ ᓄᓇᐅᑉ ᐊᑐᖅᑕᐅᓂᖏᓐᓄᑦ, 6,010 ᑭᑉᐹᕆᑦᑐᑦ ᑭᓗᒦᑕᐃᑦ (2,320 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᒻᒥ ᐅᖃᐅᓯᐅᒪᔪᙵ ᑎᑎᕋᖅᓯᒪᔪᒥ 19.2.1(a), ᐊᒻᒪᓗ 80,050 ᑭᑉᐹᕆᑦᑐᑦ ᑭᓗᒦᑦᑕᐃᑦ (30,910) ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᒥ ᐅᖃᐅᓯᐅᔪᒥ ᑎᑎᕋᖅᓯᒪᔪᒥ 19.2.1 (b).
ᑎᑎᕋᖅᓯᒪᔪᒥ 19.2.1(b).
ᐅᐃᒍᖓ 19-3
ᓄᓇᐅᑉ ᐊᖏᓂᖓ: ᓂᒋᐊᓂ ᕿᑭᖅᑖᓘᑉ ᐊᑐᖅᑕᐅᓂᖏᑦ
(ᑎᑎᕋᖅᓯᒪᔪᖅ19.3.1)
1
ᓂᒋᐊᓂ ᕿᑭᖅᑖᓘᑉ ᓄᓇᐅᑉ ᐊᑐᖅᑕᐅᓂᖏᑦ ᐱᖃᓯᐅᔾᔨᔪᑦ ᓄᓇᓕᖏᓐᓂᒃ ᕿᑭᖅᑕᖅᔪᐊᖅ, ᑭᓐᖓᐃᑦ, ᐃᖃᓗᐃᑦ, ᑭᒻᒥᕈᑦ, ᐊᒻᒪᓗ ᐸᓐᓂᖅᑑᖅ ᐊᒻᒪᓗ ᐊᑐᓂᑦ ᐃᓄᐃᑦ ᓄᓇᖁᑎᖏᑦ ᑎᑎᖅᑲᓖᑦ ᓇᓪᓕᑐᐃᓐᓇᖏᓐᓂᒃ ᐅᑯᐊ: BI, CD, IQ, LH, ᐅᕝᕙᓗ PA.
2
ᐅᓪᓗᖓᓂ ᐊᒋᕈᑕᐅᓂᖓᑕ ᐊᖏᕈᑎᐅᑉ, ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᑐᓂᔭᐅᓂᐊᖅᑐᑦ 64,745 ᑭᑉᐹᕆᑦᑐᓂᒃ ᑭᓗᒦᑕᓂᒃ (25,000 ᑭᑉᐹᕆᑦᑐᑦ ᒪᐃᓖᑦ) ᐃᓄᐃᑦ ᓄᓇᖁᑎᖏᓐᓂ ᓂᒋᐊᓂ ᕿᑭᖅᑖᓘᑉ ᓄᓇᐃᑦ ᐊᑐᖅᑕᐅᓂᖏᑦ 4,480 ᑭᑉᐹᕆᑦᑐᑦ ᑭᓗᒦᑕᐃᑦ (1,730 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᒥ ᐅᖃᐅᓯᐅᓯᒪᔪᒥ 19.2.1(a)-ᒥ, ᐊᒻᒪᓗ 60,265 ᑭᑉᐹᕆᑦᑐᑦ ᑭᓗᒦᑕᐃᑦ (23,270 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᒥ ᐅᖃᐅᓯᐅᓯᒪᔪᒥ ᐅᑯᓇᓂ ᐊᖏᓂᐅᔪᓂ ᐱᖃᓯᐅᔾᔨᖏᑦᑐᑦ ᓄᓇᒥᒃ ᓇᓗᓇᐃᔭᖅᑕᐅᔪᓂ ᐅᐃᒍ 40-2-ᒥ ᑎᑎᕋᖅᓯᒪᔪᖅ 19.2.1(b).
ᑎᑎᕋᖅᓯᒪᔪᒥ 19.2.1(b).
ᐅᐃᒍᖓ 19-4
ᓄᓇᐅᑉ ᐊᖏᓂᖓ: ᑭᕙᓪᓕᕐᒥ ᓄᓇᒥᒃ ᐊᑐᕐᓂᖅ
(ᑎᑎᕋᖅᓯᒪᔪᖅ19.3.1)
1
ᑭᕙᓪᓕᕐᒥ ᓄᓇᒥᒃ ᐊᑐᕐᓂᖅ ᐱᖃᓯᐅᔾᔨᔪᖅ ᓄᓇᓕᖏᓐᓂᒃ ᐊᕐᕕᐊᑦ, ᖃᒪᓂᑦᑐᐊᖅ, ᐃᒡᓗᓕᒑᕐᔪᒃ, ᓴᓪᓕᖅ, ᑲᖏᖅᖠᓂᖅ, ᓇᐅᔮᑦ, ᑎᑭᕋᕐᔪᐊᕐᓗ ᐊᒻᒪᓗ ᐊᑐᓂᑦ ᐃᓘᓐᓇᑎᒃ ᐃᓄᐃᑦ ᓄᓇᖁᑎᖏᑦ ᐅᑯᓇᓐᖓᑦ ᑎᑎᖅᑲᖁᑎᓖᑦ:
AR, CH, CI, RI, RE or WC.
2
ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ, ᓄᓇᖁᑎᖃᕐᓂᕆᔭᖓᑦ ᑎᒍᓯᓂᐊᖅᑐᑦ ᐃᓄᓐᓄᑦ ᑎᒥᖁᑕᐅᔪᑦ ᐊᖏᓂᓕᒻᒥᒃ 95,540 ᒥᑦᓵᓂ ᑭᑉᐹᕆᑦᑐᓂᒃ ᑭᓗᒦᑕᓂᒃ ᐃᓄᐃᑦ ᓄᓇᖁᑎᖏᓐᓂᒃ ᑭᕙᓪᓕᕐᒥ ᓄᓇᐃᑦ ᐊᑐᖅᑕᐅᓂᖏᓐᓂ, ᐱᓯᒪᑦᓱᑎᒃ 12,845 ᑭᑉᐹᕆᑦᑐᑦ ᑭᓗᒦᑕᐃᑦ (4,960 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᐅᔪᓂᒃ ᐅᖃᐅᓯᐅᔪᓂ ᑎᑎᕋᖅᓯᒪᔪᒥ 19.2.1 (a), ᐊᒻᒪᓗ ᐊᖏᓂᓕᒻᒥᒃ 82,695 ᑭᑉᐹᕆᑦᑐᑦ ᑭᓗᒦᑕᐃᑦ (31,931 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᓂ ᐅᖃᐅᓯᐅᔪᓂ ᑎᑎᕋᖅᓯᒪᔪᒥ 19.2.1 (b).
ᑎᑎᕋᖅᓯᒪᔪᒥ 19.2.1(b).
ᐅᐃᒍᖓ 19-5
ᓄᓇᐅᑉ ᐊᖏᓂᖓ: ᕿᑎᕐᒥᐅᓂ ᑲᓇᓐᓇᖓᓂ ᓄᓇᐅᑉ ᐊᑐᖅᑕᐅᓂᖓ
(ᑎᑎᕋᖅᓯᒪᔪᖅ19.3.1)
1
ᕿᑎᕐᒥᐅᓂ ᑲᓇᓐᓇᖓᓂ ᓄᓇᒥᒃ ᐊᑐᕐᓂᖅ ᐱᖃᓯᐅᔾᔨᔪᖅ ᓄᓇᓕᖏᓐᓂᒃ ᐅᖅᓱᖅᑑᖅ, ᑰᒑᕐᔪᒃ ᑕᓗᕐᔪᐊᕐᓗ ᐊᒻᒪᓗ ᐃᓘᓐᓇᑎᒃ ᐊᑐᓂᑦ ᐃᓄᐃᑦ ᓄᓇᖁᑎᖏᑦ ᐱᓯᒪᔪᕗᑦ ᐅᓇᓇᓐᖓᑦ ᑎᑎᕋᖅᑲᓂᒃ: GH, PB ᐅᕝᕙᓗ SB.
2
ᐅᓪᓗᖓ ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ, ᑎᒍᓯᓂᐊᖅᑐᑦ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᐊᖏᓂᓕᒻᒥᒃ 36,970 ᑭᑉᐹᕆᑦᑐᑦ ᑭᓗᒦᑕᐃᑦ (14,275 ᒥᑦᓵᓃᑦᑐᑦ ᑭᑉᐹᕆᑦᑐᑦ ᒪᐃᓖᑦ) ᐃᓄᐃᑦ ᓄᓇᖁᑎᖏᑦ ᕿᑎᕐᒥᐅᓂ ᑲᓇᓐᓇᒥᒃ ᓄᓇᒥᒃ ᐊᑐᕐᓂᕐᒧᑦ, ᐊᖏᓂᖃᖅᓱᑎᒃ 1,500 ᑭᑉᐹᕆᑦᑐᑦ ᑭᓗᒦᑕᐃᑦ (580 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᐅᔪᒥᒃ ᐅᖃᐅᓯᐅᔪᒥ ᑎᑎᕋᖅᓯᒪᔪᒥ 19.2.1 (a), ᐊᒻᒪᓗ 35,470 ᑭᑉᐹᕆᑦᑐᑦ ᑭᓗᒦᑕᐃᑦ (13,696 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᒥ ᐅᖃᐅᓯᐅᔪᒥ
ᑎᑎᕋᖅᓯᒪᔪᒥ 19.2.1(b).
ᐅᐃᒍᖓ 19-6
ᓄᓇᐅᑉ ᐊᖏᓂᖓ: ᕿᑎᕐᒥᐅᑦ ᐱᖓᓐᓇᖓᓂ ᓄᓇᒥᒃ ᐊᑐᕐᓂᖅ
(ᑎᑎᕋᖅᓯᒪᔪᖅ 19.3.1)
1
ᕿᑎᕐᒥᐅᑦ ᐱᖓᓐᓇᖓᓂ ᓄᓇᒥᒃ ᐊᑐᕐᓂᒃ ᐱᖃᓯᐅᔾᔨᔪᖅ ᓄᓇᓕᖏᓐᓂᒃ ᕿᖓᐅᑦ, ᐅᒥᖕᒪᒃᑑᖅ, ᐃᖃᓗᑦᑑᑦᓯᐊᖅ ᐊᒻᒪᓗ ᖁᕐᓗᑦᑐᖅ ᐊᒻᒪᓗ ᐊᑐᓂᑦ ᐃᓘᓐᓴᖏᑦ ᐃᓄᐃᑦ ᓄᓇᖁᑎᖏᑦ ᑎᑎᖅᑲᖁᑎᓖᑦ ᐅᑯᓇᓐᖓᑦ: BB, CB ᐅᕝᕙᓗ CO.
2
ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ, ᓄᓇᐃᑦ ᑎᒍᔭᐅᓂᐊᖅᑐᑦ ᓇᓗᐃᓇᐃᖅᑕᓯᒪᔪᒧᑦ ᐃᓄᓐᓄᑦ ᑎᒥᖁᑕᐅᔪᒧᑦ 66,390 ᑭᑉᐹᕆᑦᑐᑦ ᑭᓘᒥᑕᐃᑦ (25,635 ᑭᑉᐹᕆᑦᑐᑦ ᒪᐃᓖᑦ) ᐃᓄᐃᑦ ᓄᓇᖁᑎᖏᑦ ᕿᑎᕐᒥᐅᓂ ᐱᖓᓐᓇᓂ ᓄᓇᐃᑦ ᐊᑐᖅᑕᐅᓂᖏᑦ, ᐊᖏᓂᖃᖅᓱᑎᒃ 9,645 ᑭᑉᐹᕆᑐᑦ ᑭᓗᒦᑕᐃᑦ (3,724 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᒥ ᐅᖃᐅᓯᐅᔪᒥ ᑎᑎᕋᖅᓯᒪᔪᒥ 19.2.1 (a), ᐊᒻᒪᓗ 56,745 ᑭᑉᐹᕆᑦᑐᑦ ᑭᓗᒦᑕᐃᑦ (21,911 ᑭᑉᐹᕆᑦᑐᑦ ᒪᐃᓖᑦ) ᑎᑎᕋᕐᕕᑦᓴᒥ ᐅᖃᐅᓯᐅᔪᒥ
ᑎᑎᕋᖅᓯᒪᔪᒥ 19.2.1(b).
ᐅᐃᒍᖓ 19-7
ᓄᓇᐅᑉ ᐊᖏᓂᖓ: ᓴᓂᑭᓗᐊᕐᒥ ᓄᓇᒥᒃ ᐊᑐᕐᓂᖅ
(ᑎᑎᕋᖅᓯᒪᔪᖅ 19.3.1)
1
ᓴᓂᑭᓗᐊᕐᒥ ᓄᓇᒥᒃ ᐊᑐᕐᓂᖅ ᓇᓗᓇᐃᔭᖅᑕᐅᓯᒪᔪᖅ ᑎᑎᕋᖅᓯᒪᔪᒥ 3.3.1.
2
ᓄᓇᓕᖓᑦ ᓴᓂᑭᓗᐊᖅ ᑖᓐᓇᑑᕗᖅ ᓴᓂᑭᓗᐊᕐᒥ ᓄᓇᒥᒃ ᐊᑐᓂᕐᒨᖓᔪᓄᑦ.
3
ᐅᓪᓗᖓᓂ ᓂᕈᐊᕈᑕᐅᓚᐅᖅᑎᓪᓗᒍ ᐊᖏᕈᑎ, ᑎᒍᓯᓂᐊᖅᑐᑦ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ 2,486 ᑭᑉᐹᕆᑦᑐᑦ ᑭᓗᒦᑕᐃᑦ (960 ᑭᑉᐹᕆᑦᑐᑦ ᒪᐃᓖᑦ) ᐃᓄᐃᑦ ᓄᓇᖁᑎᖏᑦ ᓴᓂᑭᓗᐊᕐᒥ ᓄᓇᒥᒃ ᐊᑐᓂᕐᒧᑦ, ᑎᑎᕋᕐᕕᑦᓴᒥ ᐅᖃᐅᓯᐅᔪᒥ 19.2.1 (a).
ᑖᒃᑯᐊ ᐊᖏᓂᐅᔪᑦ ᐱᖃᓯᐅᔾᔨᖏᑦᑐᑦ ᓄᓇᓂᒃ ᓇᓗᓇᐃᔭᖅᑕᐅᔪᓂᒃ ᐅᐃᒍ 40-4-ᒥ.These quantums do not include the lands described in Schedule 40-2.
ᐅᐃᒍᖓ 19-8
ᓯᕗᓂᑦᑎᓂ ᐃᓄᐃᑦ ᓄᓇᖁᑎᑦᓴᖏᑦ
ᐃᓚᖓ I
(ᑎᑎᕋᖅᓯᒪᔪᖅ 19.4.1(a))
ᓄᓇᒥᒃ ᓇᓗᓇᐃᔭᓂᖅ
ᐊᑐᖅᑐᐊᖅᑎ
1. ᑯᐃᓐ ᓄᓇᖁᑎᓕᒫᑦᓯᐊᖏᑦ Chantry Inlet-ᒥ, ᐱᖃᓯᐅᑎᑦᓱᓂ ᓄᓇ ᐊᑦᑐᐊᔪᖅ ᐊᑐᖅᑐᐊᕈᑎᒧᑦ No. 3371, (ᐳᓚᕋᑦᑐᓕᕆᓂᖅ) (ᓄᓇᐃᑦ ᑐᖅᑯᖅᓯᒪᔪᖅ 56L/13-1) GH-07/56L,M, 66I,P., ᐊᑦᑐᐊᔪᑦ ᐃᓄᐃᑦ ᓄᓇᖁᑎᖏᓐᓄᑦ ,
Chantry Inlet ᓯᓂᑦᑕᕐᕕᒃ ᓕᒥᑎᑦ.
2. ᐊᑕᖏᖅᓱᑎᒃ ᑯᐃᓐ ᓄᓇᖁᑎᖏᑦ ᐋᓪᓕ, ᑭᓪᓕᕐᓂᕐᒥ, ᐱᖃᓯᐅᑎᑦᓱᓂ ᓄᓇ ᐊᑐᖅᑐᐊᖅᑕᐅᔪᖅ No. 67C/12- 3-2 (ᐳᓚᕋᑦᑐᓕᕆᓂᖅ) (ᓄᓇᓄᑦ ᑐᖅᑯᖅᓯᒪᔪᖅ No. 67C/12-3), ᐊᑦᑐᐊᔪᖅ ᐃᓄᐃᑦ ᓄᓇᖁᑎᖏᓐᓄᑦ CB-21/67C,77D.
Northern Emak Outfitting Ltd. (ᓅᑎᑦᓯᔩᑦ ᓄᐊᔅᐅᐊᔅᑦ ᓕᒥᑎᑦ.)
3. ᐊᑕᖏᖅᓱᑎᒃ ᑯᐃᓐ ᓄᓇᖁᑎᖏᑦ ᐃᓄᒃᑯᐊᒃᕼᐊᒃ, ᑭᓪᓕᕐᓂᕐᒥ, ᐱᖃᓯᐅᑎᑦᓱᓂ ᓄᓇ ᐊᑐᖅᑐᐊᖅᑕᐅᔪᖅ, No. 3773 (ᐳᓚᕋᑦᑐᓕᕆᓂᖅ) (ᓄᓇᓄᑦ ᑐᖅᑯᖅᓯᒪᔪᖅ No. 77D/13-1), ᐊᑦᑐᐊᔪᑦ ᐃᓄᐃᑦ ᓄᓇᖁᑎᖏᓐᓄᑦ CB-41/77C,D,E,F.
High Arctic Sportsfishing Camps Ltd. ᖁᑦᓯᑦᑐᒥ ᐃᖃᓗᒐᓱᕝᕖᑦ ᓕᒥᑎᑦ.
4. ᐊᑕᖏᖅᓱᓂ ᑯᐃᓐ ᓄᓇᖁᑎᖓ ᕿᑭᖅᑕᕐᓇᔪᒃ, ᑭᓪᓕᓂᕐᒥ, ᐱᖃᓯᐅᑎᑦᓱᓂ ᓄᓇ ᐊᑐᖅᑐᐊᖅᑕᐅᔪᖅ , No. 87D/2-1-5 (ᐃᓪᓗᑕᓕᒃ) (ᓄᓇᓄᑦ ᑐᖅᑯᖅᓯᒪᔪᖅ No. 87D/2-1), ᐊᑦᑐᐊᔪᖅ ᐃᓄᐃᑦ ᓄᓇᖁᑎᖏᓐᓄᑦ CO-79/87D.
A ᐊᒻᒪᓗ E ᔮᔅ.
ᐃᓚᖓ II
(ᑎᑎᕋᖅᓯᒪᔪᖅ 19.4.1(b))
ᐃᖏᕐᕋᓂᕐᒧᑦ ᐃᑲᔫᑏᑦ - ᐃᒡᓗᓕᒑᕐᔪᒃ
ᐃᓘᓐᓈᒍᑦ ᐃᓂᖓ
ᓄᓇᒥᒃ ᓇᓗᓇᐃᔭᐃᔪᖅ
1 Monark Reef
ᒐᕙᒪᑐᖃᒃᑯᑦ ᖁᒥᐅᑎᒋᓯᒪᔭᖓᑦ No. 55N/15-1-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ. 55N/15-1
2 ᑲᖏᖅᖢᒃᑐᐊᖅ
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 55N/15-2-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ. 55N/15-2
3 Skwa Reef
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 55N/15-3-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ. 55N/15-3
4 Deer Island
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 55O/11-1-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ. 55O/11-1
5 ᖃᓯᒋᐊᖅᓯᐅᑦ
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 55O/12-1-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ. 55O/12-1
6 Fox Point
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 55O/12-2-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ. 55O/12-2
7 ᐊᑎᑦᑐᖅᓯᐅᕐᕕᑐᐊᖅ
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 55O/12-4-4 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ.55O/12-4
8 Bittern Point
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 55O/12-5-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ.55O/12-5
ᐃᒪᐃᑦ ᖃᐅᔨᓴᖅᑕᐅᓂᖏᑦ - ᖃᒪᓂᑦᑐᐊᖅ
ᐃᓂᖓ
ᓄᓇᒥᒃ ᓇᓗᓇᐃᔭᐃᔪᖅ
1 ᑰᑦᓈᑦ
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 65P/14-1-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ.65P/14-1
2 ᖃᒪᓂᖅ
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 66A/14-1-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ. 66A/14-1
3 ᑐᓕᒪᓗᒡᔪᐊᖅ
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 66B/3-1-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ. 66B/3-1
4 ᑐᓕᒪᓗᒡᔪᐊᖅ
ᒐᕙᒪᑐᖃᒃᑯᑦ ᖁᒥᐅᑎᖓᑦ No. 66B/5-2-2 ᑕᐃᒫᒃ ᑕᑯᑦᓴᐅᒻᒪᑦ ᓄᓇᓐᖑᐊᓂ ᓈᓴᐅᑎᓕᒃ.66B/5-2
ᐃᓚᖓ III
(ᑎᑎᕋᖅᓯᒪᔪᖅ 19.4.2)
ᓄᓇᒥᒃ ᓇᓗᓇᐃᔭᐃᓂᖅ ᐱᔪᒪᔪᓄᑦ ᐅᓪᓗᖓᓂ ᑐᓂᔭᐅᓂᖏᑦᑕ
1
ᐊᑕᖏᖅᓱᑎᒃ ᑯᐃᓐ ᓄᓇᖁᑎᖏᑦ ᕼᐃᐅᑭᑦᑕᖅ ᑕᓯᕐᒥ, ᕿᖓᐅᒻᒥ, ᐱᖃᓯᐅᑎᑦᓱᓂ ᓄᓇ ᐊᑐᑦᑐᐊᖅᑕᐅᔪᖅ, No. 76J/16-1-7 (ᓄᓇᓄᑦ ᑐᖅᑯᖅᓯᒪᔪᑦ No. 76J/16-1), ᐊᑦᑐᐊᔪᑦ ᐃᓄᐃᑦ ᓄᓇᖁᑎᖓᓐᓄᑦ BB-32/76I,J,O,P. ᕿᖓᐅᒻᒥ ᐱᕙᓪᓕᐊᑎᑦᓯᔪᑦ (1984) Ltd. 36981
2
ᐊᑕᖏᖅᓱᑎᒃ ᑯᐃᓐ ᓄᓇᖁᑎᖏᑦ ᑰᒃᖢᒃ ᐊᔭᖅᐹᖅᑐᕐᕕᒻᒥ, ᐱᖃᓯᐅᑎᑦᓱᓂ ᓄᓇ ᐊᑐᖅᑐᐊᖅᑕᐅᔪᖅ
No. 76N/2-3-2 (ᓄᓇᓄᑦ ᑐᖅᑯᖅᓯᒪᔪᖅ No. 76N/2-3), ᐊᑦᑐᐊᔪᖅ ᐃᓄᐃᑦ ᓄᓇᖁᑎᖏᓐᓄᑦ BB-39/76K,N. ᕿᖓᐅᒻᒥ ᐱᕙᓪᓕᐊᑎᑦᓯᔩᑦ (1984) Ltd. 35461
3
ᐊᑕᖏᖅᓱᑎᒃ ᑯᐃᓐ ᓄᓇᖁᑎᖏᑦ ᓇᐹᖅᑐᖅᑑᖅ, Coronation Gulf, ᐱᖃᓯᐅᑎᑦᓱᓂ ᓄᓇ ᐊᑐᖅᑐᐊᖅᑕᐅᔪᖅ No. 76M/12-2-6 (ᑕᒻᒫᕐᕕᒃ) (ᓄᓇᓄᑦ ᑐᖅᑯᖅᓯᒪᔪᖅ No. 76M/12-2) ᐊᒻᒪᓗ ᐊᑐᖅᑐᐊᕈᑎ ᓈᓴᐅᑎᓕᒃ. 76M/12-3-5 (ᒥᑦᑕᕐᕕᒃ) (ᓄᓇᒥᒃ ᑐᖅᑯᐃᕕᐅᑉ ᓈᓴᐅᑎᖓ. 76M/12-3), ᐊᑦᑐᐊᔪᖅ ᐃᓄᐃᑦ ᓄᓇᖁᑎᖏᓐᓄᑦ CO-33/76M. Great Bear Lake Lodge Ltd. 39813
4
ᐊᑕᖏᖅᓱᑎᒃ ᑯᐃᓐ ᐋᓪᓕᖅ ᑭᓪᓕᕐᓂᕐᒥ, ᐱᖃᓯᐅᑎᑦᓱᑎᒃ ᓄᓇᐃᑦ ᐊᑦᑐᐊᔪᑦ ᐊᑐᖅᑐᐊᕈᑎᐅᓯᒪᔪᒧᑦ ᓈᓴᐅᑎᓕᒻᒧᑦ 21490 (ᓄᓇᓄᑦ ᑐᖅᑯᖅᓯᒪᔪᖅ No. 67C/12-2), ᐊᑦᑐᐊᔪᖅ ᐃᓄᐃᑦ ᓄᓇᖁᑎᖏᓐᓄᑦ CB-21/67C,77D. Arctic Outpost Camps Ltd. 36160
5
ᐊᑕᖏᖅᓱᓂ ᑯᐃᓐ ᓄᓇᖁᑎᖓ ᖁᕐᓗᑦᑑ ᑰᖓ Melville Creek-ᒥ, ᐱᖃᓯᐅᑎᑦᓱᓂ ᓄᓇ ᐊᑐᖅᑐᐊᖅᑕᐅᔪᖅ No. 86O/4-1-2 (ᓄᓇᓄᑦ ᑐᖅᑯᖅᓯᒪᔪᖅ No. 86O/4-1), ᐊᑦᑐᐊᔪᖅ ᐃᓄᐃᑦ ᓄᓇᖁᑎᖏᓐᓄᑦ CO-60/86O 352732 Alberta Ltd. 31/08/2005 ᓄᓇᒥᒃ ᓇᓗᓇᐃᔭᐃᔾᔪᑏᑦ ᑎᒍᒥᐊᖅᑐᒥᒃ ᐅᓪᓗᖓᓂ.
6
ᓱᓪᓗᓕᒃ ᑕᓕᖅᐱᐊᓂ ᐃᖃᓗᐃᑦ ᐊᑯᕐᖓᓐᓂ ᐃᓂ 536, ᐸᕐᓇᐅᑎ 911 ᐊᒻᒪᓗ ᐃᓂ 56, ᐸᕐᓇᐅᑎ 674. ᐅᓪᓗᖅ ᓄᓇᓕᖏᑦ ᐃᖃᓗᐃᑦ ᓇᓗᓇᐃᖅᓯᑉᐸᑕ ᑎᑎᕋᖅᓯᒪᔪᑎᒍᑦ ᑕᓕᖅᐱᐊᒎᕈᑎᒋᒋᐊᓕᖓ ᐊᑐᕆᐊᑐᒍᓐᓃᖅᐸᐅᒃ.
7
ᒪᕐᕉᒃ ᓄᓈᒃ ᐃᓚᒍᑦᓯᐅᔾᔭᐅᓯᒪᓐᖏᑦᑑᒃ ᐃᓄᐃᑦ ᓄᓇᖁᖏᑎᓐᓄᑦ PI-29/38B Button Point-ᒥ, ᒥᑎᑦᒪᑕᓕᐅᑉ ᕿᑭᖅᑕᖓᓂ, ᐱᓯᒪᑦᓱᑎᒃ ᓇᓗᓇᐃᒃᑯᑕᕐᓂᒃ 91 ᐊᒻᒪᓗ 93 ᑕᑯᑦᓴᐅᑎᑕᐅᔫᒃ ᓄᓇᒥᒃ ᓇᓗᓇᐃᔭᐃᔾᔪᑎᒥ. 15519 Canada Inc.-ᑯᑦ (ᓂᐅᕕᖅᑎᒃᑯᑦ) ᐅᓪᓗᖓᑦ ᑎᒍᒥᐊᖅᑎᐅᔪᖅ ᓴᒃᑯᐃᑉᐸᑕ ᑎᒍᒥᐊᕐᓂᕆᔭᒥᓐᓂᒃ ᓄᓈᓐᓂ ᒪᕐᕉᓐᓂ ᐱᖃᓯᐅᔾᔭᐅᓯᒪᑦᑑᓐᓂ ᐃᓄᐃᑦ ᓄᓇᖁᑎᖏᓐᓄᑦ, PI-29/38B.
8
ᐊᑐᖏᖅᓱᑎᒃ ᑯᐃᓐ ᓄᓇᖁᑎᖏᑦ South Henik Lake, ᐱᖃᓯᐅᑎᑦᓱᓂ ᓄᓇ ᐊᑐᖅᑐᐊᖅᑕᐅᓯᒪᔪᖅ No. 3378 (Tourism) ((ᓄᓇᓄᑦ ᑐᖅᑯᖅᓯᒪᔪᖅ No. 65H/11-1), ᐊᑦᑐᐊᔪᑦ ᐃᓄᐃᑦ ᓄᓇᖁᑎᖏᓐᓄᑦ AR-27/65H. Keewatin Arctic Camps Co. Ltd. 36160 (ᑭᕙᓪᓕᕐᒥ ᐅᑭᐅᖅᑕᖅᑐᒥ ᓄᓇᓖᑦ ᓕᒥᑎᑦ 36160)
ᐅᐃᒍᖓ 19-9
ᓯᕗᓂᑦᑎᓐᓂ ᐃᓄᐃᑦ ᓄᓇᖁᑎᖏᑦᑕ ᖃᓄᐃᓕᖓᓂᖓᑦ
(ᑎᑎᕋᖅᓯᒪᔪᖅ 19.5.1)
ᓇᒻᒥᓂᓕᒃ
ᓇᓗᓇᐃᔭᐃᓂᖅ
1. 155191 Canada Inc. (ᓂᐅᕕᖅᑎᒃᑯᑦ)
ᐃᓂ 351, LTO 1526
2. ᐊᔪᕆᖅᑐᐃᔨᕐᔪᐊᖅ ᐅᑭᐅᖅᑕᖅᑐᒥ (ᐋᖕᓕᑲᓐ)
ᐃᓂ 445, LTO 2059
ᐅᐃᒍᖓ 19-10
ᓈᓚᕝᕕᖃᕐᕖᑦ
ᐃᓚᖓ I
(ᑎᑎᕋᖅᓯᒪᔪᖅ 19.6.1(a))
1
ᐱᖓᓲᔪᖅᑐᑦ ᓄᓇᐃᑦ 1.3 ᑭᑉᐹᕆᑦᑐᑦ ᑭᒥᓘᒥᑕᐃᑦ (ᐊᕝᕙᓪᓗᐊ 1 ᑭᑉᐹᕆᑦᑐᖅ ᒪᐃᓕᐅᑉ) ᐊᑐᓂᑦ ᐃᓄᐃᑦ ᓄᓇᖁᖏᓐᓂ: BI-01/16L,K BI-10/16L,M,26I BI-19/26P BI-20/26P,27A BI-21/26P,27A BI-31/27A,B
2
ᓯᑕᒪᑦ 61-ᒦᑕᐃᑦ (200 ᐃᑎᒐᓪᓗᐊᑦ) ᑭᑉᐹᕆᑦᑐᑦ ᓄᓇᐃᑦ ᐃᓄᐃᑦ ᓄᓇᖁᖏᓐᓂ: SB-06/57B SB-08/57B CB-37/77D CB-39/77A,C,D
ᐃᓚᖓ II
(ᑎᑎᕋᖅᓯᒪᔪᖅ 19.6.1(b))
1
ᐃᓄᐃᑦ ᓄᓇᖁᑎᖏᑦ: HB-06/47A,D HB-10/47B
ᐃᓚᖓ III
(ᑎᑎᕋᖅᓯᒪᔪᖅ 19.6.2)
ᓄᓇᐃᑦ ᐊᑦᑐᖅᑕᐅᔪᑦ
ᐊᖅᑯᑕᐅᓂᐊᖅᑐᑦ
1. HB-06/47A,D HB-07/47A,D HB-10/47B
ᐊᑯᕐᖓᓐᓂ ᓇᓗᖅᑲᔭᕐᕕᐅᑉ ᑕᓯᖏᑦ ᓴᓂᕋᔭᐅᓪᓗ ᓯᔾᔭᖓ
2. PB-49/57A PB-51/57A SB-05/57B SB-06/57B
ᐊᑯᕐᖓᓐᓂ ᑰᒑᕐᔫᑉ ᐊᕐᕕᓕᕐᔪᐊ ᖁᖑᓪᓘ ᐊᑯᓐᓂᖓᒍᑦ
ᐅᐃᒍᖓ 19-11
ᑭᓇᒃᑯᑐᐃᓐᓇᕐᓄᑦ ᐊᖅᑯᑕᐅᒍᓐᓇᖅᑐᑦ+
(ᑎᑎᕋᖅᓯᒪᔪᖅ 19.6.3)
ᓄᓇᐃᑦ ᐊᑦᑐᖅᑕᐅᔪᑦ
ᐊᖅᑯᑎ
1. CD-21/36B,C
9l.5-ᒦᑕ (ᒥᑦᓵᓂ 300 ᐃᑎᒐᓪᓗᐊᑦ) ᓯᓕᑦᑐᖅ ᑭᓇᒃᑯᑐᐃᓐᓇᕐᓄᑦ ᐊᖅᑯᑎ ᐊᑯᕐᖓᓐᓂ ᑕᓯᐅᔭᕐᔪᐊᑉ ᐊᒻᒪᓗ ᐃᐱᑕᐅᑉ ᖁᖑᐊ ᑭᓐᖓᐃᑦ ᓴᓂᐊᓂ.
2. IQ-24/25J
ᑭᓇᒃᑯᑐᐃᓐᓇᕐᓄᑦ ᐊᑐᕋᑦᓴᐅᔪᖅ ᒥᑦᑕᕐᕕᒃ ᐅᐊᓐᓇᖓᓂ York River ᒫᓐᓇ ᐊᑐᖅᑕᐅᔪᖅ ᖃᐅᔨᓴᖅᑎᓄᑦ.
3. PA-19/26L,E
ᑭᓇᒃᑯᑐᐃᓐᓇᕐᓄᑦ ᐊᑐᖅᑕᐅᒍᓐᓇᖅᑐᖅ ᒥᑦᑕᕐᕕᒃ Burwash Bay-ᒥ ᓇᑦᓯᓕᒻᒥ.
4. BL-19/66A BL-21/66A BL-22/66A
ᑭᓇᒃᑯᑐᐃᓐᓇᕐᓄᑦ ᐊᖅᑯᑎ, ᓄᓇ ᑐᓐᖓᕕᖃᕈᒫᖅᑐᖅ ᐃᓂᖏᓐᓂᒃ ᐅᑭᐅᒃᑯᑦ ᐊᖅᑯᑏᑦ ᐊᑐᖅᑕᐅᔪᑦ ᐊᕐᕌᒍᖏᓐᓂ 1980-ᒥᒃ 1990-ᒧᑦ ᐊᑯᕐᖓᓐᓂ ᖃᒪᓂᑦᑐᐊᖅ ᐊᒻᒪᓗ ᑭᒡᒐᕕᐅᑉ
5. BL-14/56D,E,66A,H
ᑭᓇᒃᑯᑐᐃᓐᓇᕐᓄᑦ ᐊᖅᑯᑎ, ᓄᓇ ᑐᓐᖓᕕᖃᕈᒫᖅᑐᖅ ᐃᓂᖏᓐᓂᒃ ᐅᑭᐅᒃᑯᑦ ᐊᖅᑯᑏᑦ ᐊᑐᖅᑕᐅᔪᑦ ᐊᕐᕌᒍᖏᓐᓂ 1980-ᒥᒃ 1990-ᒧᑦ ᐊᑯᕐᖓᓐᓂ ᖃᒪᓂᑦᑐᐊᖅ ᐊᒻᒪᓗ ᓯᐊᑦᑑᑉ ᐊᑯᓐᖓᓂᖓᓃᑦᑑᒃ.
6. AR-09/55E
ᑭᓇᒃᑯᑐᐃᓐᓇᕐᓄᑦ ᐊᖅᑯᑎ ᐊᑯᕐᖓᓐᓂ ᐊᕐᕕᐊᑦ ᐊᒻᒪᓗ ᐹᓪᓕᖅ ᖃᒪᓂᐊᑕ.
7. RI-24/55L, 65I RI-25/55L,65I,P
ᑭᓇᒃᑯᑐᐃᓐᓇᕐᓄᑦ ᐊᖅᑯᑎ ᓄᓇᒃᑯᑦ ᑕᕝᕙᐅᔪᒃᑯᑦ ᐅᑭᐅᕐᒥ ᐊᖅᑯᑎᖓᒍᑦ ᐊᑯᕐᖓᓂ ᐊᓕᕐᓇᖅᑑᑉ ᑰᖓᑕ ᐊᒻᒪᓗ ᑲᒥᓄᕆᐊᖅ ᑕᓯᖓᑕ.
8. RI-07/55J,K
ᑭᓇᒃᑯᑐᐃᓐᓇᕐᓄᑦ ᐊᖅᑯᑎ ᐸᓐᓂᖅᑑᖅ ᑲᖏᖅᓱᖓᓂ ᐊᑯᕐᖓᓐᓂ ᑲᖏᖅᖠᓂᐅᑉ ᑎᑭᕋᕐᔪᐊᓪᓗ.
9. PB-01/56P PB-02/56P PB-03/56P PB-04/56P PB-31/57A PB-32/57A RE-21/46L,M,56I
ᑭᓇᒃᑯᑐᐃᓐᓇᕐᓄᑦ ᐊᖅᑯᑎ ᐊᑯᕐᖓᓐᓂ ᑰᒑᕐᔫᑉ ᓈᐅᔮᓪᓗ.
10. HB-05/47A
ᑭᓇᒃᑯᑐᐃᓐᓇᕐᓄᑦ ᐊᖅᑯᑎ ᐊᑯᕐᖓᓐᓂ ᓴᓂᕋᔭᐅᑉ ᐊᒻᒪᓗ ᑕᓯᐅᔭᐅᑉ.
ᐅᐃᒍᖓ 19-12
ᐃᓄᐃᑦ ᐃᓚᒍᑦᓯᐅᔾᔭᓯᒪᓐᖏᑦᑐᓄᑦ ᐃᓄᐃᑦ ᓄᓇᖁᑎᖏᓐᓄᑦ ᕿᓐᖑᒻᒥᒐᖅᑕᐅᒋᐊᓖᑦ ᐊᕐᕌᒍ ᐊᑕᐅᓯᖅ ᐃᓗᐊᓂ
(ᑎᑎᕋᖅᓯᒪᔪᖅ 19.8.8(c))
ᐃᓂᖓ
ᓄᓇᒥᒃ ᓇᓗᓇᐃᔭᐃᓂᖅ
1. ᖁᓪᓗᖅᑐᖅ ᑲᖏᖅᓱᖓ, ᕿᑭᖅᑖᓗᒃ
ᑕᐃᓐᓇ ᓄᓇ ᑯᐃᓐ ᐱᖁᑎᒋᔭᖓ, ᐱᖃᓯᐅᑎᑦᓱᓂ ᖃᖓᑕᔫᓄᑦ ᒥᑦᑕᕐᕕᒃ ᐊᒻᒪᓗ 30.5 ᒦᑕ (100 ᐃᑎᒐᓪᓗᐊᑦ) ᒥᕝᕕᒃ ᐊᑯᕐᖓᓐᓃᑦᑐᖅ ᒥᑦᑕᕐᕕᐅᑉ ᐊᒻᒪᓗ ᐅᓕᓐᓂᐅᒐᔪᑦᑑᑉ ᐅᐊᓐᓇᖓᑕ ᓯᓈᖓᓂ ᖁᕐᓗᖅᑐᖅ ᑲᖏᖅᓱᖓᑕ, ᐃᓚᒍᑦᓯᐅᑎᔭᐅᓯᒪᓐᖏᑦᑐᖅ ᐃᓄᐃᑦ ᓄᓇᖁᑎᖏᓐᓂ PI-31/48A.
2. ᐊᒃᐸᑑᕌᕐᔪᒃ, ᓴᓪᓖᑦ, ᑕᓯᐅᔭᕐᔪᐊᖅ
ᓄᓇᐃᑦ ᓴᓂᕐᕙᖅᑕᐅᓯᒪᓐᖏᑦᑐᑦ ᐅᒥᐊᕐᔪᐊᓄᑦ ᓇᓗᓇᐃᒃᑯᑕᖃᕐᕖᑦ ᐃᓚᖓᓂ ᓇᐸᔪᖅᑕᖃᖅᓱᓂ ᐊᒻᒪᓗ ᐱᔨᑦᓯᕋᕐᕕᒻᒥᒃ, ᓇᓗᓇᐃᖅᑕᐅᓯᒪᓪᓗᓂ ᒐᕙᒪᒃᑯᓐᓄᑦ ᐊᒻᒪᓗ ᓴᓪᓕᒥᐅᓄᑦ CLINT, ᐊᑦᑐᐊᔪᑦ ᐃᓄᐃᑦ ᓄᓇᖁᑎᖏᓐᓄᑦ
CH-12/45O.
3. ᐊᕐᕕᐊᕐᔪᐊᖅ, ᑕᓯᐅᔭᕐᔪᐊᖅ
ᐅᒥᐊᕐᔪᐊᓄᑦ ᓇᓗᓇᐃᒃᑯᑕᖃᕐᕕᐅᑉ ᐃᓚᖓᓃᑦᑐᖅ, ᓄᓇᓐᖑᐊᓂ ᑐᖅᑯᖅᑕᐅᓯᒪᓂᖓᑕ ᓈᓴᐅᑎᖓ
No. 55F/4-2-2 ᓄᓇᓂ ᑐᖅᑯᖅᓯᒪᔪᓂ No. 55F/4-2, ᓇᐸᔪᖅᑕᖃᖅᓱᓂ ᐃᑲᔫᑕᐅᔪᓂᒃ ᐅᒥᐊᕐᔪᐊᓄᑦ, ᖁᓛᒎᓕᒻᒧᓪᓗ ᒥᕝᕕᑦᑕᖃᖅᓱᓂ, ᓇᓗᓇᐃᖅᑕᐅᓯᒪᓪᓗᓂ ᒐᕙᒪᒃᑯᓐᓄᑦ ᐊᕐᕕᐊᕐᒥᐅᓄᓪᓗ CLINT, ᐊᑦᑐᐊᔪᑦ ᐃᓄᐃᑦ ᓄᓇᖁᑎᖏᓐᓄᑦ AR-18/55F.
4. ᑰᒑᕐᔪᒃ, ᓯᔾᔭᖓᑕ ᑕᓕᖅᐱᐊᓃᓐᓂᖅᓴᖅ
ᑯᐃᓐ ᓄᓇᖁᑎᖓ ᐆᒪᔪᕐᓂᒃ ᖃᐅᔨᓴᕐᕕᑦᑕᓕᒃ ᑰᒑᕐᔪᒻᒥ ᑎᒻᒥᐊᓄᑦ ᕿᑐᕐᖏᐅᕐᕕᒻᒥᒃ, ᑕᑯᑦᓴᐅᔪᖅ ᖁᒥᐅᑕᐅᒪᔪᓂ
No. 55D/16-1-2 ᓄᓇᓂ ᑐᖅᑯᖅᑕᐅᓯᒪᔪᓂ No. 55D/16-1, ᐊᑦᑐᐊᔪᑦ ᐃᓄᐃᑦ ᓄᓇᖁᑎᖏᓐᓄᑦ AR-04/55D.
5. ᐊᒃᐸᑑᕌᕐᔪᒃ, ᑕᓯᐅᔭᕐᔪᐊᖅ
ᓇᓗᓇᐃᖅᑕᐅᓯᒪᔪᖅ ᐅᒥᐊᕐᔪᐊᓄᑦ ᐊᖅᑯᑎᖃᕐᕕᒃ, ᑕᑯᑦᓴᐅᑎᑕᐅᔪᖅ ᖁᒥᐅᑕᐅᓯᒪᔪᓂ ᓈᓴᐅᑎᔨᒃ
No. 55F/16-1-2 ᓄᓇᓂ ᑐᖅᑯᖅᑕᐅᓯᒪᔪᓂ No. 55F/16-1, ᐅᒥᐊᕐᔪᐊᓂᒃ ᐃᑲᔫᑎᑕᖃᖅᓱᓂ ᖁᓛᒎᓕᓐᓄᓪᓗ ᒥᕝᕕᑦᑕᖃᖅᓱᓂ, ᓇᓗᓇᐃᖅᑕᐅᓯᒪᓪᓗᓂ ᒐᕙᒪᒃᑯᓐᓄᑦ ᐊᕐᕕᐊᒧᓪᓗ CLINT, ᐊᑦᑐᐊᓪᓗᑎᒃ ᐃᓄᐃᑦ ᓄᓇᖁᑎᖏᓐᓄᑦ AR-22/55F.
6. ᑎᑭᕋᕐᔪᐊᖅ, ᑭᓪᓕᓂᖅ
ᐅᒥᐊᕐᔪᐊᓄᑦ ᓇᓗᓇᐃᒃᑯᑕᖃᕐᕕᒃ, ᑕᑯᑦᓴᐅᔪᖅ ᓈᓴᐅᑎᓕᒃ No. 77D/2-38-4 ᓄᓇᓂ ᑐᖅᑯᖅᑕᐅᓯᒪᔪᓂ No. 77D/2-38, ᐅᒥᐊᕐᔪᐊᓄᑦ ᐊᖅᑯᑎᖃᕐᕕᖃᖅᓱᓂ ᐱᔨᑦᓯᕐᕕᒻᒥᓪᓗ, ᓇᓗᓇᐃᖅᑕᐅᓯᒪᓪᓗᓂ ᒐᕙᒪᒃᑯᓐᓄᑦ ᐃᖃᓗᑦᑑᑦᓯᐊᒥᓗ CLINT-ᑯᓐᓄᑦ, ᐊᑦᑐᐊᔪᑦ ᐃᓄᐃᑦ ᓄᓇᖁᑎᖏᓐᓄᑦ CB-37/77D.
7. ᑭᓐᖓᕐᔪᒃ, ᑭᓪᓕᓂᖅ
ᐅᒥᐊᕐᔪᐊᓄᑦ ᐊᖅᑯᑎᖃᕐᕕᖃᖅᓱᓂ ᐱᔨᑦᓯᕐᕕᓕᒃ, ᑕᑯᑦᓴᐅᔪᖅ No. 77A/15-1-4 ᓄᓇᓂ ᑐᖅᑯᖅᓯᒪᔪᓂ No. 77A/15-1 ᐅᒥᐊᕐᔪᐊᓄᑦ ᐊᖅᑯᑎᖃᕐᕕᖃᖅᓱᓂ ᐱᔨᑦᓯᕐᕕᒻᒥᓪᓗ, ᓇᓗᓇᐃᖅᑕᐅᓯᒪᓪᓗᓂ ᒐᕙᒪᒃᑯᓐᓄᑦ ᐃᖃᓗᑦᑑᑦᓯᐊᒧᓪᓗ ClINT, ᐊᑦᑐᐊᔪᑦ ᐃᓄᐃᑦ ᓄᓇᖁᑎᖏᓐᓄᑦ CB-20/67B,C,77A,D.
ᐅᐃᒍᖓ 19-13
ᓄᓇᐃᑦ ᓄᓇᓖᑦ ᐃᓗᐊᓐᓂ ᕿᓐᖑᒻᒥᒐᖅᑕᐅᒋᐊᓖᑦ ᐊᕐᕌᒍᐃᑦ ᐱᖓᓱᑦ ᐃᓗᐊᓐᓂ
(ᑎᑎᕋᖅᓯᒪᔪᖅ 19.8.8(d))
ᓄᓇᓖᑦ
ᐃᓄᐃᑦ ᓄᓇᖁᑎᖏᑦ ᓄᓇᓂᒃ ᓇᓗᓇᐃᔭᐃᔾᔪᑏᑦ
1. ᖁᕐᓗᑦᑐᖅ:
501 - SK - 062 /ᓂᒋᖅᐸᓯᒻᒥ ᐱᖓᓐᓇᖅᐸᓯᒻᒥ ᓄᓇᐃᑦ ᑲᑎᓯᒪᔪᑦ
501 - SK - 063 / ᓂᒋᖅᐸᓯᒻᒥ ᐱᖓᓐᓇᖅᐸᓯᒻᒥ ᓄᓇᐃᑦ ᑲᑎᓯᒪᔪᑦ
2. ᑲᖏᖅᖠᓂᖅ:
600 - SK - 150 / ᐃᓚᖓ ᑮᓇᐅᔭᓕᐅᕋᓱᐊᕐᕕᑦᓴᐃᑦ ᐃᓃᑦ 41, 280, 349
600 - SK - 151 / ᐃᓚᖓ ᑮᓇᐅᔭᓕᐅᕋᓱᐊᕐᕕᑦᓴᐃᑦ ᐃᓃᑦ 41, 280, 349
600 - SK - 152 / ᓄᕗᒃ ᐃᒻᒥᒃᑯᐊᖅᓯᒪᔪᖅ ᑭᑉᐹᕆᑦᑐᖅ 200
600 - SK - 153 / ᓄᕗᒃ ᐃᒥᒃᑯᐊᖅᓯᒪᔪᖅ ᑭᑉᐹᕆᑦᑐᖅ 206
600 - SK - 154 / ᓄᕗᒃ ᐃᒥᒃᑯᐊᖅᓯᒪᔪᖅ ᑭᑉᐹᕆᑦᑐᖅ 196
600 - SK - 155 / ᓄᕗᒃ ᐃᒥᒃᑯᐊᖅᓯᒪᔪᖅ ᑭᑉᐹᕆᑦᑐᖅ 217
600 - SK - 156 / ᓄᕗᒃ ᐃᒥᒃᑯᐊᖅᓯᒪᔪᖅ ᑭᑉᐹᕆᑦᑐᖅ 218
600 - SK - 157 / ᓄᓇ ᐊᑯᕐᖓᓐᓂ Willamson Lake ᐊᒻᒪᓗ ᐃᓂ 1001 ᐊᑯᓐᓂᖓᓃᑦᑐᖅ 55/K
3. ᐸᓐᓂᖅᑑᖅ:
804 - SK - 095 / ᑲᓇᓐᓇᖓᓂ Duval ᑰᖓᑕ
804 - SK - 096 / ᐱᖓᓐᓇᖓᓂ Duval ᑰᖓᑕ
804 - SK - 097 / Duval ᑰᒃ (ᕿᑭᖅᑕ)
804 - SK - 098 / ᐊᑦᑐᐊᔪᖅ ᐃᓂᒧᑦ 351
804 - SK - 099 / ᐃᓚᖓ ᐃᓂᐅᑉ 474
4. ᐃᖃᓗᐃᑦ:
800 - SK - 197 / ᕿᓐᖑᒻᒥᒐᖅᑕᐅᓯᒪᓐᖏᑦᑐᖅ ᓯᔾᔭ ᐊᑦᑐᐊᔪᖅ ᐅᓇᑕᖅᑐᑦᓴᒃᑯᓐᓄᑦ ᖁᒥᐅᑕᐅᒪᔪᒧᑦ ᐱᖃᓯᐅᑎᑦᓱᓂ ᐊᖅᑯᑎ ᓴᐅᓯᒪᔪᓄᑦ ᑭᓈᓗᓐᓄᑦ ᓱᓪᓗᓕᒃ, ᐱᖃᓯᐅᑎᒐᓂ ᓄᓇ ᒫᓐᓇ ᕿᓐᖑᒻᒥᒐᖅᑕᐅᔪᖅ ᓇᓗᓴᐃᖅᑕᐅᑦᓱᓂᓗ ᐊᑐᖅᑕᐅᑲᐃᓐᓇᕈᓐᓇᖅᑐᖅ ᐃᓂ, ᑭᑉᐹᕆᑦᑐᖅ 47
800 - SK - 199 / ᕿᓐᖑᒻᒥᒐᖅᓯᒪᓐᖏᑦᑐᖅ ᓄᓇ ᐊᑦᑐᐊᔪᖅ ᐃᓂᓄᑦ 433 ᐊᒻᒪᓗ 504
800 - SK - 200 / ᐃᓚᖓ ᐊᑐᖅᑕᐅᑲᐃᓐᓇᕐᑐᖅ ᑭᑉᐹᕆᑦᑐᖅ 200 - ᓴᓂᐊᓃᑦᑐᖅ ᐅᑮᕕᐅᑉ
800 - SK - 201 / ᕿᓐᖑᒻᒥᒐᖅᓯᒪᓐᖏᑦᑐᖅ ᓄᓇ North 40-ᒥ ᓱᓪᓗᓕᑦᑕᓕᒃ ᐅᐊᔭᖃᕐᕕᓂᓪᓗ `
5. ᑭᑉᖓᐃᑦ:
803 - SK - 081 / ᐊᑦᑐᐊᔪᖅ ᑭᑉᐹᕆᑦᑐᖅ 16-ᒧᑦ
803 - SK - 082 / ᓄᓇ ᐊᑦᑐᐊᔪᖅ LTO 87
6. ᑭᒻᒥᕈᑦ:
801 - SK - 028 / ᓄᓇ ᐱᖃᓯᐅᑎᑦᓱᓂ ᐅᑦᓱᐊᓗᓐᓂᐊᖅᑎᒃᑯᓐᓄᑦ ᐊᖅᑯᑎ
801 - SK - 027 / ᓄᓇ ᓂᒋᐊᓂ ᒥᑦᑕᕐᕕᐅᑉ
7. ᑎᑭᕋᕐᔪᐊᖅ:
608 - SK - 054 / ᓄᓇ ᓯᓈᖓᓃᑦᑐᖅ ᐱᖓᓐᓇᖓᓂ ᑲᑎᓯᒪᔪᖅ ᓄᓇ ᐱᖃᓯᐅᑎᒐᓂ 6.1 ᒦᑕ (ᐃᑎᒐᐃᑦ 20-ᓗᐊᑦ) ᑭᖑᕙᕆᐊᖅᓯᒪᔪᖅ ᐊᖅᑯᒻᒥᒃ
8. ᑕᓗᕐᔪᐊᖅ:
504 - SK - 089 / ᓄᓇ ᐊᑦᑐᐊᔪᖅ ᐃᓂᒧᑦ 74 LTO 2042
504 - SK - 090 / ᓄᓇ ᐱᖓᓐᓇᖓᓂ ᓄᓇᐃᑦ ᐋᖅᑭᑦᓯᒪᓂᖓᑦᑕ
9. ᐃᖃᓗᑦᑑᑦᓯᐊᖅ:
500 - SK - 103 / ᐊᑐᖅᑕᐅᑲᐃᓐᓇᕈᓐᓇᖅᑐᖅ ᐃᓂ P15
500 - SK - 104 / ᐊᑐᖅᑕᐅᑲᐃᓐᓇᕈᓐᓇᖅᑐᖅ ᐃᓂ P67
500 - SK - 105 / ᐊᑐᖅᑕᐅᑲᐃᓐᓇᕈᓐᓇᖅᑐᖅ ᐃᓂ P68
500 - SK - 106 / ᐊᑐᖅᑕᐅᑲᐃᓐᓇᕈᓐᓇᖅᑐᖅ ᐃᓂ P71
500 - SK - 107 / ᐊᑐᖅᑕᐅᑲᐃᓐᓇᕈᓐᓇᖅᑐᖅ ᐃᓂ P72
500 - SK - 108 / ᐊᑐᖅᑕᐅᑲᐃᓐᓇᕈᓐᓇᖅᑐᖅ ᐃᓂ P75
(Inuinnaqtun)
500 - SK - 109 / ᕿᓐᖑᒻᒥᒐᖅᓯᒪᓐᖏᑦᑐᖅ ᓴᓐᓇᕕᑦᓴᖅ, ᐱᖓᓐᓇᖓᓂ ᓄᓇᓖᑦ
ᐅᐃᒍᖓ 19-14
ᓄᓇᓕᓐᓂ ᐱᕙᓪᓕᐊᑎᑦᓯᓂᕐᒧᑦ ᐊᑭᒋᔭᐅᔪᑦ
(Inuinnaqtun) (Nalaani 19.10.1)
(ᑎᑎᕋᖅᓯᒪᔪᖅ 19.10.1)
ᓄᓇᓖᑦ
ᓄᓇᐅᑉ / ᐊᑭᖓ
1. ᐃᖃᓗᑦᑑᑦᓯᐊᒥ ᓄᓇ
500 - SK - 103/104/105 / $6,400 ᐊᑐᓂᑦ ᐃᓃᑦ
2. ᑭᓐᖓᐃᑦ
ᐃᓂ 1, B1.16, ᐸᕐᓇᐅᑎ 1552 / $3887.46
ᐃᓂ 2, B1.16, ᐸᕐᓇᐅᑎ 1552 / $3887.46
3. ᑲᖏᖅᖠᓂᖅ
600 - SK - 150 / $11600
600 - SK - 151 / $11600
600 - SK - 152 / $40000
600 - SK - 153 / $51200
600 - SK - 154/155/156 / $19829
4. ᒥᑦᑎᒪᑕᓕᒃ
ᐃᓂ 277, ᐸᕐᓇᐅᑎ 1954 / $3769.37
ᐃᓂ 279, ᐸᕐᓇᐅᑎ 1954 / $2108.54
