NAKATA 21

ELANGA 1

NAONAITKOTIT

21.1.1

Hamani Nakatami:

"hinaani" onagok nuna tamna ulipkaaktaknik kiglik taggiop hinaani;

"kayaktokvigiinagialik" onagok taggiok kayaktokvigiinagialik kayatitigot naliak umiakkot naliak maniliogotaonggikaloakhoni;

"nunap kanganiitot piotikhat" onagok, okaotigoktok Nalaani 21.7.11,

(a)

piotikhat nunap kangganiotat oyagaonggitot, naliak

(b)

piotikhat naonaitiakhimayot honavaloit.

"alat Inuit atogomayot" onagok okonani Nalaani 21.7.1-mit 21.7.6-mot, inuit atoktitaolaaktot okoani Nunatiap Nunaita Maligaitni naliak Kavamat Nunaita Atoktitinip Maligait akhogotilaaktot Kanatap Kavamainot, kihime oyagakhioktit laisikhanot pihimanggitok Inuit Nanminiata Nunaitni titigak­ himayok ovani Elangani Nalaani 19.2.l(a). Ema naonaittiakhimayok, "alat inuit atogomayot" ematot inuit pikaktokhat atogotmik nunamik nalvaakhio­ gomagomik oyagakhioktit;

"emaknik atoktot" onalo emak kulliktutigilogo.

ELANGA 2

ATOKTOKHAT APIKHILOTIK

21.2.1

Anggigotini pikanggitpat, alat Inuit Inuinait nunaotaitnik atolimaitot nunaotikalimaitotiklo Inuit Nanminiita Nunaitni apikhihimaitomik Inuit Elagiit Katimayiitnit.

ELANGA 3

KIYALIKAA ATOINAGIAKAKTAA

21.3.1

Koyaginnak atoktaoginnagiakakniaktut aolaakvionahoagomik emakot kanoklo aolaaktaknighakot pihimanahoakata tagiop hinaagot ovalo aliahokvioahoagomik 100-feet-mik kiklikaklogo akongnanit Inuit Nunaotaita hinaanit pihimanahoakat, talvalo kookatigolaagomik tatinogaona-hoaklotik tattillo ingilgavioginnagiakakata. Taamna okakhimayuk kikligiyaghaa hinaanit pihimayoghak oktakhimaniakhoni tagiop emaokaktaknianit ovalo kookat emaokakhimanigaloa-ginnit tatitlo. Tahapkoa okakhimayot kitonitlikaa atoktaoginnagiakakniaktut.

(English) 173

21.3.2

Inuk atoinagiakaktoklo nunamik maligakkakloni omingga Nalaani 21.3.1-mi ang­ gonialakhoni maniliogotigihimaitomik anggoyaminik kihime atokpaktokhak maligatigot anggoniagomi Nakatami 5-milo.

21.3.3

Inuk anggonialaktoklo hogaanik Inuit Nanminiita emaitni okoatigokloni Nalaani 21.3.1, kihime maligatigogiakaktok Nakatami 5-mi.

21.3.4

Inuit pilimaitot

(a)

nunanik atoliklotik titiganiitoni Nalaani 21.3.1; naliak

(b)

kuyaginak anggonahoalimaitot titiganiitoni Nalaani 21.3.2-mi.

nunamiklo hanalimaitok atolikloni, naliak igloliolimaitoklo topikakvikalaittoklo atokafokloniluniit, talvani nunami atolikloni.

21.3.5

Talvani Inuit Elagiit Katimayiit pihimaloakniakmata nunamingnik atoinagiakaktot titigakhimayoni Nalaani 21.3 .1-mi, anggonialakhotiklo titigami Nalaani 21.3.2, ovalo inuit itilaaktot Inuit Nanminiita Nunaitnot titigakhimayoni Nalaani 21.3.9 ongovainagialik aggigotmi Inuit Elagiit Katimayiitni okoalo Kanatap Kavamait.

21.3.6

Talvani Inuit Elagiit Katimayiitlo Kanatap Kavamaitlo aggikkata, tamna anggonianik onggovainagialik titigamiitok Nalaani 21.3.3-mi.

21.3.7

Inuk Kanatap Kavamakyoakmiotak, Nunatiap Maligalioktiat, hamlatkot katimayiat, niggoaktaonahoaktigomi, ekayoktiitlo Inuit Nanminiitlo Nunaitnot itilaaktok votiktaoyomayaktogomi.

21.3.8

Kavamakmiotak inuk itilaaktok tahamaniitlonilo Inuit Nanminiita Nunaotaitni ekayokgiaktokhimagomi.

21.3.9

Inuit ahinikmeotat ekaaktolaktot Inuit Nunaitaini polaakafokkomik aolaoyaktot, havakvikmingnitlo naliak polakhimavikmingnit. Emak nammakpat, ekaaktoknit atoktakhait apkotitigot Inuit Elagiit Katimayiit nammagiyaitigot. Ekaaktoktot nunami nutkakvikalaaktotlo.

21.3.10

Ovalo inuit atolaktait atogomayatik, titigagiiyakhimayhomi Uiguani 21-1-mi, Inuit Nunaotaitigot okaotaohimayomi Uigumi.

21.3.11

Apigiyot nammagikpagit Inuit Elagiit Katimayiit, kinat ehivgiokhiyot honanik kaoyihaktot honanik nunami atolaktot ematot:

(a)

tabkoalo atoinalaktot Inuit Nanminiit Nunaitnik havakkomik kaoyihaktamingnik havaktiitlo kantolakkaktotlo Kavamani;

(b)

tabkoalo atolaktot Inuit Nanminiita Nunaitnik maligatigoklotik Inuit Elagiit eliogakhimayaitigot, akilikhinggitkaloaklotik.

21.3.12

Atolaktotlo Inuit Nanminiotaitnik Nunanik hamani eliogakhimayomi Elami maligatigoklotik ematot:

(a)

nunamik ahigoinggitkomik;

(b)

kuyaginnakhimaitomik nunami; ovalo

(c)

Inuit nunaitni atoktonik ehoigotitailigomi ovalo nippaitomik nunatik atogaaktitlogit.

21.3.13

Inuit hammani nunanik atoktot Elami emailiniaktot:

(a)

akilikhiyokhat nunamik ahigoigomik inuit nunaotaitnik; ovalo

(b)

nunamik atokkoyaohimaitot kukiktotot eliniaktot ovalo taimailigomik nunami annitaolaktot maligatigonggitkomik ovani Nakatarni.

21.3.14

Atogahoat Inuit Nanminiotaitnik Nunanik ovani Elami akilikhiagiakanggittot, na­ liak titigakhimanikogiakanggitot kihirne eliogakhirnayokkoklotik harnani Elarni.

ELANGA 4

MILNE INLET APKOT INUIT ATOKTAKHAT

21.4.1

Talvanilo inuit atokpagakhat apkot, titigakhirnayok ovani Uigurni 21-2-rni, Inuit Nanminiotaitni Nunani okaotaohimayok Uigumi.

ELANGA 5

KAVAMAT ATOGAKHAIT

21.5.1

Ekayoktiitlo, havaktiitlo, kantolaktitlo kavamat okoalo anggoyaktit peliicirnatlo atoinagiakaktot, hapkoatigoklotik Nakatami, itiklotik ekaklotik taharnaniing­ ginagikaktot Inuit Nanminiita Nunaotaitni ernaotainnilo kavarnani havaklotik maliganik maliktitaivaklotik inuit nunainni.

21.5.2

Kanatap Kavamait, anggoyaktiitlo naliak peliicirnatlo atogornagomik nayogomagomik Inuit Nanminiotaitnik Nunanik okiokni rnalgokni, tabkoalo eliogakhimayot inuittot dolaikakviit, Inuit Elagiit Katimayiit Kanatap Kavamaitnot okalakoniaktot nunaminik atogomayakhaitnik.

21.5.3

Ekayoktiitlo, havaktiitlo, kantolaktitlo nunanik atoktot okaotimi titigainni Uiguani 21-3 inuit nunainnolaktot tahamaniitlotiklo havaknahoagomik inuit atokpagaitni nunatik, Kanatap Kavamait apikhiyokhat Inuit Elagiinot Katimayiinot ovalo ang­ gikatigiikpata kavamat atoinagiakhaitnik inuit nunaotaitnik ovani Nalaani 21.5.1 ovanilo 21.53.-mi. Talvani angginggitpanik, akollik anggiktitaiyit piyaoyokhat ehoakhainahoat okoani Nakatami 38-mi. Haotaoyot nunani naonaikhimayot Nalaani 21-4-mi ehoikotigilimaita hamna Nalaa.

21.5.4

Tamna pihimayakhak Nalaani 21.5.1 ovanilo 21.5.3-mi okoatigogiakaktok Elan­ gani Nalaani 21.3.12(b) ovanilo 21.3.13-mi.

21.5.5

Ovani nunat inuit nunaotait ahigokpalaaktaokpata, naliak emalo inuit koingigik­ pagit nunamingni havaktot nunamingnik atoktilogit ovalo hilainakmi nipaing­ gaagomayoni, Kavamat onniotiyakhait Inuit Elagiit Katimayiit ovalo anggiktin­ nahoalogit kavamat nunanik atogomakpata Inuit nunaotainik ovani Nalaani 21.5.1 mi ovanilo 21.5.3-mi. Ovani Anggilimaikkanik, tamna anggiktaongitok Anggiktitaiyimot ehoakhaktaoyokhak ema naliak kinat akiniakatjuk anggiktaonggitok ovani Nakatami 38. Havaagitjutit naonaiktokhat Uigua 21-4-mi atoktaolimaitot ovani Titigami.

21.5.6

Hamna atogiami nunanik mighilaakpalaktailogo Nalaa, atogakhait atokoyaoyot ovani Nalaani 21.5 .5 kavamat atogomagomik nunanik:

(a)

nunanik ahigoktailivikagiakaktok hamani Anggigotmi;

(b)

naonaitkotiniklo opalonggaikhimayagiakaktok; ovalo

(c)

nunalo titigakhimayokhak, obloanilo kakogolo enikniakkat nunat atoktaoyot.

21.5.7

Kavamat havaktiit inuit nunainoliagiakaktot Inuit Nanminiotaitnot angoyakhanik monagivakkomik ehivgiokhivakkomiklo. Talvaniogitok Nalaani 21.5.1-mi, inuit nunainoliagiakaktot Kavamat havaktiit angoyakhanik monagiyaktogomik ehiv­ giokhivakkomiklo anggiktaolaktot namagiyaolotik Nunavutmi Angoyakhalikiyiit Katimayiit okalagiikaklotik Nunami Anggohikiitkoni.

21.5.8

Atoinagiakaktok pitkohimi Nalaani 21.5.1-mi okoatigolimaitok eliogakhimayomi akiliktogiiyakloni, kihime akilikhilaktot nunanik atotaagomagomik eliogakhimayomi maligaliokhimayomi.

21.5.9

Talvani kinali atogahoagomi nunamik ovaniitomik Nalaani 21.5. 1-mi ahigoigomi Inuit Nanminiita Nunaotainik, ova Kavamatlo Inuit Elagiit Katimayiitlo anggilimaikanik akiliohiagotikhamik nuna ahigoktaotitlogo, tamna okaotaoniaktok Anggiktaiyiyit Katimayiinot, naonaikhaiyokhak kanokli akiligianiktomik nunamik ahigoiyomik Nakatami 38-mi.

21.5.10

Kanatap Angoyaktiit (DND) pikakloangitmiotaok pitkohinik angoyagotit opalon­ gaiyaotaitni, nunami aolayamingni atoklotiklo Inuit Nanminiita Nunaotaini ahini Kanatami atokpakhotik. Hamna naonaitiakhimayok atotitiyami Nalaani 21.5. 11 ovani 21.5.12-milo.

21.5.11

Minista Angoyaktilikiyini anggikhimalaktok atokloni Inuit Nunaotaini Nanminiitni nunami angoyagotinik opalongaiyaklotik okoani Nalaani 257-mi Kanatap Angoyaktiit Maligaitni ovalo namaktomi Nalaani 21.5.10 hamna Nakatami ehoigotilaitmat atogomayoni Ministak Kanatami Angoyaktilikioni.

21.5.12

Ahiagottaok aolayaaktut atoinagiakaohighaitigot Inuit Nunaotaini okakhimayok piplogo nalaani 21 .5.11-mi, Inuit nunaotainot penagiakaohighak atoinagiakaohighaagollo Inuit Nunaotainik emakniklo, talva hamna talvatoak atolikloakniaktuk aivaotigilgaaktillogo eniktaolgaaktillogolo angikatigegotaoyok okoalo DIO-kot tohaktitiyioyoghamiklo pihimapihimayaakakmata ovalo pihimaniakmat kanok ehoaktonik atoktaghanik naonaiyailotik kanogiliyokakat himmaotaoyoghanik piyakakmat. ovalo kingoagot honatlikaa angikatigegotaoyok ehoaghaktaokatakpakniakmata. Ovataok nunap atoktaonighaagot akilikhiyagetok.

21.5.13

Okalagiigiakaktot lnuktitut angoyaktit atogomagomik opalongaiyaktot nunami anggikhimayait Kanatap Angoyaktitkogiit.

21.5.14

Pitkohiit Inuit Nanminiitnik Nunanik atogomagomik hamani Elami, talvaniong­ gitok Nalaani 21.5.2-mi, akiligiakanggitot, naliak atotikhaitnik titigakhimalotik, kihime hamani eliogakhimayokakata Elami.

21.5.15

Hamani, "Kavamat" elakataoyot hamlatkogiinik.

ELANGA 6

HIOGALIATLO OYAGALIATLO

21.6.1

Ovanionggitomi honani Elangani Nalaani 19.2.l (b), Kavamat piomakpata hioga­ nik oyagalianiklo apkohiogotikhanik Inuit Nunaotaitnit, kihime Inuit Elagiit Katimayiit angginggitpata Kavamanot, Kavamat apikhilaktot Anggiktitaiyinot pi­ omagomik tahapkoningga.

21.6.2

Anggiktitaiyit tonihilaktot okalaklotik ema nalvaakhimagomik:

(a)

apkohiogotikhat piinagiakakata apkohiliogomayot ovalo

(b)

alanik pikanggitpat hioganik oyagalianiklo nunami.

21.6.3

Tamna atoinagiakakat tahapkoningga, Kavamat akilikhilaktot Inuit Elagiit Katimayiinot, oyagalianik hioganik piomagomik akiitnik:

(a)

$1.00 per cubic metre oyagaliak hiogatlo akikakniaktot enikpiakat Anggigotmi ovalo titigait akiit naonaihimayot Kingolikmi Inuit Atogomayot Hiogalianik Oyagalianiklo Akiit Titigakhimayot; naliak

(b)

akiitlo eliogagiikhimayait Kanatap Kavamait, alangokpakniaktot kakogogaikpat, piomagomik hioganik oyagalianik Kanatap Nunaotaitnit.

21.6.4

Anggiktitainahoat eliogainiaktot atutikhaitnik piomakpata akilikhilotik hioganik oyagalianik kanoktot akiiniklo naonaikhilotik okaotigoklotik Nalaani 21.8.3-mi. Akiit titigakagiakaktot kaffidaolotik akitotiginigitnik Nalaani 21.6.3, naliak itigiamilo pinahoakata hiogaktagiamilo oyagaliatagiamilo.

21.6.5

Inuit nunainot itigahoagomik hiogaktagiat oyagaliaktagiat okaohiinik titiganik pihimayagiakaktot angginaaktailogo nunap ahigoktiknia Inuit nunat atoktitlogit, ovalo Kavamat ahigoktaktik ehoakhatkigiakakmajuk nuna enigomiko.

ELANGA 7

KAVAMAONGGITOT ALAT ATOGOMAKMEOT NUNANIK

21.7.1 - Taya Piomayokaktok

Talvani Inuit Nanminiita Nunaitni emaitpakmata,

(a)

alattaok inuit nunanik atogomavakmata oyagaonggitonik, naliak

(b)

alattaok inuit nunanik atogomayot honanik pihimagomik,

taya pihimayamingnik enikhimatinnagot Inuit Nunaota Nanminiitni Inuit Elagiit Katiyiitni, alat inuit atoktatik aolalimaitot titigatigot malikhimmakpakomik, kihime Inuit Katimayiit Elagiit pihimaniaktait nunatik nunat alanit atok­ taoyomayot. Inuit Elagiit Katimayiit akiliktaoniaktot inuknit atogomayonit hap­ koa nunat atoktaoyomatitlogit.

21.7.2

Talvani Inuit Nanminiit Nunat pihimayaotitlogit Elangani Nalaani 19.2.l(a) oyagakhioktit oyakkikiomavigiyait, taya aolagaaktot enikhimaititlogo nunataaknik, tabkoa oyagakhioktit aolainagialgit titigatigoklotik, atoktitaongginagiakaklotik Inuit nunaitnik maligaliokhimayokkokloni, naliak maligaliokhimayok ajikkotagikpago Kavamat Nunaotaitigot. Eliogaktaakhimayot okoanot Inuit Elagiit Katimayiinot mikhiliktaoyokhaonggitot Kanatap Kavamaitnit Inuit Elagiit Katimayiit apigitinnagit. Inuit Elagiit Katimayiit toniyaoyokhat akianik akiliktaoyokhamik tabkoa oyagakhioktit nalvaakhiogomayoni.

21.7.3

Alat Inuit atogomayot inuit nunaotaitnik okaotigoktokhat Nalaani 21.7.2-mi monagiyaohimmaklotik Kavamanit maligaliogotikkoklotik atoinagialikmik Kanatap Nunaotaitigot atoklotik. Okoatigoktokhat apigilotik Inuit Elagiit Katimayiingitnit titigakhimakmat ovani Nalaani 21.7.2-mi, maligat, alatlo nutaat maligaliokhimayot atoktakhaitlo inuit alat atogomayot Inuinait Katimayiit namagikpagit. Okalagiiktokhat atogomayot nunanik ovalo anggikkagit Inuit Elagiit Katimayiingit, tamna maligaliokhimayok atolimaikhonggoyok ovalo Kavamat nuutniaktait aolajutiginigit Inuit Elagiit Katimayiit.

21.7.4

Okoatigoktokhak Nalaani 21.7.5, tamaita okaohigit hakogikniit, tannigotaitlo atan­ gohiotaitlo tabkononga alanot atogomayonot naonaikhimayot ovani Nalaani 21.7.2mi, Inuit Elagiit pihimayomatitlogit nunamingnik Kavamat naonaikhimayakhait Inuit Elagiit Katimayiit.

21.7.5

Tavani Kavamani tannigiakaktot naliak onggovakhilotik akiliohiakhaitnik alat atoktot nunanik titigakhimayomi ovani Nalaani 21.7.2, tarnna tanniknik akhogiakanggittok titigakvigihimaititlogo Inuit Elangiit Katimayiit.

21.7.6

Kavamat naonaikatigiikpaktokhat Inuitlo Elagiit Katirnayiitlo titiganik naonaitkotinik titigakhagainggomik inuknit alanit atoktonit titigakhimayoni Nalaani 21.7.2 tamna naonaikhimavaktokhaokmat maligatigot, erna tarnna Inuit Elagiit emailioktokhaokmata:

(a)

titigat ehoakhaklogit ehomagiyaoyot akiligakhat naliak akiliohiagialgit Kavamanot tafforna nunamik atoktop naliak oyakkanik havaktonit; naliak

(b)

pikataovaklotik okakatigilogit Kavamat tabkoa alat inuit atoktitlogit eliogak­ himayomi hamani Nakatami.

21.7.7

Inuit Elagiit Katirnayiit titigakhagomik naonaitkotinik naliak kavarnat titigak­ hirnayaitnik okaotigoktonik Nalaani 21.7.6-rni ahinot okalaktokhaongitot titigak­ haktamingnik naonaitkotinik kavamanit titigakhirnayaitniklo.

21.7.8 - Oyagakhioktit Atoinagiakaktait

Oyagakhioktok atoinagiakaktok nalvaakhiokloni, oyakkikiloni, maniliokloni aolaktitaoloni nalvaakhimayonik, tahamani, ovani Inuit Nanminiita Nunaotaitni okoatigoklotik Anggigotmi.

21.7.9

Tamna inuk oyagakhioktok nalvaakhiolaaktok, atogiakangitkomi atoktitaojutmik ovani Nunatiap Nunanik Atotaitnik Maligaliokhimayonik (SOR/77-210, March 4, 1997) talvani Kanatap Kavamaita nunaotaitni atoinagiakaktok Inuit Nanminiitni Nunaini, oyagakhiogahoagomi, apigilgaakloni Inuit Katimayiingitnit namagikpat­ juk atoktilaktat ema oyaghakhioknikkot okoatigokloni Nalaani 21.7.10.

21.7.10

Talvani atokhimayomi Nalaani 21.7.9, Inuit Elagiit Katimayiit okalakniaktot, ehivgiokatigilogit Kavamat okoalo hanayakhalikiollo, ovalo oyahakhiokvikhalikiotlo Inuit Nanminiitnot Nunaitnot eliogailaktot atoktitjutikhanik aolalikloni namagikpatjuk Kavamat Inuit Elagiit Katimayiitlo namagohoktokhaokmanik. Oyagakhioktit atiit tohaktitaolimaitot.

21.7.8 - Kihime talvani oyagakhiogomayok atokloni nunamik okoatigoktokhak Nalaani

apikhitakhimayoni Inuit Elagiinit kangganiitonik nalvaakhigomagomi Inuit Nunaotaitni. Tamna oyakkikinahoak anggiktaonggitpat Inuit Elagiit Katimayiinit, apikhilaktok tamna Anggiktitaiyimit atogomagomi nunamik.

21.7.12

Tarnna inuk oyagakhiogahoak inuit nunainni apikhigomi Anggiktitaiyinot, alamik titigamik apikkotmik piyagiakaktokk Inuit Nunaini Nanminiitni oyagakhiok­ vikagahoagomi tonihiyaminit. Anggiktitaiyit ematot onniojuktaolaitot atitik oyagakhioktit.

21.7.13

Talvani inuk pijutikhaitpat inuit nunaitnot hamani Anggigotmi, apikhiyagiakaktot atogomagomik oyagakhiogomagomik Inuit Nanminiita Nunaotaitnik nalvaak­ hiogomagomik, oyakikiomagomik, oyakkaniklo aolaktitaiyomagomik Inuit Nan­ miniita Nunaotaitnik, eliogakhimayomi Elangani 8-mi talvani ehoakhitaaktomi Anggiktitaiyoni.

21.7.14 - Alanilo Maniliogotaonahoagomik

Talvani Inuit Elagiit Katimayiit atoktitilikata alanik inuknik Inuit Nanminikming­ nik Nunaotimingnik atoktitilikata oyagakhioktinot kihime nalolikkanik kanok akilikhiyami inuknot, tamna ehaokhaktaoyoagiakaktok Anggiktitaiyoni.

21.7.15

Talvani inuk piomakpat Inuit Nunaitnot maniliogahoakloni, ovalo titigami pikang­ gitpat Nakatami, tamna inuk atoktiinagialik, hilami kanogilittomi havakvigina-hoaktaini, apigitaakhimatitlogit Inuit Elagiit Katimayiit, tamna apikkotaat anggik­ taonggitpat, ovani Nakatami 38-mi, 30-tit oblot eniktoni,

(a)

oktotaakhimaliktomi inuk 60-tit obloni, aivagaloakmata nakooyomik anggigahoakhotik,

(b)

naonaikhimalikmat atogiamini maniliogahoagami ovalo nunamot itiinagialakigomi naliak maniktigot ayokhagomi, ovalo

(c)

naonaigomioklo nunamot atokvikhani emalo nunano ahigoktikpalaktailigomiok inuit nunaktik atoktitlogo,

ovalo, tabkoa anggiktitaiyit naonaikhimalikata, Anggiktitaiyit, okoatigoklotik Elangani 8-mi, nunamik atoktitinahoalikata. Atoktitinahoagot titigakhimanikaktokhak ahigoittailijutinik Inuit atoktainik.

ELANGA 8

KANGGANIITONIK ANGGIKTITAIJUTIT

21.8.1 - Eliogaiyokhat ovalo Atanniktotikaklotiklo

Inuit Elagiit Katimayiit Kavamanik pitkoilaktot eliogaipkailotik monagipkailotik elikoktonik Kangganiitonik Anggiktitaijutikaklotik ("Anggiktitainik") elihimaniaktok Nunavutmi Nunataakvikmi:

(a)

tonihiniaktot atoktitijutinik oyagakhiogomayonot nunanik atoklotik ovalo akilikhiyagiakaktot nunaliknot okonani akia ehoakhiyagiikhimayokhak akia maligaliokhimayoni;

(b)

inuknit naalagiakaktok kanoktot akiligiakhamik nunamik kangganiitonik atogomagomi nunaliknot;

(c)

kakogonggogaikpat ehivgiokhivaklotik kanoktot akiligiangitnik nunamik atogomik;

(d)

kanogiliogahoaklogo atogiamini, naalaktaagomi, nami nunat atokhoiktoni anggiktaohimayoni; ovalo

(e)

honatlo alat atotikhat eliogakhimaniaktot Aggigotmi naliak maligaliok­ himayomi.

21.8.2

Talvani Inuit Elagiit Katimayiit kanggniitonik piotikakmata, akilikhilimaitmata eliogaigomi naliak aolabkaigomi Anggiktitaiyonik. Kavamat eliogalaktot ovalo monagilogitlo Anggiktitaiyinik tabkoa pinggitkaloaktitlogit Inuit Katimayiingit, ema tabkoa Anggiktitaiyit havaatik havattiakpaktitlogit titigakhimayot Uiguani 21.8.1-mi.

21.8.3

Naonaikhiakpata kanoktot akiligianggitni Inuit Elagiit Katimayiit okoani Inuit Nunaotaitni Nanminiitlo, Anggiktitaiyit ehomaniaktot,

(a)

kanok akikagiakhat nuna,

(b)

tammaigomiko nuna Inuit Elagiit nuna atokapaknia,

(c)

kanogilitpa anggoniakpakniktik Inuit,

(d)

ehoigotiva atogiami, atotkiligamikko nuna Inuit Nanminiktik nunatik,

(e)

inukni hivoganakhiva nuna atogiami,

(f)

enavikkotaolikka, koingginakhiva ehoikhoni nuna atogiami

(g)

inuit nunatogagivatjuk Inuit nunaktik,

(h)

alianakkaluniit nuna inukni nunatogagigamiko,

(i)

akikha naonaiklogo atoktot atoktitat Inuit Elagiit Katimayiit namagikpago Anggiktitaiyit,

(j)

akikha naonaiklogo atoktot atoktitat Inuit Elagiit Katimayiit namagikpago Anggiktitaiyit , apikkotaokpat alat atogomayot ehoakhiyoayokhaklo, ovalo

(k)

alatigotlo eliogagiikhimayokhat maligaliokhimayoni kihime ehomagilimaitait akilitkigiagitni nunat akiit naliak nunamot lo itigiami akianik.,

21.8.4

ltigiaktoktinago Inuit Nanminiita Nunaitnot, apikhiok atogomayok akilihiagiakaktok Inuit Katimayiinot itigiamingni 80%-mik akilikhiagiiklotik titigak apikkot toniyaotinago Anggiktitaiyinot.

21.8.5

Tamna okaohik Inuit Elagiit Katimayiit atokpagat Nalaani 21.8.3 ovanilo 21.8.4-mi elakakniaktok, talvani namakpat, nunamik atoktop okoalo anggiktitaiyit akilikhiniaktot Inuit Elagiitnot taffominggalo nunamik atoktomik.

21.8.6

Talavani Inuit Nanminiita Nunaitni, kakogonggogaikpat Elagani Nalaani 21.8.1(c)-mi ehivgiokhivakniaktot tallimani okioni eliogakhimayomi maligani. Inuit Elagiit Katimayiit anggikatigiklotik ehivgiokhiyomangitkomik piagiakangittok.

21.8.7

Maligaliokhimayot ekayokniaktot emagok tabkoa kitikkop avatkoani katimayiit monagiyioniaktot Inuit Nanaminiita Nunaotaitnik Nunavutmi Nutataakhimayonik inuknik.

21.8.8

Anggiktitaiyit havaktokhat Kanatap okaohiminiitigot atokloltik maligatigoklotik ovalo tokhikagit Inuit Elagiit Katimayiitlo, ovalo okakpaktokhat Inuktitut.

ELANGA 9

NUNAIYAKTAONIK

21.9.

I Kinat inuit naliak inukmik ekayokti, tamna hakogiknikot nunaiyaotikagomi ovani kanataplo nutatiaplo maligaitigot (nunaiyailaagomik), aghogagiagomik nunaiyainikmik maligatigoklotik atohimitigot pilaktot Anggigotmi.

21.9.2

Ovanionnggittok Elami pikalimaitok tonihilotik Nunatiap Kamavaitnot hakogiknikaklotik nunaiyaijutinik maligaliogotini ahini kavamakaktot kavamaitni nunani.

21.9.3

Nunaiyainik alanit piotaiyainiknit titigatigoktomi Nalaani 21.9.I 4, namagiyaoyok­ hak okaotaotiaktomi pitkonikmi Kanatap Kavamaita Katimayiani.

21.9.4

Nunaiyaiyaotinik maligakakat aolatiktomik tikitinnago eniktomi Anggigotmi Inuit Nanminiknik Nunaotaitnik, hapkoatigoktokhat:

(a)

titigamik naonaitkomik opalongaikhimaniaktot nunaiyainiaklotik Inuit Elagiit Katimayiinit;

(b)

tohagomik Inuit Elagiit Katimayiit anggilimaitkomikko nunaiyainahoaktoni maligaliokkonggitpat, tohaktitiomaniakmata anggititaamingni; ovalo

(c)

naonaikniaktok akikhanik aivaklotik ovalo akinahoaklotik, ovalotalvani ayokhitpata, anggiktitainahoat titigatigolaktot Nalaani 21.9.8-mi.

21.9.5

Talvani nunaiyainahoaktoni kinat pikpata akiliinakhimayomik, tabkoa nunat pi­ otigilimainiaktait Inuit Nanminitik Nunat. Nunat akiliohiagotaoyot nunat piyaotit­ logit Inuit Nunaotigilikniaktait Nanminigilogit. Talvani nunat piyaohimayot enik­ taokpata, Inuit Elagiit Katimayiit siksini tatkikhiotinik oktokmilogit piffagiakak­ tait nanminigilikmilogit. Tabkoa nunamik akianik nalolikkanik, tamna anggik­ titiayonot ehoakhaktaolaktok titigamiitok Nalaani 21.9.8.

21.9.6

Talvani Inuit Nanminiit Nunait piyaokpata, tabkoa piyot narnakpat akiliohiaklotik alanik nunanik pipkaktaolotik ovalo akitonigitlo ehoaklotik Nunavutmi Nunataakvikmi, naliak akiliktaolotik nunanik maniknikloniit.

21.9.7

Inuit Elagiit Katimayiit akiliktaoyagiakangitkomik alanik nunanik.

21.9.8

Talvani Inuit Elagiit Katimayiit okoalo nunaiyaiyot anggigoknaikanik akikhanik nunap, ovalo anggiktitaiyoklo, ayokhakkat, kinggolik anggiktitaotat akilikhiniaktot anggiktitaijutitigot:

(a)

ovani eliogakhimayomi Nakatarni 38, alarni nunaiyainikmi ovani Kanatarni Kullikikiyit Katimayiit Maligaitni; naliak

(b)

nunaiyainahoaktomi ovani Kanatami Kullikikiyit Katimayiit Maligaitni; anggiktitaiyit katimayiit piniaktot maligakkoklotik kinamik Inuit Elagiit Katimayiinit. Ministak eliogainiaktok anggiktitaiyikhanik elihimayonik ayoittonik eliogaihimayoni Nalaani 21 .9.9.

21.9.9

Naonaigahoaktoni kanoktot akiligiakhaitnik Inuit Elagiit Katimayiinot anggiktitaonahoakata naliak katimayit maliktokhat:

(a)

kanok akikagiakhat nuna,

(b)

tammaigomiko nuna Inuit Elagiit nuna atokapaknia,

(c)

kanogilitpa anggoniakpakniktik Inuit,

(d)

ehoigotiva atogiami, atotkiligamikko nuna Inuit Nanminiktik nunatik,

(e)

inukni hivoganakhiva nuna atogiami,

(f)

enavikkotaolikka, koingginakhiva ehoikhoni nuna atogiami

(g)

inuit nunatogagivatjuk Inuit nunaktik,

(h)

alianakkaluniit nuna inukni nunatogagigamiko,

(i)

akikha naonaiklogo atoktot atoktitat Inuit Elagiit Katimayiit namagikpago Anggiktitaiyit,

(j)

akikha naonaiklogo atoktot atoktitat Inuit Elagiit Katimayiit namagikpago Anggiktitaiyit, apikkotaokpat alat atogomayot ehoakhiyoayokhaklo, ovalo

(k)

alatigotlo eliogagiikhimayokhat maligaliokhimayoni,

21.9.10

Talvani nunaiyainahoat hakogikkomik nunaiyaotinik Inuit Nanminiita Nunaotaitnik, naliak piomayoayoni ovani Nalaani 21.9.1 tamna hakogiknik atolaktat; naliak

(a)

12%-goyok Inuit Nanminiit Nunaotait naonainiaktok eniktomi Anggigotmi naliak nunat piomayaoyot pitaaktaokpata; naliak

(b)

ovani Nunami Atogotini Nunani okoatigoktoni Nalaani 19-2 19-7-milo titigakhimayot nunaoyami Uigumi 12% Inuit Nanminiita Nunaotaitnik homilikak nunami eniktomi Anggigotmi nunat pitaaktaotitlogit.

21.9.11

Titigagiami nuna piyaohimayot ovani Nalaani 21.9. 10-mi, titigait pihimayagiakanggitot Inuit Elagiit Katimayiit alanik himmaotinik pihimakpata nunanik ovani Nalaani 21.9.6.

21.9.12

Talvani Kavamat pilaakata ovani Nalaani 21.9.1-mi, namagikpago haffoma Nakatap, nunanik piniakata Inuit Nanminiita Nunaotaitnik ema inuit kuyaginak atokpagakhaitnik, Kavamat akilikhiagiakanggitot nunanik piyamingnik, kihime ehoakhainahoagomik , ema avatkolimaitomik,

(a)

okoani Inuit Nanminiita Nunaitni, mikiok (5%) tamna Nuna,

(b)

mikak (2%) Inuit Nanminiita Nunaitni Nunat Atoktaoyoni Nunami, okaotao­ himayot ovani Uigumi 19-2-mit 19-7 titigakhimayok nunaoyami Uigumi, nunat tabkoat kavamat piyait

Talvani nunat piyaoyot ovani Nalaani atogoiktoakpata piyaohimayugaloit, Inuit Elagiinot toniffaktaoniaktot akiittomik.

21.9.13

Nahaktaoniaktot nunat piyaohimayot ovani Nalaani 21.9.10, nunat piyaohimayot okoani Nalaani 21.9.12 kihime nahaktaoniaktot.

21.9.14

Nunat piyaoyot Inuit Nunaotait talvani hamlatkot kigliniitot hamlat atogomayait namagiyaoyokhat titigatiaktaolotik omangga Kamaisinap Aoatitiyit Katimayiitni. Inuit Nunaotait piyaoyot hamlat atogahoaktait titigaktaoyokhat nahaklogit ovani Nalaani 21.9.10 ovanilo 21.9.12.

ELANGA 10

ATUTIKHAITLO TOTKUMAYAKHAITLO

21.10.1 - Monagijutit

Ovani naonaitiami, kina inuk pihimaniaktok nunaminik titigamiitok hamani Nakatami, kihime pitkohitik okaotaoyot ovani Elami 3 ovanilo Nalaani 21.5.1Omit 21.5.12-mot emailiokniaktot, piyagiakakkat, pilotik nakoyonik monagitjutinik ovaniitoni Nakatami 12 ovalo 13-milo pitkohitik atoktinnagit.

21.10.2 - Alatlo

Kinat inuit alat pilimaitot nunanik piomalotiklo Inuit Nunait Nanminiitnik.

21.10.3

Inuit atogahoaktot pitkohinik ovani Nakatami ehoinaktalimaitot Inuit Elagiit Katimayiingitnot tammaigomik ahigoigomik tamayamingnik nunaitnik atokhotik.

21.10.4

Ova naonaitiaktok Inuinak inminik nunaotiminik pihimalaktok nunami nalvaak­ hiogomagomi.

ELANGA 11

ATOINAGIALGIT KANATAP NUNAOTAIT

21.11.1

Talvani apkotaitpat inuit atogakhaitnik , Kavamat emaililimaitok maligatigoklotik naliak monagijutaitigot maligaliogotini, naliak atoktailihimaitomik, Inuit atoinagiakaktot apkotinik Nanminimingnot Nunalitigomagomi nunamingni kovia­ hogomagomik. Tamna atogomagomikot maligatigogiakaktok atogomagomik.

UIGUA 21-1

KINGNAIT INUIT APKOTIKAKVIIT ATOGAKHAT

(Nalaani 21.3.l 0)

Apkotit Titigait

Inuit Apkotiakviat Nov. 1-mit Mar 31-mot okiotogaagat apkohikhak emaitokhak

Namiitot

I00 foot nuna Inuit Nanminiata ovani Nunani emakot Kingnait Pass uktakhimayok:

(a)

okiotogaagat apkohikhak emaitokhak talvanga ulipkaaknigop hinani Akongani Kingnait Fiord ovanilo Padle Fiord:

(i)

Padle Lake onalo Padle River

(ii)

Tundra Lake,

(iii)

Circle Lake,

(iv)

Terrace Lake,

(v)

Island Lake,

(vi)

atiitok kuugaktok Island Lake Kingnaitmot Fiord,

(vii)

Kuugatlo tahiitlo emani titigakhimayot ovani (i)-mit (vi)-mot;

(b)

naligimmaktikhimayuk tahikmot ovalo naonaikhogo titikhimayok nunami okakhimakmat Inuit nunaotaata elangani BI- I 0/ l 6L,M,26I-mi naonaiyakhimayok.

UIGUA 21-2

MILNE INLET APKOT INUIT ATOGAKHAT

(Nalaani 21.4.1)

UIGUA 21-3

NUNAT ATOGAKHAT HAMLATKONI

(Nalaani 21.5.3)

UIGUA 21-4

KAVAMAT HAVAANGGIT ATOLIMAITO OKONONGA NALAANI 21.5.5

(Nalaani 21.5 .5)

1

Nunami ehivgiokhiyot havaanik.

2

Maliganik peliicimat malititaiyot

3

Havaat elaonggitot nappaktigiyonot.