NAKATA 23

INUIT HAVAGHAIT ILOANI GAVAMAT

ELANGA 1
NAONAIPKOTAIT
23.1.1
Ovani Nakatami:
"gavamatni havaghat" ilakaktok
(a)
havaat ovani Kanatap Gavamat Kivgaktoktingitni talva Manilikiyiit Katimayiita atanikivlogo,
(b)
havat ovani Nunatiap Gavamat Kivgaktoktingitni tatva ona Kamiksina atanikivlogo, piyakaktot ilagilogit havat okonani Nunatiap lkloyikiyiita Kamtimayiitnit ovalo havat pityotaokpata Nunaliit Katimayiit atanikivlogo;
"gavamat katimakatigiyiit" tokikaktok ona havakvik onalonit atyikota timinga il­ oani Gavamat tatvani Nunavut-mi Nalunaiktauhimaninga;
"havakvikmi ilihaknik" tokikaktot ilihaknik okononga inuknot havakaktonot gavamat-kut havakvitni;
"Inuit havatigot hanaiyaknik" tokikaktok ona hanaiyaknik ihoakhaktaoyok nagogotiginahoaghogo okoat togagotigiyaoyot pitjutighatnot maliglogo ona pivat­ liatyotaoyok ovani Elanga 4;
"havaliktinani-havatigot ilihaknik" tokikaktok ilihaktaonik atkiktokaovloni okononga inuknot havakangitpata Gavamani nigiogotigivlogo havaghak Gavamat­ koni;
"kivgaktoktigiyaotjutigot kotlikgit" tokikaktot ima kotlikgit okoat inuit havagiit iloani Gavamat pityotigivlogit kititihimaningit Inuit tatvunga tamainot inuit kititao­ himayot ovani Nunavut-mi Nalunaiktauhimaningani; ona naonaipkot pityotigiyaoniaktok iloani tamaini havaghatigot ovalo ilihakhimayaita inikgotaitigot;
"maligaghat atlatkiit" tokikaktot ima maligaghat ovalo piyotaoyot, kihiani pit­ jutigiyaongitot nakogiyaovlotik, kihimi pitjutigiyaoyok mikiyomik angiyomiklonit ikpikiyaoniaktok kitonotlikak inuknot ilihatiakhimaitonot tatvalo ahyoknako­ taoniaktok;
"ikitkiyaoyot kivgaktoktigiyaotjutigot" tokikaktot ima kotlikgit inuit havaghait iloani Gavamat ovani Nunavut-mi Nalunaiktauhimaninganit tatva ikitkiyaokpat umangat kititaotimit tamainit Inuknit tatvonga kititpiakhimayonot iloani Nunavut­ mi Nalunaiktauhimaninganit.
ELANGA 2
PINAHOAKOTIGHAK
23.2.1
Ona pinahoakotighak ovani Nakatani pityotigiyaoyokhak amigaikjutigina­ hoakotigilogo Inuit ilaotjutighat ovani Gavamat havaghainik ovani Nunavut Nalunaiktauhimaningani tatvonga kivgaktoktigiyaotjutikot kotlikitigot. Elitakiyao­ himayok tamna iniktaokpat ona pinahoakotighak piyakaktok aotlakotigilogo okonanga Inuit ovalo Gavamatnitlo.
23.2.2
Akhokgotigilogo ona pinahoakomayat,Gavamat ovalo DIO-lo piyakaktot ikayok­ gigiklotik ima pivaliatjutigilogo ovalo ihomaliokutgilogolo ona havaghakhioknik ovalo ilihaknik tatvuna inikgiktaohimayok Angiktaotiakhimayomi .
ELANGA 3
INUIT HAVAKTIGINIAKT AIT KANUGENNINGIT
23.3.1
Eloani siksit tatkihiotit oma Angegotiit Maligangoktitauningata Ublunga ovalo ona naonaipkotigilo tatvunga pivatliatliatyotinot hivotliotilogit hivoniotighat ovani Nakatakmi, okoat Gavamat piyakaktot, havakatigilogit okoat NITC-kut, havaginiaktat ona naonaiyaktaotiakhimayok kaoyihaktaohimayoni ovani havaktot amigaitilanit ovani Nunavut Nalunaiktauhimaningani naonaikiangani kaviotilangit, havagomayotlo ovalo opalonaiyaktiakningat Inuit tatvona Gavamat havagiyaitigot. Ona naonaiyaotigiyat piyakatot monakiyaoloni ovalo alangoktaoyakaktok kanoklikak alangokiakakat.
23.3.2
Ona hivoniogitiyat pityotigiyaoyok kaoyihaktaohimayoni ovani Nalani 23.3.1-mi pityotiginahoaklogo ihoakhakiakaktaoyok ona ihoakhaktaohimayotokak havagitigot ayoitilanit ovalo kavinik sikokotiminik inikhimavatyohiatigot inuit havagomayot ovalo ikayogahoaklogit kitotlikak Inuit havagagomayot hanaiyatighainik ovalo ilihakigakaknik havagagomayot hanaiyatighainik ovalo il­ ihakigakaknik havatigot ilihakomakpat.
23.3.3
Kaoyomayaoyok ona kaoyihaktaohimayotaoningitni ovani Nalani 23.3.l maligaliokigot ilitakjutigiyaohongoyok ovalo akliniaktok tatvona aolayonot naonaitkotigiyaoyonot homilikak.
ELANGA 4
INUIT HAVAGHAITIGOT HANAIYAKNIT
23.4.1
Elonani pingahot okioni oma Ubluliokninga Angiktaottiakhimayum, Elikokton Gavamat katimyayiit piyakaktot hanaiyaklotik ominga Inuit havaghaitigot hanaiyaknik amigaikpatlianahoaklogit ovalo aolapkakahoaklogik havaghait Inuit tatvona kivgaktokigiyaoyot kotliitigot.
23.4.2
Ona Inuit havaghaitgot hanaiyaknik piyakaktot pitotigilo okoat:
(a)
kaoyihaktaonik naonaiyaotigilogo okoat kotliit kivagtoktit okoat Inuit ovani Gavamat katimayiitni ovalo ilitogilogit ilangit ikitpatlat-monakiyaoyot okonanga havangitigot kititaohimayot ovalu koligit ovalo aolayot havagiyaoyot ovalo aolayot havagiyaokataktot havatigot naonaipkotit;
(b)
pityotiginahoaklogo piyagiakakningat ihoakhiyagikhimayot naitot ovalo tagiyaktot hivoniokgotighat, tatva kanoklikak ihoaghakniakotani oma togagotigiyaoningit ovalo nikiokta havagomayot ihoakiyaoyot Inuit tamaini kotligitoni ovalo havagitigot kititaohimyayot tatva ikitpatlat-monakiyaoyot ilitogiyaokpata; tapgoat hivoniokotighat pityotaoyakaktot titigaktaoningit kavioktilagit Inuit kititlikak ihoakiyaoyot ovalonit kitotlikkak ilihatiakgomik havagiktitaoniaktot, hivogani havaghat piyakiakaktot, ovalo hivogani kanok ikilivatliatyohighailo havaghat;
(c)
kaoyihaklogit kanok Gavamat havaotyohet atoktaovagiakhait, pityotigiyait maligalioktaohimayot avalo maligagiakakningit ilonai havakakvigiyaoyot kaoyigagahoaklogit honalikak Inuit ahyokhaotigilogo havagtailiityotat, havaakit kotliotkiyanot, ovaloniit atlaat havaghat hatiomayot Inuknot;
(d)
pityotiginahoaklogit ihoakhiyagikhimayot amigaikotikinahoakotigilogit Inuit havaghait ovalo havaakit kotliotkiyanot, ovani Gavamat havakvitni pityotigilogit:
(i)
pityotiginahoaklogit ihoakhiyagikhimayot okoat ahivakakhoaklogi havakvikmi ihoilotaoyot hapgoalo kihimi ikililagahoakhimaitomik okoat
- ahivaklogit akaot ihoangitot ilihatiangitpapta havagonaitot,
- ahivaklogit okaot maligat havagtotkatnik havakaktitiyot hapgoat ihomagihimaitomik havakalaktot ahyokhangitot,
- atokahoaklogit hapgoat alatkiit oktaotit havakakomatigot atoktaongitangitni okoat inuhiitigot ihoigogiyaoyot,
(ii)
akhogotigilogo havaghatigot pinahoakotighat, ilaliotilogit hapgoat havagahanik naonaiyaotit tamainot Nunavutmi Nanminiktaknahoak­ gotikhat Nunainot titigaglogit Inuit okaohiitigot ovalo kaplonat ovalo (French) Kaplonat okakloktot titigaohiitigot tamainot nunanot Nunavotmi;
(iii)
kaoyomayakaktot inuhiinik ovalo ilitkohiiniklo havoma Nunavutmi ilitagimatyotaoyop ilitkoliokahoaklogo havaakhat kinikhiatyotighait, ilaliotigilogit hapgoat:
-kaoyomayagiakaktot Inuit ilitkohiitni pitkohiitnik ovalo pivatliatyotainik maniliokottainik
- Nunatlaatni kaoyomayakaknik Inuit okaohiitnik okakiakaknik
- kaoyomayagiakaktot manikamik ovalo angotighanik ovalo hilami pityotigiyaoyot homilkak Nunavotmi
- Okioktaktomi ilihimatiakiakaktot
(English) - northern experience,
(iv)
Inuit pikataoyaka katimayiitni havaatigot, ovalonit ona ayoknakat, pipkakahoaklogit Inuit okaotjikaktakiangitni katimayiitnot;
(v)
piyakiakaktot okaotjikaklotik ila havaktot okaotjikakomakpata havaminot mikhakgot;
(vi)
piyakiakaktot ""havatigot"" ilihaktitiyakaktot ovalo sikoktitiyakaktot ikayoknahoaklogo Inuk havakhani pityotigilogo;
(vii)
havakvikmi-iliniaknikot-sikokotit ilalioktilogit okoat havaktitilotik havakvikmi kaoyigomik ahyoikiaginik havaakmik, tatva inikoni ilihaktat kaoyihaotighat;
(viii)
ilikoktot ilihaotighat hatiomayokhat;
(ix)
atoklogit hapgaot ihoakhaotighat havatigot pityotighat atoktaovaktot Gavamatkonit ayokhaotikakhimaitomik tatvona pityotigivlogit havakhakhiokotit atlat ikayokhogit; ovalo
(x)
kipoktitaklogit-Inutyohiitigot ilihaotyiinik tapkononga havaktitiyonot ovalo havakaktonot kanok alangaty inuhiitik;
(e)
ilitaginahoaklogo ona ataniotkiyakhak Gavamani havaktot monakhiyaangi hapkoninga ihomaliokotighatigot ihoakhiyangangi; ovalo
(f)
kanoaklikak monakikataklogo ovalo onipkakikataklogit okoat iniktikinik tat­ vona Inuit havaghaitigot hanaiyaknit;
23.4.3
Oma nalanitok okaotikaktot ilikon Inuit havakhatigot opalongaiyaotit pityotigiyao­ hongoyot iliokaktaolotik taminot havakviknot ila havaktot taigoakakhait.
23.4.4
Oma nalanitok okaotikaktot ilangit Gavamat katimayiit pikatiangitot havaanik hamani Nunavutmi ovalo tatva pipkagaolaitot apikotigigaloakomiko ilangitnik hap­ goninga oktotigiyaonahoatonit.
ELANGA 5
HAVAGHATIGOT ILIHAKNIK
23.5.1
Oma nalanitok okaotikaktot hapgoat ihomaliokhimayot okaotigiyaoyot ovani Elan­ ga 4 piyakaktot pityotiginahoaklogit ilangit ilikoktot ilihakvikhat oktotiginahoak­ gotigilogit ila Inuit pivakaktaovagiakitni ayoikomik Gavamat havangitnik. Okoat Gavamut ikayokatiginiaktait okoakt DIO-kut ihomali.oklotik ovalo ihoakhailotik havaghatigot ilihaknik ihomaliokotighaitigot.
23.5.2
Oma nalanitok okaotikaktot hapgoat ihomaliokhimayot ovani Nalani 23.5.1 piyakaknaiktot pityotiginahoaklogit ikayotighai Inuit, ilaliotigilogit,
(a)
atoklogit Inuit okaohiit ilihaotigilogit havaghatigot;
(b)
hatkiomanahoaklogit ilihainik havatigot Nunavut-mi;
(c)
akhokotigilogit hapgoat ilihainik havatigot pityotiginahoaklogit tamainot nunanot ovalo ilanginoinaongitonot, kihimi ilani homilikak ahyoknakniakat ilihagiami tatva angitkiyamot nunamot ilihakiakaknaiktot Nunavot iloani ahianotlonit; ovalo
(d)
ihomagitiakiakaktat Inuit pitkohiit ovalo inutyohiit.
ELANGA 6
IKAYOHIAGHAT
23.6.1
Oma nalani okaotigiyaoyot okoat DIO-kut, ikayokaktigilogit okoat Gavamatkot, pinahoakniaktot akmakhilotik ovalo aolapkaklogit hapkoat ilihaotighat tatvalo ikayohiaghat inuknot havakakgahoaktonot Gavamanot tatvona Inuit havaghaitigot hanaiyaotighat. Okoat ikayohiaghatigot ilihaotighat. Okoat ikayohiaghatigot ili­ haotighat ikayohtigitaoniaktok pityotiginahoaklogit hapgoat pinahoaktakiyait okaotigiyaoyot ovani Nalani.
ELANGA 7
TAKOKLOGO, NAOTIKTOKLOGO, OVALO INIKLOGOLO
23.7.1
Oma nalani okaotigiyaoyot hiitamat okiot natpata tatva Angikotat ihoakiyaokpat ovalo tamatat hiitamat okiot tamna kangikat, okoat Atulikpaliayonik Ilihiapkaiyiit, Tatva okaotao himayok ovani Nakata 37-mi monakiyakhakiyait hapgoat ihoak­ hinahoak logo ona iliktok takokilogo okoat Inuit havagitigot hanaiyakhat ovala atlat ihoaktityotighat piyaohimayot atani oma Nakatanitok ima ilikokotit, tokikakniaktok okoak havaghinaloangitak Gavamatlo lnuitlo kaoyihakahoaklotik, kihimi atlat ilaongitot tatvona Angikotaoyomot ovalo pityotiginahoakhimaitomik atoni okoak nakohoknahoakhimaitomik Angikotigikhimayok, kaoyihakaoaklogik. Ona ilihimapkaiyitt monakiyakaktait pityotiginahoaklogit okaot pikiaktityot atoktaoyokhanik kanok ihoakhinahoaklogit honalikak ahyokhaoktaoyot iliokaka­ hoaklogit hapgoat piyakikhimayot ovani Nakatakmi aotlakotiginahoaklogit. Okoat Nunavut Atolikpatliayonik Ilihaknikot Katimayiit okaotyaoniaktot okaotyaoniaktot okonyanga ilihimapkaiyinit ihivgiokomiko ona Elanga 5 ovalo hanaiyakomiko ona atolikoyaotyot pityotigilogo ihoakhiyakiakakata ayokhaotaoyot tatvona Elanga 5 aotlakotiginahoakat Okoat ilihimapkaiyiit ihomalionginakiatgit pityotikakomakomik ilikoktonik takokotikaklotik ilaling okaikpat tamaita katimayiit tatvonga ilihimapkaiyiinit angikhimakpata.
23.7.2
Oma nalani okaotikaktot ona onipkanga ilikoktok takokiyop ovalo okoat pikiaktityot atoktaoyokhanik havoma ilihima okaiyiit pityotigiyait iliokaktaoniaktot ipakongogaaikp at onipkanghamot taima okoat ilihimapkaiyiit hanaiyakiakaktat ilioktaohimakmat ovani 23.3.3(h)-mi.
ELANGA 8
KANATAMI ANGOYAKTIIT OVALO PILIHIMAT
23.8.1 - Angoyaktiit
Oma nalani okaotikaktot okoat piyakiikhimayot pityotaongitot Angoyaktiitnot ovalo pilihimanotlo, kihimi kaoyomayaoyok okoat aolapkakanoniaktot pityotigiyait amigaikotinahoaklogit havaat ovalo ilihaotyinik Inuknik ovalo Inuit havakatititilogit. Okoat pityotigiyait atoktaoyakanitok hivonikhakilogo tapgoat kivgaktoktigiy aoyot kotlitigot kitotlikat Inuit Angoyaktot ovalo Pilhimat havakvitni.
ELANGA 9
TOTOKYIIT
23.9.1
Oma nalani oktaotikaktot kanok okaotaogaloaktitlogo homilikak ovani Nakatani, ilalitigihimalogit ovani piyakikhimayoni, Inuit pinakiakakpatniaktot atlakinik havakhanik akmaomakpata tatvani Gavamatkoni.
ANGIKATIGIIGUT INUIT NUNAVUMI NUNATAAKTUNUT TALVALU QUEEN KIVGAKTOKTENIT KANATAMI

QINIQLUGU

QINIQHIAVIKHAQ

Plain Language Guide

For citations, please refer to the official document.