NAKATA 26

ELANGA 1

KAGIHIJUTAIT

26.1.1

Ummani nakatami:

"Tamanun akihak" ematun enniaktuk akiliktanik tikuaktamun, piyanin, havak­ tunun Iguukpaliuktunun, Iglukpait, havautit, ahalutiyuat, hunaugaluakata. elauyut havaktamun, elagilugul u akiliktuinik nunavut hilataani kanuk eliugutaukpan havangnimun; kihimi ettunaituk maningmik akiliktuta;

"Queen havaktita maniliugutait"hivunikaktuk Queen havaktita maniliugutait maligiakangitut nakatamik 24;-mik

"Huliviit" ehumagiyauniaktuk kuyaginak aulayutauyuk tugaangavluni ekayuti­ hak huliyamun, tagiumi tulaktavik, mittavik, apkun, haviyuat apkutit, tughuayuat, kuahalagutit alguyayuangit,

"Angayuak havaktauyuk" hivunikaktuk kitulika Queen havaktita maniliugutaat Inuit enmikunlunin havaktaat

(a)

Emmakun kuahalagun emmamilunin havaagiyak Nunavutmi,

(b)

Emmaklunin kuyaginahugu atuktauyuk havahutik, kihimi hunamik kinihian­ gitut, hunakautihanik elanganilunin Inuinait nanminiktahimayani,

Talvalu pamiungini, nunavut-miitkumik talimani ukiuni, amigaitkiyaulutik 200nin Inungnin ukiugini havaktitauyut, tuniyaukpatalunin akitukiyauluni 35 millan talamin ($35,000,000), akitutilangatun manium 1986-mi, elagilugulu, kakugu kavamatkut elaukpata maniliugutauyumun havaamun tugangayumun huliya­ mun,akitutilanganun havaktitinimun kavamatkunin;

""Angikatigiit"" hivunikaktut angikatigiit IIBA-mun ukakatigitlunin angipalianimun.

ELANGA 2

PIYUHAUYUT ENNIKTIGLUGU

26.2.1

Maliglugu uigua 26.11.1-min 26.11.3-mun, hunamik angiyumik hulipkayunaitut IIBA ennikaktinagu unna maliglugu nakatak.

ELANGA 3

NAKATAT ATUKTAUYUHAT UKAKATIGIKTUNI

26.3.1

IIBA-mi elihitaak:tut hunamiklika hulinahuakata angiyumik ayuhautauniakan In­ uinaknun talvalunin Inuinait kuyalitiginiakajung, nunavut-mi tamatkiglugu nunalingnun nunaniitununlunin. aktilahaa mihilihimaitumik , tahapkua naunaik­ tauyut uiguani 26-1-mi ehumagiyauniaktut ehuagilugit ukautihat elagilugitlu IIBA-mi .

26.3.2

IIBA-mi malingniagait pitkuyauhimayut pittailiyatluangiktaukpan havakuyauyuk elagilugitlu pitkuyauyut pittailiyatlu eliugaktak atuglugit annaumajutinun maniliu­ gutikanigumlu ayunautatakuglugu.

26.3.3

Ukagijuta angiktitainahuagutalu IIBA-kun hapkunatiguna maligakaniaktut elit­ kuhiginiagaitlu:

(a)

Kuyalitauyut ajikutaginiagait atuktitaunahuaglugu Inuinait Inuhivinigata hivunia;

(b)

Kuyalitihat ekayunikaniaktuk pinahuaglutik Inuhigingnaktumik Inuinait In­ uhianun Inuinait Inuhiat ajikuhiutinahuaglugu Inuinaungitunin Inuniaktut havahutik nunavut-mi, Kanata-miunilu kuyaginak ;

(c)

Kuyalitihat elauniaktut ejuhik atuglugu, aktilanga akitutilangalu havaktauyum ayuhaliutiningalu ahiagulu Inuinaknun ;

(d)

Kuyalitihat angivalaktuhaugituk ayuhaliutaulunilunin ekayugahuaktumun naunaiglugulu kanuk ejutaa hulipkaktam;

(e)

Kuyalitihamun angigun hunamik ehuiguhutikaktuhaungituk ayunahipkailuni alanik nunavutmun nunayunik kayalitihamingnik pinahuaktunik havayuak­ titiyunik nunavut-mi .

ELANGA 4

UKAKATIGINGNIK

26.4.1 - Aulanininga

180 Ubluni tikitinu havavihanin havayuagahuaktut huliyahani , DIO-kut ekayu­ gahuaktutlu, emaalunin alamik angigumik, aulaniiniaktuk ukakatigingningat , elumuuglutik ukpignaktumik , pitjutigivlugu enniktigutihaa IIBA.

26.4.2 - Titigaktak havaahak

Kakugu ekayuktuk DIO-kutlu angikpata eluaniitunik IIBA-m, angigun titiga­ himaniaktuk havaahak, angikatigiikpanik, angikatigiiktuk taffuminga titigamik aulaktitiniaktuk minihitamun.

ELANGA 5

AKIITUMIK ANGIKATIGIIPKAINAHUAT

26.5.1

Kakugulika ukakatigiktilugit, DIO-kut ekayugahuaktuklu tunihitaktut apikuti­ hamingnik IIBA pivlugu hunaniklu ukauhikamangan angiktitipkainahuaktumun, tahapkunatiguna angiktaagumik apikutitigun tuniyauyuhanun elitagiyauningalu angiktitinahuaktum.

26.5.2

Kakugu angikatigiik angigumik angiktitinahuatikun, angigun titigahimaniaktuk hivunikagluni havaahamun ajikutalu minihitamun tuyutauniaktuk.

ELANGA 6

ATUKTAHAUYUK ANGIKTITINAHUANIK

26.6.1 - Tugliiutihak Minihitamun

Kakugu angigun tikingitpajung, 60-ni ubluni ukakatigiiliktilutik kakugulu DIOkut ekayugahuaktutlu angikttinahuakun piyagiakangituk naliaklika tuhian­ ginagiakaktuk Minihitamun tilihitkulugu angiktitinahuaktuhamik. takumayuti­ hanik angiktitinahuaktuham elihilutiklu kuyaginak piyahanik elilugitlu kuyalitihat IIBA-milunin, angikatigik tahamna hunamik pitailijutikakan.

26.6.2 - Piyuhauyut ukakatigiglutik ukpinaktumik

Kakugu tamna ekayugahuaktuk DIO-kutlunin ehumagumik aipaa naliak ukakatan­ gitpan ukpinaktumik hivulini 60-ni ubluni taimaa ukakatigilktilugik ukagiyau­ himangman nalaani 26.6.1-mi, taimaa kilamik tughiaginagiakaman minihitak-mun tilihitkulugu angiktitinahuaktuhamik. angiktitinahuakti piyuhauyuk, 7 ubluut kan­ giktinagit tiliyauyagiiktiluni, naunaihiyuhauyuk kanuk ejutaanik ukagiyauyumik ukpinaimagan. angititiniakti kilamik havangniaktuk maliglugu nalaani 26.6.4.

26.6.3 - Tikuaktauniga angiktitinahuaktim

15 Ubluut nugutinagit tughiagun Minihitamun tikuakuvlugu angiktitinahuakti, angiktitinahuakti tikuaktauniaktuk angikpangnik angikatigigahuak ukakatigiktuk IIBA-mik. angikatigigahuak angilimaitpangnik tikuaktauniganik angiktitinahuati­ mik, angiktitinahuakti tikuaktauniaktuk Minihitamin makpiganin atiknin titiga­ himayunin atautimun angihimayainin DIO-kut tahapkunangalu havaktitiyunin kavamatkut naunaikatigik namaktilangit.

26.6.4 - Ehumaliugutaa Angiktitinahuaktim

Angiktitinahuakti, ubluut 60-it nugutinagit tikuaktaunimi ehuigiyukakan ukpinait­ umik, piniaktuk:

(a)

Elitugiyat ehivgiuglugit tuhiagutitlu tamaingnin DIO-kutnin ekayugahuak­ tuninlu;

(b)

Kaitilutik ehumaliuktamik havaahanguglugu angikatigiktungnun;

(c)

Tuyuglutik ajikutanik ehumagiyamik Minihitamun.

26.6.5

Akiliktutait angititinahuaktim angikatigitlu ajikiktumik akikaniaktut alamik ehumingitpan angiktitinahuakti. akilikitutaa DIO-kut akiligianikpan angiktitina­ huanimi himmauhiutiyamin ukahimangman nalaani 26.11.4 akiliktauniaktuk an­ giyuyuamik havaktitiyunin huliyamin, naunaikagu angiktitinahuaktim.

ELANGA 7

HIVITTUKTAONINGA

26.7.1

Angikatigiik ukakatigiktuk IIBA-mik angikatigiktaaktuk hivituktaagutihanik uka­ himangman elangani 4-mi 6-mil angiktitinahuakti tughiktaaktuk Minihitamun hivituktaagumalugu pivihakaman nalaani 26.6.4-mi.

ELANGA 8

KAKUGU ATULININGA

26.8.1

IIBA atuktauliniaktuk 30-it ubluut kangiktilugit Minihitamin titigahagumik Mini­ hitak kanuk hivitutigiyumik naunaihingitpan hivitutilahanik IIBA ajikukatagin­ gitpagu nalani 26.3.2-mi atuktahat elagiyaata nalani 26.3.3 (a)-min (e)-mun, elaalunin, ehumagivlugu IIBA ukahimangman elangani 5-mi 6-milu, angiktitiniaktim pijutihani avatkutpagu.

26.8.2

Minihitak naunahikpan ukahimangman nalaani 26.8.1-mi Minihitak pipkainiaktuk titgahimayumik huuk kanuk piyutihamik hivunihaanik pinahuaktaata tutki­ hautihaniklunin avataagun pikpan.

26.8.3

Angikatigiik ukakatigihutik angiutikaktuk, angiktitiniaktilu ukakatigiktumik an­ gigutikaktut, elanginiaktaat Minihitam huuk alangutanik IIBA-m atuliutihanik huuklu taimatun pijutanik huuk pijutaanik ehuahautaniklu avatkujutanik munag1yam1.

26.8.4

Angikatiik ehumagivlugu angigun, angiktitiniaktilu ehumagivlugu huuk taima ehumaliutaat, taimaitumik tuniniaktaat alanguhimayuk IIBA-m pijutiha Minihita-mun angikatigiiktungnunlu 7 ubluut kangiktinagit Minihitamin piyagigumiku titi­ gak huuk taima pitkuyutainik.

26.8.5

Alanguhimayuk IIBA hakugingnikaniaktuk 7 ubluut kangitkata Minihitam titigagikagu.

ELANGA 9

KAMANAUTAA

26.9.1

IIBA elitkuhia kamahaaktautaaktuk naliangninlika angikatigingnin atuglugit maligait kuyaginak atugauvaktut havaktitinimun. angikatigik ukakatigiiktaaktait ehuigutauhimayut akilihiyuhat kinguvakata titigak taimatun, kihimitauk hivuniu­ hugit titigaktat, kihimi titigak ehumagiyagiakangituk maliguakun annulahiuta. naliatigun ukagiyauyutigun ehuahautiha naliit kanuk pikpata havauhiit, ayuhalik­ titikpata hatumiagutagun Inuinait Inuhiagun lnuhiviniatlu. taimaitumik Inuinait tuniyahauyut maniliugutihanik .

26.9.2

Ukakatigingninga enniktiningalu IIBA-m hunamik ehuiguhutikagiakangituk elauyunun 010-kutnin, alanilunin Inuinait katimayiinin, Inuinaninlu naliatigun nalaktutigun alatigunlunin NIRB-kutni, National Energy Katimayiini, naliinilunin munahiyuni huliyunik, kamanaktumiklunin munahiyuni ehumaliuktutigunlunin pitkuyauyuminlunin munahiluni.

ELANGA 10

UKAKA TIGIIFAANIK

26.10.1

Eligingitpajung ekayugahuaktum DIO-kutlu, IIBA eligihimaniaktuk ukakatigifavihanik.

ELANGA 11

ALAT PIYAHAT

26.11.1 - Angigun piyagiakangituk

DIO-itkut ekayugahuaktutlu havaktitinahuaktut angiyumik angiktaaktut IIBA piyagiakangituk.

26.11.2 - Anguyaktikanik nunaluktamilunin kilamiunahikpan

Anguyaktuni nunaluktaami kilamiunahikpan, Minihitak tilihitaaktuk angiyumik havaktitiyutihamik enniktinagu IIBA.

26.11.3 - Pinahitinagu huliyaham aulautihaa

Pikpan, ukakatigingnik atuktaulikan IIBA-kun, ekayugahuaktuk elitugigumi au­ laninahitinagu ublua tikitinagu, Minihitak pittaaktuk huliyahak angiktaukpannalii­ nin munahiyunin, tilittaakta ehagutitkulugu huliyahak

(a)

Angikatigiik angigumik;

(b)

Kinguvaktaakan ayunahitiniakan huliyahammun.

Kakugu Minihitam atugumalikagu ataniuyuhini, Minihitam ukakatiginiaktaik an­ gikatigiik, naliatigun elangat tikuaktaukpan,angiktitinahuanimun.

26.11.4

Pigumik, ukauhitigun nalani 26.11.2 26.11.3-lunin, angiyumik havaktitigumik IIBA enniktinagu, angiktitinahuakti nalunaiktuijagihaniakuk kuyalitihait Inuinait pikpatigik elaliutauhimaniaktuk utiktijutingat,ematunlunin enniaman himmau­ tauluni kuyalitauvaktut ayunahikpata havayuaktitiyunin.

26.11.5 - Alat Kavamakut piyahagiyait

Kakugu IIBA ennihimalikan ajikutauluni Kavamatkut atupagatigun ehumagivlugit ukaktitagutait ayunahiyutit talvalunin elivihat kuyalitihanun Inuulgaanun, Kavamatkut angiktaaktat IIBA-m ejuhihaa ehuagutagun namagitkuvlugu atuk­ tauyuhanun.

UIGUA 26-1

HAPKUA EHUMAGIY AUYUT NAMMANGNAHUGIVLUGIT ININAIT KUYALITIHANUN

(Nalaani 26.3.1)

(a)

pilahipkagluigit manikautihamik;

(b)

Pilahipkaglugitlu ayuitunik ukaujihamingnik

(c)

Elitugipkaktauvaglutik maniliugutihat hagvigaikpata;

(d)

Hivuliuvaglutik havaahanun havaktitiligaikpata.