NAKATA 29

ELANGA 1

AKILEKNIA MANIUP NUTAUHIMANIATA

29.1.1

Inuit ukagiiktut piyagiiktaanguk tamna maniup nutauhimaniata Inungnut akilegnia inmingnut talvani titigakhimayok Uiguani 29-1.

29.1.2

Kamavatukait elaliutikhaannik akilekhiniaktut maniup nutauhimanikhaanik tap­ kununga Nunavut-mi Maniknut Tutkomavik-mut talvani titigakhimayok Uiguani 29-2.

29.1.3

Ukautauhimayok maniup nutauhimaniata akilekniatigut talvani Nalaani 29.1. lmi 29.1.2-milu elakaktok Kavamatukait manikhaktita itjutiginiaktainnut tapkununga Nunavut Inuuhiligenik-mut Katimayiinnut taikkunungalu Inuit Pitkohitukainnut Tutkomavikmut, kihimi akilekhiutait hugiyauyunaittut elikkugmata piyakhainnut tapkuat Katimayiit taikkuatlu Pitkohitukainnut Tutkomaviit tugheklutik tuniyaulutiklunnit kavamanit manikhanik tuniyauvaktunut atlanut atjekkutainnut piligevingnut talvani mikhaani Nunavut Nunataagvianni naliinnilu nunani Kanatami kavamanit ikayutauvaktunut maniknut, manikhagviutluakpaktunitlu, tapkunangalunnit atlanit manikhagvikhanit.

29.1.4

Naliit akilektautjutit tapkuat Nunavut Tutkomaviit piutigilektait atuglugu nalaaniittok Nalaani 29.1.2 piinnagialgit, ilaa tigumiaktiit Nunavut Maniknik Tutkomaviit pitkoigumik, akiliuhiaktitailutik tapkununga naliinnut avvakhainnagiakaktunut taffumanga Tutkomavingmit.

ELANGA 2

AIVAKTATIGIIKHUNI ATUKKEKHIMAYAP AKILEKNIA

29.2.1

Tapkuat Nunavut Maniknik Tutkomaviit akilekniaktaat aivakatigiikhuni atukkek­ himayait Tungavitkut maliklugu Uigua 29-3.

29.2.2

Kavamatukait piiyainginnagiakaktut kaffitaalanik akiligakhaulektunik atuglugu Nalaaniittok 29.2.1 akiliutigiyaanginni atukkanut ukautauhimayunut Nalaani 29.1.2.

29.2.3

Tamainnut atlanut pitjutiginiaktainnut, ukaghimaniit kanugen nikhaitlu aivakatigiikhuni atukkekhimalektainnut hugiyauyunaittut.

ELANGA 3

ATUKKIGOTAUYUT MANIKMIT NUTAUHIMA YUMIT

29.3.1

Kakuguugaluak kaangekkat pingahunik ukiunik ubluanit piagiikvianit Nunavutmi nigoakyuakniata Angegotip, Nunavut Tutkomaviit tughiinnagiakaktut Kavamatukagnit atukkigvigiyumalugu tamna akilekhimainnianit elanganit taffumanga Manikmit Nutauhimayumit Inungnut.

29.3.2

Tapkuat Kavamatukait angeghimayut ihumaginahuaklugu tughigotaat, tamna Ministangat Manilikeyit, kivgaktoktok Kanatamut, tapkuatlu NunavutTutkomaviit aivagotiginiagaat akitutilaakha ukaghimanikhaitlu kanugennikhaitlu taffuma atuk­ kigahuaktap maniup.

29.3.3

Tamna Ministangat Maniklikeyitkut pitkoyauhimayok ihumaginahuaklugu tugh­ igotauyok talvalu angeklugu atukkigotikhak, ukaghimaniit kanugennikhaitlu an­ gekhimatjutaulutik, titigakhimalugu kaffitaalaunikha tughektap, tamna Ministan­ gat Manilikeyitkut naammaguhukkumi ilaa:

(a)

atukkigahuaktak pitjutauniaktok tapkununga inuuhegmut pivalliatjutikhain­ nutlu Inuit;

(b)

naliinnikaak ukiukmi, akilekhimainnia elanganit taffuma Maniup Nutau­ himayup Inungnut naammaniaktok akilekhitjutigiyaangani tamainnut akilek­ himaittunut atukkigotinut, elaliutihimatjutauyunutlu akilektageyakhageyain­ nutlu tapkuat Nunavut Tutkomaviit;

(c)

ukaghimaniit kanugennikhaitlu atukkap, elaliutihimalugu kaffitaalaunikha atukkap, hivitunikhaitlu kaffitaalaunikhaitlu akilektuuhiita, talvalu elaliuti­ himatjutaita akitutilaangit,

(i)

nalaumakpata tapkununga kavamat maligainnut atulekpagainnutlu atukkektittinahuagaangamik, talvalu

(ii)

pipkaglugu Minista munagelugit akilekhitjutit manit talvalu pipkagpallaangilluni ukiukmi maniup atugnianik; talvalu

(d)

kaffitaalaunikhamik piinnagealik atukkekvigilugit tapkuat Kanatap Maligaliuktingit avgoktauhimayunut maniknik.

29.3.4

Tamna kanugennikha naliita atukkigotigiyap nalaaniittok uma Elanganiittok pit­ jutikaktukhauyok tapkuat Nunavut Tutkomaviani akilektakhaat, pilihaagotaanit atukkigotip, kaffitaalautjuta naliinnut avalighimayunit akilekhimaitap aivakatigiikhuni atukkighimayap ukautauhimayok Nalaaniittok 29.2.1 mikhilaagotauniaktok tapkununga atukkigotigihimayanut atjekkutainnut aktilaakhainnut kaffitaalaunianut atukkigotigihimayap umani Elanganiittumi ukautauyok akilekhimainnianut avaliiktup maniup nutauhimayup Inungnut akilekniata ukautauhimayok Nalaaniittup 29.1.2. Tamna akitutilaanga akilektauyok elaliutiluni akinnautiniaktok kingulliinnut akiligotauyunut ukaghimaniani Uigua 29-3.

UIGUA 29-1

HIVUATIGUT AKILEKTAUHIMA YUT

(Nalaani 29.1.1)

UIGUA 29-2

KAKUNGUGAIKPAT AKILIUHIAKATTAGVIKHAIT

(Nalaani 29.1.2)

UIGUA 29-3

AIVAGOTINUT ATUKKIGOTIGIHIMAYAP AKILEKTUUHIA

(Nalaani 29.2.1 tamnalu 29.3.4)

Akilekhimaittok kaffitaalaunia Aivananighakut Atokiotihimayuk

$39,760,797.68 Tungavitkunnut