TAIMANEKNITTANIK NALVAAGHIOKNEK
ELANGA 1
HUNAUTJUHIIT NAUNAIGOTAITLU
33.1.1
Umani Nakataani:
"taimaneknittanik initokliit" tukilik initoglek havaaglunnit talvani Nunavutmi tap kuninga taimaneknittanik, engilgaaknittanik talvalunnit kangaknitanik piyak hageyat, talvalunnit utokkagnik nalvaagviuhimayok, tapkuningalu nunakhaghiuk tut inukhuitnik;
"taimaneknittat nalvaat" tukilik hunalikaak nalvaaghimayak nunami initoklekmi kangaknitaugamilu piyumayauyok tapkuatlu nunakhaghiuktit titekkakotait;
"manekkat munageyauyut tapkunanga Kanatami Kipingoikhegviligeyinit" tukilik Kanatami Kipingoikhegviit, Kanatami Imakmiittut Kipingoikhegviit, Kanatami Kangaknitat Kipingoikhegviit, Kanatami Elitagnagotiliit Nunat, tapkuatlu Kanatami Kangaknitanik Initogliit munageyauyut tapkunanga Kanatami Kipingoikhegviligeyit malikhugu Kangaknitat lnitogliit tapkuatlu lnukhuliukhimayunut Maliganga;
"Tikkuaktauhimayok Kivgaktuiyikhak" tukilik kavamat kivgaktuiviit havakviitlu, tapkuatlunnit himmautait, ukautauhimayut Uigua-ni 33-1;
"hivituluni nuktektaunikhaa" tukilik
(a)
kanok niuvgotauluni aittuuhiagotaulunilunnit, uvvalunnit
(b)
atoktitauluni nuktektaulunilunnit atlamut tamna taimaneknitak nal vaaghimayak,
(i)
kakuguukhimaitluni utekvikhaa, uvvalunnit
(ii)
hivitunikagluni pingahunik ukiunik kaangeklugitlunnit;
""nanminigeyauyok"" tukilik nutektauyaaktok pikoti kinaplikaak nanminikagotikaktaa maligatigut taima nalvaaghimaittugu uvvalun niuvikhimaplugu pihimatjutikaghugulunnit nuna;
""kitkulikaak tuhagotiliukhimayait"" tukilik tuhagotiliukhimayut pihimalyauyutnaliinnit kavamat havakviinnit kivgaktuivingnitlunnit naliinnitlunnit kavamat titigakviinnit pihimalgaaktauyuugaluat tapkunanga.
33.1.2
Una Nakata atoktauniaktok tapkununga tageokmiutainnut Nunavut Nunataaghimayaannut.
ELANGA 2
HUNATLIKAAK ATOKTAKHAT
33.2.1
Taimaneknittanik tuhagotiliukhimayut Inunginnut Nunavut nunataaghimavianni ittunut tuhagotauniaktok Inuit atokpagainnut initogligevagainnut nunanik huligivagainnik anguniakvigivagainniklu taimanigaaluk. Nalunaigotauvaktut atokniinnut initogligevagainnutlu itkohiuvangmat ilikohiinnut, kangaknitauniinnut engilgaagnitauniinnutlu Inuit talvalu, taimainniinnut, Kavamat ilitagehimalektait Inuit taima nunamut atatjuhikaktut kauyimayauniaktutl uatjikkutaungi ttumik ayungitjutikagniaktut munagetjuhikagniaktutlu .
33.2.2
Taimaneknittanik tuhagotiliukhimayut Nunavutmi nunataaghimavianni pitJ U hikaktut ukpegnagnekmut, ilitkohekmut, angaatjuknekmut ilihautaunikhamutlu Inungnut. Taimainnikagmat, Inuit pikatauyukhauyut nalunaiyaglugit, munagelugit, nungupkagahuangillugit tukiliuklugitlu tapkuat taimaneknittanik initogliit nalvaaghimayatlu.
33.2.3
Kavamat Inuitlu ikayukatigiiktukhauyut munagenahuaklugit huungektailinahu aklugitlu taimaneknittanik initogliit nalvaaghimayatlu.
33.2.4
Kelamiuknaghiyok tutkomavikhakaligeanginni Nunavutmi pihimayaanginni kon geakvikhakageanginnilu taimaneknittat nalvaaghimayat. Kakugungokkatlu Inuit Kavamatlu angekhimalektut amigaittut nalvaaghimayat Nunavutmi aulayukhaun gittut ahinut tuyuutigingitlugit piyukhauyut.
33.2.5
Nalungittugit ukpegnagnekmut, ilitkohekmut, angaatjuknekmutlu atatjuhikaktut ilanganut Nunavutmi Inunginnut. Umani Nakataani ukauhikaktok atjikku taungittut ayungitjuhikhait piyumayaitlu tapkununga initogleknut.
ELANGA 3
INUIT PIKATAUNIIT
33.3.1
Tapkuat Engilgaagnittanik Tigumiaktit pikatautkoyauniaktut pivallekniinnut kavamat pitkohiliukniinnut maligaliukniinnutlu tapkununa taimaneknittatigut tal vani Nunavutmi nunataaghimavianni.
ELANGA 4
INUIT ENGILGAAGNITT ANIK TIGUMIAKTIIT
33.4.1
Tungavitkut himmautaitlunnit, pikhaliukniaktut tigumiaktikhat maligakhainnik tapkuninga Inuit Engilgaagnittanik Tigumiaktikhanik ("Tigumiaktiit") anigoktin nagu ukiuk atauhek ubluanit nigoakniata angekhugu Angegot.
33.4.2
Engilgaagnittanik Tigumiaktiit aulapkaktauniaktok Tigumiaktingokhimayainnik Tikkuaktauhimayunit Inuit Piligeviita. Tapkuat tigumiaktiit kauhimayukhauyut Inuit ilitkohiinnik talvalunnit havaagohekmik ayungitlutik.
33.4.3
Tigumiaktit pivalliagaanginnaktuhauyut munagevallialeklugit, tutkomavik hakaglugit, hungektaililugit, ihuakhaglugitlu kongeakvikhakaglugitlu taimaneknit tat initogliit nalvaagahimayatlu Nunavutmi, ilaliutihimalugitlu atlat aulatjutiliuk himayut Angegonmi.
33.4.4
Piligetjuhikhait Tigumiaktit munagevaklugit anniknaittumiklu atokpaklugit tap kuat taimaneknittanik initogliit nalvakvaaghimayatlu inmik munagelektatik.
33.4.5
Tikkuaktauhimayut Piligeviit tunihiniaktut Tigumiaktinut pihimayamingnik tu hagotikhanik havaktauhimayunut taimaneknittanik talvani Nunavutmi, maliklugit piyautkoyuittut tunihinahuagaangat tuhagotikhanik ilittogepkaktingittaanginni ilait tuhaktakhaungi ttut.
ELANGA 5
LAISIKAGOTIT
33.5.1
Pitkohiliugotait maligaliukhimaniitlu ukautauhimayut Elangani 3-mi pikaktittiniaktut laisikauhikhamik tapkununga munagetjuhikhainnut, pual gehakni khainnut i huakha uhikhai nnut l u, ti tigauhikhai nnut tuhagotiliuknikhainnutlu tapkuat taimaneknittat initogliinnut. Maligakhaliukhimayunilu ukaghimaniaktut anullakhigotikhat kitkulimaanut hungeyaiyunut initogleknik nalvaaniklu talvalunnit himmektoknahuakkagit niuvgotiginahuakkagitlunnit taimaneknittat nalvaaghimayat.
33.5.2
Pitkohiliugotait maligaliukhimaniitlu ukautauhimayut Elangani 3-mi pitjutikag niaktut tamna laisikaktok uktoklugit, nalunaiyaklugit, pualgehaglugit atlangok teglugitlunnit taimaneknittanik initoglek apigelgaaktinnagu kinalikaak nunalik. Tapkuatlu apeghiyut pittailiyaulimaittut apeghitjutaat hutjutilimaitpat.
33.5.3
Pigumik tughigonmik laisikhamut taimaneknittanik piligeyaami, nalunaiyagna huakhugitlu taimaneknittat initogliit, nunnahoakhugitlunnit nalvaaghimayat, tap kuat Tikkuaktauhimayut Piligeviit piniaktut, kihimi kilamiuknakkat atlakkut pit jutikaktukhak, tunihiniaktut titigagmik apekkunmik tapkununga Tigumiaktinut.
33.5.4
Titigakhagomik apekkutinik laisikhamut, tapkuat Tigumiaktiit kaffini ubluni, ukakatigilgaaglugit Tikkuaktauhimayut Piligeviit, kengitjutikhamingnik apekkun mut titigagniaktut kiutjutikhamingnik.
33.5.5
Tapkuat Tikkuaktauhimayut Piligeviit titigaghagomik kengitjunmik kaffini ublu ni, piniaktut:
(a)
pihimaniaktaat tuningitlugu laisikhak apekkutauhimayok;
(b)
naunaiyaglugu huuklikiak kengiyauhimangaat; talvalu
(c)
tunihilutik Tigumiaktinut atjikkutaanik tuhagotiliuhimanianut naunaiyaghimanianut.
33.5.6
Tapkuat kengitjutit ukautauhimayut Nalaani 33.5.5-mi ukunatut itjuhikagnika ta, Tikkuaktauhimayut Piligeviit kenginiaktaat apekkut laisikhamut:
(a)
pikataulimainnekkata Inuit ikayoktaulutiklunnit uvvalunnit kangalikaak ukautjauhimalgaakhutik ilaunikhainnik ikayoknikauhikhainniklu ahiit pip kaktaungittutik taffumanga laisikaktumit; uvvalunnit
(b)
ihuiyautikagniakkat initoglekmut ukpigeyaannut tughiakvigivagaannutlunnit Inuit, Tigumiaktit ukagniagaat hunaungmangaat ihuiyautauniaktok tapkuatlu ukautilugit Tikkuaktauhimayut hunaunikhaanik,
Taiyaohimayut Amighiyoghat ayaghaakniaktait oktotaoyot piyomajotaoplotik.
33.5.7
Tapkuat Tikkuaktauhimayut Piligeviit piniaktut, pitkoyaugumik Tigumiaktinit, kanugetjutikhakaglugu angekhimayauyok laisikhak, Kanugetjuhikhait pipkaiyuk hauyut laisikhakaktumik ukuninga havaklutik nunami inigaigomi ukiutuagaikpat:
(a)
tamna laisikaktok upautivakluni nunamut kanitkeamut ukaktauhimayumut Tigumiaktinit, unipkaageanginni ukautigilugitlu hunat havakhimalektait; tal valu
(b)
pipkagpaklugitlu nunaliit takuuglugit tapkuat nalvaaktauhimayut piiyaktauyut initoglekmit.
33.5.8
Pitjutikagaluaktitlugu Nalaani 33.5.6, tamna apeghitjut laisikhamut tapkununga Tikkuaktauhimayunut Piligevingnut pitjuhikaktok nunap atugotikhaanut pikpat, tapkuat Tikkuaktauhimayut piinnageakaktut, kengihimaitlugu apeghitjuk kihimi tunihilutik laisikhamik ukaghimanikaktumik kanugennikhakaktumiklu pitkon gitainnut tapkuat Tigumiaktiit.
(English) 33.5.9
(English) The legislation and policy referred to in Part 3 shall provide that every permit holder shall submit a report to the Designated Agency and the Trust. Upon reasonable request, the Agency shall provide the Trust with an Inuktitut summary of the report.
33.5.10
Tapkuat havakvet Tikkuaktauhimayut lnuktuughimayunik tuhagotikhaliukpakniaktut taimaneknitaligenikkut Nunavutmi Kanatamiunut.
33.5.11
Aulatkohimangitpat initoglekmi nalvaagak ilaa kauyihautauniakmat kangaknita gaalungmatlunnit, tamaita nalvaaghimayait laisikaktup tuniyauyukhauyut tap kununga Tikkkuatauhimayunut Tigumiaktinutlunnit nayugakhainnut kakungak katlunnit ukaghimayumi laisikautimi.
33.5.12
Kinalikaak apekhitjutikaktok nunap atugotikhaanut laisikhamik Nunavutmi , tai malu pikagnahugiyaugumi taimaneknitanik initoglegnik mikhaani nunap, tuni hilimaittut nunap atugotikhaanut laisimik titigaghimalgaaktinnagu angekhimaniat Tikkuaktauhimayut Piligeviit. Tapkuatlu apeghiyut pittailiyaulimaittut apeghit jutaat hutjutilimaitpat.
33.5.13
Tamna nunap atugotikhaanut laisikhak ukautauhimayok Nalaani 33.5.12-mi pikatikagniaktok laisikaktut munagetjutikhainnik ihuakhautikhainniklu tai maneknitat initogliinnut. Tapkuat Tikkuaktauhimayut Piligeviit ahiitigut ukau hikhainnik kanugennikhainniklu piinnageakagmiyut.
ELANGA 6
HAVAAKHAT KANTARAAKAKTIT AINEKLU
33.6.1
Naliit kivgaktoktiit Kavamat kantaraakagniakkata taimaneknittanik havaklutik tal vani Nunavutmi, tapkuat kivgaktoktiit piyukhauyut:
(a)
hivulliutipkaglugit ayungittut Inuit kantaraakhakaktitlugit tapkuat kivgak toktiit taima kantaraaktitainahuagomik; talvalu
(b)
pipkaivaklutik tamainnut kantaraaktitaiyunut hivulliutipkaglugit ayungittut Inuit.
33.6.2
Naliit taimaneknitanik piligeyauyut Nunavutmi aulapkaktauyut Kavamanit pip kaiyokhauyut, ilaani, havaktitaitjutinik ayuikhautigivaktaghanutlu ukautau himayunik Nakataani 23-m.
ELANGA 7
PIKOTIKAGNEK NALVAANIK
33.7.
l Kavamat Tigumiaktitlu ikayokatigiiklutik pikotiginiagaet tamaita taimaneknittat nalvaaghimayut Nunavutmi piutaungitpatalu:
(a)
kitkulimaanut tuhagotikhat;
(b)
inmi pikotigiplugu kinaplikaak; uvvalunnit
(c)
iningit munageyauyut tapkunanga Kanatami Kipingoikhegviligeyinit.
33.7.2
Nalvaaghimayat Nunavutmi aulatauyut tapkunanga Kanatami Kipingoikheg viligeyinit munageyauniaktut maliklugit pitjutait Angegotip.
33.7.3
Hungektigenek ihuiyaineklunnit nalvaanik munageyauniaktok maliklugu una Nakataa .
33.7.4
Takuak Tikkuaktauhimayok Piligevik Tigumiaktitlu angekatigiikhimayukhauyuk titigakkut pitinnagu kakugugaaluk tunihimanikhainnik naliita taimaneknittat nal vaaghimayat Nunavutmi.
33.7.5
Kavamatlu Tigumiaktitlu angekatigiilimaitpanik piumatjutaanut kakugugaaluk tunihimanikhainnut, ukautauhimaniatut Nalaani 33.7.4-p, ihuakhaktinnahuak hunguyaat tapkuak Tikkuaktauhimayut Piligeviit Tigumiaktitlu angektitainahu aktinut atoklugu Nakata 38. lhumaliugotigigumikku, angektitainahuaktit naalaktiit ihumaginiagait pinahuagotait Angegotip, pitjutaitlu uma Nakataata, naliitlu atok takhat hunatlikaak .
33.7.6
Tigumiaktit ihumaliugotigihunguyait kanugennikhait tamaita nalvaaktauhimayut Inuit Nunakotigiyainni.
33.7.7
Tapkuat Tikkuaktauhimayut ihumaliukniaktut kanugeliugotiginiakmangaata tamaita taimaneknittat nalvaaktauhimayut Nunavutmi Inuit nunakotigingitanginni pihunguyut ihumagilgaaglugit Engilgaagnittaligeyit pihimainnageakaktait ukautauhimayok umani Nakataani.
33.7.8
Kitkunnullikaak tuhagakhaunginnageakaktut humiugaluak nalvaaktauhimayut nanminigeniaktait munageniaktaitlu Kavamat pihimalugit.
ELANGA 8
ATOKNIIT TAIMANEKNITTAT NALVAAKTAUHIMAYUT
33.8.1
Tikkuaktauhimayut pipkainahoakpaktoghaoyut amigainnighanik taimaneknittat nalvaaktauhimayut Nunavutmi Tigumiaktini atlanilu pihimavikni mikhaani Nunavut nunataaghimaviani.
33.8.2
Tigumiaktit tughiinnageakaktut pihimaviknit naliinnik taimaneknittanik nalvaak tauhimayunik Nunavutmi pihimayauyuniklunnit kavamatukagnit nunattiap kava mainnitlunnit, tapkunangalu Kanatami Tutkomavikmit Inuligenekmut. Tughigot kengiyaulimaittok pihimaviknit imaitkaaktinnagu:
(a)
Tigumiaktit ayokhagomik tutkomattiageangani nalvaakhimayok ahigoinahokkuknakkat;
(b)
Tigumiaktit ayokhagomik takunnaktittaanginni kitkunnutlikaak kauyihak tinutlunnit takuyumakpagit;
(c)
Tikkuaktauhimayut pihimayiit angekatikagaluakhutik nalianik kavamaungit tunik pihimayinik piviginahuaktatik nalvaakhimayumik atauttip ukaghimaniata kanugennikhaatalu ayogotiginiaktaata atullageangani nalvaak;
(d)
Tapkuat Kanatami Tutkomaviit Inuhiligenekmut, Kanatami Engilgaaknitta nik Titekkakotiligeyit, Kanatami Kipingoikhegviligeyit tapkuatlunnit nunat tiap kavamaita pihimaviit, piyumakpatjuk nalvaak:
(i)
inmik kongeaktitaglugu kauyihaglugulunnit, uvvalunnit
(ii)
ilaa atlangakpeakmat agliknaghuni nalvaak;
(e)
itkohiata ahigolaakpallaakkat nalvaak engilgapkalimaitpagu; uvvalunnit
(f)
nalvaak pihimayauhimagaluakmat, pihimayauplunilu, naliinnit pihimaviknit tapkunangaungittok kavamatukagnit nunattiaplu kavamainnit pihimayiinnit.
33.8.3
Tapkuat pihimayiit ukautauhimayut Nalaani 33.8.2-mi malikpagu tughiutaat Tigumiaktit Engilgaaknittanik, pihimayiit ukaghimanikhainnik kanugennikhain niklu piinnageakaktut atjikkuhioklugit atlat taimailiukniit nalvagaligeyit, ilaliu tilugu hivitunikhaanik pihimanikhaata nalvaap tapkunanga tigumiaktinit.
33.8.4
Engilgaaknittanik Tigumiaktit tughekkata nalvaamik atoklugu pitkohia Nalaata 33.8.2-p, kihimi tamna nalvaak atoktaunnekkat atlanit kavamaungittunit, tapkuat Tigumiaktit hivulliupkaktauniaktut piyaangani otektitaukpat pihimayinut, ilaa kihimi maliklugit kanugennikhaliuktait piyimayiit atoklugik pitkohiik Nalaani 33.8.2 talvanilu 33.8.3-mi.
33.8.5
Tikkuaktauhimayut tughigahuagomik Tigumiaktinit, inmik aivagotikaglugu kanugennikhaanik piyokhauyuk.
ELANGA 9
NUNAT ATIIT
33.9.1
Inuit Nunavutmi kangagaalukmit tailekpangmagit inuinnaktaitigut nunat atiit En gilgaaknitaligeyit tainikhatluangit kongeakniaktait inuinnaktut atinikniagon naghiyait maliklugu taimailiuknikhaktik Nalaaniittok 33.9.2-mi.
33.9.2
Attektuinikhaat inuinnaktut atitukainnik nunat atjikkutageniagaa ukaghimania Nunattiap Kavamaita pitkohiliukhimayaat atikaktok Nunattiakmi Hivunniugotik hak 17.03 tapkununga Nunat Nunaliitlu Atiit, atulegnia ubluani May 28, 1990mi, Tigumiaktit ukautjauyukhauyut ihumaliukniitigut atiita naliita nunat.
UIGUA 33-1
TIKKUAKTAUHIMAYUT PILIGEVIIT
(Nalaani 33.1.1 "Tikkuaktauhimayut Piligeviit")
ELANGA 1
KANATAP GAVAMAIT
Kanatami Tutkomavik lnuhiligenekmut Kanatami Engilgaaknitanik Titekkakotiligeyit
Kanatami Kipingoikhegviligeyit Inuligeyiit
Kanatami Katimayigalaat Nunat Atiitigut Tuhagakhaligeyit Kanatami Maniknut lkayugahuaktiit
Inuhikatigiikpangnekmut Inuttiaknekmutlu Kauyihaktiit Kanatami
ELANGA 2
NUNATTIAP KAVAMAIT
Prince of Wales Ukiuktaktumi Engilgaaknitakagvik
