NAKATA 6

ELANGA 1

NAONAIKOTAIT KAGIKHINIAKNIGLO

6.1.1

Ovani Nakatani:

"Otiktiyutikhalioktok" imaituk inuitlunit inoklonitlu;

"Otiktiyotikhak" imatitok aitoktutigikataklogo otiktiyotikhak maninakmik akiliohialoni mikigalualuni imalonit ovona akiliotigikataklogo. Emalu elaliotilogo akiliotaolimaituk otiktiyutikhak tahafomalo akikha akoniogituk talvani hatomilonit, alamik himaohiklogo emalunit ihuahalogo pitkotigiyaoyok, imalonit akilifaklogo pitkotigiyaoyok angoniakuikhaogitot kikligani, emalonit piyaoyot aginikhanit ehoahaikatigihimaitomik,

"Agiklipkaiyok" imatot itok inuk agiklipkainahoak holiyotinik;

"Agiklivaliayok" imatut itok havaktut maniliohotik emalunit agiyumik havaktitiyot mighanut. Kavamakatigit, nonatiami, ovalonit nonap kavamagit havakatigialiklotik emalonit oiguyotut elilogu, nunami emakmilo nunavut-mi nalunnaiktaohimaniga ovani immavik 1 ovalo immavik 2 talvanigituk kihimi:

(a)

emmakmi ohityotit, ovalonit

(b)

honalikak angotighat ogtotaat ovalonit atoknigit agiktao-yokhak maliklogo nakata 5,

"Agotikhat" elaogitot nonami naohimayotigut;

6.1.2

Ona nakata kagihiyotaoniaktok Tamna atoklogo kanataop ataniktoktani pitaktot ataniktukviani tafomona kanataop pityutigilogo pitkohiliuktat.

ELANGA 2

APIKIIKIHYOTIT

6.2.1

Tamna agotinatigot otiktiyotighak pipkainagialgit tafumani nakatani 20 onalo 21 hongihinikmik pitaililotik hivoniani . Tamaita allatlo pitkotikhat tahapkonoga agotitigot otiktiyotighat havaktaoniaktot ovana pipkanagiakaktot ovani nakatani.

6.2.2

Ona nakata elaoniaktok tagiokon ohityutitigot elaulotik kitunulikak havaktot maniliokhotik agiyomik havaktitiyot okononalo nanminik takhimayotigot, nona­ tiakmi, kavamakatigit havagitiagiliklogo emalonis oigoyotut elilogo, nonami emak­ miconit Nunavut-mi nalonaiktaonimaniga ovani immavik 1 ovalo immavik 2 ima kihimi elaogittot emmap ohiyotaini togakpiahimagituk. Piahat mighanot. Kanatap kavamagit pianiaktot inokmik, atoktahamiklo manikmik imalonit tamagnik taima piniaktot inokmik togagayomik omona titigakhimanikkot.

6.2.3

Okagiyaotit havaktut maniliukhotit emmakoktot ohityotit nunavutmi nalunaik­ taohimaniga ovalo talvani immavik 1 ovalo 2, elagiyaitlo emmakmi ohiyotit omuna titigaknikot naonaitkota nahaotani 6.2.2, inuit agotikhatigot otiktiyutitakpakniatut maligap kitokolikak apihiyotaitigot. Pipkainagialgit tahapkonona agotikhatigot otitiyotihaitigot maligaktigot kitukolikak apihiyotitigot talvani Nunavutmi naunaitaokimanigani piniaktot haporniyaolotik iniknut emalonit pipkaktalakilogit hivulikmik hapomiyaolotik aikiktakakilogolo talvoga agotinatigot anaomayutighaliuktut ahinilo tagiomi kanataup maligainai ova kitutlikak apihiyotit.

6.2.4

. Pitjotigilogit ohiyaktaotaoyot omiakpait tagiokot Nunavut eloani Zone 1-milo 11- milo, omani Nakataani titigakhimayop ahiagot okakhimayok Nalaani 6.2.2.-mi, Inuit penagiakakniaktut ekayutighanik kanogiliyokakat angotighatigot, maligangoktaoyok atoklogo. Piyagekhimayot angigonmi angotighatigot kanogiliyokakat ekayuhiagotighat maligakot hapommiyaoliktot Nunavunmi imaa Inuit monaktaohimalotik angonahoakpaktot tagiomi ovalo amingnaitomik pihimayaaginni Kanatami maligatigot pihimayaolitik .

ELANGA 3

KITOLIKAK PITYOTIT AGHAGOTAOTAKTOT

6.3.1

"AGIKLIPKAI YUK" aghaniktaktuk, ema honamik pikotikagit-kaloakloni, ta­ mainikmut emalonit ahiguhinikmot ayukhagomi tafoma otititinahoagotilikkot piyotigilogo agiklivaliayot holiyu-tinik talvani Nunavut-mi nalonaiktaohimanigani ehomalotigiyaoyot hapkoak :

(a)

Tamainik ahiguhiniklu piotigiyauyot ovalonit honatlikak atoktaovaktut an­ gotihatigot anaomaotiliogotit ovalonit talvoga agotighat ekilivaliangatigot pi­ himayat,

(b)

Tatyalo hivonihaptinilo tamainik maniktaknikmik hapkonaga angotikhatigut anaomautilioktinit, ovalu

(c)

Tatyalo hivonihaptiknilo tamainik angotikhatigot anaomaotiliokhimayot in­ ukmot atoktakta otiktitinahoagotilgop.

6.3.2

Agiklipkaiyuk piagiakagittok homi tapna agiklipkaiyok ihoahaiyok talvona tamai­ himanikmik ahigohinikmiklo kinalikak ehoiyaigomi, akigaktoigomil onit, agoya­ gomalonilonit, emalonit ekayoktigiahilotik ehoiyayomayut, ayoknakalonit hilap pitkohia, malitiagitotlunit, eghinaomainaktakhaogifot hakogiknigitlo okaohit ehoitot.

6.3.3

Otiktinahoagotilik havagiakaktok oktoloni tahapkonona taimaininut ahigohinikmulu.

6.3.4

Kavamatkut maligaliuktaktot otiktitinahoagutilikmik "agikli pkaiyomik" kilihakak­ titilotik otiktiyotikhatigot totkikhigomi emalo piyotikagiakaktok titkamiklonit naonaitkotakakloni emalo piyagiakaktuk totkohitiakloni piyaotaililogo. Allattigolo­ taok piyotitigot pitailinigitpat ovona titigaknikot. Elitagilogin Inuit ehomalotigiyait tahafomona totkoktiginiaknikot tikipkaiyotighanik, kavamatkot tonihiniaktot honanik atogominaktonik atoktaovaktonik. Kiklikhakaktitilotik otiktiyotikhatigot pityo­ taoniaktuk kanogaluk akilihiniamagat honamik ahigoyukakat agiklipkaiyup pit­ kohiginik.

ELANGA 4

ATOKTAKHAK OTIKTITINAHOAGUTIKHALIONIK

6.4.1

Otiktinahoagotilik, tamnalonit onaoyok DIO onalonit HTO tafomona otiktina­ hoagotilikot havagiakaktok otiktinahoagotikhamik tahapkonona tamahimayotigot ahigukhimayutigolunit titigakloni agiklipkaiyomot. Tamna otiktinahoagotighak havaktaogitpat obloni 30 ni, agiklipkaiyuk tapnalonit otiktitinahoagutilik, ovalonit DIO okoalonit HTO otiktitinahoagotilikkot, aghogotikakniaktuk otitinahoagotik­ hamot talvona ehoahaiyitigot.

6.4.2

Omona titigaknikot kihiagot, otiktinahoagotikhalioktok opaotipkaitakt ok ehua­ haiyinot otiktinahoagotikhakkot ehumalotigiyaonikkot ovona agiklivaliayokot holiyotitigot ovani emmavikl ovalo emmavik 2 onalo otiktinahoagotikhakkot ehua­ haiyotaoni ok ovona agigotaukpat ovani nakatani titigakniop.

6.4.3

Nalagikata otitinahoagutighakot ehoahaiyit aghogotikagiakagitot maligak hakot honatigolunit tautoknaktotigot. Ehoahaiyi nalagikat otiktinahoagot ikhakkot toni­ hiniatut kigovaktinago okomaitkotaoyok Inuit elihimatkoplogit tahapkonona agotikhatigot manikkami ehoakhitiakhimayomi pitkohit maniliogotikhago aghogotaovaktot agotikhatigot lnuknut. Ehoahaiyi pitaktok ayuitonik okaktitiloni tautukhimayonik.

6.4.4

Kitotlikkak pityutit, otiktiyotighat atoinalimaitot maniktaotaogin aklotik. Otig­ tiyotikhaktapakomik emalonit monagiyaoloni Ehoahaiyitigot apihiyotigilogit ta­ hapkonoga nalaktonot.

6.4.5

Otikitinahoagot havaktaoyagiakaktok okioni pigahoni tafoma oblogani pitkotigilogo tamainik ahigohiniklo. Katkahiyotaokpat, ovalonit pigahoni okioni ovani oblogani tamainik ahigohiniklo elitogiyaokpat otiktinahoagotilikmit.

6.4.6

Tamna Ehoahaiyok tohayagiakaktok pityotigilogo ehoahaotikhak aghogot igilogo talvuna otiktiyotikhakot. Tapna Ehoahaiyok piyagiakaktok ehomaliokloni tat­ kikhiotmi ataohikmi (30 ublut) enitigotigilogo nalagikata otiktinahoagotikot.

6.4.7

Elitagilogo hafoma pitkohiha tahafomonalo tamainikot ahiguinikolo ihoigiyo­ taoniakmat otiktiyotkhalik piyagiakaktok tamayanik tamaigomi kivipkaigomilonit otigtinahoagotikaktaktuk emalo akiliktaoloni otiktiyotikhatigot, tapna Ehoahaiyi piyaktok:

(a)

Ehoahaikatigilogo otiktitinahoagotilik tahafomona tamainikot ahigoinikolo pi­ otikaktok emalo hanalgotikaktuk atukpag ainik angohikinikmot anaomaotiliuktok emalunit agohikinikot ekililaktut pihimayait hivoagolo to­ hayotikhap mighatigot honavaluit tamakhimayot emalonit ahigokhimayot.

(b)

Ehuahaikatigilogo agiklilaklogitlo akilikhiyotikhat atotigikataklogit otik­ tiyotighat kanogalok Ehuahaiyip naonaita, onalu

(c)

Hanaiyaklogo tamna elatyotaoyokhak otiktiyotikhakmot namalahilogo ho­ nanot tamakhimayonot ahigohimayonutlonit, akiliotikhak ilaliotilogo akiliotikhak nanminikaknikmot talvonalo pigiakakmat naonaihimalogit tafomga honamilonit kigovautikaktut iniktigiakakmata pitkotit utiktiyutitgot ehoahaiyoot.

6.4.8

Talvani apikhiyotaokmat talvaga otiktinahoagotilikmit, Ehoahaiyi piyagiakaktuk titigaklogo otiktiyotighap ehuahaotagot okaktitagiyot agitkiyak monagiyamini ta­ hafomona Nunavut-mi nalonaiktaohimaniga. Tapnalo otiktinahoagotilik atoktaktok okaktitagiyonik pilogo aghogotigilogo ehoakhaot. Ehoahaiyi pitaktok ekayokti­ haminik ona aghogotigilogo hapna ehoahaiyoot.

6.4.9

Tamna Ehoahaiyi ehumaliokat homi tohapkaktitaiyomayaminik, ayoknai tomik omani otiktinahoagotilikmik tapna aginiaktok pityota.

6.4.10

Ehuahaiyi naunaihigumi tammaktunik ahiguktuniklunin amihutkiyanik atauhimin hulipkaiyumin, tahapkua hulipkaiyut ahuun piyugiyauniaktut, ehuahaiyim piyugiyagun anulahautihanik piniaga maliglugit pijuhiit maligakunlu.

6.4.11

Akiliktutihat piyait ehuahaiyim naunaihinahuahuni piyuhianik huuk ataani umma nakatam akiliktauyunaituk nanminiktaaktumin DIO-kutnin. HTO-kutninlunin ekayugahuahugu pinahuaktuk akiliktahak pikpan HTO-nin ekayugahuahugu pina­ huaktuk kuyaginak piyunaitat NWMB-kut.

ELANGA 5

ALAT PIYAGHAT

6.5.1

Kakugu IIBA eligihimakpan nigyutinun himmauhiutiyahamik tamna angigun pitailiyutihamik piniaktuk kuyagunak nigyutinik hunginimun utiktitinahuagutihamik ataani nakatani 20-mi 21-milu.

6.5.2

. Ukauhigiligumiku IIBA, angigutimiklunin ehumagivlugu nalaani 6.6.2-n-ti, angikati­ giik hunamik maligahamik pingituk naunaigahamik tammaktunik ahiguktaniklunin ummani nakatami. maliglugu unna nalaniituk, alanun piyahanun ehumagiyanun Angigunmin, nigyutinik hammauhinik hivunikaniaktuk hammauhiutauyuk tammaktunun nigyutinun hungiktanunlunin ukahimangman nalaani 6.3.I.

ELANGA 6

AMIGAIKPALIA YOT

6.6.1

Umani pivihaliktak nakatami naguhutaitumik alanun piyunun ehuahaunmiklunin tamna pinahuaktuk kuyaginak atuktauvaktumun maligamun ehummagivlugu tamaininga hungiktinigiutingalu havaktitiyunin. amalunin, pinahuaktuk, ukagi­ yaukpan ehuahaiyimun ataani nalaata 6.4., ehumagiya ehuahaiyim angitkiyak­ panguniaktuk pivlugit tamainun tammaktainun hungiktiyutanunlu titigahimangman nalaani 6.3 (a), (b) (c)-milu maliglugu kihiani Kavamayuatkut ukaktitaaguhiat uktuafanik ataani nalaani 28-mi Kavamayuatkut Ukaktitaaviata maligani, R.S.C. 1985, c. F-7. Piyumayaa havaktitiyut piyaungitpan, pinahuaktuklu pipkaktitaun­ gitpan pinahuaktanik tamaijuminik hungiktiyutiminiklunin havaktitiyunin.

6.6.2

. Hunamik pikagunaituk alatlunin nakatat ehumagivlugu nigyutinun hungiktitauyunun nutkaktitinahuagluni Inuinanik havaktitiyununlu angigutihamingnik alamik hummauhilimait uk nigyutit utiktijutanun umani Angigunmi.

6.6.3

. Omani Nakataani pihimalimaituk tottaklotaoloni kiklighakaktitaoloni ovalonet pittailiningnighakot atoktaghanik penagiakaotighakot kitotlikaa hanakinahoaktot piyaohimayot titikami nalaani Elanga 3-mi pihimayaaginni Kanatami maligatigot pihimayaolitik.